هل تعلم ما وظيفة خادمك & خادمتك الاصلية ؟؟؟

[دلة الرسلان]

السلام عليكم ورحمة الله وبركاته

اخواني اخواتي اعضاء وزوار المنتدى ، كثير منا اذا لم يكن جميعنا يتعامل او يكفل خادم

اوخادمة ومعظمنا نتعامل معهم بصفتهم الجديدة كطباخة او مربية اطفال او سائق حسب

الطلب الذي استلمناه من مكتب الخدم .

ولكن هل تبادر الى ذهنك ما طبيعة عمله او عملها في بلادهم ؟؟ قد تقول لا احتاج لذلك

ولكن اذا عرفت ان هناك فائدة ربما تغير رأيك :deal:

كنت بحاجة الى نجار وتفاجأت بقيمهم لفك كبت (دولاب) ونقله في نفس الغرفة طلب 450 ريال

في عمل يقتضي منه 20 دقيقة ، فاستعنت براعي عند اهلي عمله الاصلي نجار وعطيته

المقسوم :dance .

ودريول اهلي الهندي راضيته بعد ان تم فلعه من قبل اخي الصغير وسألته ( اخذ بخاطره ) ما

عملك يادريول ؟؟ انا مدرس خريج جامعة يا مدام :shy:

وهكذا اكتشفت ان خادمتي منسقة ازهار والثانية مزارعة والسائق بائع في مكتبة منذ 16 سنة

وغيره .واضطرتهم الظروف للعمل في ظروف ما يعلم بها الا الله ، فالف حمد لك يالله على نعمك

التي لاتعد ولا تحصى .

ايش رأيكم تكتشفون خدمكم ايش عملهم الاصلي في بلادهم .

[وطن]

فعلا اختي بعضهم مساكين خريجين جامعة بس ما يلاقون وظايف توكلهم عيش في بلادهم

الله يكون بعونهم

[Smart]

الف حمد لك يالله على نعمك

[PoBox]

خدامتنا القديمة كانت تشتغل
مشاطة في قصر الملك فهد (( مسؤولة عن تسريحة شعر بنت الملك فهد ))

اتكلم من جد


الله يكفينا شر الحسد الحين من البنات :dance :dance :funny:

[دلة الرسلان]

فعلا اختي بعضهم مساكين خريجين جامعة بس ما يلاقون وظايف توكلهم عيش في بلادهم

الله يكون بعونهم


اي والله يا وطن خريجين وينضربون بعد:shy:

شكر ع مرورك

[دلة الرسلان]

الف حمد لك يالله على نعمك


اي والله الف حمد وشكر مليون مرة

[دلة الرسلان]

خدامتنا القديمة كانت تشتغل
مشاطة في قصر الملك فهد (( مسؤولة عن تسريحة شعر بنت الملك فهد ))

اتكلم من جد


الله يكفينا شر الحسد الحين من البنات :dance :dance :funny:


معلومة مهمة واشلون استفدتوا منها لاتقول طباخة ؟؟؟

وشكرا ع مرورك

[ضوى]

الخدامة اللي جبناها جديد بس تعرف تكتبت وتقرا وكبرية بالسن ما ظنها راعية شهادة ، والسايق والله ما اعرف بس اظنه يعرف يكتب ويقرا بعد بس ما اتوقع عنده شهادة

الله يعين هالناس اللي جبرتهم ظروف الدنيا عالذل

يسلمو دلة

[لمت داون111]

الله يعينهم في حياتهم .. وماندعي لهم بدون مانعينهم .. لازم نهتم فيهم ونراعي غربتهم وظروفهم .. تخيلو انتو تشوفون اهاليكم واعيالكم واخوانكم كل يوم .. هذول كل سنتين او ثلاث يشوفونهم لمده شهر وخلاص !!

