لخبراء ماليزيا ممكن تساعدوني ؟؟

[مــــلاك]

السلام عليكم ورحمه الله وبركاته

ودي احد يساعدني بوضع خطه للسفر لماليزيا ...

العدد 2 كبار ...و3 اطفال اعمارهم 10 - 7 - 2

المده اسبوعين ....

ابي اعرف افضل طيران ...( وايد ناس ذموا القطريه الي تروح لماليزيا )
وافضل وقت للرحله ...الظهر ولا في الليل

وين نسكن في البدايه في كوالامبور ..ولا كوالامبور سلانجور

اتمنى تساعدووووني ياخبراء ماليزيا

[ملكة الأسهم]

وعليكم السلام ورحمة الله وبركاته

كوالالمبور -بينانج - كوالالمبور

وانتي قسمي الايام على كيفج هي نفس خطتي لم سافرت ماليزيا

وبينانج اعجبتني وايد وما انصحج تروحين لنكاوي

لانه معاج اطفال بيكون تعب عليكم وما تصلح لهم احس

لذلك انصحج بهذا الجدول وانتي وراحتج

اتمنى اني افدتج أختي

[مــــلاك]

تسلمين ياعمري ماقصرتي ...

قريت وايد عن لنكاوي واحسها مثل ما قلتي ماتناسب اليهال الصغار
بس عندي سؤال ... من كوالامبور العاصمه لــ بينانق بالسياره او الطياره ؟؟؟

[المخلب]

هلا اختي ..

احسن جدول ..

احجزي على القطريه دايركت ! (( حتى لو سيئه كما قالوا لك .. لكن أريح لك انتي وزوجك وعيالك الي بيتبهدلون بالترانزيت وتأخير الطيرات ! )) ..

احسن جدول ..

كوالالمبور , ثم بينينغ (( واذا كنسلتيها احسن ! بس البضايع فيها رخيصه لأنها اقرب للصين )) , ثم لنكاوي (( وهذي احلى جزيره وطولوا فيها قد ماتقدرون من الرحله لأنها راحه نفسيه وجو رومنسي ! - خاصه للي يبي يجدد زواجه :) - )) , ثم جنتيك هايلند وهذي فوق الجبل تمي فيها كم يوم ( بصراحه منظر حلو بس بتزهقون لان مافيها شئ زود ! ) , ثم الرجوع الى كوالالمبور وهنا يصيرلك الوقت علشان تتسوقين قد ماتقدرين قبل الرجوع للوطن .

هذا احسن جدول بالنسبه لي .. والي عنده أحسن ياريت يفيدك .

تحياتي .

[ملكة الأسهم]

والله يالغالية احنا رحنا بالسيارة وكانت المناظر تهبل

وقفنا بمكان عشان نروح لجزيرة القرود هذي المكان ما بين كوالا وبينانج

ما تخذون في المكان اكثر من نص ساعة وبعدين ترجعون تكملون الطريق اللي بينانج

وكنا قاصدين نروح بالسيارة عشان نشوف المناظر الطبيعية

ولم رجنا لكوالا رجعنا بالطيارة واذا تبين اي شيء ثاني ما يردج الا كيبوردج

[عنابية قمر]

السلام عليكم ورحمه الله وبركاته

ودي احد يساعدني بوضع خطه للسفر لماليزيا ...

العدد 2 كبار ...و3 اطفال اعمارهم 10 - 7 - 2

المده اسبوعين ....

ابي اعرف افضل طيران ...( وايد ناس ذموا القطريه الي تروح لماليزيا )
وافضل وقت للرحله ...الظهر ولا في الليل

وين نسكن في البدايه في كوالامبور ..ولا كوالامبور سلانجور

اتمنى تساعدووووني ياخبراء ماليزيا

" على قولة القايل ولد بطني يعرف رطني "
انا جربت الأمارتية و الله تندمت و هلى على القطريه وايد رتاحوا ، و السنه معزمه على القطريه .
و اقولك روحي على رحلة الليل علشان اليهال ينامون و ما يحسون با لوقت لأن الأنتظار ممل الرحلة تقريبا 6 ساعات
رحله سعيدة مقدماً و بتوصلون على الفجريه او اول الصبح . بتلاقون مندوبين متواجدين في المطار لحجز السيارات و لا تحاتون يعرفون عربي و انجليزي :dance

بيعطونكم فورمه :deal: تملونها كل الأمور سهاله انشالله

وزعي الرحله على التالي :

اذا بتحوسون انا بعطيك اقتراح من خبره بسيطه و حواسه .

