لمت داون111
25-05-2007, 01:00 PM
السلام عليكم ورحمه الله وبركاته
مساكم الله بالخير جميعا .. وجمعه مباركه علي الكل
البدايه كانت الساعه 12 الا ربع وانا طالع من البيت ومستعجل علي المسيد .. وطبعا كالعاده متأخر ( عاده سيئه احاول اني اغيرها :( ) وما لقيت موقف وجان اصف ورا مواتر الناس .. طبعا بصلي وبطلع قبلهم يعني ماراح اسكر علي حد:D
دخلت وفتحت باب المسيد لقيته مترووس ما شاء الله مالك مكان .. وجلست علي السجاده بالخارج مع اخواننا الاسيويين .. صج ذبان وريحه عرق هههههههه بس يالله غلطتي واتحملها لاني تأخرتcrazy .. طبعا عند الصلاه مايهم وين مكان القعده :deal:
المهم صليت ركعتين وقعدت استمع للخطبه .. وطبعا كالعاده اسرح وافكر هههههههههه والناس يمرون جدامي وبدت زحمه الناس توصل للخارج ما شاء الله .. وانا سرحان الا لفت انتباهي دخول أب مع اعياله الثلاثه .. اعمارهم جميعا ماتعدت ال7 سنوات وواحد منهم كان معاق .. وقاط جسمه علي جهاز نفس الطاوله بوتواير ويزحف عليها وكانو بيدخلون ماحصلوا مكان .. جلس الاب احذانا مع اعياله وانا كنت اطالع المعاق .. سبحان الله ابتسامته جميله ووجها يشع منه النور .. وقسما بالله عورني قلبي وانا اطالع حالته المسكين .. والاب ما شاء الله عليه شكله شايلهم علي راسه ومهتم فيهم .. الله يعطيه الصحه والعافيه :)
بدأ الامام في الادعيه ورفعنا ايدينا ووكنت ادعي ولكن بالي كان مشغوول علي الطفل المعاق .. واطالعه وهو يحاول يرفع ايدينه ويردد آمين مثل اخوانه .. وقلبي تقطع اكثر واكثر .. بعد الادعيه قام الصلاه ودخلنا نصلي .. الا لمحت الطفل المعاق كان علي يساري بيني وبينه كم شخص وتميت اشوفه وقلت بقلبي ما شاء الله عليه في صغرته جذي يصلي .. واول ماصليت لما كنت افكر فيه بصراحه ادمعت عيني علي حالته وقلت الله يعينه ويعين اهله
خلصت الصلاه وطلعت من المسجد وانا كنت رايح البيت تميت افكر في حياته وصعوبتها .. شغل تفكيري فعلا وتميت اتحمد ربي واشكره علي نعمه الصحه والعافيه الي احنا فيها بغض النظر عن نعمه المال .. وقعدت استغفر ربي لين ماوصلت البيت
وشفت الكمبيوتر شغال علي صفحه المنتدي .. قلت مافي الا اذكر اخواني الاعضاء بهالشي:deal: .. موضوعي جاء عشوائي والسموحه لو كان مب مرتب .. بس المغزي من الهدف .. هو التذكير بنعم الله علينا والمحاوله قد مانقدر نترك الامور السطحيه بالدنيا ونركز علي اعمالنا واخرتنا ولو ليوم واحد بالاسبوع وهو الجمعه
اضعف الايمان انه نتصدق بالمال ولو بالقليل .. الحسنه القليله تعطيك بركه وتزيل عنك افعالك السيئه وتدفع عنك البلى وتكفير للذنب وتزيل عنك الامراض والبلاوي بأذن الله.. انت عندك كل الاسبوع تلعب وتستانس وتصرف علي المطاعم والطلعات والسينما .. مافيها شي لو تخصص علي الاقل 20 ريال حق يوم الجمعه تدفعها للمساكين او تحطها بصندوق التبرعات ..
