المساعد الشخصي الرقمي

مشاهدة النسخة كاملة : شركة نصب كبيره في البحرين .. احذروهاا



HADi
24-05-2007, 08:35 PM
السلام عليكم

يا شباب حبيت اقدم لكم نصيحه عن شركه

تستهدف السواح في البحرين وخاصه المتزوجين

والشركه اسمها .. الأجازات العالميه

انا اسوي تشهير بشركه لانها فعلا تحتاج الى الحذر منها

واليكم قصتي ..

كنت مسافر مع زوجتي للبحرين

وكنا في مجمع الدانه

واذا بشخص .من جنسيه عربيه يقول لي لو سمحت ممكن دقيقه

قلت له تفظل ..

قال: احنا راح نطرح عليك سؤال وبمجرد اجابتك عليه سوف تفوز بهديه قيمه تليق بمقامك

قلت : تفظل

قال: ماهي اقدم عاصمه عربيه

قلت : دمشق ..لاني سامع هذي المعلومه من فتره

فقال : فعلاً ما شالله عليك

المهم قال لي جازتك اهي اقامه في اي دوله مدة اسبوع وفي اي وقت تحبه

وعطاني كرت وقال بس لازم

انك تحظر معنا احنا نقدم عرض وراح نعرض عليك برنامج مدته ساعتان في مكان يليق فيك
انت والمدام فقلت له اوكي

وانا بصراحه صار لي 3 ايام في البحرين لفيتها كلها وكنت اصلا مب عارف وين اروح

واستشرت المدام وقالت خلنا نروح ونشوف.

وكان مكانهم في اعلى برج في البحرين برج المؤيد

المهم دخلنا وستقبلونا افظل استقبال ولقيت عدد كبير من العائلات

كل عائله على طوله ومعاهم واحد يشرح لهم

والمهم جانا واحد وقام يكلمنا عن الشركه

وبعدين قام يكلمنا عن نظام الشيرنق تايم

وانا مره شفت برنامج عن الشيرق تايم ومميزاته ... واهو فعلا برنامج ممتاز ولكن

كنت متخوف من الشركه

وفي نص الشرح سمعت الكل يصفق والسبب شخص وقع عقد معاهم

وبعد مده نفس الشي

في فترة وجودي وقع تقريبا ثلاث اشخاص من الامارات والسعوديه

اهم قالوا لي سعتين وانا قعدت 4 ساعات

في الاخير عرض علي القد وكان عرض خاص .. اذا وقعت في نفس الوقت

طلبوا مني مقدم عشرين الف

عاد انا حبيت اصرف نفسي فقلت بطاقتي ماتعطي 20 الف كحد اقصى فقط 10 الاف ريال

قالي زين تعال جرب ..

وانا متاكد وعارف انها ما تعطي

المهم رحت معاه وانا متاكد ..

قالي جرب البطاقه جربتها ما سحبت
قال اااه صحيح ليش كذا

المهم رحت ورجعت على طولتي

رجع لي وقال باقي عشره الاف ؟

قالت له شنهوووو

ليش انا ما عطيتك شي قال لا انا حاولت بعدك وقدرت اسحب

مع ان البطاقه معاي

قلت له ليش وشلون وعصبت

وطلبت منه يكنسل ..وهو يحاول يهديني قلت لا خلاص كنسل



ومابيني وبينكم عقد شلون تسحب

قال خلاص بكنسل وكنسل وعطاني اورقة التكنسل

بس قالي المبلغ مايرجع في نفس الوقت يحتاج ثلاث ايام قلت له مو مشكله

المهم اول مارجعت قطر بلغت البنك ( مصرف قطر الاسلامي)

وقالوا لي كلامهم سليم يحتاج وقت راجعنا بعد اسبوع

كلمتهم بعد اسبوع وكانت الصدمه الكبيره..