الغربه صعبه يا ناس .. والله يعينا ونساعدهم ونكسب اجر وثواب فيهم

يعطيج العافيه علي هالموضوع الحلو اختي دلة :)

[الطرف الأغر]

يعطيج العافيه يا دلة على الموضوع ،، للأسف صار الكثير يستهزأ بالخدم بغض النظر عن عملهم السابق او مستواهم التعليمي ،، الانسانيه والرحمه هي الأساس في التعامل قبل أي شي بالنسبه لي أعاملهم كأنهم موظفين اغلطوا بشي مقصود كاهمال ينخصم من راتبهم ،، لاني ما استخدم اسلوب الهواش


السايق = خريج برمجة حاسب اّلي ،، ودايما يذكرلي باستمرار انا رجل أكاديمي :looking:
الخادمه القديمة = مب مكمله تعليمها بس تقرا وتكتب
الخادمه الجديده = جامعية بعد متخصصه حاسب اّلي


تحياتي لج ،،

[دلة الرسلان]

الخدامة اللي جبناها جديد بس تعرف تكتبت وتقرا وكبرية بالسن ما ظنها راعية شهادة ، والسايق والله ما اعرف بس اظنه يعرف يكتب ويقرا بعد بس ما اتوقع عنده شهادة

الله يعين هالناس اللي جبرتهم ظروف الدنيا عالذل

يسلمو دلة


هذا صحيح بس يمكن عندهم شغلة في بلادهم مثل نجار بيت اهلي .

وشاكرة مرورك ياضوى

[دلة الرسلان]

الله يعينهم في حياتهم .. وماندعي لهم بدون مانعينهم .. لازم نهتم فيهم ونراعي غربتهم وظروفهم .. تخيلو انتو تشوفون اهاليكم واعيالكم واخوانكم كل يوم .. هذول كل سنتين او ثلاث يشوفونهم لمده شهر وخلاص !!

الغربه صعبه يا ناس .. والله يعينا ونساعدهم ونكسب اجر وثواب فيهم

يعطيج العافيه علي هالموضوع الحلو اختي دلة :)


تخيل اخوي عندي سائق عربي خلوق ما شاء الله عليه المهم صار له من أهله 3 سنوات وما شاف بنته الصغيرة وسألته متى بيروح قالي ما اقدر اروح لان لازم ادفع مقدم 3 شهور ايجار بيتي والله حزنت عليه وساعده زوجي بس شوف القهر اللي فيه ها المساكين .

[دلة الرسلان]

يعطيج العافيه يا دلة على الموضوع ،، للأسف صار الكثير يستهزأ بالخدم بغض النظر عن عملهم السابق او مستواهم التعليمي ،، الانسانيه والرحمه هي الأساس في التعامل قبل أي شي بالنسبه لي أعاملهم كأنهم موظفين اغلطوا بشي مقصود كاهمال ينخصم من راتبهم ،، لاني ما استخدم اسلوب الهواش


السايق = خريج برمجة حاسب اّلي ،، ودايما يذكرلي باستمرار انا رجل أكاديمي :looking:
الخادمه القديمة = مب مكمله تعليمها بس تقرا وتكتب
الخادمه الجديده = جامعية بعد متخصصه حاسب اّلي


تحياتي لج ،،

حياكي الله يا الطرف الاغر انا مش مركزة في موضوعي ع شهادات الخدم انا قصدي ان نفكر

ان لهم اعمال ثانية في بلادهم ولكن حدتهم الحاجة ان يتناسونها لاجل ظروف افضل يمكن بعد

ما وجدوها :( وانا بصراحة ما اتكلم مع الخدم بس يوم سألتهم عن اعمالهم المني الشوق

اللي حسيته في عيونهم والاعتزاز اللي كثير مننا يكسره .

