ابي مساعدة في بناء الطابق الثالث ،،،، بدل دفع الايجار مدى الحياة

[نار هادئه]

السلام عليكم

مثل ما الكل عارف الايجارات نار جهنم
ولو استاجرت بيت اتم ادفع ادفع وآخرتها
البيت مب لي وعمري ماراح اشتري بيت

ففكرت ابني السطح عند الوالد

لكن بشيئ خفيف اخف من الطابوق اخاف ما يستحمل البيت خصوصا انه مب جديد
مساحة البيت حدود 500 م
والفلة حدود 400 م او اكثر شوي

والسطح كامل مفتوح مافيه دواعيس

كم راح يكلفني تقريبا مع التقسيم
وايش المواد اللي استخدمها

+ اصنصير من الاول الى الثالث

شي مب هااااااااي كوالتي ولا تشيييب كوالتي
شيئ وسط ومعقول


من اقدر اسالة او اي الشركات ممكن تساعدني في هالمجال
واتمنى السعر يكون معقول

واتمنى اسمع نصايحكم يا اخوان

[استغفرالله]

بيكلفك وايد

فاحسنلك تبني ملحق خارجي

بالتوفيق

[بويوسف]

فعلا كما قال اخي استغفر الله بناء ملحق اجدى لك خصوصا انك لاتستطيع ان تبني بأكثر من مساحة 70 متر مربعا مضافا اليها بيت الدرج.

بالتوفيق

[نار هادئه]

فعلا كما قال اخي استغفر الله بناء ملحق اجدى لك خصوصا انك لاتستطيع ان تبني بأكثر من مساحة 70 متر مربعا مضافا اليها بيت الدرج.

بالتوفيق

شكرا للافادة اخواني استغفر الله وبويوسف

لو كان في البيت سعة اكيد الملحق احسن من السطح
لكن مافي مكان يكفي ملحق للأسف

لكن ليش ما اقدر ابني باكثر من 70 متر مربع ؟
(( بيت الدرج موجود اصلا خارج حدود الفيلا -لاصق فيها - وهو كبير
لكن فيه درج حلزوني ممكن ازالته وتركيب لفت ))

والسقف راح اسويه مثل الطبيلة اللي تحتها سلتكس مادري شيسمونه ( سندويش اظن )

لكن ايش هي الصعوبات اللي راح اواجهها مثلا ؟؟
ووايد كم يعني ؟؟
،، فوق ال200 ألف مثلا ؟؟
500 ألف ؟؟
اقل ،، اكثر ؟؟

ومن ممكن اروحله من الشركات يعاين البيت ويعطيني رايه ؟

انا ما افهم في هالسوالف وايد عمري مابنيت
ابي لو رحت لشخص مايستغلني ويقص علي
عشان كذا على الاقل ابي يوم اسال شركة اكون فاهم شسالفة

ما اروح لهم على عماهة

وتحياتي للجميع مرة اخرى

[بوحارب]

السلام عليكم

اخوي نار هادئة اول شي اسأل الله العظيم رب العرش الكريم ان يسرلك امرك ويشرح صدرك

وعطني مساحة كل غرفة تبي تبنيها وبعرضهم على شركة واحد من الربع

واتوقع المشروع يكلفك حول 100 الف او اقل

وبالنسبة للأصنصير لازم تروح حق شركة مختصة احسن لك بوااايد

وأبشرك مابي منك لانسبة ولا شي بس اذا بتدعولي بالهداية يكفيني وزيادة

سبحان الله وبحمده سبحان الله العظيم

[بوخالد الذيب]

**بالنسبه للمبنى لاتبني عند شركه علشان مايكلفك كثير واذا قررت أقدر أعطيك تلفون واحد أتعامل معه دائما في أي أعمال بناء أو صيانه 0

**بالنسبه للمصعد أعرف شركه أسعارها معقوله جدا جداوعلى الضمان وأقدر أوصيهم عليك0

تحياتي

[بويوسف]

اخوي مساحة 70 متر متظمنة بيت الدرج هذي ماحسبتها من فراغ هذي نسبة الـ 35% من مساحة الطابق الارضي. هذي النسبة القصوى المسموح بها للبناء في طابق السطح والمعنمدة في شروط البناء في دولة قطر.

