مب من عادتي أعصّب .. لكن اليوم والله عصّبت

[sulai6i]

السلام عليكم ..


خاطري افضفض شوي واطلع اللي في قلبي

والله مب من عادتي اعصّب .. انا انسان هادي وفي حالي
وامشي جنب الحيط :funny:


لكن اللي صار اليوم !!! :mad:

خلاني اعصب صج


البداية كانت امس ..

وديت الولد الصحة المدرسية ابي اسوي له فحص السمع لأنه المدارس ما يسجلون العيال الا لازم يكونون مسوين فحص السمع (( يعني التعليم واقف على فحص السمع )) crazy

المهم وديت الولد امس الصحة المدرسية .. قالوا لي تعال بكرة لأن فحص السمع بس ايام الأحد والثلاثا .. قلت يالله الحمدالله على كل حال .. مريت مطعم الزرقا وضربت لي كيمة وطلبت للولد شكشوكة :dance ورجعنا البيت

اليوم .. من غبشة ( من وهل ) خذت الولد وهو امغمص مسكين .. وعلى الصحة المدرسية يبلفيت اني اول واحد .. ما وصلت هناك الا مواقف مافي .. وجدام الباب العالم كلهم ماسكين الملفات الزرق ( مالت الفحص ) .. قلت شسالفه - الله يستر - دشيت داخل قلت لهم امس ييتكم وقلتوا لي تعال بكرة .. قالوا اي بس اليوم الفحص العصر مب الحين .. قلت طيب والعالم اللي برع شسالفتهم قالوا حالك حالهم تعالوا العصر .. قلت للموظف طيب شالمطلوب ( وانا اصلا مصور من كل شي 3 صور احتياط حتى ملكية البيت عندي صورة منها ) ما تدري كل يوم طالع قانون جديد .. رد علي وقال تعال من وهل احسن لك عشان تاخذ رقم لأنه بنوزع ( 100 ) رقم بس .. قلت له متى بتوزعون الأرقام قال على الساعة 2 ونص
قلت الحمدالله على كل حال وركبنا السيارة .. الولد قال يبه ابي شكشوكة .. قلت له وانا خاطري في سبجي مرينا المطعم تريقنا وعودنا البيت .. على الساعة 1 ونص الظهر دقيت سلف وطيران على الصحة المدرسية .. ( ابي اروح قبل الناس )
ما وصلت هناك الا :eek2: عبالي في اكتتاب :eek2:
نزلنا ودشيت الا الصراخ من كل صوب .. الحريم من صوب والرياييل من صوب
رحت حق الموظف وقلت له ابي رقم .. قال الأرقام توزعت من 11 ونص :funny:
اهنيه عاد انا تنحرت .. قلت له تلعب علي انت امس قلت لي تعال اليوم وييتك اليوم قلت العصر والحين تقول خلاص ما في ارقام .. انزين شلون بسجل الولد في المدرسة يعني ؟؟
قال والله ما باليد حيلة ..
حسيت ان بركان بيطلع مني .. وسبحان الله تذكرت ( والكاظمين الغيض والعافين عن الناس )
استغفرت ربي وقلت الحمدالله وطلعت ..
لكن هاااااااا تذكرت شي .. رجعت وسالته .. اقدر اسوي الفحص في عيادو خاصة او في الأهلي .. قال لا المدرسة ما يقبلون ..
قلت الله كريم وانا طالع قال لي واحد روح المركز الصحي اللي في الغرافة عندهم فحص السمع
وعلى طول من الصحة المدرسية حولت على الناصرية .. انتظرت لين الساعة 4 اول ما افتحوا الا انا راز ويهي قلت لهم ابي رقم مال فحص السمع .. قالوا مافي العصر تعال بكرة الصبح crazy
قلت واذا ما لقيت رقم بكرة شالحل يعني .. قالوا في فحص في الخور :funny:


هذا اللي صار لي امس واليوم .. وللحديث بقية بكرة

دولة قطر والحمدالله من الدول المتقدمة في شتى النواحي .. استغرب من هالتعقيدات والاجراءات اللي يتخذونها .. الحل في رأيي
1- توزيع فحص السمع على جميع المراكز ( يوميا ) شوفوا كم طالب يحتاج هالفحص !!!!
2- السماح للعيادات الخاصة باجراء مثل هذا الفحص وان يتم القبول به ( تسهيلا للي زي حلاتي )
3- عمل دراسة شاااااملة وتقييم لجميع الاجراءات اللي من شأنها تأخر المواطن

وسلامتكم

[الزاجل]

يالسليطي

اختبار السمع يفيد الأطفال على الرغم من انه يتعب اولياء الأمور ..

مرات كثيرة الطفل الطالب يكون عنده قصور في السمع
والمدرسات او المدرسين مب عارفين شنهي حالته
في الطالب هذا ما يتفاعل في الصف
وحضوره يكون مثل عدمه او ناقص ..
ويمكن يعتبرونه عنده صعوبة تعلم
او انه معاق ..

فمن مصلحة الطفل ان يتم فحصه حتى يسير في خطى صحيحة ..

[التيما]

الله يكون بعونك اخوي انا ولدي السنه بيدخل والعام الماضي سويت له الفحص وفكيت نفسي وبعدين هيئه التعليم كل يوم لهم طلبات ولا كليه هارفارد .. الحمد لله والشكر

[المزن الرياني]

الله يعينك اخوي على هالفحص
أمس واليوم كله شكاوي بوطني الحبيب بخصوص هالمشكله

انا بخاطري اعرف من هالانسان اللي راسه بينبط من الذكاء وحكر موضوع الفحص على مركز واحد بالاضافه للصحه المدرسيه ؟!!
ليش مايكون عنده الجرأه ويطلع بالاذاعه او بالجرايد ويقول انا صاحب القرار وهذه الاسباب ..

والله في ناس حرام فيها المناصب

[المهاجر]

شسالفه هافحص وليش كل هذا صج عذااااااااب
الواحد لو يسافر برع ويفحص ويرجع كان بيخلص قبل
لا حول ولا قوة الا بالله
الله يعن بس


أسمحولي على العنوان ولكن فعلاً الموضوع يبي فزعه ابي أسجل ولدي في أول أبتدائي في أحد المدارس قالوا لي جيب فحص طبي فحصته من راسه إلى أصغر أصبع في رجله اليسرى حتى وصلت لأصعب فحص وهو فحص السمع قالي المركز الذي بمنطقتنا أذهب إلى الرميله ذهبت إلى الرميه قالوا لا أذهب إلى الصحة المدرسيه بالمرقاب جيتهم صبح بدري قالو لا تعال الساعة 3العصر الصبح ما فيه قلت طيب أطلع من الدوام واتغدا وما فيه نومه ومسكت ولدي عزوز اليوم قبل الساعة3 العصر بربع ساعة وقلت يالله على الصحة المدرسية وهنا أتت المفاجأة لم أجد مكان لموضع قدمي ولا أسمع وحده من الأخوات تقول حرام عليكم أنا من الساعة 12 الظهر ورقمي هو 840 والأرقام وصلت 28 بالدورياألله متى بتخلص هذي قلت يجماعه أنا وين أروح فلم أجد من يجيبني قالوا لي معك رقم قلت لا قالوا لا تعب نفسك وعدت بخفي حنين معقوله ياقطرنا الحبيبه لم نجد لهذه المعضله حل كلها كشف سمع لا راح ولا جا إلا أن يكون الكشف عن طريق الأقمار الصناعية

[al_lord]

كلامك عين العقل اخوي وكان الله في عونك

انا مستغرب اش الفايده من المراكز المنتشره اذا ما تؤدي مثل هذه الفحوص

[sulai6i]

يالسليطي

اختبار السمع يفيد الأطفال على الرغم من انه يتعب اولياء الأمور ..