[المخباط]

انا فاهمة قصدك يادلة الكثير منا من كثر ميستهين بالخدم يمكن حتى اسمها او اسمة
ما يعرفونة فما بالك بالمهنة :anger1:
المربية كانت تدرس تمريض بس ماكملت ماعندها مصاريف الدراسة
ومدبرة المنزل كانت تبيع في دكان والحين في بيتنا مترامي الاطراف خخخخخخخخخخخ تطبخ
عن نفسي علاقتي معاهم من احسن ما يكون معطتهم حقوقهم بالكامل عشان كذا ما شردوا
تتش ذا وودomen تحياتي

[لمت داون111]

يعطيج العافيه يا دلة على الموضوع ،، للأسف صار الكثير يستهزأ بالخدم بغض النظر عن عملهم السابق او مستواهم التعليمي ،، الانسانيه والرحمه هي الأساس في التعامل قبل أي شي بالنسبه لي أعاملهم كأنهم موظفين اغلطوا بشي مقصود كاهمال ينخصم من راتبهم ،، لاني ما استخدم اسلوب الهواش


السايق = خريج برمجة حاسب اّلي ،، ودايما يذكرلي باستمرار انا رجل أكاديمي :looking:
الخادمه القديمة = مب مكمله تعليمها بس تقرا وتكتب
الخادمه الجديده = جامعية بعد متخصصه حاسب اّلي


تحياتي لج ،،

السلام عليكم

اختي عندي تعليق بسيط علي كلامج

لما قلتي انا اعاملهم مثل الموظفين .. ونعم المعامله اختي فعلا هم يعدون مثل الموظفين وحتي مسمي خدم المفروض مانقوله .. بس مثل ماذكرو الاخوان ذله المعيشه هي الي خلتهم يشتغلون تحت رحمه غيرهم .. واللهم لاتبلينا بما بليت فيه غيرنا

تعليقي اختي علي كلامج عن الخصميه .. مهما سوت الخادمه او الدريول واذا انتي مقتدره والله فاتحها عليج حاولي انج ماتخصمين من راتبهم قد ماتقدرين .. مهما كانت الاسباب !!

يعني بعطيج مثال عن الدريول : هو مابيطلع من البيت الا ليروح مشواير تخص عيلتكم .. وحاليا مكثفين الرادارات المتحركه عشوائيا بالشوارع .. يعني سرعه الشارع 80 ودريولكم كان ماشي 100 وصاده الرادار وخصمتيها من راتبه .. هالشي من حقج بس بصراحه بعد اعتبرها حرام بنظري .. هو راتبه يمكن الف ريال ويطرشها كلها لبلاده لزوجته واعياله عشان يعيشون وياكلون منها .. ولاتنسين الشهر طويل .. تخيلي اعياله يجوعون من اليوع عده ليالي ويقتصدون في اكلهم كلها بسبت خصميه 300 ريال ؟ صحيح هو بيتعلم غلطته وبيحاسب بزياده ولا بيسرع بس ايش ذنب اعياله ماياكلون بسبب غلطه تافهه ؟ جايز تفكيري مفرط في هالنقطه بس احنا الحمدلله عايشين ماكلين وشاربين ويمكن حزات ننسي اهل هالفقير المسكين الي جاي يترزق عندنا ويشتغل تحت رحمتنا

ترا مبلغ هال300 تافه لنا .. وانتي عامليه كموظف من ناحيه تحذير وتوعيه وتعويده علي الانتباه علي لافتات سرعه الشارع ولا يطوف هالسرعه عشان مايصيده الرادار .. جذيه بتكونين علمتيه درس جيد انه مايسرع ولا يسبب حوادث جايز تصير له من هالسرعه .. وبنفس الوقت ماتخصمين مبلغ تافهه بالنسبه لنا وتحرمينه واعياله من اشياء كثيره بهالمبلغ !! يعني بتكونين مثل المدير الناجح الي يتواصل مع موظفينه بعقله وتواضعه ومب بهواشه وصراخه عليهم