تم سحب مبلغ 5800 من الحساب ..من نفس المكان

من يومين ... يعني انسحب وانا موجود في قطر


وقلت للموضف شلون قال مادري

تبينا نعمل مطالبه ؟ قلت له المبلغ راح يرد

قال نعم لازم يرد

هذي السالفه من شهر واحد والحين احنا شهر 5 والفلوس ماردت

بوخالد2
24-05-2007, 08:46 PM
يسلمو على الخبر هذاا

ROSE
24-05-2007, 10:14 PM
لاحول ولا قوة الا بالله اعوذ بالله من هالناس اللي ماعندها ضمير

تسلم اخوي على التحذير والله يعوضك ان شاء الله وتقدر تسترد فلوسك

الامير
24-05-2007, 10:43 PM
هذانوع من الشركات من زمان على ماذكر كانت في الاردن في تسيعنات يوم كنت ادرس بس لان في كل دول العربيه بس انا مستغرب من دول الخليج ليش الجهات الامنيه مخليتهم

الكواري 1972
24-05-2007, 10:47 PM
هاي الشركات موجوده في كل مكان

عملهم نصب واحتيال

اخوي لكن انت تتهم المصرف بتقصيرهم معاك
وانت مشارك مع هذول الحراميه روح دبر لك صرفه وتلحق عمرك
اشتك عليهم

والله يعينك ويساعدك

halcrow
24-05-2007, 11:36 PM
الله العالم يمكن الناس الي وقعو كلهم كمبارس ....الله يعينك ...انا عني ماكنت اعطيهم وجه لافي قطر ولا برع الدوحه ... بس اذا حبيت اختبر معلوماتي الثقافيه اكلمهم :)

التيما
24-05-2007, 11:41 PM
اذكر صارت لي في مصر نفس القصه بس انا ما رحت الحفل اللي سووه .. صج نهيبه حسبي الله عليهم

simsim1963
24-05-2007, 11:56 PM
لازم كنت تشتكي عليه في البحرين

بن كهلان
25-05-2007, 12:20 AM
الله يعينك اخوي ومشكور على التحذير

الجمارك
25-05-2007, 12:29 AM
ماضاع حق وراه امطالب

والله يعينك

HADi
25-05-2007, 02:35 AM
هاي الشركات موجوده في كل مكان

عملهم نصب واحتيال

اخوي لكن انت تتهم المصرف بتقصيرهم معاك
وانت مشارك مع هذول الحراميه روح دبر لك صرفه وتلحق عمرك
اشتك عليهم

والله يعينك ويساعدك

انا ستيأي من البنك بسبب

اني اتصلت فيهم وشرحت لهم الي صار

وبعدها بيومين اكتشف انهم اسحبو مبلغ ثاني... شلون يسحبون والبنك انا معطيه خبر عن السالفه ومسوي مطالبه

السبب الثاني وعود البنك لي .. انتظر انتظر كلمنا بعد شهر بعد اسبوع بعد ثلاث ايام

ولا صار شي

اهم وعدوني ان هذا اختصاصهم واهم راح يردون المبلغ في خلال شهر

الغريب.ع/ع/ع
25-05-2007, 02:51 AM
مشكور على النصيحة
شركات النصب موجودة في البلاد والمندوبين في المجمعات التجارية يتصيدون الناس الي راتبهم فوق الستة الف ريال
وانا من الي النصبوا علي ونفس الاسلوب الي صار معك
والله يعينك اخوي



اخوك الغريب

AL_MUTAEM
25-05-2007, 02:53 AM
كلامك صحيح اخوووي ..

قبل ثلاث سنوات كنت في دبي .. واتصلوا فيني على تلفون الغرفه وابلغوني اني فائز معاهم بتذكره الى اي مكان ارتضيه بشرط الحضور عندهم فأعتذرت فقال لي هذا رقمي واذا فيه مجال يشرفنا حضورك ..

فقلت الموضوع لصديق كان معي من الامارات فقال دعنا نذهب اليهم وسنرى ..

فأتصلت ففرح وقال نحن بالطابق 17 بعمارة (...) على البحيره بالشارقه ..