[نار هادئه]

السلام عليكم

اخوي نار هادئة اول شي اسأل الله العظيم رب العرش الكريم ان يسرلك امرك ويشرح صدرك

وعطني مساحة كل غرفة تبي تبنيها وبعرضهم على شركة واحد من الربع

واتوقع المشروع يكلفك حول 100 الف او اقل

وبالنسبة للأصنصير لازم تروح حق شركة مختصة احسن لك بوااايد

وأبشرك مابي منك لانسبة ولا شي بس اذا بتدعولي بالهداية يكفيني وزيادة

سبحان الله وبحمده سبحان الله العظيم

الله يعافيك ياخوي على المساعدة

بخصوص المساحة لسا ماحددت المطلوب
توني اشوف الفكرة ممكن اسويها ام لا
وان شاء الله راح اراسلك ان شفت الموضوع راح يمشي

[نار هادئه]

**بالنسبه للمبنى لاتبني عند شركه علشان مايكلفك كثير واذا قررت أقدر أعطيك تلفون واحد أتعامل معه دائما في أي أعمال بناء أو صيانه 0

**بالنسبه للمصعد أعرف شركه أسعارها معقوله جدا جداوعلى الضمان وأقدر أوصيهم عليك0

تحياتي

اخوي بوخالد الذيب
شيك على الخاص ماعليك امر

[نار هادئه]

اخوي مساحة 70 متر متظمنة بيت الدرج هذي ماحسبتها من فراغ هذي نسبة الـ 35% من مساحة الطابق الارضي. هذي النسبة القصوى المسموح بها للبناء في طابق السطح والمعنمدة في شروط البناء في دولة قطر.

اممممم
والله ماكنت اعرف زين نورتني بالقانون اخوي

زين لو عدينا هالنسبة سكيتي والبيت مخفي تقريبا
وش العواقب اللي ممكن تصير ؟؟

لان 35% يكون المكان قرقور :anger1: :anger1:

[بويوسف]

اخوي المقاول مابيبني لك اذا برخصة ..

وماعندي فكرة باجراءات البلدية في حالة المخالفة

[نار هادئه]

شكرا يا اخوان جميعا على المعونة

بغيت اسال ايش المواد اللي ممكن ابني فيها
غير الطابوق

بشرط يكون عازل صوت وحرارة (( كانه طابوق ))
عشان اخفف عن السطح الثقل كثر ما اقدر

وماراح احط طابوق الا في الاماكن اللي فيها اساسات
او على سور الفيلا (( سور السطح ))

[srs]

اخوي في شركه في العزيزيه بجانب الطازج تبني من الخشب المقاوم

[نار هادئه]

اخوي في شركه في العزيزيه بجانب الطازج تبني من الخشب المقاوم

ماتعرف اسم الشركة اخوي ؟؟
وشلون الخشب تمام يطلع ويعزل ؟؟ ؟؟

[ابن ادم]

يا أخوان المهندس المصمم عندما صمم السقف لم يأخذ في الأعتبار أنه سيكون في المستقبل أوزان كأثاث وحركة الناس، المصمم يوم صمم السقف صممه علشان حركة ناس خفيفة بس بدون أثاث ، ومستحيل بيكون ب 100,000 ، وأتوقع فوق المليون، هذي أول مشكلة، وثاني مشكلةمش أي مصمم بيعرف يسوي هذي التصميم، والمشكلةالثالثة مش أي مقاول يعرف يطبق وينفذ هذا التصميم، والمشكلة الرابعة شلون بتاخذ رخصة لأن المسموح فيه فقط 35%

[متفائلة خير]

خذ ابمشورة اورايد بوخالد الذيب دام انه بيساعدك او اتمنى لك التوفيق

[srs]