ادري عطيتج كلام شطول هههههههههههه بس هذي مثال طويل شووي :D

ونفس الشي ينطبق علي الخدامه مثلا لو اكسرت طقم صحونج الغاليين بالغلط .. علميها واخذيها بالنصيحه والكلام وصدقيني بتحس بغلطه اهمالها وبتحاول انها ماتعيدها وبتحط بالها عدل المرات الجايه .. واولا واخيرا هي ماسوت هالشي متعمده .. واحنا بشر وشي طبيعي نغلط بحياتنا .. يعني ارحموا من بالارض يرحمكم من بالسماء .. وحتي لما احنا نسامح ونقدر المسكين الضعيف الله بيسهل امورنا بالدنيا وبيخلي الاقوى منا يرحمنا بدنيته

مره صارت لي سالفه في احد كراجات تبديل آيل السيارات معروف بقطر .. وما العامل الاسيوي ما سوا شغله بالطريقه المطلوبه وكان بيتسبب في خراب مكينة سيارتي علي سبب تافه بس ماكان مقصود منه .. وانا دخلت علي الاداره وفضيتهم فض وقالو لي بيصلحون لي كل شي مره ثانيه وانا ماراح ادفع ريال واحد .. قلت اوكي .. ولما اشتغلوا وخلصوا كنت بروح سبحان الله كأنه قلبي كان ناغزني .. سألت الفورمن قلت له الحين من بيتحمل خساير تبديل الآيل بسيارتي ؟ وجان يعطيني ابتسامه خبيثه ويقول بنخصمها من راتب العامل الاسيوي !! علي طوول نزلت ودخلت علي الاداره وتميت اتهاوش وياهم عشان ياخذون مني الفلوس هههههههه بس اهم شي ماخليتهم يخصمونها علي راتب هالمسكين .. صحيح لو اني اعصب ولا شي ممكن اهاوشه علي اهماله بس ماخليه يتحمل شي واحد من راتبه لانه حرام بنظري وخاصه انه مب متعمد هالشي

شكلي زهقتج وانتي تقرين هههههههههههه اتمني تاخذين كلامي بسعة صدر والله ماقلت لج هالكلام الا عشان اجنبج فيها اثام او سيئات من رب العالمين وانا ادري انه انتي مب قاصده تعملين هالشي وبصراحه انا كنت بطرش لج هالكلام علي رساله خاصه عشان ما سبب لج اي احراج حتي لو بسيط .. بس فضلت اقوله جدام الاعضاء عشان يستفيدون من وجهة نظري ..

لج تقديري واحترامي اختي الغاليه :)

[لمت داون111]

تخيل اخوي عندي سائق عربي خلوق ما شاء الله عليه المهم صار له من أهله 3 سنوات وما شاف بنته الصغيرة وسألته متى بيروح قالي ما اقدر اروح لان لازم ادفع مقدم 3 شهور ايجار بيتي والله حزنت عليه وساعده زوجي بس شوف القهر اللي فيه ها المساكين .
مسكين والله .. الله يعينهم ويعين اهاليهم

جزاه الله خير زوجج ماقصر وياه والله .. وفي ميزان حسناته ان شاء الله .. وفوق هذا ينعد مثال طيب جدا للابناء .. الله يحفظكم ان شاء الله ويجعلكم دوم مترابطين مع بعض :)

[دلة الرسلان]

انا فاهمة قصدك يادلة الكثير منا من كثر ميستهين بالخدم يمكن حتى اسمها او اسمة
ما يعرفونة فما بالك بالمهنة :anger1:
المربية كانت تدرس تمريض بس ماكملت ماعندها مصاريف الدراسة
ومدبرة المنزل كانت تبيع في دكان والحين في بيتنا مترامي الاطراف خخخخخخخخخخخ تطبخ
عن نفسي علاقتي معاهم من احسن ما يكون معطتهم حقوقهم بالكامل عشان كذا ما شردوا
تتش ذا وودomen تحياتي

احسنتي يالمخباط هذا قصدي والله يبارك لكي في خدمك ويكفيكم شر عيون خلقه ترى عن جد

الصحابة كانوا يدعون الله في كل امور حياتهم فما بالكم بالخدم اللي يعرفون كل صغيرة وكبيرة

في حياتنا فندعوا ان الله يبارك لنا فيهم .