فذهبنا وبعد ساعه من الشرح عن بعض المشاريع ( شاليهات بلبنان وقبرص ) فأذا بالاناره تنطفئ تتدريجيا وارى فلاشات الكاميرات والتصفيق الحار فألتفت فرايت شخص يلبس الزي السعودي فسألتهم فقالوا انه اشترك معاهم واعطوه اكياس كثيره عباره عن هدايا ..

المهم ...

رفضت الاشتراك فحاولوا بطرق شتى حتى انهم يستعرضون بعض الفتيات لكي توافق على الاشتراك بطرق سخيفه ..!!!!

خرجنا ونحن نضحك على هالاسلوب التافه للتسوق ..

بعد اربعة اشهر كان مع صاحب من قطر وانا كنت مبلغة بالقصه السابقه ..

سكننا نفس الفندق فأذا بشخص يردد علينا نفس الكلام فوافقنا لان صاحبي كان يريد ان يضحك ..!!

وكان نفس السيناريوا ..


واقسم بالله لقد انطفأت الانوار فأذا بي ارى نفس الشخص الذي اشترك معاهم قبل 4 شهور ..

فقلت للموظف هالشخص فاز معاكم قبل فتره وانا شايفه ونفس هالحركات سويتوها .. فأنكر وقال هذا شخص اول مره يجي عندنا ..

فذهب للشخص الفائز ( على قولتهم ) فسألته انت ماكنت هنا قبل اربع شهور وصار معاك نفس هالكلام والتصوير وهذه الكميه من الاكياس(هدايا) ؟؟؟

فرد علي بلهجه مصريه وقال انت مالك ... فلوسي وبكيفي ابعزئها على كيفي ..

فقلت له انت مش من الجنسيه السعوديه ( على ذمة الموظف ) فقال لا

لا وطلعت الاكياس فاضيه بعد ..

فصراحة مجرد نصب على عقول هالناس الطيبين ..


انا آسف على هالاطاله .. بس بغيت اروي نفس اللي جرى لأخي HADi

ALTAMIMI
25-05-2007, 06:17 AM
الله يهداك يا هادي وش وداك لهوذولا.
الله من العروض كذا في كل مكان لكن ما نعطيهم وجه.
لا وترى في بعض الدول يستخدمون بنيات يقطن الطير من السماء.
اساليبهم كثيره لكن الحذر الحذر.
الله يعوض عليك.

بو نايف
25-05-2007, 10:44 AM
في شركات عندنا في الدوحه تتخذ نفس الطريقه !!

واخرهم شركه تقول انها شركه كويتيه ..

يكلمونك بنات على ارقام عشوائيه ويطلبون حظورك ويغرونك بأقامه لليلتين في اي فندق >>>طبعاً كلام فاضي

عشان تشترك معاهم !! وتدفع 20الف..

وفي كثر ما عندهم خلفيه ويطيحون فيها ..

Qt.1
26-05-2007, 10:48 PM
والله اخوي انا نفس الشي كل ماروح مع الااهل البحرين احصلهم في مجمع الدانه في ويهي ايقولي لو سمحت ممكن دقيقه اقوله لاا مب ممكن واخليه ايولي لاانه اصلاا من اشكالهم اتعرف انهم نصابيين ..الله يعوضك خير وان شاء الله اترد افلوسك ياخوي ..

Qt.1
26-05-2007, 10:50 PM
كلامك صحيح اخوووي ..

قبل ثلاث سنوات كنت في دبي .. واتصلوا فيني على تلفون الغرفه وابلغوني اني فائز معاهم بتذكره الى اي مكان ارتضيه بشرط الحضور عندهم فأعتذرت فقال لي هذا رقمي واذا فيه مجال يشرفنا حضورك ..

فقلت الموضوع لصديق كان معي من الامارات فقال دعنا نذهب اليهم وسنرى ..

فأتصلت ففرح وقال نحن بالطابق 17 بعمارة (...) على البحيره بالشارقه ..

فذهبنا وبعد ساعه من الشرح عن بعض المشاريع ( شاليهات بلبنان وقبرص ) فأذا بالاناره تنطفئ تتدريجيا وارى فلاشات الكاميرات والتصفيق الحار فألتفت فرايت شخص يلبس الزي السعودي فسألتهم فقالوا انه اشترك معاهم واعطوه اكياس كثيره عباره عن هدايا ..

