سؤال الأسبوع : لو كنت ماتجيب عيال ! وزوجتك قادره ! فهل تطلقها ؟

[المخلب]

السلام عليكم

سؤال صعب , وخاصه للرجال ..

السؤال من واقع الحياه .

فكثير من العوائل متزوجين ! ولكن مايجيبون عيال !

والسبب مب البنت ( الزوجه ! ) بل الرجل ( الزوج ) ..

لكنه من حبه لزوجته يتمسك فيها , وبنفس الوقت يقول حرام أحرمها من العيال ! ..

فكثير من النساء تطلقت ! والناس طلعت عليهم أشاعات بالرغم من أن الطلاق كان سببه حب الزوج لزوجته وعلشان يخليها تتزوج غيره وتنجب العيال الي كانت تحلم فيهم .

أما الحين ,,

وبعد المقدمه الحزينه هذي ,,

نسألكم , ..

لو كنت رجل غير قادر على الإنجاب ,, فهل تطلق مرتك علشان تتزوج غيرك قادر يخليها تعيش بالأمومه الي تتمنها أي بنت في هذا العالم ؟

والى الفتيات ,, هل تتخلين عنه بسبب كونه لا يستطيع الأنجاب بالرغم من حبك لأن تصبحي أم ! ؟

[( الفهد )]

الخيار لها

وشكرا لك.

[(الفيصل)]

[QUOTE=المخلب][CENTER][B][SIZE="5"]
لو كنت رجل غير قادر على الإنجاب ,, فهل تطلق مرتك علشان تتزوج غيرك قادر يخليها تعيش بالأمومه الي تتمنها أي بنت في هذا العالم ؟

[COLOR="Black"]لابد ان تكون هناك جلسة او جلسات صراحه بين الزوجين في هذه الحاله مع ملاحظة ان الزوجين قد قاما بكل الوسائل الطبيه وخلافه للانجاب ولم يتوصلا لنتيجه ،ففي هذه الحاله يخير الزوج زوجته وبكل وضوح وحزم ان كانت ترغب بالطلاق ام لا ؟ وعلى اساس الاجابه يحدد اما الطلاق واما الاستمرار في الحياة .... ادام الله بيوتنا بالسعادة والايمان تحياتي

[بوخالد2]

الامر متروك لها اخووى المخلب يمكن هي تبي عيال وتبي ضنه

والرجل لا يستطيع عليه الطلاق وانا اخوك وتشوف حالها ويشوف حاله هو بعد مب شرط يلزمها به صحيح ان العشره لها دور ولكن في امور اهم من الشي هذاا

انا عندي وحده من الجماعه انفصلوا عن بعض وسبب هو ضعيف مايقدر يجيب عيال (( الله يعينه))

الحمدالله على النعمه ان شاءالله

ومشكور اخوى على المواضيع الجميله والحساسه في نفس الوقت :deal:

تقبل احترام اخووك بوخالد 2

[السديم]

المخلب ..

احييك على مواضيعك الاجتماعيه .. بس عاد كله زواج وطلاق crazy

اممممم

الانجاب هدف من اهداف الحياة والامومة المطلب الفطري لكل فتاة ..

يعني عن نفسي فيني شغف للامومه اكثر من الشغف للزواج نفسه ..

وطبعا اذا الله لاقدر وكان نصيبي انسان غير قادر على الانجاب حزتها القرار يعتمد .. بيكون قرار صعب و وايد صعب لأني اعيد واكرر الامومه احساس مش طبيعي وغريزي في الانثى بس بشوف نفسي اذا كنت سعيده جدا معاه وهالانسان مش مقصر من اي ناحية ثانيه وملبي كل احتياجاتي بقول الحمدلله وبحتسب اجر الصبر من عند الله سبحانه ..

لكن ان كان على قولة المثل فوق شينه قواة عينه اكيد ماراح استمر معاه واضحي بحلمي ..
يعني اعرف وحده تزوجت شخص ماينجب وقالت هذا نصيبي لكن هو ماقدر هالشي لها واكتشفت ان له علاقات نسائيه وانه يصرف عليهم من فلوسها !! واحد مثل ذي يستاهل التضحية ؟؟ اكيد لا.. فهو اكيد يعتمد على مدى التفاهم بين الزوجين ومدى حبهم لبعض ..

وطبعا الرأي حاليا وانا للحين ماتزوجت والواحد مب عالم الغيب ممكن بعد الزواج الراي والكلام يختلف ..

لك كل التحيه اخ المخلب :nice:

[البركان]

القرار يعتمد عليها هى


وانا مستحيل ابيع من يشترينى

[(احمد)]

اما انا بطلقها بدون حتى الجلسات الي يقولون عنها الربع

وباخذ وحدة مثلي ما تظني (عاقر)

احسن من اني اظلمها معاي ، لأني يمكن اذا شورتها بتفكر بحق العشرة وكم سنه مع بعض وووالخ

(بصراحة الموضوع قوي ومحزن ) الحمد لله عندي ثلاثة اولاد

[غريب احساس]

الله لا يقوله ويرزق كل زوجين عيال


بصراحه حتى لو احبها بجنون وهي تحبني راح اطلقها بدون ما اشاورها لن العواطف ممكن تمنعها لكن راح اقولها سبب الطلاق اني ابيلها اللي كنت اتمناه انا وهي لمى تزوجنا وهم زيناه الحياه وعنوك وانت حي وميت العيال