[دلة الرسلان]

مسكين والله .. الله يعينهم ويعين اهاليهم

جزاه الله خير زوجج ماقصر وياه والله .. وفي ميزان حسناته ان شاء الله .. وفوق هذا ينعد مثال طيب جدا للابناء .. الله يحفظكم ان شاء الله ويجعلكم دوم مترابطين مع بعض :)

وبارك الله فيك اخوي ولله الحمد ابنائي اذا ينادون الخادم يكون بأدب ويساعدونهم واذا اخطأ

احدهم يعرف انه راح يتهزأ قدام الخادم وراح يتأسف منه وهذا لله سبحانه الذي جعل لنا سلطة

على ناس يمكن انهم عند الله اخير مننا .

[الطرف الأغر]

السلام عليكم

اختي عندي تعليق بسيط علي كلامج

لما قلتي انا اعاملهم مثل الموظفين .. ونعم المعامله اختي فعلا هم يعدون مثل الموظفين وحتي مسمي خدم المفروض مانقوله .. بس مثل ماذكرو الاخوان ذله المعيشه هي الي خلتهم يشتغلون تحت رحمه غيرهم .. واللهم لاتبلينا بما بليت فيه غيرنا

تعليقي اختي علي كلامج عن الخصميه .. مهما سوت الخادمه او الدريول واذا انتي مقتدره والله فاتحها عليج حاولي انج ماتخصمين من راتبهم قد ماتقدرين .. مهما كانت الاسباب !!

يعني بعطيج مثال عن الدريول : هو مابيطلع من البيت الا ليروح مشواير تخص عيلتكم .. وحاليا مكثفين الرادارات المتحركه عشوائيا بالشوارع .. يعني سرعه الشارع 80 ودريولكم كان ماشي 100 وصاده الرادار وخصمتيها من راتبه .. هالشي من حقج بس بصراحه بعد اعتبرها حرام بنظري .. هو راتبه يمكن الف ريال ويطرشها كلها لبلاده لزوجته واعياله عشان يعيشون وياكلون منها .. ولاتنسين الشهر طويل .. تخيلي اعياله يجوعون من اليوع عده ليالي ويقتصدون في اكلهم كلها بسبت خصميه 300 ريال ؟ صحيح هو بيتعلم غلطته وبيحاسب بزياده ولا بيسرع بس ايش ذنب اعياله ماياكلون بسبب غلطه تافهه ؟ جايز تفكيري مفرط في هالنقطه بس احنا الحمدلله عايشين ماكلين وشاربين ويمكن حزات ننسي اهل هالفقير المسكين الي جاي يترزق عندنا ويشتغل تحت رحمتنا

ترا مبلغ هال300 تافه لنا .. وانتي عامليه كموظف من ناحيه تحذير وتوعيه وتعويده علي الانتباه علي لافتات سرعه الشارع ولا يطوف هالسرعه عشان مايصيده الرادار .. جذيه بتكونين علمتيه درس جيد انه مايسرع ولا يسبب حوادث جايز تصير له من هالسرعه .. وبنفس الوقت ماتخصمين مبلغ تافهه بالنسبه لنا وتحرمينه واعياله من اشياء كثيره بهالمبلغ !! يعني بتكونين مثل المدير الناجح الي يتواصل مع موظفينه بعقله وتواضعه ومب بهواشه وصراخه عليهم