مرات كثيرة الطفل الطالب يكون عنده قصور في السمع
والمدرسات او المدرسين مب عارفين شنهي حالته
في الطالب هذا ما يتفاعل في الصف
وحضوره يكون مثل عدمه او ناقص ..
ويمكن يعتبرونه عنده صعوبة تعلم
او انه معاق ..

فمن مصلحة الطفل ان يتم فحصه حتى يسير في خطى صحيحة ..


هلا فيك اخوي

والله ما عندي مانع على اجراء الفحص
لكن المطلوب تنظيم العملية .. مب توزيع 100 رقم والباقي يقولون لهم يفتح الله
ما يصير جذي .. شي يقهر والله

[غزلان]

الله يكون بعونك اخوي

حركات ترفع الضغط

[sulai6i]

الله يكون بعونك اخوي انا ولدي السنه بيدخل والعام الماضي سويت له الفحص وفكيت نفسي وبعدين هيئه التعليم كل يوم لهم طلبات ولا كليه هاورد .. الحمد لله والشكر


يعني خلصتي وفتكيتي .. يا بختج والله

وليش ما قلتي لنا على الأقل نخلص بدل هالبهدله اللي صارت لنا

[sulai6i]

الله يعينك اخوي على هالفحص
أمس واليوم كله شكاوي بوطني الحبيب بخصوص هالمشكله

انا بخاطري اعرف من هالانسان اللي راسه بينبط من الذكاء وحكر موضوع الفحص على مركز واحد بالاضافه للصحه المدرسيه ؟!!
ليش مايكون عنده الجرأه ويطلع بالاذاعه او بالجرايد ويقول انا صاحب القرار وهذه الاسباب ..

والله في ناس حرام فيها المناصب


الله يعين الجميع ان شاء الله ..
هذي مشكلتنا في قطر .. القرارات ارتجالية .. ولين دورت من صاحب القرار ما تلاقيه !!!
شكرا لك اخوي المزن الرياني

[sulai6i]

كلامك عين العقل اخوي وكان الله في عونك

انا مستغرب اش الفايده من المراكز المنتشره اذا ما تؤدي مثل هذه الفحوص

حتى لو تكلمنا .. كأنه نأذن في مقبره

[sulai6i]

الله يكون بعونك اخوي

حركات ترفع الضغط


الله يعين الجميع اختي

ومشكورة

[المهاجر]

اخوي السليطي
الحين ما فيه فحص في المراكز الصحيه
اقصد مراكز المناطق الخارجيه

[sulai6i]

اخوي السليطي
الحين ما فيه فحص في المراكز الصحيه
اقصد مراكز المناطق الخارجيه


في بكره الصبح في مركز الغرافة الصحي
وانا ان شاء الله من الساعه 6 الصبح عندهم :eek3:

[المهاجر]

في بكره الصبح في مركز الغرافة الصحي
وانا ان شاء الله من الساعه 6 الصبح عندهم :eek3:
تبي الصراحه الله يعينكم والله
شي يقهر

[sulai6i]

تبي الصراحه الله يعينكم والله
شي يقهر


الله يعين الجميع ان شاء الله

وشكرا على الدعوة الطيبة اخوي

بارك الله فيك

[امل الحب]

الله يكون في عونك..

وعقبال مانتفرغ نوديهم..

بس السؤال هل ممكن نخلي الفحص لين الصيف ونسجلهم بداية السنة والا لازم التسجيل الحين..؟

[المهاجر]

الله يعين الجميع ان شاء الله

وشكرا على الدعوة الطيبة اخوي

بارك الله فيك
العفو اخوي
وانا احمد ربي ان ولدي مب داخل المدرسه السنه هاي
منيه لين السنه اليايه يصير خير

[الخيميائي]

انا مستغرب ليش مايقبلون فحوصات العيادات والمستشفيات الخاصة يعني الحين المراكز الصحية عندها اجهزة احسن من العيادات الخاصة

الله يعينك اخوي بصراحة شيء ينرفز :)

[sulai6i]

الله يكون في عونك..

وعقبال مانتفرغ نوديهم..

بس السؤال هل ممكن نخلي الفحص لين الصيف ونسجلهم بداية السنة والا لازم التسجيل الحين..؟


الله يعين الجميع يارب
انا كلمت المدرسة وقالوا ما يتسجل الا بهالفحص
:eek3:

[sulai6i]

العفو اخوي
وانا احمد ربي ان ولدي مب داخل المدرسه السنه هاي
منيه لين السنه اليايه يصير خير


الحمدالله على كل حال
ونصيحة اخوي
خلص اجراءاتك اول بأول

[الزاجل]

انا مستغرب ليش مايقبلون فحوصات العيادات والمستشفيات الخاصة يعني الحين المراكز الصحية عندها اجهزة احسن من العيادات الخاصة

الله يعينك اخوي بصراحة شيء ينرفز :)
العيادات الخاصة
سهل عندها التزوير crazy

[امل الحب]

الله يعين الجميع يارب
انا كلمت المدرسة وقالوا ما يتسجل الا بهالفحص
:eek3:

اوك بس هل ممكن نسجلهم بداية الكورس..؟يعني شهر 9؟؟

[sulai6i]

انا مستغرب ليش مايقبلون فحوصات العيادات والمستشفيات الخاصة يعني الحين المراكز الصحية عندها اجهزة احسن من العيادات الخاصة

الله يعينك اخوي بصراحة شيء ينرفز :)
الله يعين الجميع ان شاء الله
انا اتصلت في المستفى الأهلي ( احتياطا ) وقالوا ان عندهم هالنوع من الفحص
واذا بكرة ما لقيت رقم بروح على الأهلي وبسويه وان شاء الله المدرسة يقبلونه

[خاربه خاربه]

omen omen omen

ربي يعينك يارب

[sulai6i]

اوك بس هل ممكن نسجلهم بداية الكورس..؟يعني شهر 9؟؟


التسجيل اختي يبدأ في 3/6/2007
وهذا قصته قصة
الله يستر بس

[sulai6i]

omen omen omen

ربي يعينك يارب


آمين .. الله يسمع منج
شكرا اختي

[sulai6i]

العيادات الخاصة
سهل عندها التزوير crazy


طيب ليش ما تكون في عيادات مرخصة من الهيئة الوطنية للصحة وتكون عليها رقابة !!