اول الوصول خلى الأستراحه في فندق " الخيول الذهبيه لمدة 4 ايام و3 ليالى " فيه متعه و استجمام و التسوق و كل شي ... مابي احرق عليك المفاجئه
و بعدها احجزو سياره كبيره للراحه أو تذاكر داخليه بما ان معاكم يهال على جزيرة بيناتنج
وايد سوالف فيها لمدة 5 ايام وايد كفايه
و باقي الرحله اخذو لكم حجز في كولا لمبور في برجايه تايم سكوير لنهاية الرحله

اذا ما حجزتي لين الحين روحي لحملة الفرقان للحج و العمرة احجزي عندهم بيرتبون لك رحله تحفه "تذاكر دوليه " القطريه "، و داخليه " الماليزية " و الفنادق و السيارات الى بستقلونها طول فترة اقامتكم

اقترح عليك زيارة " منتجع افا موسا ، مرتفعات جنتنج ، صن واي لاجون


و اي استفسار حاضرين لطيبين :strong

انشا الله نشوفك في ماليزيا في شهر اغسطس سفرنا :nice: :cool:

[مــــلاك]

مشكووورين جدا ماقصرتوا .... وان شاء الله اقتراحاتكم اخذها بعين الاعتبار


اليوم حجزت على القطريه بتاريخ 28/7 لقيت حجز بعد ماطلعت عيني
الطياره اظن الساعه 2 ونص الظهر وقالي بتوصلون 3 الفجر هناك :looking:

التذكره طلعت ب 3660 ... استغربت السعر من اني من فتره سألتهم وقالوا لي
ب 3330 واليهال طلعت تذاكرهم ب 2800 تقريبا لكل واحد والبيبي اقل من سنتين
680 ريال ...

شرايكم احجز فنادق من هنيه ولا عن طريق الشركه العربيه الي هناك في ماليزيا
ولا احجز من النت ...؟؟؟؟؟

[عنابية قمر]

انصحك تروحين لحملة الفرقان رقمهم 4355055 اطلبي محمد عبد اللطيف دايما نتعامل معاه و اسعاره وايد مناسبه و مضمون كلمته مسمار في لوح

انا حاجزلى الرحله كامله و كل سنه نتعامل معاه

وانتى لك الخيار

[مــــلاك]

جزاج الله خير اختي عنابيه قمر ...وان شاء الله بنحاول نتصل على الرقم الي كتبتيه
يعطيج العافيه

[alkaabi]

مشكووورين جدا ماقصرتوا .... وان شاء الله اقتراحاتكم اخذها بعين الاعتبار


اليوم حجزت على القطريه بتاريخ 28/7 لقيت حجز بعد ماطلعت عيني
الطياره اظن الساعه 2 ونص الظهر وقالي بتوصلون 3 الفجر هناك :looking:

التذكره طلعت ب 3660 ... استغربت السعر من اني من فتره سألتهم وقالوا لي
ب 3330 واليهال طلعت تذاكرهم ب 2800 تقريبا لكل واحد والبيبي اقل من سنتين
680 ريال ...

شرايكم احجز فنادق من هنيه ولا عن طريق الشركه العربيه الي هناك في ماليزيا
ولا احجز من النت ...؟؟؟؟؟

احجزي من موقع الشركة العربية

انا قارنت بين الاسعار وهم الافضل

ولهم موقع على النت

كتبي في جوجل دليل ماليزيا

[بوخالد911]

هلا اقترح التالي

كوالامبور : ليلتين
جنتينج : 3-4 ليال الجو مطر خفيف - سحب غائمة ع طووول ؛ فيها مدينة ألعاب
بيننج : 3 - 4 ليال
كوالامبور : باقي المدة للتسوق

[سمو]