ادري عطيتج كلام شطول هههههههههههه بس هذي مثال طويل شووي :D

ونفس الشي ينطبق علي الخدامه مثلا لو اكسرت طقم صحونج الغاليين بالغلط .. علميها واخذيها بالنصيحه والكلام وصدقيني بتحس بغلطه اهمالها وبتحاول انها ماتعيدها وبتحط بالها عدل المرات الجايه .. واولا واخيرا هي ماسوت هالشي متعمده .. واحنا بشر وشي طبيعي نغلط بحياتنا .. يعني ارحموا من بالارض يرحمكم من بالسماء .. وحتي لما احنا نسامح ونقدر المسكين الضعيف الله بيسهل امورنا بالدنيا وبيخلي الاقوى منا يرحمنا بدنيته

مره صارت لي سالفه في احد كراجات تبديل آيل السيارات معروف بقطر .. وما العامل الاسيوي ما سوا شغله بالطريقه المطلوبه وكان بيتسبب في خراب مكينة سيارتي علي سبب تافه بس ماكان مقصود منه .. وانا دخلت علي الاداره وفضيتهم فض وقالو لي بيصلحون لي كل شي مره ثانيه وانا ماراح ادفع ريال واحد .. قلت اوكي .. ولما اشتغلوا وخلصوا كنت بروح سبحان الله كأنه قلبي كان ناغزني .. سألت الفورمن قلت له الحين من بيتحمل خساير تبديل الآيل بسيارتي ؟ وجان يعطيني ابتسامه خبيثه ويقول بنخصمها من راتب العامل الاسيوي !! علي طوول نزلت ودخلت علي الاداره وتميت اتهاوش وياهم عشان ياخذون مني الفلوس هههههههه بس اهم شي ماخليتهم يخصمونها علي راتب هالمسكين .. صحيح لو اني اعصب ولا شي ممكن اهاوشه علي اهماله بس ماخليه يتحمل شي واحد من راتبه لانه حرام بنظري وخاصه انه مب متعمد هالشي

شكلي زهقتج وانتي تقرين هههههههههههه اتمني تاخذين كلامي بسعة صدر والله ماقلت لج هالكلام الا عشان اجنبج فيها اثام او سيئات من رب العالمين وانا ادري انه انتي مب قاصده تعملين هالشي وبصراحه انا كنت بطرش لج هالكلام علي رساله خاصه عشان ما سبب لج اي احراج حتي لو بسيط .. بس فضلت اقوله جدام الاعضاء عشان يستفيدون من وجهة نظري ..

لج تقديري واحترامي اختي الغاليه :)


هلا أخوي لمت داون ،، الخصميه تكون تأديبيه ،، يعني راتب السايق 500 ،، اول مخالفه أعطيه تنبيه ،، ثاني مره أخصم عليه 50 بس ،، عشان لا يسرع ولا يخالف شي في مصلحته ومصلحتي ،، وأعوضه المبلغ بطريقه غير مباشره مثل اشتريله كرت تعبئه :) ،، غير انه السايق الخاص لي في البيت لانه في سايق غيره ،، الاكراميات ما توقف اذا انتظر فتره طويله او نزلنا مكان لازم يتعشى مثل ما نتعشى ،، ياخذ فوق راتبه بزياده ،، لكن لازم يكون لي موقف حازم معاهم عشان مايتمادون ،،

نفس الشي بالنسبه للخادمه ،، راتبها 700 ،، اذا اكسرت صحون مايهمني :looking: ،، لكن ان احرقت عبايتي :deal: ،، ولا شيلتي :deal: ،، أخصم عليها 50 ،، طبعا مب من اول مره نفس الشي بعد التنبيه ،، واذا حسيت انها فعلا مب قاصده اسامحها ،، أما اذا مثل الخدم الي تتعمد الشي عشان ما نطلب منها ونطلب من الخادمه الثانيه لازم أخصم ،، ما احب الظلم ،، لكن لازم يحسون انهم تحت رقابه ومانترك كل شي على هواهم

