عناوين شقق فندقيه في قطر

[index]

السلام عليكم ورحمة الله وبركاته
اخواني الكرام . ارجوا ممن لديه معلومات عن الشقق الفندقيه
في قطر .. ويفضل ان تكون قريبه من المجمعات والاسواق
ولكم الشكر

[بدور]

وينكم يا اخوان اللي عنده معلومات يساعد اخونا

[index]

وينكم يا اخوان اللي عنده معلومات يساعد اخونا

مشكوره
-----
حصلت عناوين شقق فندقيه من خلال محرك قوقل
واتمنى من احد لديه معلومات اكثر عن شقق
آخرى ان يفيدنا .

---


اجنحة الخليج --- 3 نجوم
بالقرب من مستشفى حمد للولاده

السراج للشقق الفندقية --- 3 نجوم
نظام ستيديو تقع على شارع سلوى التجاري خلف مفروشات بوكنان
وبالقرب من السوق المركزي .

[index]

ورب الكعبه . ان هذا القسم أفشل قسم في هذا المنتدى
سؤال عن شقق فندقيه في قطر ومنذ اكثر من 10 ايام
ومع ذلك مافيه واحد عنده جواب :mad: حتى المشرفين مافيه
منهم ولو كلمة جبر خاطر

[لمت داون111]

اخووي اندكس سامحنا يالغالي وياهلا ومرحبا فيك في قطر يالغالي .. وصدقني بنساعدك بألي نقدر عليه ان شاء الله :nice:

والسبب انه محد رد عليك هالقسم مايدخلونه الشباب وايد .. الا ألي له حاجه فيه ويطلع .. وقسم توه جديد وفي بدايته .. عشان جذي مب ماخذ حقه بالردود الكافيه .. وانطر عليه شوي وبتزهق من وجوه ربعنا اهنيه:D

الحين يالغالي قوولي .. تبي شقق فندقيه ولا فندق ؟ انتو كم شخص ؟ وعائله او شباب ؟ وكم يوم ناويين تقعدون ؟ وكم الميزانيه الي ممكن تدفعها للسكن ؟ وتبي مكان فخم شوي .. او مكان بسيط ونظيف للنوم فقط .. لانه هذي طريقه اغلب ربعنا لما يسافرون يدورون اي مكان للنوم ورخيص .. عشان خسايرهم ماتكون علي الفندق .. والخساير تكون علي الطلعات والوناسهomen

حدد لنا يالغالي .. والحين اسمحلي اخووك لمت داون وراه دوام للأسفcrazy .. وبطلع ارقد .. وبكره بعطيك المكان الي يطيب خاطرك مع الارقام والوصف بالضبط ان شاء الله:deal:

وعلي فكره لو تبي مساعده اشمل خبرنا .. من ناحيه الليموزين او اجار السيارات او الاماكن الترفيهيه والمجمعات .. وان شاء الله مابنقصر عليك ولا باقي الاخوان بيقصرون ..

وطولنا عليك وايد .. تصبح علي خير .. لك اجمل تحيه يالغالي .. :)

[فارس 2007]

اخووي اندكس سامحنا يالغالي وياهلا ومرحبا فيك في قطر يالغالي .. وصدقني بنساعدك بألي نقدر عليه ان شاء الله :nice:

والسبب انه محد رد عليك هالقسم مايدخلونه الشباب وايد .. الا ألي له حاجه فيه ويطلع .. وقسم توه جديد وفي بدايته .. عشان جذي مب ماخذ حقه بالردود الكافيه .. وانطر عليه شوي وبتزهق من وجوه ربعنا اهنيه:D

الحين يالغالي قوولي .. تبي شقق فندقيه ولا فندق ؟ انتو كم شخص ؟ وعائله او شباب ؟ وكم يوم ناويين تقعدون ؟ وكم الميزانيه الي ممكن تدفعها للسكن ؟ وتبي مكان فخم شوي .. او مكان بسيط ونظيف للنوم فقط .. لانه هذي طريقه اغلب ربعنا لما يسافرون يدورون اي مكان للنوم ورخيص .. عشان خسايرهم ماتكون علي الفندق .. والخساير تكون علي الطلعات والوناسهomen

حدد لنا يالغالي .. والحين اسمحلي اخووك لمت داون وراه دوام للأسفcrazy .. وبطلع ارقد .. وبكره بعطيك المكان الي يطيب خاطرك مع الارقام والوصف بالضبط ان شاء الله:deal:

وعلي فكره لو تبي مساعده اشمل خبرنا .. من ناحيه الليموزين او اجار السيارات او الاماكن الترفيهيه والمجمعات .. وان شاء الله مابنقصر عليك ولا باقي الاخوان بيقصرون ..

وطولنا عليك وايد .. تصبح علي خير .. لك اجمل تحيه يالغالي .. :)


:app: :app: :app: :app: :app: :app: :app:

[index]

وان شاء الله مابنقصر عليك ولا باقي الاخوان بيقصرون ..


مابه قصور يالغالي .. بس ان اللي شكلي مستعجل
وعصبت شوي:anger1: والسموحه منك ومن الجميع
وخصوصا مشرفي القسم .

عموما... زرت المشاركه للاخ رجل شرقي بعنوان ملف قطر
السياحي وبصراحه ماقصر الله يعطيه العافيه .. وما نستغني
عن خدماتك اخوي لمت اب 111 اذا عندك معلومات اضافيه

بالنسبه للشقق الفندقيه .. المطلوبه لعائله .. وافضل تكون
فخمه سواء 5 او 4 نجوم ويفضل تكون قريبه من المجمعات
والاسواق ومو مشكله لو كانت بعيده اذا هي فخمه واحسن
الموجود .. وياليت اخوي اعرف الاماكن العائليه اللي تنصح
فيها مثل الاماكن الترفيهيه والمجمعات .

شاكر ومقدر لك مشاعر الطيبه .. ودمت بخير ونعمه

[bo nayef]

عندك بيفرلي هيلز تور في الخليج الغربي واسعاره جدا مناسبة وتوه جديد ووااااايد فخم

[خالي مشاعر]

اخوي في شقق فندقية امس شفتها خلف مكتبة جرير
ادخل في الشارع اللي جنب جرير لين توصل وكالة المازدا وعقب لف يمين مع الشارع بتحصل الشقق على يمينك بس ماتذكر اسمها

[index]

بونايف / خالي المشاعر
مشكورين على هالمعلومات
بارك الله فيكم

[الشهبندر]

ان شاء الله لن يقصروا معك اخي