المهم ...

رفضت الاشتراك فحاولوا بطرق شتى حتى انهم يستعرضون بعض الفتيات لكي توافق على الاشتراك بطرق سخيفه ..!!!!

خرجنا ونحن نضحك على هالاسلوب التافه للتسوق ..

بعد اربعة اشهر كان مع صاحب من قطر وانا كنت مبلغة بالقصه السابقه ..

سكننا نفس الفندق فأذا بشخص يردد علينا نفس الكلام فوافقنا لان صاحبي كان يريد ان يضحك ..!!

وكان نفس السيناريوا ..


واقسم بالله لقد انطفأت الانوار فأذا بي ارى نفس الشخص الذي اشترك معاهم قبل 4 شهور ..

فقلت للموظف هالشخص فاز معاكم قبل فتره وانا شايفه ونفس هالحركات سويتوها .. فأنكر وقال هذا شخص اول مره يجي عندنا ..

فذهب للشخص الفائز ( على قولتهم ) فسألته انت ماكنت هنا قبل اربع شهور وصار معاك نفس هالكلام والتصوير وهذه الكميه من الاكياس(هدايا) ؟؟؟

فرد علي بلهجه مصريه وقال انت مالك ... فلوسي وبكيفي ابعزئها على كيفي ..

فقلت له انت مش من الجنسيه السعوديه ( على ذمة الموظف ) فقال لا

لا وطلعت الاكياس فاضيه بعد ..

فصراحة مجرد نصب على عقول هالناس الطيبين ..


انا آسف على هالاطاله .. بس بغيت اروي نفس اللي جرى لأخي HADi

والله اني ضحكت لين قلت بس الله يعطيك العافيه ..

مستثمر 999
26-05-2007, 11:21 PM
الله يعوض عليك

احمد ربك انها جات على كمن الف

ما اعتقد انهم بردون لك شي و\لانهم عارفين انك بعد شهر ما تقدر تشتكي عليكم حسب اللوئح والقوانين

ولو تقرا الفاتوره او قصدي كشف الحساب للفيزا تحت مكتوب اذا لم تتم المراجعه خلال مده اقصاها شهر ..........تكون المبالغ المطلوبه صحيحه ...........الخ الخ

mnmn172
27-05-2007, 12:55 AM
الله يعوض عليك أخوي والله يعطيهم على قد نيتهم

عنابية قمر
27-05-2007, 07:35 PM
http://www.hmsalwrd.com/up/File/1180283718.gif

راعي ال x5 الاسود
28-05-2007, 01:35 AM
يعطيك العافية اخوي
على سبيل المقال عندنا في قطر الفصول الاربعة نفس ستايل الشركه الي ذكرها اخوي فاحذروها

بـــ ح ـــر
28-05-2007, 03:17 AM
للمعلوميه يوجد نفس هذه الشركات وهي للسفر والسياحه وموجوده في الدووحه من فتره

ارجو الحذر منهم

عتيج الصوف
28-05-2007, 03:40 AM
للمعلوميه يوجد نفس هذه الشركات وهي للسفر والسياحه وموجوده في الدووحه من فتره

ارجو الحذر منهم


مرة مريت عليهم وتمللت من كثرة الاسئلة ,,,وبالاخير قلت لهم مشكور وماقصرتوا ومع السلامة,,,,بس للامانة عطوني كوبون للذهاب الى لبنان حسب مااتذكر للسكن المجاني في احد الفنادف ثلاثة ليالي ولااذهبت ولا شيء,,,,,,وتلاقي بعض موظفيهم عند شارع البنوك وهذا الكلام يمكن من سنتين او 3 سنوات ,,,,بس اشوف ان هناك فرق بين هناك وهنا ,,,,,لان هذا النظام معمول به عالميا ,,,,وهو السكن في احد الاماكن بتواريخ معينة ولكن بالنسبة لرأي الشخصي لااحب هذه الطريقة فانت ملزوم بالسفر بوقت معين ويجب ان يكون نظامك محدد وهي صعبة نظرا للظروف المتقلبة في الحياة