وطبعا من اول يوم يداومون فيه << :) اقولهم القوانين

شكرا لك اخوي

[الطرف الأغر]

حياكي الله يا الطرف الاغر انا مش مركزة في موضوعي ع شهادات الخدم انا قصدي ان نفكر

ان لهم اعمال ثانية في بلادهم ولكن حدتهم الحاجة ان يتناسونها لاجل ظروف افضل يمكن بعد

ما وجدوها :( وانا بصراحة ما اتكلم مع الخدم بس يوم سألتهم عن اعمالهم المني الشوق

اللي حسيته في عيونهم والاعتزاز اللي كثير مننا يكسره .

الله يحيج يالغاليه ،، فعلا انا احس بهالشي لما السايق يكرر كم مره انا رجل اكاديمي كانه مستخسر نفسه المهنه الي هو فيها ،، نحمد ربنا على النعمه الي احنا فيها ،، بس عنهم ما كانوا يشتغلون في مكان يعانون من البطاله ،، الا سايق الوالده الله يحفظها يبناه لأنه طباخ يشتغل في مطعم كبير ومشهور على كلامه في الهند ومسلم ،، لكن عليه طباخ ماشاء الله ،، عجييييب يسويلنا من الصبح الجباتي و البوري حااااار يجنن مع جبن ،، بس طبعا غيرنا فيه الذوق العام خليناه خليجي اول ما ياه حتى الهريس يبي يحط فيه فلفل :D ،، عقب علمناه السواقه ،، وصار مدير المنزل :p كمل 17 سنه يبناه شباب الحين طلع الشيب من عينه :looking:

تحياتي لج

[دلة الرسلان]

الله يحيج يالغاليه ،، فعلا انا احس بهالشي لما السايق يكرر كم مره انا رجل اكاديمي كانه مستخسر نفسه المهنه الي هو فيها ،، نحمد ربنا على النعمه الي احنا فيها ،، بس عنهم ما كانوا يشتغلون في مكان يعانون من البطاله ،، الا سايق الوالده الله يحفظها يبناه لأنه طباخ يشتغل في مطعم كبير ومشهور على كلامه في الهند ومسلم ،، لكن عليه طباخ ماشاء الله ،، عجييييب يسويلنا من الصبح الجباتي و البوري حااااار يجنن مع جبن ،، بس طبعا غيرنا فيه الذوق العام خليناه خليجي اول ما ياه حتى الهريس يبي يحط فيه فلفل :D ،، عقب علمناه السواقه ،، وصار مدير المنزل :p كمل 17 سنه يبناه شباب الحين طلع الشيب من عينه :looking:

تحياتي لج

زين شرايك في الفلبينية اللي دربناها ع الجباتي ومزارعة تشوفينها قاعدة للمزارع قعدة تفتن عليه تقولي يا مدام هذا الرجل يسقي الاشجار بماء ساخن تتكلم فصحى ومطوعة
ميزتها انها علمت عيالي لغة عربية فصحى .

[ANONYMOUS]

عندنا سايق .. بس يسوي كل شي.. زرع.. تربية مواشي .. يبني.. يصبغ.. يايب فيتر.. واشيا واجد ماقدر اذكرها من كثرها....

من كثر ان ماعنده وقت.. جبنا اخوه.. وولده يساعدونه.... وهو السوبرفايزر مالهم.. وولده الثاني بالطريق..

طبعا معاشه خيالي.. بالنسبه لأقرانه .. من بطرته.. شرى له سياره :)

[السنافي]

ما شاء الله خدمكم مثقفين انزين ممكن تستفيدون من هاذي المؤهلات اللي عندها خدامه مخلصه كميوتر ودريول مدرس يعني مثلا افتحو لهم مكاتب يعلمون الجنسيات اللي تشابه جنسيتهم ويفيدون ويستفيدون ..؟

[دلة الرسلان]

عندنا سايق .. بس يسوي كل شي.. زرع.. تربية مواشي .. يبني.. يصبغ.. يايب فيتر.. واشيا واجد ماقدر اذكرها من كثرها....

