المساعد الشخصي الرقمي

مشاهدة النسخة كاملة : رأيكم في نوكيا n 95


بو فـهـد
24-05-2007, 09:34 AM
صباح الخير

اخباركم ؟؟

بغيت رأيكم بتلفون النوكيا n 95

http://mea.nokia.com/NOKIA_MEA_ARABIC_30/Product_Catalogue/Products/Consumer_Phones/N-Series/N95/n95_96x96.jpg

وكم سعره ؟؟

أخوكم

بوفهد
وحداني قطر
24-05-2007, 09:40 AM
وصل 2600 التليفون حلو بالسفتوير الجديد بس عيبه يفضى بسرعه -- البطاريه --
GPC
24-05-2007, 09:42 AM
شفته أمس بـ 2500 في النجاده
بو فـهـد
24-05-2007, 10:29 AM
مشكورين ع الرد
سمو انسان
24-05-2007, 11:02 AM
من ناحيت السعر ما عندي فكره والله
اما عن رايي فيه (فــــــــــــــــــــــــــــــــــــــــاشــــــ ــــــــــــــــــــــــــــــل)
ALRAYYAN
24-05-2007, 02:03 PM
من ناحيت السعر ما عندي فكره والله
اما عن رايي فيه (فــــــــــــــــــــــــــــــــــــــــاشــــــ ــــــــــــــــــــــــــــــل)

فاشل جدا :anger2:
حياتي
24-05-2007, 03:31 PM
طيب شنو السبب انه فاشل لانه صاحب الموضوع كاتب رأيكم فيه مع ذكر الاسباب
توماهوك
24-05-2007, 06:16 PM
أنا شريت واحد .. وبصراحه في البداية تحسفت جدااااااااااا أني اشتريته لأن البطارية يوم واحد وتفضى بدون أي مكالمات ... وديته للوكيل عندنا أكسيوم تيليكوم ... جلس عندهم 3 ايام نزلوا عليه سوفتوير جديد وعالجوا المشكلة وصار 100% ممتاز .... وبصراحه الجوال جدااااا أنيق ورزه ووظائفه حلوووه .... أنصح بالشراء

ابوتركي
سهم طايح
24-05-2007, 11:17 PM
فاشل

حجم

برمجه

بطارية

يعني مافيه شي يميزه
المهاجر
24-05-2007, 11:32 PM
انصحك لا تشتريه
simsim1963
24-05-2007, 11:53 PM
مافيه Gps ؟ سمعت لازم تشترك في خدمه المواقع او شئ من هذا القبيل ؟
شفاف
26-05-2007, 10:31 PM
شباب كنت مسافر الامارات والبحرين والـ Gps شغال 100% وبلاش

واستخدامه جدا سهل و وفر علي مشاوير بس ليش مب شغال عندنا

من يومين وانا احاول بس مايصير..

حتى اشارة القمر الصناعي الي يطلع يوم تستخدم الـMaps عندنا اهني

يكون عليه إكس احمر X

أما اهناك يطلع لي إرسال )))

في حد يعرف شلسبب ... كيوتل مانعه الــ Gps على N95 ولازم إشتراك ولا شسالفه!
بو فـهـد
27-05-2007, 08:32 AM
مشكورين اخواني

ع الرد

بس ليش فاشل عطوني سبب

أخوكم

بوفهد
خالي مشاعر
27-05-2007, 10:25 AM
شباب كنت مسافر الامارات والبحرين والـ Gps شغال 100% وبلاش

واستخدامه جدا سهل و وفر علي مشاوير بس ليش مب شغال عندنا

من يومين وانا احاول بس مايصير..

حتى اشارة القمر الصناعي الي يطلع يوم تستخدم الـMaps عندنا اهني

يكون عليه إكس احمر X

أما اهناك يطلع لي إرسال )))

في حد يعرف شلسبب ... كيوتل مانعه الــ Gps على N95 ولازم إشتراك ولا شسالفه!