بدور
29-05-2007, 08:52 AM
:looking: :looking: :looking:

حضن القمر
19-06-2007, 08:32 PM
الأخ الفاضل هادي
بعد التحية
أفيدك علماً بأنني أحد الذين وقعوا في فخ الاجازات العالمية بالبحرين وكان الكلام على أنه
استثمار يعني ادفع لهم وهم يقومون بالتأجير لي ودفعت لهم مبلغ خمسة عشر ألف ريال ولي فترة الحين موقف باقي الاقساط لاني اكتشفت انهم نصابيين ..
ما راح اطول عليك لكن أحب اقولك ان احنا رفعنا شكوى إلى النيابة في البحرين وحولولها على الشرطة وأفادتنا الشرطة بأن كثير الحين مقدمين شكوى وقالوا لنا اللي تعرفونهم وقعوا
في هذا الفخ خلهم يجيو يقدموا شكوى وانا جالس الحين اجمع عدد والى الحين احنا ثلاثة
أتمنى أنك تراسلني على الأيميل أو ترسلي برسالة خاصة ايميلك علشان اذا لك رغبة انك
تنضم معنا في المجموعة
وهذا ايميلي ma804@hotmail.com
وهذا في احد وقع في فخ هؤلاء النصابين اتمنى يراسلني وأتمنى من الإدارة اذا تحب الخير للي وقعوا في هذا الفخ انهم ما يحذوفوا الايميل علشان نقدر نجمع عدد ونوقف الشركة عند حدهم.

eXpert*
19-06-2007, 09:01 PM
بس عندي سؤال واحد الحين هل الشركات هاذي قانونية !!

هل لها سجل وترخيص ولا كلام فاضيّ ؟؟ ذاا مالها اي تسجيل فمحد راح يقدر ياخذ حقه لانه في قطر كانوا يأجرون شقه في عمارة سكن عادية وحتى الشقه لا عليها لا اسم شركة ولا لوحة ولا شي !! انا اظن انه مب مرخصه اساسا من الدولة يعني في ايا لحظه يكنسلون عقد ايجار الشقة ويشيلون عليه !!

مادري شرايكم ؟

حضن القمر
19-06-2007, 09:27 PM
أخي الفاضل eXpert* الشركة لها سجل تجاري وقانوني معترف فيه
بس تدري وين المشكلة في هذه الشركات ؟؟!!
المشكلة يا طويل العمر في أنها اولاً لما حطت الشروط اللي بالعقد حطتها على دراسة القانونية
بحيث تحميها من أي شكوى أحد يتقدم ضدها واللي صاير لما يجلس مندوبهم مع الشخص ويغسل دماغه بشكل صحيح لين الشخص يوافق على اللي عرضوا عليه ولعلمك الخاص أنهم ما يسمحوا أنك تتطلع وتستشير وكلام طويل عريض فتشوف بالتالي نفسك توقع العقد وانت مبسوط ولما تتطلع بعد يومين ثلاثة او اضعف الايمان لما ترجع لبلدك اللي يصير انك تستفيق من اللي صار وتبتدي رحلة الكآبة ..

بس أنا وراهم وراهم واتمنى مثل ما قلت بالسابق من اللي وقع في فخهم أنه يراسلني وأكون له من الشاكرين ,،،

مـــ الروح ـــلاك
19-06-2007, 09:28 PM
أخــــــــــوي هـــــــــادي

جــــــــزاك الله خيـــــــــراً لنقلك الخبر

وأفيـــــــــــدكم علماَ بأننا أيضاً ممن وقعوا في هــــذا النصب بالقاهره

وبعد ما أخــــــذوا فلوسهم ماشفنا منهم ولا شي من العروض التي قدموها لنا

والطامة الكبرى انهم قـــاموا يتصلون لنا بالدوحه يطالبونا وعلينا بدفع كذا وكذا

ღ♥ღ مـــ الروح ـــلاك ღ♥ღ

حضن القمر
19-06-2007, 09:31 PM
الاخت الفاضلة ملاك الروح
لا تدفعوا لهم ولا عليكم منهم أنا دفعت دفعة أولى والباقي لي اكثر من سنة ونصف ولعلمك الخاص انهم فقط كانوا يكلموني في البداية ولما عرفوا ان احنا اكتشفنا السالفة بطلوا ما عاد
يتصلوا فينا ..