الواحد مايدري متي يغمض عينه ينام ولا يصحى من نومه الا عند ربه .. وكل الي بيكون معاه افعاله واعماله بالدنيا .. وسيارته وكشخته وحياته بتنتهي وراح تكون له حياه جديده بالاخره علي حسب اعماله الي سواها بالدنيا
عموما .. السموحه علي الاطاله .. واتمني من الله المغفره و الهدايه لي ولكم ان شاء الله
مساكم الله بالخير جميعا .. وجمعه مباركه علي الكل
البدايه كانت الساعه 12 الا ربع وانا طالع من البيت ومستعجل علي المسيد .. وطبعا كالعاده متأخر ( عاده سيئه احاول اني اغيرها :( ) وما لقيت موقف وجان اصف ورا مواتر الناس .. طبعا بصلي وبطلع قبلهم يعني ماراح اسكر علي حد:D
دخلت وفتحت باب المسيد لقيته مترووس ما شاء الله مالك مكان .. وجلست علي السجاده بالخارج مع اخواننا الاسيويين .. صج ذبان وريحه عرق هههههههه بس يالله غلطتي واتحملها لاني تأخرتcrazy .. طبعا عند الصلاه مايهم وين مكان القعده :deal:
المهم صليت ركعتين وقعدت استمع للخطبه .. وطبعا كالعاده اسرح وافكر هههههههههه والناس يمرون جدامي وبدت زحمه الناس توصل للخارج ما شاء الله .. وانا سرحان الا لفت انتباهي دخول أب مع اعياله الثلاثه .. اعمارهم جميعا ماتعدت ال7 سنوات وواحد منهم كان معاق .. وقاط جسمه علي جهاز نفس الطاوله بوتواير ويزحف عليها وكانو بيدخلون ماحصلوا مكان .. جلس الاب احذانا مع اعياله وانا كنت اطالع المعاق .. سبحان الله ابتسامته جميله ووجها يشع منه النور .. وقسما بالله عورني قلبي وانا اطالع حالته المسكين .. والاب ما شاء الله عليه شكله شايلهم علي راسه ومهتم فيهم .. الله يعطيه الصحه والعافيه :)
بدأ الامام في الادعيه ورفعنا ايدينا ووكنت ادعي ولكن بالي كان مشغوول علي الطفل المعاق .. واطالعه وهو يحاول يرفع ايدينه ويردد آمين مثل اخوانه .. وقلبي تقطع اكثر واكثر .. بعد الادعيه قام الصلاه ودخلنا نصلي .. الا لمحت الطفل المعاق كان علي يساري بيني وبينه كم شخص وتميت اشوفه وقلت بقلبي ما شاء الله عليه في صغرته جذي يصلي .. واول ماصليت لما كنت افكر فيه بصراحه ادمعت عيني علي حالته وقلت الله يعينه ويعين اهله
خلصت الصلاه وطلعت من المسجد وانا كنت رايح البيت تميت افكر في حياته وصعوبتها .. شغل تفكيري فعلا وتميت اتحمد ربي واشكره علي نعمه الصحه والعافيه الي احنا فيها بغض النظر عن نعمه المال .. وقعدت استغفر ربي لين ماوصلت البيت
وشفت الكمبيوتر شغال علي صفحه المنتدي .. قلت مافي الا اذكر اخواني الاعضاء بهالشي:deal: .. موضوعي جاء عشوائي والسموحه لو كان مب مرتب .. بس المغزي من الهدف .. هو التذكير بنعم الله علينا والمحاوله قد مانقدر نترك الامور السطحيه بالدنيا ونركز علي اعمالنا واخرتنا ولو ليوم واحد بالاسبوع وهو الجمعه
اضعف الايمان انه نتصدق بالمال ولو بالقليل .. الحسنه القليله تعطيك بركه وتزيل عنك افعالك السيئه وتدفع عنك البلى وتكفير للذنب وتزيل عنك الامراض والبلاوي بأذن الله.. انت عندك كل الاسبوع تلعب وتستانس وتصرف علي المطاعم والطلعات والسينما .. مافيها شي لو تخصص علي الاقل 20 ريال حق يوم الجمعه تدفعها للمساكين او تحطها بصندوق التبرعات ..
الواحد مايدري متي يغمض عينه ينام ولا يصحى من نومه الا عند ربه .. وكل الي بيكون معاه افعاله واعماله بالدنيا .. وسيارته وكشخته وحياته بتنتهي وراح تكون له حياه جديده بالاخره علي حسب اعماله الي سواها بالدنيا
عموما .. السموحه علي الاطاله .. واتمني من الله المغفره و الهدايه لي ولكم ان شاء الله