اخوي في الشرق بتحصل اعلان واعتقد انه افضل الموجود من ناحيه السعر واعتقد ان بيت كامل 220

[نار هادئه]

يا أخوان المهندس المصمم عندما صمم السقف لم يأخذ في الأعتبار أنه سيكون في المستقبل أوزان كأثاث وحركة الناس، المصمم يوم صمم السقف صممه علشان حركة ناس خفيفة بس بدون أثاث ، ومستحيل بيكون ب 100,000 ، وأتوقع فوق المليون، هذي أول مشكلة، وثاني مشكلةمش أي مصمم بيعرف يسوي هذي التصميم، والمشكلةالثالثة مش أي مقاول يعرف يطبق وينفذ هذا التصميم، والمشكلة الرابعة شلون بتاخذ رخصة لأن المسموح فيه فقط 35%

ياخوي عندك كلمة خير قولها وساعد فيها اخوانك
ماعندك لاتحبط وانت ماتعرف شي عن الاسعار
فوق مليون عاد حق نصف طابق ؟؟
لاتبالغ رجاءا شكلك عمرك ماراح تسوي شي بهالنظرة المسودة وتصكير الابواب
التكلفة متوقعة مع اللفت في حدود 250 ألف بالكثير حسب اكثر من شخص

والموضوع ان شاء الله شكله سالك والحمد لله
واليوم بروح للاستشاري واشوف رايه

وبخصوص اللفت مشكور ياخوي بوخالد الذيب وماقصرت
جاني الرجال البيت وشاف وقال المكان Perfect للفت
بس قالي طلع رخصة اول
وطلع مركب اللفت حق كم واحد من ربعنا من قبل

وان شاء الله راح ابدا باجرائات الرخصة والاستشاري

والله يعيني ويوفقكم على المساعدة جميعا
وراجع لكم ان شاء الله لو شرت في اي نقطة

تحياتي للجميع وخصوصا اخوي بوخالد

[ابن ادم]

الحق والصح ما يتاخذ بكثرة الناس، قبل ما تروح للاستشاري ود الخرايط الانشائية للاستشاري ، علشان يشوف هل فعلاً السقف يستحمل هذي الأوزان الجديد، وإذا كانت الأرض صخرية بتكون المتاعب والفلوس أقل، وما في داعي للكلمات الي استخدمتها في ردك، وتأكد أنك تاخذ استشاري زين لأن مش كل استشاري أمين وفاهم لأنه ممكن يقولك هذي تكلف شوي علشان تدفع له فلوس وبعدين تتفاجأ أن يقولك المقاول هذي تكلف اكثر مما قاله الاستشاري، على العموم الله يوفقك.

[نار هادئه]

الحق والصح ما يتاخذ بكثرة الناس، قبل ما تروح للاستشاري ود الخرايط الانشائية للاستشاري ، علشان يشوف هل فعلاً السقف يستحمل هذي الأوزان الجديد، وإذا كانت الأرض صخرية بتكون المتاعب والفلوس أقل، وما في داعي للكلمات الي استخدمتها في ردك، وتأكد أنك تاخذ استشاري زين لأن مش كل استشاري أمين وفاهم لأنه ممكن يقولك هذي تكلف شوي علشان تدفع له فلوس وبعدين تتفاجأ أن يقولك المقاول هذي تكلف اكثر مما قاله الاستشاري، على العموم الله يوفقك.

توني راجع من الاستشاري اللي باني البيت (( البيت القطري ))
وقالي ماعندك مشاكل توكل على الله

واسمحلي اخوي ان ضايقتك بكلامي السابق
المقصد كان ان ماله داعي التحبيط
لان الرقم اللي حطيته انت (فوق مليون )
كان ممكن يخلي شخص متردد بين نعم او لا
يهون نهائيا حتى عن السؤال

وشكرا لاهتمامك اخوي ابن آدم
والله يوفقك ويوفقني ويوفقك الجميع

[بكل هدوء]

الخير في الشباب