استفسار عن السجل التجاري والجمارك

[بنوته]

السلام عليكم ورحمة الله وبركاته

اخواني انا عندي عدة استفسارات

انا حابه اجيب بضاعه من دوله اجنبيه وهي عباره عن كريمات وبودره للجسم...كيف الطريقه اللي تخلي الجمارك تمشيها ودخلها البلاد وماتحجزها لانها حصلت لي مره وقفو طرد لي ...المهم شنو لازم يكون عندي عشان البريد مايحجز الطرد ..للعلم انا ابيع بالبيت وماعندي محل ولا سجل تجاري ...وابي اعرف شلون اطلع سجل تجاري وكم يكلف وهل شرط انه يكون عندي محل خاص ...

طلب اخير ..انا ادور على محل او مجمع يرضى يأجر لي ركن صغير في حدود 1000 ريال في شهر لعرض بضاعتي البسيطه

وجزاكم الله خير الجزاء

[قطري رافع الراس]

اختي بنوته بجاوبج بالشق الي يتعلق بالجمارك

اذا كانت الكميه بسيطه يمشونها لج بانها استعمال شخصي أما اذا كانت الكميه كبيره وتجاريه

فالمطلوب منج اتجيبين سجل تجاري ولازم يكون مذكور في خانة النشاط التجارة في المواد الي انتي تبيغين تستوردينها لانه بدون كلمة التجارة أو استيراد الجمارك ماراح

يسمحولج بالاستيراد .

وبعدين اذا عملتي السجل التجاري بتكون فيه إجراءات تسجيل لدى الجمارك .

وبالنسبه للتسجيل في الجمارك للحصول على رقم مستورد مطلوب منج مستندات لازم اتقدمينها غير السجل التجاري .

اتمنى اكون افدتج اختي وعسى الله يوفقج

[alwahesh]

اول شي بالنسبه للشحن
روحي للشركات المعروفه للشحن مثل ارامكس و Dhl و غيرها لا بريد ولا هم يحزنون

وبالنسبه للسجل طبعا مستحيل يعطونج سجل بدون محل وان عطوج يكون مكلف

اعتقد بحدود 3500 سنويا وغير رخص البلديه فب حدود 2500 كل سنتين
وغير 500 لغرفه تجارة قطر

وبالنسبه للكشك او الصندقه او الستاند في المجمعات ما اضن اح ياجر على الف الا اذا في الاسبوع يمكن ...

احسن شي تسوينه انج تبيعين على الشركات الكبيره او المحلات المعروفه


وبالتوفيق

[sulai6i]

السلام عليكم ..

اذا كانت البضاعة تحتوي على أدوية للبشرة او الجسم .. يتم تحويلها لقسم الرقابة الدوائية لمعاينتها وفحصها ..

اذا كانت عندج عينات من البضاعة .. وديها لهم واخذي تصريح مسبق

وبإمكانج تستفرين عن كل شي بالتلفون ..
اتصلي بالجمارك قسم المطار اذا كنتي بتجيبينهم من المطار او قسم البريد اذا بتجيبينها عن طريق البريد .. واخذي كل المعلومات اللي تبينها

[مزيون الدوحه]

اختي اذا تبين نصيحه صغيره وصدقيني بتفيدج وزعي الشحنه على كم شخص ولاتجيبين كل الشحنه بأسمج, صح يمكن يزيد عليج الشحن شوي لاكن البضاعه راح يمشونها ان شاء الله
وشكرا

[AL_MUTAEM]

السلام عليكم ورحمة الله وبركاته

اخواني انا عندي عدة استفسارات

انا حابه اجيب بضاعه من دوله اجنبيه وهي عباره عن كريمات وبودره للجسم...كيف الطريقه اللي تخلي الجمارك تمشيها ودخلها البلاد وماتحجزها لانها حصلت لي مره وقفو طرد لي ...المهم شنو لازم يكون عندي عشان البريد مايحجز الطرد ..للعلم انا ابيع بالبيت وماعندي محل ولا سجل تجاري ...وابي اعرف شلون اطلع سجل تجاري وكم يكلف وهل شرط انه يكون عندي محل خاص ...

طلب اخير ..انا ادور على محل او مجمع يرضى يأجر لي ركن صغير في حدود 1000 ريال في شهر لعرض بضاعتي البسيطه

وجزاكم الله خير الجزاء

اختي العزيزه ..

تقدرين تاخذين سجل تجاري ومش شرط يكون عندج محل ولا مكتب ..

السجل انا بالضبط مش عارف كم بيكلف لاني ما اعرف رسوم المواد والكريمات الصحيه ..

بس افضل انك تتصلين بوزارة الاقتصاد ةالتجاره وتقدرين تسألينهم .. وراح يفيدونك اكثر لانه مجال اختصاصهم .


بس اتوقع انك تجيبين البضاعه نفس ماتفضل الاخ مزيون قطر وتخلين كم مجموعه بأسم شخص حتى لو كان صغير بالعمر اهم شي تدخل في مجال الاستخدام الشخصي


وبالتوفيق

[بنوته]

السلام عليكم ورحمة الله وبركاته

مشكورين اخواني على الرد ...الله يوفقكم

[مليت]

الحل عندي ان شاء الله

روحي جمارك المطار بتحصلين سودانين شكثرررر قولي له تعال يا زول ابي اجيب بضاعه من النوع الفلاني تقدر تخلصني وتشوف لي شركة مستحضرات تجميل طبعاُ بيشوف لج بدال التصريح مليوووون وهو بيتصرف من يوم توصل البضاعه الى تخليص الاوراق سوء كانت كريمات ولا غيرها وتعطينه فلووس التخليص وهو كيفه مع الشركة خلج وياه ستريت من البدايه وفهميه ان المنتجات تحتاج رخصة استيراد خاصه باتجميل او الامور الطبيه وفهميه انج بتعطينه المبلغ كامل على بعضه ولا لج شغل الا تستلمين البضاعه

(وعقب الله يسلمج وبرخصة المستحضر روحي الى اي صيدلية وقولي لهم عندي الكريم لفلاني وبعطيكم النسبه الفلانيه في حال البيع فقط (والله لا يهينج علان صغير في الجريده وحطي رقمج واي حد يتصل قولي لهم المنتج في الصيدليه لفلانيه وتحصلينهم ضرب نعل عليه

طبعاُ قلت حطي رقمج عشان ما يتصلون الصيدلية دايركت الا عن طريقج لن مالج حق تسوين دعايه للغير قانونين وفي نفس الوقت الصيدليه بتفاجئ من كثر طلب المنتج وعقبها بيدورون رضاج وللاسف بيحاولون يلطشون مكان تحضير المنتج ولكن مش مهم يعني لو هم ما حاولو الزباين يمكن والتجاره شطاره


والسلام عليكم ورحمة الله وبركاته

[الجمارك]

بالتوفيق انشاء الله

[PoBox]

على طاري المحل الصغيرما ابي اسبب احباط
لكن

" كشك الذرة اللي في اللولو هايبرماركت ايجاره الشهري 6000 ريال
:eek2: :eek2: :eek2: :eek2: :eek2:


طبعا يختلف من مجمع لين مجمع