من كثر ان ماعنده وقت.. جبنا اخوه.. وولده يساعدونه.... وهو السوبرفايزر مالهم.. وولده الثاني بالطريق..

طبعا معاشه خيالي.. بالنسبه لأقرانه .. من بطرته.. شرى له سياره :)


مرحبا اخوي والله يبارك لكم فيه بس انت معاي حتى لو معاشة خيالي بس تراكم موفرين واجد

. يعني شوف كم تعطي البايب فيتر مثلا لو تجيبه من برا .

[دلة الرسلان]

ما شاء الله خدمكم مثقفين انزين ممكن تستفيدون من هاذي المؤهلات اللي عندها خدامه مخلصه كميوتر ودريول مدرس يعني مثلا افتحو لهم مكاتب يعلمون الجنسيات اللي تشابه جنسيتهم ويفيدون ويستفيدون ..؟


حياك الله يالسنافي ، زين اذا فتحنا لهم مكاتب احنا ايش نستفيد ؟؟ :deal:

[لمت داون111]

هلا أخوي لمت داون ،، الخصميه تكون تأديبيه ،، يعني راتب السايق 500 ،، اول مخالفه أعطيه تنبيه ،، ثاني مره أخصم عليه 50 بس ،، عشان لا يسرع ولا يخالف شي في مصلحته ومصلحتي ،، وأعوضه المبلغ بطريقه غير مباشره مثل اشتريله كرت تعبئه :) ،، غير انه السايق الخاص لي في البيت لانه في سايق غيره ،، الاكراميات ما توقف اذا انتظر فتره طويله او نزلنا مكان لازم يتعشى مثل ما نتعشى ،، ياخذ فوق راتبه بزياده ،، لكن لازم يكون لي موقف حازم معاهم عشان مايتمادون ،،

نفس الشي بالنسبه للخادمه ،، راتبها 700 ،، اذا اكسرت صحون مايهمني :looking: ،، لكن ان احرقت عبايتي :deal: ،، ولا شيلتي :deal: ،، أخصم عليها 50 ،، طبعا مب من اول مره نفس الشي بعد التنبيه ،، واذا حسيت انها فعلا مب قاصده اسامحها ،، أما اذا مثل الخدم الي تتعمد الشي عشان ما نطلب منها ونطلب من الخادمه الثانيه لازم أخصم ،، ما احب الظلم ،، لكن لازم يحسون انهم تحت رقابه ومانترك كل شي على هواهم

وطبعا من اول يوم يداومون فيه << :) اقولهم القوانين

شكرا لك اخوي
اممم فكره جيده وشكرا للتوضيح.. ولكن بعد اشوف فيها سلبيات بسيطه جدا.. بس طبعا كل واحد وافكاره ..

عموما انتي ادري بنفسج اختي .. ويعطيج العافيه ان شاء الله علي مشاعرج الطيبه :)

[دلة الرسلان]

اممم فكره جيده وشكرا للتوضيح.. ولكن بعد اشوف فيها سلبيات بسيطه جدا.. بس طبعا كل واحد وافكاره ..

عموما انتي ادري بنفسج اختي .. ويعطيج العافيه ان شاء الله علي مشاعرج الطيبه :)

شوف اخوي لمت داون 111 بصراحة الحريم ما يفقع مرارتهم الا حرق الشيلة او العباية لانها

غالية وبعدين العادة العباية تنكوي قبل المشوار بسرعة وفيه حد ينطر او يدق هرن .... يعني

وقت حرج جدا اهني ممكن تفقد اعصابك حتى لو كنت هادي :deal: وانا شخصيا اهاوش

بهدوء مع قليل من الطنازة بس ما قد خصمت .