ساحر قطر
19-06-2007, 10:32 PM
اقول اخوي الغلط منك لان الواحد اللي كلمك من مجمج الدانة يشتغل عندهم وله نسبة وانت اعجبتك السالفة ورحت لهم بيدك ,الله يعوضك خير ان شاءالله ومادري ليش تحبون تجربون وماتتشاورون مع من هم اكثر منكم خبرة في اي مكان كنت والمفروض تسأل حد من الاخوان او الربع عندك وعقب تقرر مب على طول تروح مع المدام ,وسوري على الاطالة.

الواعد
20-06-2007, 01:00 AM
السلام عليكم

أنا صارت لي نفس السالفة فأنا كنت طالع من كيوتل السد وطبعا

يقابلك واحد منهم ويقول لك ممكن دقيقة ........................... الخ السالفة المعروفة

المهم أنا رحت البيت وثاني يوم الظهر وأنا نايم إلا وحدة تدق علي

الأخ فلان ؟ نعم ، عندك موعد الساعة 3 او 4 لاتنسى

تأخرت شوي إلا ويدقون مرة ثانية صاروا نشبة بجد

المهم أنا كنت متخوف منهم بجد ووديت أخوي معاي اللي اكبر مني

المهم والله أني ناسي وين مكانهم الحين المهم مكان غامض

في عمارة ونفس الحكاية كل طاولة عليها ناس زينا وحواليهم بنات

وكل وحدة تحاول تقنعك ويشغلون لك برنامج عن المشاريع في الفيديو

وحاولوا معنا ان نوقع على اوراق لشراء أراضي في لبنان

أنا بصراحة بديت اشك في كلامهم ومحاولاتهم المستميتة للتوقيع

فقلت لأخوي لاتوقع ولا شيء ولاتعطيهم اي عنوان ابدا

بس خلنا نطلع وبس ، المهم هم حاولوا يقنعونا بأنهم مايبون إلا مبلغ بسيط

والباقي على اقساط قلنا ماعندنا حالياً قالوا مافيه مشكلة بس وقع وبعدين ناخذها

منك ( الكلام ناسي منه المهم انه مقارب له جدا )

في الأخير أنا زهقت منهم وقلت لأخوي قووووووووووم خلاص لازم نطلع

فقال أخوي ياالله بنطلع فاعطونا تذكرة للأردن تقريبا ماادري باي تاريخ

من كرهي لهم التذكرة ماادري وين قطيتها بالبيت

المهم طلعنا من عندهم بدون مانوقع على اي ورق ابدااااااااااااااااااااااااااااااا

وحذاري حذاري من هالأشكال وهم موجودين بالدوحة بكثرة

وياما قابلوني بعد فترة اول ماقال لي : ممكن .......... قلت : لالا مو ممكن مع السلامة

وواحد من الأصدقاء نفس القصة صارت له بس زين انه كلمني وسألني تعرف

شيء عن هالناس ؟؟؟ فقلت له احذر لاتروح لهم ابدااااااااااا وقلت له سالفتهم

والحمدلله ماراح لهم ابدا

المشكلة اذكر جاء في احدى جرائد قطر بيان من رئيس الشركة ينفي انها شركة للنصب

وللأسف هو من اهل قطر ، ولكن لاتهتموا بكلامه خذوا حذركم منهم .


