المساعد الشخصي الرقمي

مشاهدة النسخة كاملة : محمد السديري



ضايق الصدر
22-08-2005, 04:01 PM
قصيده نادره للشاعر الكبير المرحوم محمد الأحمد السديري
كتبت هذه القصيده سنه 1377 للهجره ..تقول القصيده :


سلمى تقول ان الموده غرابيل .... وانا على سلمى عليل الضماير
سلمى تقول الحب ويلٍ بثر ويل .... وانا حشاي بجاير الحب فاير
وسلمى لها بقصى الضماير مداهيل .... وعندي لسلمى بالموده سراير
اسأل عليها كل ما يقبل الليل .... والصبح اوصي يمها كل طاير
الحب في قلبي صبغ صبغة النيل .... بين المحاني صايب الحب جاير
وياما توجَّد والضماير مغاليل .... وياما على سلمى عطيت البشاير
طفلٍ سلب عقلي بسودٍ مضاليل .... منها قلوب اهل الموده عثاير
ورموش سودٍ ما تكحل من الميل .... سواه خلاق البحر والجزاير
دارٍ لسلمى ما تجيها المراسيل .... دارٍ لقلبي في حماها ذخاير
ارسل لها من ناحلات المراميل .... ما يصلنه ناقلات المجاير
اطلب لها من رايح المزن بالسيل.... منه الزبيدي نابتٍ بالمحاير

السهم الكلاسيكي
01-06-2006, 04:41 PM
يعطييك العافية مشكور وماقصرت

خاربه خاربه
04-06-2006, 04:54 AM
يعطيك العافيه ويابختها سلمى

بوخالد2
08-06-2006, 01:30 AM
يعطيك العافيه اخوووووى

وانا من اشد المعجبين والقراااء للشاعر المرحوم الكبير (( محمد السديري)) وعندي له دواوين

يسلمو يالغالي