[الخيميائي]

العيادات الخاصة
سهل عندها التزوير crazy

لا ماظن لهاي الدرجة توصل :)

وين قسم ابوقيراط :nice:

[الطرف الأغر]

أصحاب القرارات الارتجاليه الي تتكلمون عنهم ،، كل ما عقدوكم زياده ترقوا زياده

الله يكون في العون

[سهم طايش]

و الله قمة المهزلة

ليش يمرمطون المواطن بهالطريقه علشان فحص روتيني مثل فحص السمع

الله يعينك اخوي

و الله اني احسدك على طول بالك و سعة صدرك معاهم

عيل شكشوكه و كيمة عند الزرقا ههههههههههههههههههههه و خبز جباتي

[الزاجل]

لا ماظن لهاي الدرجة توصل :)

وين قسم ابوقيراط :nice:

مب متفرغين يراجعون ورى كل تقرير
راح يعيدون مشكلة الطوابير :D

[الزاجل]

اوك بس هل ممكن نسجلهم بداية الكورس..؟يعني شهر 9؟؟
ما بتحصلين لهم كرسي مع بداية السنة

وخاصة هناك قحط وفقر في الكراسي
وخاصة في المدارس المستقلة

[الخيميائي]

طيب ليش ما تكون في عيادات مرخصة من الهيئة الوطنية للصحة وتكون عليها رقابة !!


كلامك صح

وش الهدف انك تجبرني افحص في مكان معين

بالعكس لما يزيد الضغط على المكان تزيد نسبة ارتكاب الاخطاء

الحلول موجودة دايما لكن من يفكر:looking:

[امل الحب]

ما بتحصلين لهم كرسي مع بداية السنة

وخاصة هناك قحط وفقر في الكراسي
وخاصة في المدارس المستقلة

يعطيييك العافية:looking:

موفاضية حق المهزلة ذي.. شنو الحل؟

عالاقل يسمحون بالعيادات الخاصة:(

[سهم طايش]

أصحاب القرارات الارتجاليه الي تتكلمون عنهم ،، كل ما عقدوكم زياده ترقوا زياده

الله يكون في العون

و الله هذا القهر و هذا اللي حاصل في الدولة

ناس قاعدين في مكاتبهم ودكاترة فحص السمع اتروح لعيالهم في البيوت تفحصهم و المواطنين قابضين الدور من الساعه وحدة الظهر 0

بكرة بيطلعون لك مسؤولين الصحة بيقولون لا توجد ازمة و كل شي تمام

[sulai6i]

طيب على الأقل يخلون الفحص في كل المراكز

سوينا فحص الدم وخلنا منه
سوينا فحص النظر وخلصنا منه
سوينا فحص الاخصائية الاجتماعية وخلصنا منه
كل هذا في المركز الصحي
ليش يعني بهدلونا في مسالة فحص السمع ؟؟؟

[عزوز المضارب]

اول شيء الله يكون في عونك اخوي السليطي

ثانيا عمليه الارقام تفتح الباب للمحسوبيه والواسطه وهي مثل ارقام عيادات الاسنان والتطعيم

باختصار شديد عندك معرفه في اي مركز صحي يمشي حالك وبدن اي تعب

صدقني اشوف ناس يجيون بعدي ويدخلون عادي للدكتور

والحل في اعتقادي هو خصخصه المراكز الصحيه وهي الطريقه الوحيده لراحه الجميع


موضوعك مهم اخوي وشكرا لك على طرحه

[sulai6i]

أصحاب القرارات الارتجاليه الي تتكلمون عنهم ،، كل ما عقدوكم زياده ترقوا زياده

الله يكون في العون


للأسف .. هذا اللي حاصل
شكرا اختي

[sulai6i]

و الله هذا القهر و هذا اللي حاصل في الدولة

ناس قاعدين في مكاتبهم ودكاترة فحص السمع اتروح لعيالهم في البيوت تفحصهم و المواطنين قابضين الدور من الساعه وحدة الظهر 0

بكرة بيطلعون لك مسؤولين الصحة بيقولون لا توجد ازمة و كل شي تمام


اللي باط جبدي اني موظف في ( الهيئة الوطنية للصحة ) crazy

[sulai6i]

اول شيء الله يكون في عونك اخوي السليطي

ثانيا عمليه الارقام تفتح الباب للمحسوبيه والواسطه وهي مثل ارقام عيادات الاسنان والتطعيم

باختصار شديد عندك معرفه في اي مركز صحي يمشي حالك وبدن اي تعب

صدقني اشوف ناس يجيون بعدي ويدخلون عادي للدكتور

والحل في اعتقادي هو خصخصه المراكز الصحيه وهي الطريقه الوحيده لراحه الجميع


موضوعك مهم اخوي وشكرا لك على طرحه

الشكر لك اخوي على اقتراحك
او على الأقل يحطون ارقام مثل البنوك وكلن يمسك دوره

[sulai6i]

و الله قمة المهزلة

ليش يمرمطون المواطن بهالطريقه علشان فحص روتيني مثل فحص السمع

الله يعينك اخوي

و الله اني احسدك على طول بالك و سعة صدرك معاهم

عيل شكشوكه و كيمة عند الزرقا ههههههههههههههههههههه و خبز جباتي

ما نقول الا الحمدالله على كل حال
انا صبور وقنوع بس اهم شي يخلصوني
مب في الأخير يقولون خلاص مافي سمع وعلى هالأساس ما اقد راسجل ولدي في المدرسة

[الزاجل]

و الله هذا القهر و هذا اللي حاصل في الدولة

ناس قاعدين في مكاتبهم ودكاترة فحص السمع اتروح لعيالهم في البيوت تفحصهم و المواطنين قابضين الدور من الساعه وحدة الظهر 0

بكرة بيطلعون لك مسؤولين الصحة بيقولون لا توجد ازمة و كل شي تمام
عندك دليل ان الدكاترة يروحون بيوتهم
يكشفون على عيالهم ؟

ترا اللحين كل شي صار عادي
ممكن ننتقد ومحد يقول لنا شي ..

ووسائل الإعلام كلها معانا :looking:

[sulai6i]

اليوم ....


رحت مركز الغرافة الصحي

ووصلت الساعة 6 ونص

الا هالسيارات كلها واقفة تنتظر

http://www.m5zn.com/uploads/0ab93117e2.bmp

نزلت من السيارة .. دشيت المركز ( قسم الرجال ) الا طلع مكس حريم ورياييل
اللي يصارخ في صوب .. واالي تزاعق في صوب
واليهال مساكين تسمع صياحهم قبل ما تدخل حوش المركز
وفي الحوش واحد ماسك ورقة ويصوّت على الاسامي وكل ما قال اسم عطاه رقم
المكان زحححححححححححمة ما تقدر تتحرك
سألت واحد من اللي واقفين قلت له متى سجلوا الأسامي
قال اعتقد من 5 ونص
تميت 10 دقايق اشوف واتفرج ..
وطلعت من المركز مكسور الخاطر

[دلة الرسلان]

اليوم ....