تقبلوا تحياتي

البرنس-قطر
20-06-2007, 08:44 AM
كانت في الدوحة قبل سنوات

ALRAYYAN
20-06-2007, 08:59 AM
انا مادري شلون ساكتين عنهم ومخليينهم يسرحون ويمرحون على كيفهم

حسبنا الله ونعم الوكيل فيهم .... الفلوس عمت عيونهم وصار الحرام عندهم نفس الحلال ويمكن الحرام احسن واسرع

عسى الله يكشفهم للجميع ولايوفقهم هالحراميه

متفائلة خير
20-06-2007, 09:54 AM
الطمع ضيع ما جمع

HADi
20-06-2007, 11:52 PM
الأخ الفاضل هادي
بعد التحية
أفيدك علماً بأنني أحد الذين وقعوا في فخ الاجازات العالمية بالبحرين وكان الكلام على أنه
استثمار يعني ادفع لهم وهم يقومون بالتأجير لي ودفعت لهم مبلغ خمسة عشر ألف ريال ولي فترة الحين موقف باقي الاقساط لاني اكتشفت انهم نصابيين ..
ما راح اطول عليك لكن أحب اقولك ان احنا رفعنا شكوى إلى النيابة في البحرين وحولولها على الشرطة وأفادتنا الشرطة بأن كثير الحين مقدمين شكوى وقالوا لنا اللي تعرفونهم وقعوا
في هذا الفخ خلهم يجيو يقدموا شكوى وانا جالس الحين اجمع عدد والى الحين احنا ثلاثة
أتمنى أنك تراسلني على الأيميل أو ترسلي برسالة خاصة ايميلك علشان اذا لك رغبة انك
تنضم معنا في المجموعة
وهذا ايميلي ma804@hotmail.com
وهذا في احد وقع في فخ هؤلاء النصابين اتمنى يراسلني وأتمنى من الإدارة اذا تحب الخير للي وقعوا في هذا الفخ انهم ما يحذوفوا الايميل علشان نقدر نجمع عدد ونوقف الشركة عند حدهم.

اكيد بكون معاكم

بس انا ماوقعت معاهم العقد .. يعني ساحبين الفلوس بدون ما اوقع معاهم اي شي

على العموم كثل ما قلت انا معاكم .. طرش لي التفاصيل على الخاص شنهو المطلوب مني وانا حاظر

HADi
21-06-2007, 12:03 AM
أخــــــــــوي هـــــــــادي

جــــــــزاك الله خيـــــــــراً لنقلك الخبر

وأفيـــــــــــدكم علماَ بأننا أيضاً ممن وقعوا في هــــذا النصب بالقاهره

وبعد ما أخــــــذوا فلوسهم ماشفنا منهم ولا شي من العروض التي قدموها لنا

والطامة الكبرى انهم قـــاموا يتصلون لنا بالدوحه يطالبونا وعلينا بدفع كذا وكذا

ღ♥ღ مـــ الروح ـــلاك ღ♥ღ

لحول ولا قوة الا بالله

الظاهر امثال هذي الشركات في كل مكان ...

من مشاركات الاعضاء ان فيه في قطر بعد

انا استغرب من القانون ... الي مايقدر عليهم

HADi
21-06-2007, 12:07 AM
اقول اخوي الغلط منك لان الواحد اللي كلمك من مجمج الدانة يشتغل عندهم وله نسبة وانت اعجبتك السالفة ورحت لهم بيدك ,الله يعوضك خير ان شاءالله ومادري ليش تحبون تجربون وماتتشاورون مع من هم اكثر منكم خبرة في اي مكان كنت والمفروض تسأل حد من الاخوان او الربع عندك وعقب تقرر مب على طول تروح مع المدام ,وسوري على الاطالة.