أختي ملاك انا اضم صوتي للاخت عنابية لان رحلتي كانت مشابههة لرحلتها اول فندق خذناه الخيول الذهبية The Palace Of The Golden Horse مكانه وايد حلو للإسترخاء وجنبه مكان تاخذون منه قارب وتتمشون في بحيره خيااال ويوديكم على سوق جنبه وحديقه يبيله ليلتين أو ثلاث وبعدين بينينق انصحج اتروحين بالباص مع الرحلات السياحيه اختاري الباصات الدورين تغيير ووناسه أحنا ما رحنا لنجاوي لأن معانا يهال وبعدين كوالالمبور ومرتفعات جنتينغ سكنا في لي مريديان بعيد عن الزحمه ومقابله محطات القطار الأرضي والمعلق والتنقلات فيه سهله يوديج كل الأسواق والمناطق اللي تبينها أونس من التكاسي لأنه شي جديد علينا انا عن نفسي ما أحب أسكن منطقه شارع العرب لأن عجئه وزحمه ما تعجبني والناس اذواق ايه نسيت أقولج إذا لقيتوا حجز في سنويلاجون Sunway Lagon في آخر رحلتكم تراه ونيس لليهال والكباااار (مجمع - فندق - سوق - مدينة ألعاب مائيه كبيره) ...

وأي استفسااار انا حاضره

وبالنسبه للطيران القطري .. كانت الطياره حاره وضيقه ومافيها تلفزيونات لكل كرسي وملله ..
بس في الرجعه .. كنا راجعين من سنغافوره .. كانت الطياره رااقيه وجديدة وفيها تلفزيونات لكل كرسي .. بالعربي سنغافوره بلاد راقيه فحطوا لها طيارات راقيه ..

تقبلي مروووري
واتمنى اني ما ثقلت عليكم

سفره سعيده إن شاء الله


تحياااتي

[badr_vip55]

السلام عليكم


الاخت ملاك خدمة القطريه حلوه لدرجة رجال الاعمال والاولى اما السياحيه سيئه

اذا تبين وقت الرحله الليل احسن واهدى لكم اما عن كوالامبور فالاحسن انج في البدايه تسكنين فيها لانها مدينه تجاريه من اسواق وانصحج بفندقين تايم سكوير فندق وتحته مجمع يعني مايحتاج انج تاخذين تاكسي علشان تروحين مجمع اصلا الفندق هاي فيه مجمع

اذكر اني خذيت غرفه مزودج مع صاله تقريبا بالـ670 ريال قطري سفرتي كانت في شهر 8 او 7 2006


والفندق الثاني صراحه افخم من تايم سكوير الي هو الماريوت خدمه جيده وبعدين فندق الماريوت من اقدم الفندق في العالم مكانه على شارع العرب فيه مطاعم اسواق تجاريه يعني كل الي يفكر فيه بتحصلينه قريب منج قيمة الغرفه المزدوجه تقريبا 400 ريال قطري


وفيه كم منطقه حلوه الي هي جنتج فوق جبل وبارده فيها ملاهي و سوق صغير بس


والمنطقه الثانيه صراحه مارحت لها الي هي افا موزا جزيرة سياحيه فيها حدائق حيوانات سفاري وبرك سباحه انا غلطة غلطه اني مارحت للجزيره صراحه امدحولي الجزيره هاي

( للعلم بالنسبه للفنادق احجزي من اهني احسن يعني توصلين ماليزيا بالسلامه تكونين عارفه مكانكم وين )


تحياتي لج

badr_vip55

[بـوصـالـح]

بالنسبه للحجوزااااااات

(( اول شي رقم الرجال في ماليزيا ))

اسم الشركه : الشركه العربيه للسياحه في كوالالمبوور

راعي الشركه : بوعبدالرحمن

رقمه 6017679900+

هذا الموقع الي تحجزين منه بالنت

http://www.daleel-malaysia.com/

تسجلين بالمنتديات وتكتبين طلبج

(( بس اول شي )) اتصلي له

وقولي له انج جايه من طرف بوصالح من قطر

(( علشان يسوي لج ترتيب خاص ))

(( في ناس وايد راااحوله من بعد تقريري ))

تقدرين تدشين الموقع وتختارين الفنادق الي تعجبج (( وصور الفنادق موجوده واسعارهم وكل شي ))

وبالتوفيق ان شاء الله

(( اي خدمات ثانيه )) Send Me Back

[المخفي]

فندق ويستن أفضل من الماريوت أحدث وسعره اقل والخدمة ممتازة