رحت مركز الغرافة الصحي

ووصلت الساعة 6 ونص

الا هالسيارات كلها واقفة تنتظر

http://www.m5zn.com/uploads/0ab93117e2.bmp

نزلت من السيارة .. دشيت المركز ( قسم الرجال ) الا طلع مكس حريم ورياييل
اللي يصارخ في صوب .. واالي تزاعق في صوب
واليهال مساكين تسم صياحهم قبل ما تدخل حوش المركز
وفي الحوش واحد ماسك ورقة ويصوّت على الاسامي وكل ما قال اسم عطاه رقم
المكان زحححححححححححمة ما تقدر تتحرك
سألت واحد من اللي واقفين قلت له متى سجلوا الأسامي
قال اعتقد من 5 ونص
تميت 10 دقايق اشوف واتفرج ..
وطلعت من المركز مكسور الخاطر

الشكوى لله يالسليطي صراحة قمة التخبط وما فيه متابعة من المسؤليين ولا بداية سنة دراسية

ويعرفون ان اختبار السمع مطلوب ولا توفرون الا 200 رقم على افتراض ان مركز الغرافة

بيكشف على 100 طفل .

طيب مافيه احصائية بعدد الطلاب المستجدين خذوها من السنة الماضية وزيدوها الفين .

[sulai6i]

الشكوى لله يالسليطي صراحة قمة التخبط وما فيه متابعة من المسؤليين ولا بداية سنة دراسية

ويعرفون ان اختبار السمع مطلوب ولا توفرون الا 200 رقم على افتراض ان مركز الغرافة

بيكشف على 100 طفل .

طيب مافيه احصائية بعدد الطلاب المستجدين خذوها من السنة الماضية وزيدوها الفين .


انا والله خلاص فقدت الأمل ..
يخلون الواحد يظطر يدخل الواسطة .. كلمت واحد اعرفه وقال فالك طيب

[المهاجر]

بللللللللللللللللللللللللللللللل:eek2:
والله حالتك حاله يالسليطي
يعني رجعت بخفي حنين
الله يكون في عونك...
وشيتسوي الحين
:confused:

[امل الحب]

:looking: شكرا عطيتني دافع اني ماودي اخوي :looking:

crazy crazy crazy

مهزلة

الله يعينك

[sulai6i]

بللللللللللللللللللللللللللللللل:eek2:
والله حالتك حاله يالسليطي
يعني رجعت بخفي حنين
الله يكون في عونك...
وشيتسوي الحين
:confused:


كلمت واحد من الربع عشان يكلم المدرسة ويخلونهم يسجلون الولد بدون فحص السمع على اساس بسويه عقب التسجيل .. قال فالك طيب
الله كريم

[ضوى]

انا والله خلاص فقدت الأمل ..
يخلون الواحد يظطر يدخل الواسطة .. كلمت واحد اعرفه وقال فالك طيب


اخوي السليطي

من امس وانا اتابع معاك الموضوع بس فعلا انكسر خاطري عليك وعلى اللي في مثل حالتك

بس انت حصلت واسطة وقالوا لك فالك طيب ، المقيمين منهو واسطتهم غير رب العالمين ؟؟

يعني غير التعب اللي اساس هم فيه طلع لهم شئ لا كان عالبال ولا عالخاطر ، اصبح تسجيل

الابناء من المشكلات العويصة اللي انضافت لباقي مشكلات هالشعب المغلوب على امره

لا حول ولا قوة الا بالله العلي العظيم وحسبنا الله ونعم الوكيل

[sulai6i]

:looking: شكرا عطيتني دافع اني ماودي اخوي :looking:

crazy crazy crazy

مهزلة

الله يعينك


ما انصح اي بنت تروح هناك ابداااااااااااا
لو تتذكرون اكتتاب ناقلات اللي صار في نادي قطر !!
تقريبا المنظر نفس الشي
العالم لاصقين في بعض وصراخ وزعاق وصياح من كل صوب

[sulai6i]

اخوي السليطي

من امس وانا اتابع معاك الموضوع بس فعلا انكسر خاطري عليك وعلى اللي في مثل حالتك

بس انت حصلت واسطة وقالوا لك فالك طيب ، المقيمين منهو واسطتهم غير رب العالمين ؟؟

يعني غير التعب اللي اساس هم فيه طلع لهم شئ لا كان عالبال ولا عالخاطر ، اصبح تسجيل

الابناء من المشكلات العويصة اللي انضافت لباقي مشكلات هالشعب المغلوب على امره

لا حول ولا قوة الا بالله العلي العظيم وحسبنا الله ونعم الوكيل


والله ما باليد حيلة اخت ضوى
وانا ما احب اكلم حد في اي موضوع ( واسطة )
لكن والله عقب اللي عانيته واللي شفته
شفت نفسي مظطر ..
شوفي ولدي شلون حالته ..

http://www.m5zn.com/uploads/d1e9dbadd7.JPG

واليهال هناك في المركز والله يقطعون القلب

المشكلة .. وين المسؤؤولين عن اللي يصير

والله يعين اللي ما عنده واسطه !!

[ضوى]

والله ما باليد حيلة اخت ضوى
وانا ما احب اكلم حد في اي موضوع ( واسطة )
لكن والله عقب اللي عانيته واللي شفته
شفت نفسي مظطر ..
شوفي ولدي شلون حالته ..

http://www.m5zn.com/uploads/d1e9dbadd7.JPG

واليهال هناك في المركز والله يقطعون القلب

المشكلة .. وين المسؤؤولين عن اللي يصير

والله يعين اللي ما عنده واسطه !!


يحليله ، الله يخليه لك يارب والله يعور القلب

الصراحة شئ خيالي اللي قاعد يصير كأنه حلم

المسؤولين ؟؟ كل واحد فيهم نايم بالعسل ولا يهمه اللي صاير بالدنيا

الله يعيينك يارب ويهونها على كل مسلم يارب

[sulai6i]

يحليله ، الله يخليه لك يارب والله يعور القلب

الصراحة شئ خيالي اللي قاعد يصير كأنه حلم

المسؤولين ؟؟ كل واحد فيهم نايم بالعسل ولا يهمه اللي صاير بالدنيا

الله يعيينك يارب ويهونها على كل مسلم يارب

آمين .. ويزاج الله خير على الدعوة الطيبة

[عزوز المضارب]

اخوي السليطي الظاهر مشكلتك وصلت لجريده الشرق



http://www.al-sharq.com/DisplayArticle.aspx?xf=2007,May,article_20070530_7 55&id=local&sid=localnews



:nice: :nice:

[راعي الحمرا]

الله يكون بعونك اخوي

[sulai6i]

اخوي السليطي الظاهر مشكلتك وصلت لجريده الشرق



http://www.al-sharq.com/DisplayArticle.aspx?xf=2007,May,article_20070530_7 55&id=local&sid=localnews



:nice: :nice:


شكرا اخوي على الخبر

الجدير بالذكر ان مؤسسة حمد الطبية كانت قد اعلنت عن تخصيص عيادة جديدة لفحص السمع في مستشفى الخور وذلك يوم الخميس من كل أسبوع بهدف تخفيف الضغط عن عيادتي فحص السمع في الصحة المدرسية ومركز الغرافة الصحي

والله اخاف اضرب خط لين الخور بكرة وحصل نفس الزحمة !!!

[sulai6i]

الله يكون بعونك اخوي


يزاك الله خير

[بو فـهـد]

صباح الخير

اخباركم ؟؟

كسرت خاطري والله

صج معاناه ..

شوف اذا عندك شهادة السمع اللي اول ما ينولد الطفل

هاذي تكفي وتوفي بالغرض لانه اول ما نولدوا اعيالي

قالوا لنا احفظوهم عندكم علشان يطلبونها المدارس

وبعد اسأل اذا هي او لا ان موجوده عندك

أخوك

بوفهد

[sulai6i]

صباح الخير

اخباركم ؟؟

كسرت خاطري والله

صج معاناه ..

شوف اذا عندك شهادة السمع اللي اول ما ينولد الطفل

هاذي تكفي وتوفي بالغرض لانه اول ما نولدوا اعيالي

قالوا لنا احفظوهم عندكم علشان يطلبونها المدارس

وبعد اسأل اذا هي او لا ان موجوده عندك

أخوك

بوفهد

يا مرحبا بك اخوي بوفهد
لا والله ما سوينا للولد الفحص عند الولادة .. ما كان موجود الفحص اصلا

[بو فـهـد]

هلا اخووي

ولدك مواليد كم ؟؟

أخوك

بوفهد

[sulai6i]

هلا اخووي

ولدك مواليد كم ؟؟

أخوك

بوفهد



سنة
2001

[بو فـهـد]

ما اقول الا الله يكون بعونك

انا ولدي مواليد 2003

وانت 2001 وما كان فيه

لاني سألت وقالولي ذاك الوقت مافيه

الله المستعان

أخوك

بوفهد

[sulai6i]

ما اقول الا الله يكون بعونك

انا ولدي مواليد 2003

وانت 2001 وما كان فيه

لاني سألت وقالولي ذاك الوقت مافيه

الله المستعان

أخوك

بوفهد


الحمدالله على كل حال

شكرا لك اخوي

[ســـهم]

السليطي

اليوم كان الموضوع في وطني الحبيب صباح الخير

عن فحص السمع

واستضافوا الدكتور خالد وصار يتهرب من بعض الاجوبه ويعطي المبررات الوهميه

عموما اللي سمعناه من خلال الرادو انه صار هواش في مركز الغرافه :)

بسبب الزحمه

[سراب الامل]

الله يكون بعونك اخوي السليطي :looking:

اعرف دكتورة اسنان قريبه وايد اقولها شصاير عندكم بالصحة المدرسية تقول لي اول امس صار ضرب نعل هناك وهواش على الارقام :looking:

ابيييييييييييييه انا ولدي طالبين مني فحص طبي له :eek:

لازم نسوي فحص السمع crazy

[الزاجل]

الله يكون بعونك اخوي السليطي :looking:

اعرف دكتورة اسنان قريبه وايد اقولها شصاير عندكم بالصحة المدرسية تقول لي اول امس صار ضرب نعل هناك وهواش على الارقام :looking:

ابيييييييييييييه انا ولدي طالبين مني فحص طبي له :eek:

لازم نسوي فحص السمع crazy

احنا حجزنا له الكرسي
ودفعنا رسوم كورس كامل مقدم

وبنأجل الفحص لما اتخف الزحمة ..

المدارس المستقلة مشكلتها مشكلة

صاروا يدققون على اليوم واليومين قبل تسجيل الطالب :court:

[السديم]

الله يعينكم الصراحة ..

مشكلة تسجيل الطلاب بالمدارس صارت مشكلة تقلق كل الاهالي ..

يعني قبل اربع او خمس سنوات ماكانت فيه هالتعقيدات خلاص جيب الشهادات والفحص الروتيني وانتهى الموضوع ؟؟

اللحين مافي مدارس تقبل او يقولون لك بنحطكم على الويتنج لست !!!

الله يرحم زمان اول والله crazy

صج التعليم تغير 180 درجه الله يعين الاهالي بصراحه ..

بس اظن مشكله فحص السمع مشكلة مؤقته لانهم قامو يسوون الفحص مع الولاده في المستشفى ويعطون المولود شهادة بفحص النظر وفحص السمع ويقولون للام احتفظي فيها هذي للتسجيل حق المدارس ..

فأظن هي مشكلة مؤقتة وبتنتهي والله يعينكم .

[PoBox]

تخلف
و
غباء مركب

شيصير لو وزعوا مواعيد الفحص على شهر كامل قبل مواعيد تسجيل المدارس ؟؟

ويكون يوم واحد لاعطاء المواعيد
وتروح تسحب ورقة ويكون موعدك بعد اسبوعين تاريخ كذا الساعة 9.30 صباحا مثلا
واللي بعدك يسحب بعد اسبوعين تاريخ كذا الساعة 10.00 صباحا
ويمشي الموضوع مثل العسل ،، ولاكيمة ولا سبجي :D
بدل هالمرمطة

صدق محمد بن راشد
الادارة مفتاح التقدم

[متفائلة خير]

كان الله ابعونك على هالتعقيدات

[الزاجل]

الله يعينكم الصراحة ..

مشكلة تسجيل الطلاب بالمدارس صارت مشكلة تقلق كل الاهالي ..

يعني قبل اربع او خمس سنوات ماكانت فيه هالتعقيدات خلاص جيب الشهادات والفحص الروتيني وانتهى الموضوع ؟؟

اللحين مافي مدارس تقبل او يقولون لك بنحطكم على الويتنج لست !!!

الله يرحم زمان اول والله crazy

صج التعليم تغير 180 درجه الله يعين الاهالي بصراحه ..

بس اظن مشكله فحص السمع مشكلة مؤقته لانهم قامو يسوون الفحص مع الولاده في المستشفى ويعطون المولود شهادة بفحص النظر وفحص السمع ويقولون للام احتفظي فيها هذي للتسجيل حق المدارس ..

فأظن هي مشكلة مؤقتة وبتنتهي والله يعينكم .

على حسب ما سمعت

انه يعاد له الفحص عند دخوله للمدرسة

[السديم]

معقولة الزاجل crazy crazy

عيل ليش شددو علينا يوم اختي ربت .. وقالو ماتطلعون قبل ماتسوون هالفحوص على اساس التسجيل للمدرسه في المستقبل ؟؟؟؟؟

ولا هي كالعاده سوء تخطيط وبهدلة لخلق الله وبس :looking:

[الزاجل]

معقولة الزاجل crazy crazy

عيل ليش شددو علينا يوم اختي ربت .. وقالو ماتطلعون قبل ماتسوون هالفحوص على اساس التسجيل للمدرسه في المستقبل ؟؟؟؟؟

ولا هي كالعاده سوء تخطيط وبهدلة لخلق الله وبس :looking:

صحيح كلامج

بس
اللي اسمعته حتى اللي عندهم شهادة حسن سمع

راح يعديون له الاختبار .....> سمعت ومب متأكد

لأن الصغير بعدنا ما وديناه للفحص الفني :looking:

[سراب الامل]

احنا حجزنا له الكرسي
ودفعنا رسوم كورس كامل مقدم

وبنأجل الفحص لما اتخف الزحمة ..

المدارس المستقلة مشكلتها مشكلة

صاروا يدققون على اليوم واليومين قبل تسجيل الطالب :court:

انا سويت نفسك اخوي الزاجل حجزت الكرسي ودفعت رسوم الكورس :strong

قلت لهم بكره باجيب لكم الفحص الطبي ولحد اللحين ماشوفوا ويهي :p

الظاهر باودي لهم الفحص الطبي باول يوم دوام يكون عيال هالدوحه كلهم خلصوا الفحص الطبي :D

[على قد حالها]

بلللللللللل انا لو منك انتحرت صج مذللللللللللللللللللله crazy crazy

[السديم]

لأن الصغير بعدنا ما وديناه للفحص الفني


:looking: :looking: :looking:


اشوا على ايامنا ماكان فيه لا فحص فني ولا غيره ودرسنا وكملنا على البركه ..

بس ترا الفحص ضروري وهذي في مصلحة الطالب .. يعني انا كان نظري ضعيف ومحد كان يدري عني لين الصف الخامس crazy

المرحلة الابتدائية من الصف الاول تقريبا لين الرابع عبارة عن تلقين يعني حتى مسائل الرياضيات تنحفظ فما اكتشفو الخلل الفني اللي فيني الا بالصف الخامس لاني جننت المدرسه وانا ماشوف :D

فأكيد هالفحوصات كلها ضروريه واحتجاجنا هني مب على الفحص نفسه قد ماهو احتجاج على الروتين في اجرائه .. يعني المفروض كل المراكز تسوي هالفحوص وبكل وقت وممكن الاستعانه بالعيادات الخاصه للتسهيل على اولياء الامور وتخفيف الزحمه ..
مشكلتهم هني يصدرون قرارات عشوائية من غير اي مراعاة لظروف الناس ..

الله المستعان .. وايد هذرت :looking:

[الزاجل]

لأن الصغير بعدنا ما وديناه للفحص الفني


:looking: :looking: :looking:


اشوا على ايامنا ماكان فيه لا فحص فني ولا غيره ودرسنا وكملنا على البركه ..

بس ترا الفحص ضروري وهذي في مصلحة الطالب .. يعني انا كان نظري ضعيف ومحد كان يدري عني لين الصف الخامس crazy

المرحلة الابتدائية من الصف الاول تقريبا لين الرابع عبارة عن تلقين يعني حتى مسائل الرياضيات تنحفظ فما اكتشفو الخلل الفني اللي فيني الا بالصف الخامس لاني جننت المدرسه وانا ماشوف :D

فأكيد هالفحوصات كلها ضروريه واحتجاجنا هني مب على الفحص نفسه قد ماهو احتجاج على الروتين في اجرائه .. يعني المفروض كل المراكز تسوي هالفحوص وبكل وقت وممكن الاستعانه بالعيادات الخاصه للتسهيل على اولياء الامور وتخفيف الزحمه ..
مشكلتهم هني يصدرون قرارات عشوائية من غير اي مراعاة لظروف الناس ..

الله المستعان .. وايد هذرت

:looking:




8
8
ليش هو شي يديد يعني ؟:looking:

بالفعل يا سديم الكشف من مصلحة الطالب ..

المفروض الشي هذا يطالبون فيه من فترة
مب حزة التسجيل

[سهم طايش]

اقسم بالله قمة المهزلة و التخبط و سوء التخطيط في بلد الخير

شدعوة يعني فجأه طلع اختبار السمع و ين المسؤولين من 5 شهور ليش ما فتحوا الاختبار قبل التسجيل بوقت كافي علشان ما تصير هالزحمة 0

و الله ما يسوى على اليهال و اهلهم هالمرمطه و المذله علشان اختبار السمع

اتمنى ارسال المسؤولين في قطر الى دبي لاعطائهم دروس في التخطيط و التنظيم في كل شي 0

كيف يقبل المسؤولين اذلال المواطنين بهذه الطريقة السخيفة

شاطرين يطلعون في الجرايد و الاعلام و و خطط خمسية و خطط عشرية و اهم ما عندهم خطط حتى يومية و شهرية 0

قمة المهزلة

[دلة الرسلان]

اقسم بالله قمة المهزلة و التخبط و سوء التخطيط في بلد الخير

شدعوة يعني فجأه طلع اختبار السمع و ين المسؤولين من 5 شهور ليش ما فتحوا الاختبار قبل التسجيل بوقت كافي علشان ما تصير هالزحمة 0

و الله ما يسوى على اليهال و اهلهم هالمرمطه و المذله علشان اختبار السمع

اتمنى ارسال المسؤولين في قطر الى دبي لاعطائهم دروس في التخطيط و التنظيم في كل شي 0

كيف يقبل المسؤولين اذلال المواطنين بهذه الطريقة السخيفة

شاطرين يطلعون في الجرايد و الاعلام و و خطط خمسية و خطط عشرية و اهم ما عندهم خطط حتى يومية و شهرية 0

قمة المهزلة

للأسف اخوي نعم نعيش في مهزلة كبيرة اسمها التخبط وخاصة في هيئة الصحة وباذكر لكم حادثة حصلت معاي في المركز الصحي اللي في منطقتنا تخيلوا كنت قبل حملة شلل الاطفال
اتابعها في الجرايد لين عرفت التاريخ رحت لهم تخيلوا وقسم بالله ماكانوا عارفين انه بداية
الحملة التنشيطية ورئيسة الممرضات تشوفني زعلانة وتقول معلش احنا غلطانين (تطنز) قلت لا غير منظمين وزعلت من الحقيقة . حتى ماكانوا محددين مكان للتطعيم !!!!!!!!

[الزاجل]

للأسف اخوي نعم نعيش في مهزلة كبيرة اسمها التخبط وخاصة في هيئة الصحة وباذكر لكم حادثة حصلت معاي في المركز الصحي اللي في منطقتنا تخيلوا كنت قبل حملة شلل الاطفال
اتابعها في الجرايد لين عرفت التاريخ رحت لهم تخيلوا وقسم بالله ماكانوا عارفين انه بداية
الحملة التنشيطية ورئيسة الممرضات تشوفني زعلانة وتقول معلش احنا غلطانين (تطنز) قلت لا غير منظمين وزعلت من الحقيقة . حتى ماكانوا محددين مكان للتطعيم !!!!!!!!


دلة الحملة الأولى
خلصت الامصال والكثير من الأطفال ما تطعموا :confused:

[khaldoon]

الله يكون في عونك اخوي السليطي والله انا عانيت كم يوم لحد ما قدرت اسوي فحص السمع و رحت على العياده المدرسيه بالاول وبعدين على الغرافه وبالاخير طلعت من الدوام ورحت مره ثانيه على العياده المدرسيه علشان اسوي فحص السمع للبنت والحمد لله سويته و وزعت كنافه على زملائي بالشغل علشان هذه المناسبه العظيمه

[Abu Omar]

للاسف قرار ينم عن جهل بحقوق الانسان والطفل وولي الامر
مثال
هنا في ايرلندا
حينما يتم الطفل سن 4 سنوات يتم تسجيله في المدرسه ويبدا العام الدراسي في صف junior
وبعد مرور شهر او اثنين من بدايه العام الدراسي تاتيهم للمدرسه حمله طبية وفيها اطباء وممرضات ويكشفون على الاولاد السمع والبصر في يوم واحد

وفي اخر العام تاتيهم حملة اخرى للمدرسة لتعطيهم بعض التطعيمات

ولكن في قطر يريدون ان يشقوا على الناس حتى تجد الانسان دائما مشغول باشياء لا قيمة لها

[سهم المراقيب]

ولله لك حق تعصب ,, اصلا دخول مبنى العيادة المدرسية تجيب لك الإكتئآب

وان شاء الله يلقون لها حلول ,,

[الزاجل]

الله يكون في عونك اخوي السليطي والله انا عانيت كم يوم لحد ما قدرت اسوي فحص السمع و رحت على العياده المدرسيه بالاول وبعدين على الغرافه وبالاخير طلعت من الدوام ورحت مره ثانيه على العياده المدرسيه علشان اسوي فحص السمع للبنت والحمد لله سويته و وزعت كنافه على زملائي بالشغل علشان هذه المناسبه العظيمه
:eek2: :looking: :eek2:

[الزاجل]

للاسف قرار ينم عن جهل بحقوق الانسان والطفل وولي الامر
مثال
هنا في ايرلندا
حينما يتم الطفل سن 4 سنوات يتم تسجيله في المدرسه ويبدا العام الدراسي في صف junior
وبعد مرور شهر او اثنين من بدايه العام الدراسي تاتيهم للمدرسه حمله طبية وفيها اطباء وممرضات ويكشفون على الاولاد السمع والبصر في يوم واحد

وفي اخر العام تاتيهم حملة اخرى للمدرسة لتعطيهم بعض التطعيمات

ولكن في قطر يريدون ان يشقوا على الناس حتى تجد الانسان دائما مشغول باشياء لا قيمة لها

شوف يا عمر

احتمال بعض الأطفال يكونون غايبين حزة دخول
الفريق الطبي ..

ترى مرات كثيرة اولياء الأمور للأسف الشديد يهملون عيالهم ..


معقولة اسر مب قادرة اتدرس عيالها ويطالبون
معاملة عيالهم معاملة المعاقين
حتى يتم وضع ابناءهم في لجان خاصة
يكتب الأب او الأم عنه ؟

صحيح القرار المفروض يكون من شهور قبل

فنحن مع القرار
ولكن ياليت يحجزون الكرسي اول شي
وبعدين يكملون اجراءت تسجيله

بدل هالمشاكل اللي صارت ..

[style]

روحوا مستشفى الخور ولا احلى .. رحت اليوم الساعة 9 خلصت 11:30 ....سلام:dance ...على فكرة بس يوم الخميس

[المخباط]

تدرون ليش التخبط :con2: مش من اسمي
اظن كل وزارة لحد الحين قاعدة تشتغل بروحها ما ادري ليش مسويين مجلس وزراء وكل واحد
ما ينشد الثاني من علوم وزارتة عشان ينسقون :deal:
يعني مايعرفون عدد السكان شكثر يزيد كل سنة ؟؟؟؟؟؟؟crazy
مايدرون عن مواعيد التسجيل؟؟؟؟؟؟؟؟؟؟؟crazy
ما عرفوا عن الرضخ والمراضخ على التسجيل في المدارس المستقلة والويتنج ليست؟؟؟؟؟crazy
يحدون الواحد على الواسطة :anger2:
ويحدون الواحد يدفع للمدارس الخاصة عشان ما فية كراسي لعيالنا في المدارس المستقلة:mad:
ويحدون الواحد يروح مستشفيات خاصة بفلوس عشان زحمة غير مبررة في المستشفيات
الحكوميةcrazy
مادري ايش بيسوون لو كان تعدادنا مليون يمكن نتعالج في الدول المجاورة وندرس عيالنا فيها بعد:con2:
اللة يعين كل هذا لاننا شعب بني صامت وطيبين :eek3:
مشكلتك تتكرر في كل بيت سوري على الاطالة بس قلبت المواجع:D
بالتوفيق مع تسجيل ولدك:strong

[Abu Omar]

شوف يا عمر

احتمال بعض الأطفال يكونون غايبين حزة دخول
الفريق الطبي ..

ترى مرات كثيرة اولياء الأمور للأسف الشديد يهملون عيالهم ..


معقولة اسر مب قادرة اتدرس عيالها ويطالبون
معاملة عيالهم معاملة المعاقين
حتى يتم وضع ابناءهم في لجان خاصة
يكتب الأب او الأم عنه ؟

صحيح القرار المفروض يكون من شهور قبل

فنحن مع القرار
ولكن ياليت يحجزون الكرسي اول شي
وبعدين يكملون اجراءت تسجيله

بدل هالمشاكل اللي صارت ..

اخوي الزاجل حياكم الله
حتى وان غاب الطفل يوم وجود الحملة بيجون مرة ثانية لهذا الغرض ويكون بعد الزيارة الاولى باسبوعين تقريبا
ومن تكرر غيابه في المرتين
بيرسلون له موعد على المركز الطبي

ولكن قبل ان تاتي الحملة الطبية بيرسلوا رسائل لكل اولياء الامور يخبروهم ان يوم كذا ستاتي الحملة الطبية حتى ما احد يغيب
ويطلبوا من اولياء الامور التوقيع على كتاب الموافقه باجراء الكشف الطبي لولده

الامور سهله وناس تفكر صح
ولكن للاسف هذا غير موجود في الدوحه


تدري الطفل يوم تقول له لا تروح المدرسه اليوم شنو يسوي يبكي ويصيح ويصارخ لانه يحب المدرسه
اما في الدوحه يستانس لو اهله قالوا له لا تروح اليوم المدرسه
هذا هو الفرق الجوهري
ودمتم في امان الله

[الزاجل]

8
8
8

ودمت بألف خير
يا عمر

[style]

الدوحة - الشرق :
قررت مؤسسة حمد الطبية إضافة يومي الجمعة والسبت من كل أسبوع لإجراء فحص السمع للأطفال المتقدمين للالتحاق بالمدارس، وذلك في الطابق الثالث بمبنى العيادات الخارجية بمستشفى حمد العام اعتبارا من يوم غد الجمعة الموافق الأول من يونيو 2007، على أن تستقبل العيادة الطلاب يوم الجمعة من الثالثة عصرًا وحتى الثامنة مساءً، ويوم السبت من الثامنة صباحًا وحتى الثامنة مساءً، ويستمر العمل في العيادة الإضافية المذكورة حتى نهاية شهر أغسطس المقبل.

من جانبه أكد د. خالد عبد الهادي رئيس البرنامج الوطني للفحص المبكر للسمع أن عيادة فحص الطلاب المستجدين في مستشفى الخور بدأت عملها أمس الخميس الموافق 31 مايو لخدمة أبناء المناطق الشمالية، وتستقبل العيادة الطلاب يوم الخميس من كل أسبوع، ودعا الدكتور عبد الهادي أولياء أمور الطلاب المستجدين إلى التعاون مع منفذي برنامج فحص السمع لتجنب الازدحام في عيادات الفحص، موضحًا أن مركز الغرافة الصحي يستقبل الطلاب يومي الاثنين والأربعاء من كل أسبوع في الفترة من الثامنة صباحًا وحتى الواحدة والنصف ظهرًا، كما تستقبل عيادة الصحة المدرسية الطلاب يومي الأحد والثلاثاء من كل أسبوع في الفترة المسائية من الثالثة وحتى السابعة والنصف مساء.

وأشار د. عبد الهادي إلى أن طريقة الفحص تشمل منظار الأذن ثم جهاز المعاوقة السمعية وأخيرًا فحص الأذن بالنغمة الصافية، وأضاف أن مؤسسة حمد الطبية في طليعة المؤسسات الصحية بالمنطقة التي تتبنى برنامجًا وطنيا للكشف المبكر عن ضعف السمع، حيث ثبت بالدراسات العالمية أن 70% من الطلاب المتأخرين دراسيًا يعانون بدرجة أو بأخرى من ضعف السمع، ويشمل البرنامج الوطني الذي بدأ في أبريل 2003 ثلاث مراحل تبدأ بفحص سمع المواليد، ثم فحص سمع الطفل في عمر شهرين إلى ثلاثة شهور، وأخيرًا فحص السمع قبل دخول المدرسة

[دلة الرسلان]

السلام عليكم واحدة من الاخوات تقول فيه اعلان بأمكانية تأجيل اختبار السمع للطلاب .

سؤالي هل يعني امكانية عمل الكشف الطبي كامل بدون اجراء الفحص ، ياليت اللي عنده خبر

يرد علينا . لانني مؤجلة الفحص لابني حتي سبتمبر من الزحمة .

[sulai6i]

الدوحة - الشرق :
قررت مؤسسة حمد الطبية إضافة يومي الجمعة والسبت من كل أسبوع لإجراء فحص السمع للأطفال المتقدمين للالتحاق بالمدارس، وذلك في الطابق الثالث بمبنى العيادات الخارجية بمستشفى حمد العام اعتبارا من يوم غد الجمعة الموافق الأول من يونيو 2007، على أن تستقبل العيادة الطلاب يوم الجمعة من الثالثة عصرًا وحتى الثامنة مساءً، ويوم السبت من الثامنة صباحًا وحتى الثامنة مساءً، ويستمر العمل في العيادة الإضافية المذكورة حتى نهاية شهر أغسطس المقبل.

من جانبه أكد د. خالد عبد الهادي رئيس البرنامج الوطني للفحص المبكر للسمع أن عيادة فحص الطلاب المستجدين في مستشفى الخور بدأت عملها أمس الخميس الموافق 31 مايو لخدمة أبناء المناطق الشمالية، وتستقبل العيادة الطلاب يوم الخميس من كل أسبوع، ودعا الدكتور عبد الهادي أولياء أمور الطلاب المستجدين إلى التعاون مع منفذي برنامج فحص السمع لتجنب الازدحام في عيادات الفحص، موضحًا أن مركز الغرافة الصحي يستقبل الطلاب يومي الاثنين والأربعاء من كل أسبوع في الفترة من الثامنة صباحًا وحتى الواحدة والنصف ظهرًا، كما تستقبل عيادة الصحة المدرسية الطلاب يومي الأحد والثلاثاء من كل أسبوع في الفترة المسائية من الثالثة وحتى السابعة والنصف مساء.

وأشار د. عبد الهادي إلى أن طريقة الفحص تشمل منظار الأذن ثم جهاز المعاوقة السمعية وأخيرًا فحص الأذن بالنغمة الصافية، وأضاف أن مؤسسة حمد الطبية في طليعة المؤسسات الصحية بالمنطقة التي تتبنى برنامجًا وطنيا للكشف المبكر عن ضعف السمع، حيث ثبت بالدراسات العالمية أن 70% من الطلاب المتأخرين دراسيًا يعانون بدرجة أو بأخرى من ضعف السمع، ويشمل البرنامج الوطني الذي بدأ في أبريل 2003 ثلاث مراحل تبدأ بفحص سمع المواليد، ثم فحص سمع الطفل في عمر شهرين إلى ثلاثة شهور، وأخيرًا فحص السمع قبل دخول المدرسة



شكرا للجميع على المشاركة وابداء الرأي
ان شاء الله الخبر اللي فوق هو المتنفس الأخير لنا

[sulai6i]

السلام عليكم واحدة من الاخوات تقول فيه اعلان بأمكانية تأجيل اختبار السمع للطلاب .

سؤالي هل يعني امكانية عمل الكشف الطبي كامل بدون اجراء الفحص ، ياليت اللي عنده خبر

يرد علينا . لانني مؤجلة الفحص لابني حتي سبتمبر من الزحمة .


اختي دلة الرسلان ..
اتصلنا في المدرسة اللي ناويين اندخل الولد فيها
وقلنا لهم عن مشكلة فحص السمع والزحمة
قالوا جيبوا الأوراق وبيتم التسجيل
واذا تم القبول .. ذيك الساعة بنقول لكم روحوا سوو الفحص

[الدوحـــــ2016ــــــــة]

نعم يا اخي السليطي

الكثير من قراراتنا هي ارتجال في ظل عدم وجود تشريع

الأخوان والأخوات في جميع المؤسسات الحكومية يقومون بهذا حسب تفسيرهم

ربي يوفقك ان شاء الله اخوي

[sulai6i]

نعم يا اخي السليطي

الكثير من قراراتنا هي ارتجال في ظل عدم وجود تشريع

الأخوان والأخوات في جميع المؤسسات الحكومية يقومون بهذا حسب تفسيرهم

ربي يوفقك ان شاء الله اخوي

التشريعات موجودة .. واللجان ( الخاصة ) في كل وزارة وإدارة ايضا موجودة
الإدارة الصحيحة للأسف غير موجودة
والدليل على ذلك هو تحويل معظم الوزارات لهيئات ( برئاسة مدير أجنبي )

شكرا لك اخوي