وراح ادور وحده نفس وضعي

يعطيك العافيه المخلب

[المخفي]

بطلقها عادي خليها أتشوف حياتها
اوقات لازم الواحد يتخذ قرارات مصيرية بروحه لانه المراة عاطفية ومستحيل
تطلب الطلاق عشان العيال بس بتم تتعذب علشانهم و عشان كذا بطلقها عشان اني
احبها وابي سعادتها

[lolo touch]

الله لايقوله انشالله

بس لو هو رجال ويعاملني اوكي وانا اموت فيه ,,,,,,,,,,,ماراح اتركه عشان اولاد

لان ممكن اتزوج ثاني وتكون فيه نفس المشكله وممكن يكون قادر بس معاملته مو محترمه
وممكن اجيب اعيال وبعدين مايبرون فيني اكون خسرت الاثنين

النهايه طولت عليكم ,,,,,,,,,لو حنا متفاهمين مع بعض ماراح اتركه لان زوجي هو الي بعيش العمر كله معاه طال والا قصر اما ولدي اذا عشت معاه 25 سنه ماراح اعيش اكثر بتجي زوجته وبتاخذه مني
وبالاول والاخير المرة مالها الا زوجها مو عيالها

والله يرزق الجميع انشالله ولايحرمهم من الخلفه انشالله

[lolo touch]

القرار يعتمد عليها هى


وانا مستحيل ابيع من يشترينى


هذا الرد الي اعجبني,,,,,,,,,,,

الله يوفقك ويرزقك انشالله

[M-OH-A-ME-D]

يعود للتفاهم بنهم
أذا أرادت الطلاق من حقها لأنو حرام يحرمها من حق الأمومه
ولكن ممكن تصبر لأنو الله يرزق الناس بغير علم وكثير من الناس ما كانو يرزقو بالأعيال إلا بعد سنين
والقرار عائد ألهم

[المخلب]

اشكركم .. نسمع آراء اخرى

[الـدانـه]

مايهم الاطفال


ايش المغزى من وجودهم ؟ انا ماني فاهمه ....... ايتس ايمبورتينت يعني ؟ :)


اوكي الزواج شرع للتكاثر , طيب اذا زوجي عقيم اتخلص منه واتزوج ثاني ! وين وجعلنا

بينهما مودة ورحمه ؟ وين التضحيه ؟ الزواج مو بس اطفال .


شكرآ المخلب

[qatarairways2]

والى الفتيات ,, هل تتخلين عنه بسبب كونه لا يستطيع الأنجاب بالرغم من حبك لأن تصبحي أم ! ؟

ماذا لو عكسنا السؤال وقلنا :

وإلى الفتيات،، هل تطلبين الطلاق من زوجك كونك لا تستطيعين الإنجاب بالرغم من حبه لأن يصبح أب ؟؟؟؟،، أو هل تقبلين أن يتزوج بأخرى لكي تنجب له الأبناء؟؟؟؟

تحياتي

[الراقية]

داشة اسلم قوة المخلب

ودوم متميز في اسئلتك

[حورية البحر]

لا اذا كان زوجي يحبني فعلا وانا احبة فالاعيال موب مهم وهذا نصيبي بهالدنيا واهم شي زوجي ماافقدة الي احبة ويحبني ولين الله يكتب لنا اعيال بيكون هو ولدي وكل شي ولا ابية يفكر ويهتم بهمي والله لايقولة انة نفترق

[(احمد)]

لا اذا كان زوجي يحبني فعلا وانا احبة فالاعيال موب مهم وهذا نصيبي بهالدنيا واهم شي زوجي ماافقدة الي احبة ويحبني ولين الله يكتب لنا اعيال بيكون هو ولدي وكل شي ولا ابية يفكر ويهتم بهمي والله لايقولة انة نفترق
اصلا اذا هو يحبك بيطلقج وبدون تفاهم تدرين ليش لانه قدم سعادتك على همه وحزنه

علشان كذا هو راح يتخلى عنج وتركك تدورين الرجال الي يسعدك ويجيبك عيال يعينونك اذا كبرتي

[ولـ الذيب ـد]

السلام وعليكم اخواني الغرار الاخير بيعود لها اذا هي راضيه على الطلاق فيجب ان يتم ذلك

واذا يحب هو زوجته ويتمنى لها السعاده بيطلقها وإذا كانت اتحبك صج فالعيال مهب مهم

وإذا الله كان كاتب لهم انهم يجيبون عيال حتى ولو كان بعد (15) فبيجيبون..

[qaswed]

الامر راجع لها ولا راح احاول اعمل اي شي يئثر على قرارها

عشان ما اظلمها معاي

[سعيدالهاجري]

مرحبا اخوي المخلب

الحياه تفاهم واذا هي مقتنعه فيني وفي العيب الي فيني بيكون فيه محبه واذا كانت لا تبي عيال هذا قرارها وانا ماقدر اسوي لها اي شي


وشكرا" على الموضوع

[shagyteacher]

طبعا لا ومن ناحيتي اسالها اذا كان ودها بالطلاق علشان تشوف حياتها