اخوي ساحر قطر

انا ادري ان الي في مجمع الدانه شغال معاهم هذا شي اكيد

واسمحلي الخطء مو خطاي ولا خطء السايح

الخطء في القانون الي يسمح لهذي الشركات ممارست عملها الي مبني على الغش

انا نظام الشيرنق سامع عنه واهو برنامج ناجح في اروباا

وحتى اهنا ممكن ينجح بس للاسف اهم وامثالهم سوها مدخل لنصب والحتيال

nor85
23-06-2007, 06:11 AM
هوذولا عصابات تلقهاهم كل مكان احنا كنا في مصر من 9 سنوات تقريبا واجمعوا الخليجين بس بس احنا فهمناهم وطلعنا منهم والسنه اللي فاتت نفس الحاجه لقونا بعد في مصر ومشينا عنهم وجاءت فتره صاروا عندنا في الدوحة كانوا تلقاهم في السد بلازا من 6 سنوات ترى هوذولا كل مكان تلقاهم وينشطون في الصيف. الله يعوضك

بوخالد911
23-06-2007, 11:15 AM
انا ما اعطيهم ويه كلش

أمشي عنهم واسوي نفسي ما اسمع

لاموشي
24-06-2007, 12:03 PM
الله يعينك وهالشركات موجودة في الدوحة ويلحقونك عند كيوتل السد والبورصة والستي المول صج مايستحون تقولة انا مابي يقولك عشان خاطري دقيقة تحس انة يذل عمرة بس عشان يحصل فائدة منك

بوخالد911
24-06-2007, 01:17 PM
هلا

مرة شافني واحد منهم عند البورصة ؛
قال لي : دقيقة يمكن بتفوووز بسيارة !!

قلت له : معليه ؛ اتصل بي على الفااااكس !!!!!!!!!!!!!!!!!!!!!!!
:)
:)
:)

الراقية
24-06-2007, 01:20 PM
تسلم اخوي على التحذير

والعوض براسك

لكن ما ضاع حق وراه مطالب ...طالب فيه وانا اختك

Bo-3abed
25-06-2007, 11:27 AM
مافي أمل اوقف علشانهم
بس صدق انا مستغرب شلون ساكتين عنهم ؟؟؟

bo_hamad
25-06-2007, 11:38 AM
اشكرك على الخبر ووعي الشباب وتحيااتي

Bin Hood
25-06-2007, 11:14 PM
اخوي هذاي السالفة من زمان يسونها لنا

مرة الوالد سوو له السالفة

سألوه شنو اكثر دوله ايون لها سياح من العالم ؟

الوالد : قال لندن

قال له الموظف : مبروك فزت بجائزه سفرة اسبوعين

بس الوالد هب عيله هالسولف

قال له مشكور مانبي جوائزكم

بس يوم رجع البيت تذكر ان اسبانيا اهيه الاجابة وهب لندن


حراااااااميه على كيف كيفك

كويتى جديد
26-06-2007, 02:06 PM
هذى العمليه صارت معاى بالاردن قبل 10 سنوات دوخونى ودوختهم وماحصلوا منى شى واخر شى عطونى سكن فى قبرص ومارحت شكلهم يوهقون اخوى مع الاسف انت غلطان ........... ليش تعطيهم البطاقه فيه طريقه غير ماتعطيهم البطاقه وتتخلص منهم ..........

قطراوي للأبد
27-06-2007, 01:13 AM
جزاك الله الف خير زين إنك بلغتنا


ولك اجرنا إن شاء االله

الاسهم الخليجية
29-06-2007, 07:30 PM
احذرو شركات النصب و المصيبة ان اغلبهم من اخواننا العرب.

بوخالد الذيب
06-07-2007, 10:54 AM
أفضل اسلوب عندما يعترضك مثل هولاء التافهين أن تتفل ((تبزق ))في الارض وهو يشاهد

bo_hamad
07-07-2007, 08:54 PM
فيه ناس موجودين في قطر محتالين ونصابين عليكم الحذر منهم وبعضهم موجودين في المنتدى وعليكم الحذر الحذر وخاصة في امور المالية وتحياااتي

ba7rainia
08-07-2007, 04:52 PM
هالشركات موجوده بكل مكان

وللاسف صار لنا نفس الموقف بمصر :(

بس ماخذوا منا شي

البانوش
18-07-2007, 07:57 PM
بارك الله فيكِ

على هذة النصيحة وجزاك الله خير

q2008
18-07-2007, 08:15 PM
لعنة الله على الشركات الوهمية