رحلتي للسيتي سنتر ( من غير صور) :)

[ANONYMOUS]

السلام عليكم ورحمة الله..

تابع الموضوع تحت :D













اليوم بقول لكم عن رحلتي للسيتي سنتر واللي استغرقت حوالي ال ساعه ونصف..


رحت مع واحد من الشباب.. القدامى.. من ايام الخمسينات :eek2:


عاد انا اول مره اروح السيتي هالحزه بين ال7 وال9 ماركزت في الوقت..

عاد الزحمه موطبيعيه.. كأن اليوم يوم عيد شم النسيم في مصر.. :D


المهم العالم اشكال والوان.. من جميع الجنسيات.. حتى شفت واحد يشبه مليت :nice: يتمشى بروحه.. بتقولون وش دراك بشكل مليت.. بقول لكم من الصوره اللي حاطها مادري اهو ولا هاي شخص يتمنى يشبهه..

اعاد اقولكم.. رحت البيت الحديث.. اشوف الكمبيوتر ال سوني UX ( سوو بحث بالقوقل بتلاقونه.. حليو) كنت باخذه للدوام حق البورصه :shy: خبركم هاليومين مش طبيعيه.. وممكن اتغدر في اي لحظه.. والبورصه مسوين لها بلوك بالدوام.. ومب عدله تطلع من الدوام.. وتلاقي الحلال ( اللي جمعته خلال السنون العجاف ) راح في غمضة عين.. :eek3:

زبدة الكلام ماخذته.. لان عيوني عورتني.. لان الكتابه صغيره جدا.. وخبركم الكبر شين.. على طاري الكبر شين.. تذكرت المثل اللي يقول.. شين وقوي عين :D بعدين بقول لكم هالسالفه..

سمعت ان فهرنهايت الابيض ( عطر ) نزل رحت اشوف الوضع.. وقلت .. ياعطر بفلوس.. " شمّه" ببلاش.. رحت ركن الفهرنهايت :) وسالت الموظفه عنه.. وسوت لي ( تسّتين) بتسألوني شنو تستين.. مادري انا متعود اقولها معناتها رشت لي على يدي ( تس + تس = تسّتين )
ريحته حلوه جدا.. ( طبعا توني مكتشف.. لان وقت التجربه ماتستوعب العطر) .. وقلت لها خير انشالله.. وانا طالع تذكرت اني ماسألت عن السعر.. رديت وقالت لي الكبير اب 260 فقط ريال قطري لاغير ( وفي قلبي اقول " هيّن بروح عن سليم مال سوق واقف وباخذه اب 130 ريال.. " مادري موجود ولا قلب عطور طبيعيه ولا قلفعوه ".. بسكر القوس ).. وطلعت من البيت الحديث لا الوي على شي :)

قال لي صديقي الصدوق.. باعزمك على كوفي.. في سطار وبوكس.. قلت له مادانيه.. بس عشان الكيمه والبيض اللي بيننا بوافق.. قال شتبي.. قلت له اي شي على ذوقك " يعني اني ذرب ومابي اخسره" وليتني ماقلتها.. جاب لي شي غريب.. وبارج مع ثلج ماعرف شسمه.. ولا ابي اعرف شسمه.. وزين ان معاه باكيت زقاير.. نفخنا لنا حبتين.. ولا كان بطب صوب الاسكيت اللي في النص.

وعقب حركنا.. قلت له خل نمر على نكست.. بشوف يمكن اخذ لي هدمتين.. ..

يجماعه.. خلاص.. نكست ماقام يبيع شي عدل.. وين ايام الثمانينات :eek: يوم كنا نكشخ.. الحين معلق خلق على الطوف.. وقال ملابس.. وطلعت من نكست لا الوي على شي بعد..

قلت له يالله مشينا.. ( مابي اقول لكم عن المناظر اللي شفناها) اهنيه سالفة الشين وقوي عين.. بس مب قايل لكم :) :) :)

رحنا القهوه صوب الشباب.. " والله والقهوه" + " والله والشباب" .. خلاص العالم صارت اطفال.. دشيت عليهم لقيت شله يلعبون سوني.. بغيت اوزع عليهم حلاوى وكافي بس تعوذت من بليس.. لا امد يدي عليهم :) وخذت ابيخ راس في الكون.. في اقل من عشر دقايق استأذنت وطلعت من القهوه لا الوى على شي..

هذا باختصار وشصار اليوم المسى.. ;)

وسلامتكم.. ترى ماشيكت الاملاء.. كتبت سحبه وحده.. يمكن تلاقون حرقات بالهبل :dance

[خاربه خاربه]

( تس + تس = تسّتين )


حلوه ورحله موفقه ليش مامريت علي :eek3:

[امل الحب]

يعطييييك العاافية..