لا اخوي كيوتل مب مانعته لان هذا مع القمر الصناعي وكيوتل ماتقدر تمنع القمر الصناعي
(اظن ان لو يقدرون كان اقطعوه وخلوه بفلوس)
بس انت لازم اتكون برع البيت وتنطر عليه شوي على شان يشبك مع القمر الصناعي
علي بن جبر
27-05-2007, 11:47 AM
تلفون ممتاز
نادي الهواة
27-05-2007, 01:29 PM
انا اقولك تعبان مايصلح
بو فـهـد
28-05-2007, 08:54 AM
انا اقولك تعبان مايصلح

ليش تعبان شنو السبب ؟؟

أخوك

بوفهد
الفارس111
30-05-2007, 11:52 AM
صباح الخير ياشباب اما بخصوص التليفون
فهو ممتاز جدا ونظام الخرائط شغال بس المشكله كلها متعلقه في كيوتل اللي
داشة في كل شي وباقول لكم السبب اللي خلاني اقول هالكلام

جربت كرة هلا على التليفون وحطيت فيه مائة ريال وشغلة الجهاز على نظام الخرائط
وفجائة في نفس اليوم طار الرصيد ونظام الخرائط رفض يشتغل ، واتصلت في كيوتل وقالو لي
ان استخدام نظام الخرائط محسوبه عليك سواءً على الستلايت او على غيره وفي نفس الوقت اتصلت على الشركة وتفاجؤ من الموضوع وسلامتكم

وبصراحه منقهر من كيوتل
شكلهم لو ان الهواء بينباع كان باعوه علينا الله يفكنا منهم
بوحارب
30-05-2007, 11:52 PM
واحد ماخذة ومتحسف يطلع من البيت وهو فل شارج

الساعة 11 الظهر التلفون مبند crazy crazy

بس الحبيب محللة صح المجموعة في الجوال شغالة من الساعة 8.30 :con2:

وسعرة غااالي انطر عليه اشوي مصيره 2280<2080<1930 :funny: :funny:

على حسب الشارت عندي{ اشدخل} :deal: :deal:

وانصحك بالأستخارة

وموفق يالغالي ;)
بو فـهـد
31-05-2007, 09:43 AM
هلا والله

بخصوص سالفة الشارج

يمكن البلوتوث دوم شغال

انا اصكر البلوتوث الا للضرورة

واذا خليته ع الشارج اصكره

وجذيه يتم الشارج فترة اطول

مع تجربه بجميع التلفونات

وانا اخذت الجوال ومن امس

الظهر شرجته والين الحين فل شارج

اخوكم

بوفهد
Most Wanted
31-05-2007, 11:13 AM
الجوال مافي مثله كل الأمكانيات موجوده (GPS, wifi) والبطاريه نفس الجوال العادي الي مافهي شي

انا عندي صار له أسبوعين صج مثل ما قالو البطاريه مشكله منت اجرجه في الليل و أرد اجرجه مرره ثانيه في الليل تدررري توني مشتريه وقاعد أجررب كل شي فيه هذي كان اول الأيام بس ألحين البطاريه تم معاي يومين وهذي معقوله بالنسبه للي موجود فيه

بالنسبه للنافغيشين هو ببلاش وكيوتل مالها دعوه في

ه الشي الوحيد اللي كيوتل لها خص فيه مسألة تنزيل الخرايط اللي تكون عن طريق الGPRS ومعرروف ان الوحد ميغا بعشر ريال وهذي لها حل يعني تنزل الخرايط عن طررريق برنامج اسمه ال maploader تقدر تنزله عن طريق موقع النوكيا وهذي انا اللي سويته نزلت خرايط الخليج كامله وببلش يعني ما أستخدمت التلفون
eXpert*
31-05-2007, 11:44 AM
بخصوص البطارية :-

صكر البلوتوث

قلل من اضاءة الشاشة

صكر نظام الهزاز في حالة الوضع عام يعني مافيه داعي للهزاز دام النغمة ترن

نظام الـ 3g حول الشبكة على الـ Gsm .

الخلفية قدر الامكان مايكون فيها انيميشن ،ايقاف شاشة التوقف .

انا بصراحة ما جربت التلفون بس هاذي بعض الي اعرفة من خبرتي ويا باقي التلفونات وتقريباٌ كلها نفس الشي .
ANONYMOUS
31-05-2007, 02:38 PM
انا ركبت ال جي بي اس في ال N73

وركبت فيه كرت هلا.. وطار الرصيد بسرعه..

يعني بفلوس

وخلوا عنكم السوالف..

شكرا
eXpert*
31-05-2007, 02:50 PM
يالغالي اكيد بيطير الرصيد لانه خدمه الـ Gprs مش مجانية كل واحد ميجا = 10 ريالات على ما اذكر ،، لانه الخرايط تشبك من الانترنت .