ايش الاكلات الي تسبب لك حساسيه ؟؟

[لمت داون111]

سؤال لقافه:looking: .. ومنها نستفيد من الغير :app: ..

كل واحد يقوول شيصير له لما ياكل اكله معينه وفيه حساسيه منها .. جايز نستفيد من تجاربه .. ونستفيد من طرق العلاج المضاد للنوع هذا من الحساسيه .. اذا كانت موجوده :deal:


كبدايه .. اخوكم لمت داون تجيه حساسيه من اكلتين .. الرهش و والطعميهomen

والاثار انه الشفه تنتفخ واحس بحروره في اللثه .. وماعندي علاج غير اني اتم اشرب ماي بارد لين ماتروح اثار الحساسيه بعد نص ساعه او ساعه .. الله لايرويكم والله معاناهcrazy

[زمان الصمت]

انت اهون والله

ام العيال حساسيتها من نوع اخر وخطيرة للغاية اليوم كنت ماخذه في طلعه ورحنا

اكلنا فب احد المطاعم المشهورة بالبلد وبعد ما طلعنا بنص ساعة واذا بهاترتعش

والنفس قرب يوقف وتنفخ جميع انحاء جسمها وحكة بشكل غير طبيعي طلعنا بسرعه

للطواري واعطوها اكسجين وابرتين من نوع قوي وقد صارت معنا قبل

المهم بعض انواع الاكلات البحرية هي السبب

وهاذي مشورتي لك اخوي انك لما تمر بهالحالة اذهب الى اقرب مستشفى في الحال

[لمت داون111]

انت اهون والله

ام العيال حساسيتها من نوع اخر وخطيرة للغاية اليوم كنت ماخذه في طلعه ورحنا

اكلنا فب احد المطاعم المشهورة بالبلد وبعد ما طلعنا بنص ساعة واذا بهاترتعش

والنفس قرب يوقف وتنفخ جميع انحاء جسمها وحكة بشكل غير طبيعي طلعنا بسرعه

للطواري واعطوها اكسجين وابرتين من نوع قوي وقد صارت معنا قبل

المهم بعض انواع الاكلات البحرية هي السبب

وهاذي مشورتي لك اخوي انك لما تمر بهالحالة اذهب الى اقرب مستشفى في الحال
بل بل .. لاحول ولا قوه الا بالله

سلامتها يالغالي .. وماعليها شر ان شاء الله

تصدق وحده من اهلنا اذا تاكل بيض وجها ينتفخ ؟؟ خدودها تكبر وعيونها كأنهم بيطلعون برع ولازم يصكونها ابره ولا بتروح عليها

الله يكافينا الشر .. وتسلم علي المشاركه يالغالي :)

[boooooon]

انا من السمك

حتى لو ما اكلته

لو شميت ريحته احس نفسي مريش واحس اني ابي ازوع ما ادري ليش

شكلي عندي خلل في الجهاز الهضمي

[غزلان]

صديقتي من الكيوي أعوذ بالله من تاكله صوتها يروح

اذا بزين الحلويات لازم نصيبها بدون كيوي

[ضوى]

ممممممممممممممم الحمد لله رب العالمين ما عندي حساسية لاي نوع من الاكل وعيالي مثلي بس زوجي من ياكل عدس يبق عليه جسمه تصيده وهيه ويبقع جسمه ، عشان جذي احنا محرومين من العدس وما ناكله الا ببيت ابوي الله يرحمه

[ونه الم]

الفلفل واي شي فيه فيه فلفل

ويعطيك العافيه يالمت داون

[jajassim]

موضوع حلو جدا

لي رجعة للموضوع أخوى

[امل الحب]

الطاطم والكاتشب والبطيخ والكيوي: يبقع ويهي كله وتتنفخ شفايفي وابتدي احك لين تنتشر الحساسية في جسمي كله.. لكن بعد اكل .. شسوي ماستغني عن الطماطم والكاتشب..

[مريديان]

الفراولة...تصيدني حكة بجسمي ...لوول...

مع ان قبل عادي...حتى رغوتي اللي بالفراولة انحرمت منها...مع انها المفضلة عندي كانت:(

يسلمووو لمووت

[التيما]

انا ماحب الفاصولياء الحمرا تسبب لي انتفاخات في بطني ومغص الله لا يوريه لحد .. وولدي كان عنده حساسيه من البيض لدرجه خطيرة ومره كل بالغلط والله ستر وديته الطواري والحمد لله ابرتين وخلاص .. بس الحين راحت منه الحمد لله

[خاربه خاربه]

:shy:

انا اموت بالروبيان بس يسوي لي حساسيه بسيطه

واكثر شي تحكني اصابعي االإبهام واللي جنبه:funny:

يعني من اللمس والباذنجان واحبه مقلي :shy:

ويعطيك العافيه يارب:nice: :app:

[مليت]

الزبده والقشطه

تجيني دوخه لا شفتها

[دلة الرسلان]

بنتي بالصدفه راحت المدرسة ورجعت وهي تحك وجسمها محبب وبعد 3 ايام مانفعت الابر ومضادات الهستامين، نامت في المستشفى والسبب شبس خل والحين صارت تخاف من انواع الشبس كله .

[دنيا الاسهم]

المايونيز +والكيوي
الله لا يراويكم لما يكون موجود بالصدفة في اي سندويش او اكلة بالغلط في المطعم
تصيدني حساسية غير طبيعية وحكة ويبقع جسمي ويتم على هالحال ايام لين يروح مفعول
المايونيز او اروح الطوارى اخذ ابرة اعوذ بالله
والكيوي يصيبني لوعة
شكرا على الموضوع ان شاء نستفيد من باقي الاعضاء:nice:

[أمة الله]

الزبده والقشطه

تجيني دوخه لا شفتها

:looking: :looking: :looking:


* بالنسبه لي الحمدلله رب العالمين مافيني حساسية من شي omen

[لمت داون111]

مشكورين علي مروركم جميعا :)

والموضوع للرفع ..:app:

[خاربه خاربه]

الزبده والقشطه

تجيني دوخه لا شفتها



يعني ماتآكل الاكلات الحلوه أقصد الحلوياتcrazy :eek3:

[alwahesh]

السي فود

ما اقدر على السي فود ....؟؟