احلى شي لا الوي على شي :)

[غريب احساس]

حلوه تس تس = تستين ما الومك دام من ايام الخمسينات اكيد اثرم:funny:


تصدق السالفه كوم ولا الوى على شي كوم ثاني ( الوى) بي قاموس هذي ترى اخوك ثقافته نيباليه :D



ينطيك العافيه يا زلمه

[ونه الم]

حلوه رحلتك بس كانت ناقصتني انا :looking:



يعطيك ربي الف عافيه يالشيبه :strong

[دلة الرسلان]

ياهلا اخوي اللي ابغي اعرفه ولا عرفته اللي طلبه لك رفيجك اكل ولا عصير ولا ايش ؟

[على قد حاله]

رحله حلوه استمعت بقراءة الموضوع

[ANONYMOUS]

( تس + تس = تسّتين )


حلوه ورحله موفقه ليش مامريت علي :eek3:


هلا خاربه خاربه.. بغيت اعطيج خبر.. بس ماعندي رصيد :shy:

[ANONYMOUS]

يعطييييك العاافية..

احلى شي لا الوي على شي :)


الله يعافيج..

<----- متأثر بقرائة القصص والروايات:d

[ANONYMOUS]

حلوه تس تس = تستين ما الومك دام من ايام الخمسينات اكيد اثرم:funny:


تصدق السالفه كوم ولا الوى على شي كوم ثاني ( الوى) بي قاموس هذي ترى اخوك ثقافته نيباليه :D



ينطيك العافيه يا زلمه



هلا اخوي.. لو اثرم كان بقول تث تث :D حتى شف اسناني :nice:



الله يعافيك

[ANONYMOUS]

حلوه رحلتك بس كانت ناقصتني انا :looking:



يعطيك ربي الف عافيه يالشيبه :strong



مرحبا ونة الم.. بغيتك معانا بس الرصيد زيرو.. حول لي رصيد ياخي :shy:

[ANONYMOUS]

ياهلا اخوي اللي ابغي اعرفه ولا عرفته اللي طلبه لك رفيجك اكل ولا عصير ولا ايش ؟

اهلين وسهلين دله..

اللي طلبه رفيجي لي.. مشروب.. بارد .. وفيه ثلج.. ويجي في قلاص بلاستك.. زي قلاص العصير بس شفاف..

من فوق لونه بيج.. ومن تحت بني..

وفيه طعم قهوه خفيف..

اعتقد اسمه ماي بنكهة القهوه.. ووتر كوفي فليفور :) حقوق الاسم محفوظه :d

[ANONYMOUS]

رحله حلوه استمعت بقراءة الموضوع




حلت دنياك...

انتظرني الاسبوع القادم في

رحلتي الى الــ فيلاجيو :d

[التيما]

اولا : شلوووووووون تدخن في الستي في سطار و بوكس على قولتك وقوله الشيبه اللي وياك crazy crazy



ههههههههههههههههههههههههه موضوع لا الوي على شي عجبني :funny:

[ANONYMOUS]

اولا : شلوووووووون تدخن في الستي في سطار و بوكس على قولتك وقوله الشيبه اللي وياك crazy crazy



ههههههههههههههههههههههههه موضوع لا الوي على شي عجبني :funny:



مراحب التيما.. الحمدلله عالسلامه.. يقولون صادج عنقز :eek2: اليومين اللي راحوا..

ماتشوفين شر انشالله...

بعدين هالشيبه اللي تقولين عنه اكبر مني ب عشرين يوم.. يعني عمره ناهز ال الواحد والثلاثين قضاها في البر والتقوى .. " ماعليه.. على هامان يافرعون" :)


بعدين من قال لج ان التدخين ممنوع في السيتي.. كل اللي في الكوفي كانوا يدخنون.. رجال وحريم واطفال :shy:

شكرا عالمرور.. وحان وقت النوم.. تصبحون على خير.. ماوصيكم.. حطوا طلبات الشراء والبيع من الحين قبل الزحمه :deal: اللي مابيتغدى خرفان مع الكبار.. بيتعشى خبز من دون ودام مع لصغار..

[أحمد اليافعي]

اهلين وسهلين دله..

اللي طلبه رفيجي لي.. مشروب.. بارد .. وفيه ثلج.. ويجي في قلاص بلاستك.. زي قلاص العصير بس شفاف..

من فوق لونه بيج.. ومن تحت بني..

وفيه طعم قهوه خفيف..

اعتقد اسمه ماي بنكهة القهوه.. ووتر كوفي فليفور :) حقوق الاسم محفوظه :d


هذي الظاهر اللي يسمونه ( فربتشينو ) واهو اخو ( الكبتشينو ) من الرضاعه :eek2:

[ونه الم]

مرحبا ونة الم.. بغيتك معانا بس الرصيد زيرو.. حول لي رصيد ياخي :shy:

افا عليك من عيوني ماطلبت شي:)

بس لحد يصدق:looking: