المساعد الشخصي الرقمي

مشاهدة النسخة كاملة : شكاوي الناس على القطرية : تعال اكتب شكوتك



Chambray
29-05-2007, 11:14 PM
كل واحد يكتب لنا موقف تعرض له في القطرية وحز في خاطره ، سواء موقف بسيط او موقف كبير ..

sulai6i
29-05-2007, 11:19 PM
الشهر اللي طاف كنت في تايلند

دفعوني 2500 ريال حسبي الله عليهم

والسبب اني غيرت الحجز ( تاريخ الرحلة )

وقررت اني خلاص ما اسافر عليها كلش

عندي اميال كثيرة باخذ فيهم تذاكر مجانية .. وبتكون هذي آخر السفرات عليها

تصدق وانا راجع من بانكوك .. عندي شنطة اليد .. قالوا لي حطها في الميزان
طلع وزنها 8 كيلو .. قالوا ممنوع .. ما تشيلها وياك .. قلت لهم ليش قالوا اكثر شي مسموح فيه 7 كيلو
قلت اوكي .. شلت اللاب توب من الشنطة وحطيتي في يدي الثانية وقلت لهم اوزنوا الحين
طلع الوزن 7 كيلو .. قالوا الحين اوكي

خلصت من الكاونتر وخذت البوردنغ ورجعت اللاب توب في الشنطة ..!!!
صج اغبياااااء

الشغلة الثانية .. انا دايما لما احجز .. اختار الكرسي ومكانه بالضبط مع حجزي للتذكرة ..
وانا راجع من بانكوك حطوني على الممر قلت لهم انا حاجز الكرسي اللي احذا الدريشة
قالوا محجوز .. وحدة تايلندية خايسة .. تهاوشت وياها وتلاغيت وياها
لأن اسلوبها كان خايس
يابت لي الشرطة .. وزين الله ستر

الظاهر بسوي توقيع ( لا للخطوط الجوية القطرية )

قطر
29-05-2007, 11:28 PM
حاجز فيرست كلاس بعد عناء مالقيت حجوزات

كل ماتتصل ايقولك فل مافي مافي:anger2:

ويوم لقيت اخير رحتتتتتتتتتتتتت

واستلمت التذاكر على طووووووول

الطياره كانت 1:45 دقيقه ظهرا


وهم من 8 الصبح تلفونااااااااااااااااات

تبي كراسيك ولا نكنسل الحجز:eek2:

شنو اتكنسلون لعبه :anger2:
دافع وماخذ تذاكر

وتو الناس على الطياره

كل ربع ساعه يتصلون بتجي

اي بجي وبعدين

لين صارت الصكه معاهم وهونوا عن الاتصال


المفاااااااااااااااجـــــــــــ(ـع)ـــــــــــه:ee k2: :court:


يوم ركبنا الطياره الا هي فااااااااااااااااضيه

مافيها الا احنا في الفيرست وفي كراسي فاضيه

والبزنس فااااااااضيه ولا حد

والسياحيه فيها شغالات البيت :anger2:
وعايله صغيره فقط :anger2:


ليش هالاتصالات والكذب مااادري:anger2:

Index Signal
30-05-2007, 12:34 AM
الواحد ما يدري من وين يبتدي و متى ينتهي..

انا ماقول غير الشكوى لغير الله مذله..

حسبي الله عليهم و على تعاملهم ال...........!!

انا ما عندي مشكله أدفع لكن عالاقل احصل خدمه مثل الناس..

عموما انا لغيت تعاملي معاهم من زمان و حاليا اسافر على اي خطوط ثانيه حتى لو ترانزيت و اشتري راحتي بلا قطريه بلا حرق اعصاب.

qtr5555
30-05-2007, 12:33 PM
الله ايعينكم

بس القطريه معروفه تنفع الاجانب اكثر من القطرين

حتى اسعار التذاكر من برى قطر تخذها ارخص

انا مره كنت بسافر الاردن قلولي التذكره 1800

وطلعت من الامارات 1050

رحت معا اخوي الامارات كان عنده شغل وطرت على القطريه

من الامارات قطر الادن قطر وعقب راحت الامارات وانا نزلت في قطر

سمو
30-05-2007, 01:04 PM
والله يا جماعة فتحتوا علينا باب ,,ما يهون علينا نتكلم على ناقلنا الوطني بس من حر ما فينا انا اللي مدوخني ان اسعار القطرية صايرة كنها البورصة يوم طالعة ويوم نازلة حجزت فينا اول خمسة والسفر انشالله بثمانية قالولي سعر التذكرة3020 بعدها باسبوعين اتصلت كان يقولون مستحيل احنا ما عطيناك هالسعر المهم سعرها 3820 يمكن الموظفه وهي تقولي بلعت 800 والحين امس اتصلت صار سعرها3260 وبعديييييييين يا جماعة من رفيجنا اخاف اعزم واشتري التذاكر وتنزل ,,,,,,,,ايش شوركم

alwahesh
30-05-2007, 01:20 PM
الشكوى لغير الله مذله..

شركه داقه وماشيه على البركه الكل ينهب ...

وما في ادنى احترام لكبار السن لا في الباص الحتر ولا في اولويه الدخول للطياره والخدمات تعبانه مره ....بس شنقول حسبنا الله ونعم الوكيل

ســـهم
30-05-2007, 01:23 PM
شباب

اللي يعرف أردو يكتب شكواه بالاردو

علشان يردون علينا ويهتمون بالشكاوي هم الحين يعتقدونا نمدح فيهم :)

al_lord
30-05-2007, 01:30 PM
تذكرة دوحه بانكوك دوحه درجه بزنس بـ 6000 ريال

تذكرة دمام دوحه بانكوك دوحه دمام بـ 4000 ريال

لاحد يقول مباشر وغير مباشر ليش الفرق في الاسعار والطيران واحد ؟

اذكر مره ردوا قالوا ان من اسباب اختلاف الاسعار داخل وخارج قطر هو التنافس الي يلاقونه خارج قطر يعني الجماعه حاطينا بالمخبى وان مالنا بد من السفر على خطوطهم

Chambray
30-05-2007, 05:22 PM
تذكرة دوحه بانكوك دوحه درجه بزنس بـ 6000 ريال

تذكرة دمام دوحه بانكوك دوحه دمام بـ 4000 ريال

لاحد يقول مباشر وغير مباشر ليش الفرق في الاسعار والطيران واحد ؟

اذكر مره ردوا قالوا ان من اسباب اختلاف الاسعار داخل وخارج قطر هو التنافس الي يلاقونه خارج قطر يعني الجماعه حاطينا بالمخبى وان مالنا بد من السفر على خطوطهم
لانها الناقل الوطني لدولة قطر ، ولازم تقدم خدماتها بتميز لأبناء البلد المعطاء .. ولازم تعمل لهم زياده 40% وتميزهم عن دول الجوار ودول العالم .. مب خطوط بلادنا ؟؟؟
لاحول لله ولاقوة إلا بالله

بوسنافي
30-05-2007, 07:20 PM
القـــــــطــــــرييييه اه ه ه ه ه ه ه ه ه من معااامله حلوه تعاملها لنا احناا القطرييين

تقريبا قصتي تشابه قصه اخوي السليطي

تقريبا قبل سنتين كنت جاي لقطر عن طريق بريطانيا وكانت عندي شنطه سحابيه بس حاط فيها الاب تووت

الخطووط الكنديه اسمحت لي ادخلها لان ماافيها شي

وصلت مطاار هيثرو واحين انا بالبوابه يجيكون البوردنق قبل لادش والا هندي تبع القطريه يناديني ويقولي شنو عندك بالشنطه قتله بس لاب تووب ,,,كان يوزنهاا ويقول لي مايصير اتدش لان وزنهاا زايد ,,,,قتله بخصووووص مافيها الا لاب تووب وانا مستحيل ادخل الاب توب الشحن كان شوي واتهااوش معااه لين جاني واحد ثاني وقالي هذا الاجراءات ولازم تحترمها ... فوافقت ,,,المهم طلعت الاب تووب وخذوا الشنطه السحابيه وهي فاضيه للشحنcrazy

شلللووون فكرووو فيها الله اعلم ,,,,

وطبعا السالفه مانتهت ,,,, وانا احين داخل الطياره ,,, والا اشووف لك ذاك الهندي لاي داش بشنطه تنس اكبر من شنطتي السحابيه وملغمه بالاغراض في كل مخبا من مخابيهااا فناا وجهي صاار جذي:eek2: ,,,, قلت احين عرفت ليش هالغرييييقه عاملني جذيه

اتوقع هالمعامله الحلوه بس لاني قطررري

وطبعا من يومهااا لين احين اسافر على بريتش اير ويييز (( ماعدى شهر 12 الاي طاف خذت عندهم لان مجبورر)) وبعد صارت لي قصه بقولها لكم مره ثانيه ان شاء الله

اخوكم

بوسنافي

المزن الرياني
30-05-2007, 07:51 PM
والله ألعن طيران تعاملت معاه

أطلع على الخليج ولا اوطوط القطريه
أصلا اذا جينا للواقع ... المفروض تسمى الخطوط الجويه الهنديه القطريه

سهم المراقيب
30-05-2007, 08:05 PM
حاجز فيرست كلاس بعد عناء مالقيت حجوزات

كل ماتتصل ايقولك فل مافي مافي:anger2:

المفاااااااااااااااجـــــــــــ(ـع)ـــــــــــه:ee k2: :court:

يوم ركبنا الطياره الا هي فااااااااااااااااضيه

مافيها الا احنا في الفيرست وفي كراسي فاضيه

والبزنس فااااااااضيه ولا حد

والسياحيه فيها شغالات البيت :anger2:
وعايله صغيره فقط :anger2:
ليش هالاتصالات والكذب مااادري:anger2:

نفس الشيء يحصل معي ,,

كل ما أبي اغير حجزي ,,
دوم يقولون الدرجة الأولى فل ,,

أقول لهم مافي مشاكل ,, حطوني عالإنتظار ,, لاني عارف لهم
وفي كل مره أحصل كراسي فاضيه ,, امحق فل :funny:

مادري ايش الهدف يوم يكذبون عليك ويقولون لك الفيرست كلاس فل just to show off ..

خلاص ندري انكم احسن طيران في العالم :eek2: omen

---------------


كان الله في عون طلاب قطر المغتربين ,, تحياتي

انسان حساسي
30-05-2007, 09:19 PM
خدمه القطريه للدرجه الاولى والبزنس 6 نجوم
وللسياحيه نجمه الا ربع


ويعطيك العافيه يالغالي ...

سهم طايح
30-05-2007, 10:27 PM
لين طار اكبر الباكر كل شي بيتعدل

Qa6ar
30-05-2007, 10:40 PM
يعطيكم العافيه ومتأكد محد درى عنكم ولو تكتبون الى بكره محد حولكم

Chambray
31-05-2007, 12:29 AM
يعطيكم العافيه ومتأكد محد درى عنكم ولو تكتبون الى بكره محد حولكم
ياخوي مب شرط يدري عنهم
احنا الي راح نستفيد في البداية والنهاية من هالقصص الي تبط الجبد :)

الراقية
31-05-2007, 12:42 AM
تذكرة دوحه بانكوك دوحه درجه بزنس بـ 6000 ريال

تذكرة دمام دوحه بانكوك دوحه دمام بـ 4000 ريال

لاحد يقول مباشر وغير مباشر ليش الفرق في الاسعار والطيران واحد ؟

اذكر مره ردوا قالوا ان من اسباب اختلاف الاسعار داخل وخارج قطر هو التنافس الي يلاقونه خارج قطر يعني الجماعه حاطينا بالمخبى وان مالنا بد من السفر على خطوطهم
اضم صوتي لهذة الشكوى



ليش؟؟؟؟؟

مليت
31-05-2007, 02:24 AM
تقديس الاجانب على الطائره وحتقار القطري الا ابعد حدودددددد حتى لو درجة اولالى

ســـهم
31-05-2007, 02:28 AM
قبل شهر تقريبا تناقشت مع موظف احد الخطوط الخليجيه وبالتحديد الكويتيه عن ارتفاع قيمة التذاكر على القطريه للقطرين

فقال لي هذه الاسلوب متبع في جميع الشركات والكويتيه واعطاني مثال

انه يأخذ تذكرة كويت .... بيروت ..... تقريبا 168 دينار

ويأخذها .... بيروت ..... كويت ..... 98 دينار على نفس الخطوط

...!!!!!!!!!!!....

بدور
31-05-2007, 08:13 AM
نفس مشكلة اخواني مافيه مكان في الفيرست والبزنس

ومعاملتهم زفته في الطائره المضيفين والمضيفات لكن تعال شوفهم شلون يعاملون الاجنبي

والاميال ما منها فايده مايعطونا تذاكر مجانيه ولا في الحلم

وعند الوزن لو5كيلو مايتنازلون عنها ويا ماعيوب ومشاكل فيها

بس لويطير هالباكر كل شيء يستعدل

متفائلة خير
31-05-2007, 08:33 AM
الله المستعان عليه لاتسافرون

alkaabi
31-05-2007, 08:53 AM
العام كنا رجعين من العمرة

ونقعونا في الطيارة تقريبا ساعة الا ربع في الصيف بدون مكيف

خربوا علينا العمرة من كثر مادعيت عليهم

والله الحريم هلكوا وزين ماصادهم ضيق تنفس

وهالايام احاول احصل حجز على مصر ولا ماليزيا شهر 7 او 8 كله فل

واخرتها بحجز قبلها بيومين وبحصل اللي ابيه

هذي سالفتهم كل سنة

ROSE
02-06-2007, 12:37 PM
تسلم اخوي على فتح باب هذا الموضوع للاعضاء

Chambray
02-06-2007, 03:57 PM
اختي رزو ، العفو
اخواني الكرام اخواتي الكريمات ، الف شكر على تفاعلكم ، ونتمنى التفاعل اكثر


انا باقولكم ملاحظتي على القطرية
وهي : ان الطائرات والرحلات الي تروح لأوروبا وأمريكا ، يهتمون فيها اهتمام منقطع النظير
لكن رحلات الدول العربية والخليجية مسفلين فيها حد التسفيل .. لا اهتمام ولا شئ ، كأنك راكب باص نقل جماعي ..

بوخالد911
02-06-2007, 04:20 PM
اخر موضة لهم :
ان الاعضاء اللي انت مسجلهم ببطاقة نادي الامتياز
كلهم بيتم الغاؤهم !!!

وبس اللي بيتم هم :
الزوجة
الاطفال ( اعيالك )

والباقي باااي بااااي

ولا حول ولا قوة الا بالله

فارس 2007
04-06-2007, 01:40 AM
حسبي الله عليهم و على تعاملهم

مضاربه
04-06-2007, 10:42 AM
بالنسبه لي اشوفها افضل طيران اما بالنسبه لتفضيل الاجنبي فهذا شي طبيعي في الدوحه مب بس في القطريه الا في كل مكان تروح له

بوخالد911
04-06-2007, 01:49 PM
اخر موضة لهم :
ان الاعضاء اللي انت مسجلهم ببطاقة نادي الامتياز
كلهم بيتم الغاؤهم !!!

وبس اللي بيتم هم :
الزوجة
الاطفال ( اعيالك )

والباقي باااي بااااي

ولا حول ولا قوة الا بالله
هلا

تأكيدا لمداخلتي
اليوم والله دخلت على حسابي بنادي الامتياز
واكتشفت بانهم ألغوا عدد 2 من الأعضاء اللي كانوا مسجلين تحت اسمي !!
:eek2: crazy :eek2:

بن لادن
04-06-2007, 02:32 PM
هذي الصورة صورتها قبل شهر وكنا انا وصديق لي رايحين دبي درجة اولى ومع الاقلاع طاحت قطعه من الكرسي لكن المضيفة سبقتني وخذتها واعتذرت وهي منحرجة :)

http://www.doha-qatar.net/doha2006//Qatar/DSC00100.jpg

وعندي فيلم صورته في مطار باريس كانت الطياره متأخره كالعاده وبعدين في ناس طلعوا عدتهم وطبولهم وقاموا يدقونو يعزفون ويغنون في الصاله وبجانب الطياره وعند كاونتر القطريه بالذات :)
ادري الموضوع هذا غريب لكن اوعدكم اني احط لكم الفلم هاليومين :)

قطري هامور
04-06-2007, 02:32 PM
أصلاً الخطوط القطرية صايرة تاكسي للعمالة والأجانب والعمالة لهم مصلحة من خلال اصدقائهم الموظفين (تأكيد حجوزات + الغاء حجوزات ناس محتاجين علشان هذول الـ .... + عفش مجاني + خذ الوزن اللي تبيه داخل الطيارة اما المواطن لو شاف معك شنطة لاب توب ينجن الموظف ويحسب انك شايل معك سبايك ذهب رح للوزن وتعقيدات ... ونادي امتياز وجوده وعدم وجوده واحد .... ) الله يعين ويساعد

bonaif
04-06-2007, 10:57 PM
حسبي الله ونعم الوكيل

بن لادن
07-06-2007, 11:03 AM
هذي الصورة صورتها قبل شهر وكنا انا وصديق لي رايحين دبي درجة اولى ومع الاقلاع طاحت قطعه من الكرسي لكن المضيفة سبقتني وخذتها واعتذرت وهي منحرجة :)

http://www.doha-qatar.net/doha2006//Qatar/DSC00100.jpg

وعندي فيلم صورته في مطار باريس كانت الطياره متأخره كالعاده وبعدين في ناس طلعوا عدتهم وطبولهم وقاموا يدقونو يعزفون ويغنون في الصاله وبجانب الطياره وعند كاونتر القطريه بالذات :)
ادري الموضوع هذا غريب لكن اوعدكم اني احط لكم الفلم هاليومين :)

مثل ماوعتدكم عن فلم (طرب) القطرية في مطار باريس ، الروابط تحت :)

هذا الرابط حجمه 11 ميغا (http://dohaqatar.net/QatarAirways.zip)

وهالرابط حجمه 1 ميغا ( للي الانترنت بطيئ عندهم ) (http://dohaqatar.net/QatarAirways.zip)

مع تحياتي للجميع :)

قطر501
07-06-2007, 11:37 AM
انا سفرت على القطرية بس دول الخليج معاملتهم ممتازه يمكن مره جاي من العمره وتاخرت الطيارة تقريبا نص ساعه عن الموعد بس دائما حنا نحب نمدح في الغير ونذم انفسنا

tawash
07-06-2007, 12:53 PM
يجب ان تكون الاولوية والافضلية للقطريين

RJ83
09-06-2007, 01:13 AM
اللي صار لكم يهون جدام اللي صار لي .. شكلكم بتحرمون القطريه بعد هالموقف ..تخيلوا اللي صار..
من سنه تقريباً كنا مسافرين ولما وصلنا تقريبا مطار الدولة اللي رايحين لها والطياره على وشك هبوط .. جان ترتفع مره ثانيه واطير فوووووووق .. شوي تلف الطياره يمييييين ويسااااار .. شالسالفه ؟! وترد تنزل وترتفع ويمين ويسار .. الكل توتر ؟؟ اشوي والا ليتات الطوارى اشتغلت واربطو الاحزمه..السالفه فيها ان .. انا صادتني دوره في راسي من كثر ما ترتفع وتنزل.. واللي لاعت جبده وبيرجع ( اسمحوا لي عالكلمه ) .. واللي يقرا القرآن ويدعي .. والله كأنه راكبين قطار الموت .. واللي يخرع اكثر ان اللي تحتنا جبال .. لا بحر ولا ارض مستوية.. واستمرت هذه الحاله تقريبا نصف ساعه او ساعه الا ربع.. والركاب متخرعين يشوفون المطار والكل يتسائل ليش ما ينزل المفروض احنا واصلين من زمان !!
وبعد ما العبوا فينا في الجو ..أخيرا والحمد لله نزلت الطياره ذيك النزله اللي خبطتنا بالارض .. اهم شي وصلنا بالسلامه ..
ولما نزلنا عرفنا بأن كان في الطائرة خلل فني .. الا وهو ان التاير كان شاير وما يبي ينزل .. يعني الحمدلله الله ستر علينا ونزل التاير أخيرا ووصلنا بالسلامه..
بالله عليكم من المسؤول عن مثل هذي الاعطال الفنية في الطياره.. يعني هم ما يجيكون على الطيايير ولا شالسالفه .. والله الله رحمنا ذاك اليوم بصراحه كأنه فلم الله لايعيده علينا ولا على غيرنا..
وهذي كانت صدمه بالنسبة لي انها تصير عالخطوط القطرية

بن لادن
09-06-2007, 04:58 AM
اللي صار لكم يهون جدام اللي صار لي .. شكلكم بتحرمون القطريه بعد هالموقف ..تخيلوا اللي صار..
من سنه تقريباً كنا مسافرين ولما وصلنا تقريبا مطار الدولة اللي رايحين لها والطياره على وشك هبوط .. جان ترتفع مره ثانيه واطير فوووووووق .. شوي تلف الطياره يمييييين ويسااااار .. شالسالفه ؟! وترد تنزل وترتفع ويمين ويسار .. الكل توتر ؟؟ اشوي والا ليتات الطوارى اشتغلت واربطو الاحزمه..السالفه فيها ان .. انا صادتني دوره في راسي من كثر ما ترتفع وتنزل.. واللي لاعت جبده وبيرجع ( اسمحوا لي عالكلمه ) .. واللي يقرا القرآن ويدعي .. والله كأنه راكبين قطار الموت .. واللي يخرع اكثر ان اللي تحتنا جبال .. لا بحر ولا ارض مستوية.. واستمرت هذه الحاله تقريبا نصف ساعه او ساعه الا ربع.. والركاب متخرعين يشوفون المطار والكل يتسائل ليش ما ينزل المفروض احنا واصلين من زمان !!
وبعد ما العبوا فينا في الجو ..أخيرا والحمد لله نزلت الطياره ذيك النزله اللي خبطتنا بالارض .. اهم شي وصلنا بالسلامه ..
ولما نزلنا عرفنا بأن كان في الطائرة خلل فني .. الا وهو ان التاير كان شاير وما يبي ينزل .. يعني الحمدلله الله ستر علينا ونزل التاير أخيرا ووصلنا بالسلامه..
بالله عليكم من المسؤول عن مثل هذي الاعطال الفنية في الطياره.. يعني هم ما يجيكون على الطيايير ولا شالسالفه .. والله الله رحمنا ذاك اليوم بصراحه كأنه فلم الله لايعيده علينا ولا على غيرنا..
وهذي كانت صدمه بالنسبة لي انها تصير عالخطوط القطرية

مرحبا اخوي Rj83 .
اخوي هذا اللي اتقول انه صار لكم شي عادي وتعتبر مشكله فنيه وبصراحه اقل شركة طيران تتعرض للمشاكل هي القطرية والحمدلله ان الطيارين كلهم ناس كفو وفي كل طياره لازم يكون طيار اجنبي قديم وعنده خبر طويله في باع الطيران ، اخوي احب اعلق على موضوعك ،، ترا اللي صار للطياره اللي اتقول عنها مش مشكلة فالطياره ، المشكله في الجو :) .

هذا اللي صار يسمونه Cross Wind وهو ان اتجاه الرياح في طبقة معينه من الجو غير عن اتجاه الرياح قريب الأرض ، والأكيد ان الهوا كان قوي في ذاك اليوم ،، المهم انا ماراح اطول فالشرح لكن اخليك مع هذا الفلم وتأكد ان اللي في الفلم هو اللي صار لكم ، مش ان التواير ماطلعت :)


مع تحياتي للجميع

عبدالله الخوار
09-06-2007, 09:45 PM
حاجزين بزنس انا ورفيجي دوحة بانكوك دوحة

واحنا رادين .. سوو لنا زحمه عشان جينا قبل الاقلاع بساعه ونص

وغثه وناس حاجزة على الانتظار ناطرين محد يييي عشان يركبون الطيارة


المهم : عطونا البوردينغ احنا راييحين للجوازات الا موظفة راكضة ورانا تقول تعالوا تعالوا

رحنا وياها ليين الكونتر قالوا لنا انتوا جيتوا متأخرين ولازم تأجلون سفرتكم ليين باجر

قلنا لهم احلامكم .. البوردينغ معانا ؟؟

المهم بعد هواش ومناجر اتفقنا على واحد في السياحيه وواحد في البزنس عشان رفيجي يبي يرقد وافقت انا

رحنا والله ما جاكم غير الصج

قبل الاقلاع بعشر دقايق الا ورفيجي جاي السياحيه انا اضحك ومنقهر عليهم ..

عشان ماظلمهم كان زحمه وطق نعل الصراحه

عطونا الفرق بين السياحية والبزنس والله للحين في البيت ما خذت فلوسهم



انا اللي مستغرب منه انه اذا انجليزي او اميركي والله يطلعونك من الكرسي اللي انت فية ويطلعونه

وانت روح حك وسوي زحمه وطلع كلام ..

بس ما فضيت لهم .. بسوي لهم زحمه انا بخصوص المهزله اللي استوت لنا

QatarRose
09-06-2007, 10:30 PM
شقد بنقول وشقد بنشتكي
خلوها على الله ياجماعه

al_lord
11-06-2007, 07:01 AM
امس انا بالكويت

وكان حجزي على يوم السبت بالليل وجيت المطار وكلمت مكتب القطريه اني بأحل حجزي لبكره قالوا عادي وعقب ما اجلت واكدت حجزي قالت المضيفه الطياره ترى بكره متأخره ( المفروض الساعه 9.15 ) قالت تأجلت لين 10.30 قلت احسن بعد المهم رحت المطار 9 الا يقولون لي ان البوردنق للقطريه تسكر رحت للمكتب ولقيت الموظفين قالوا لا ما تغير والحمد لله كان مبين بالسيستم انهم مبلغيني بتغير التوقيت عموما قلت له انا لازم اسافر اليوم ( امس ) المهم نزل له واحد من الهنود وحطني مكانه

بس يا الربع قسم بالله اني احس اني بالهند ولا سيرلانكا الخطوط القطريه ما عليها الا انا قطري وعايله كويتيه وحده بس

صج لي قالوا طيارة عماله

ضوى
11-06-2007, 07:36 AM
الحمد لله كثر ما سافرت عالقطرية ولا عمري صادني اي موقف محرج او مشكلة فنية او ادارية والحمد لله دايما اصادف طاقم من اروع ما يكون والطيارة تكون من اروع ما يكون ولله الحمد



وبعدين اللي يزعل ويقول القطرية صارت طيارة عمالة ، ليش يعني العمالة ما لهم حق يسافرون عالقطرية ؟؟ مكتوب عليها مخصصة للقطريين فقط ؟؟؟ دايما نشوف الناس بدونية وانا احنا احسن منهم ليش طيب ؟؟ خلوا الله بين عيونكم وقولوا انتوا قادرين تستغنون عن هالعمالة اللي مب عاجبكم انها تركب معاكم بطيارة واحدة ؟؟؟؟ المشكلة العمالة في دولة قطر اكثر من القطريين نفسهم وبعد نتكلم ومب عاجبنا ؟؟ عجبي والله

Bo-3abed
11-06-2007, 07:52 AM
كل ماروح العمره لازم يأخروني ولا يقولون لي مافي مكان زحمه
الحين يقولون لنا تعالوا قبل الوقت بساعتين ولا ثلاث ساعات وانا اوصل المطار قبل مده طويله لأني ادري بسوالفهم وبالذات في السعوديه لازم يكون زحمه

وآخر مره أخروني يومين الله لايوفقهم والاهل معي ومن يومها الله يسلم طيران السعوديه للعمره

al_lord
11-06-2007, 07:54 AM
وبعدين اللي يزعل ويقول القطرية صارت طيارة عمالة ، ليش يعني العمالة ما لهم حق يسافرون عالقطرية ؟؟ مكتوب عليها مخصصة للقطريين فقط ؟؟؟ دايما نشوف الناس بدونية وانا احنا احسن منهم ليش طيب ؟؟ خلوا الله بين عيونكم وقولوا انتوا قادرين تستغنون عن هالعمالة اللي مب عاجبكم انها تركب معاكم بطيارة واحدة ؟؟؟؟ المشكلة العمالة في دولة قطر اكثر من القطريين نفسهم وبعد نتكلم ومب عاجبنا ؟؟ عجبي والله


اختي ضوى فهمتي كلامي غلط للإسف

انا لا انا استعلي عليهم او على غيرهم ولكن ما يحز بالخاطر هو العروض التي يحصلون عليها على عكسنا يعني انا تذكرتي رايح جاي دوحه كويت دوحه 1390 ريال

وهو 50 دينار ذهاب فقط في حين اذا بغيت احجز رايح بس ادفع 800 ~ 850 ريال يعني تقريبا 200 ~ 250 ريال زياده ؟ والوزن علي بالملي وعليه ما يحاسبون ملاحظه نسيت اذكرها كان معاي وزن 4 كيلو ما سامحوني فيها ودفعتها وغيري معاه اكثر من 4 كيلو ومشوه ليش !!!!

abo rashid
11-06-2007, 01:28 PM
حجزت الى البحرين على الدرجه الاولى و كانت رحلتي الصباح و راحت على نومه
رحت مكتب القطريه ابغي اغير الحجز الى العصر
قالو لى



التذكره راحت عليك من شهر غيرنا النظام اللى ما يسافر على الموعد تروح عليه التذكره دوحه بحرين هذا بس يطبق على البزنس و الدرجه الاولى و اللى يسافرون من قطر


لازم تشتري تذكره ثانيه شريت و سافرت العصر

عزوز المضارب
11-06-2007, 01:34 PM
حجزت الى البحرين على الدرجه الاولى و كانت رحلتي الصباح و راحت على نومه
رحت مكتب القطريه ابغي اغير الحجز الى العصر
قالو لى



التذكره راحت عليك من شهر غيرنا النظام اللى ما يسافر على الموعد تروح عليه التذكره دوحه بحرين هذا بس يطبق على البزنس و الدرجه الاولى و اللى يسافرون من قطر


لازم تشتري تذكره ثانيه شريت و سافرت العصر
كيف يعني لو انا بسافر بكره وما اجلت الموعد وثاني يوم رحت بغير الموعد بتكون التذكره وفلوسها راحت علي ؟؟؟؟؟؟؟؟؟؟؟؟؟؟؟؟ولازم اشتري تذكره جديده ؟؟؟؟؟؟؟؟معقووووووووووووووووووووووووووووووووله ؟؟

abo rashid
11-06-2007, 01:39 PM
كيف يعني لو انا بسافر بكره وما اجلت الموعد وثاني يوم رحت بغير الموعد بتكون التذكره وفلوسها راحت علي ؟؟؟؟؟؟؟؟؟؟؟؟؟؟؟؟ولازم اشتري تذكره جديده ؟؟؟؟؟؟؟؟معقووووووووووووووووووووووووووووووووله ؟؟

هذا اللى صار لى

يعني ما رحت المطار في الموعد

بس اذا غيرت الحجز قبلها بيوم اغتقد ماتروح عليك التذكره

عزوز المضارب
11-06-2007, 01:45 PM
هذا اللى صار لى

يعني ما رحت المطار في الموعد

بس اذا غيرت الحجز قبلها بيوم اغتقد ماتروح عليك التذكره


بس اخوي بوراشد ما في ولا شركه طيران تتبع هالاسلوب ليش القطريه تسوي هالشيء

هذا تطفيش والله حرام

انا لو منك اسمحلي ما اسكت عن حقي

مره واحد من الشباب كانت تذكرته 3 شهور مدتها وبعد ما انتهت المده راح يعدل موعد الحجز رفضوا بس راح للعلاقات العامه في البرج ودفع مبلغ بسيط وعدلوا له التذكره

المقدام
13-06-2007, 01:01 AM
والله ياجماعة اشلون اقص عليكم القصة مع القطرية حجزت حق بانكوك للعائلة تذكرتين على

رجال الاعمال واربع سياحية للاطفال قبل ماخذ التذاكر عطوني سعرنهائي للتذاكر وبعد ذالك

طرشت الاهل يدفعون ويسحبون التذاكر على نفس القيمة ، طلع في زيادة بسيطة في سعر

التذاكر وبعد ذالك عطوني سعر مع التخفيض(عند الموظف الاول) قلن أوكي ياالله بندفع صارت

مشكلة يبغون بطاقتي راحوا الاهل البيت يحضرون البطاقة في نفس اليوم صار تغير في

الموظفين قدمت التلكس وخلاص قال واحد منهم(الموظف الثاني) مايصير تاخذون التذاكر على

نفس السعر في غلط في سعر التذكرة يقولون مستحيل احنا ما عطيناك هالسعر المهم اشلون

غلط لاوالله الا غش واحتيال تدرون ليش لان رجعت ثاني يوم عند الموظف نفسة (الاول) عطني

السعر السابق عرفت ان في تلاعب في الاسعار وخاصة في الصيف يضربون ضربتهم


ماقول لاحول لله ولاقوة إلا بالله فيهم

البطرانة
13-06-2007, 10:16 AM
انا ما انقهر الا اذا قالو ما في حجز والطيارة فل..

اواذا رحت اتجوف وايد كراسي فاضية؟؟؟؟؟؟؟؟؟؟؟؟؟

سارونه
13-06-2007, 10:43 AM
بالنسبة لي ما سافرت بالقطرية ولا ابي اسافر فيها

من كثر الشكاوي طاحت من عيني

اروح الهندية ولا القطرية

هههههههههههههههه

وشكرا للجميع

سارونه

:)

سارونه
14-06-2007, 11:48 AM
الي بخاطرة يقول :)

الخطوط القطرية كلها اذااان صاغية :)

اختكم : سارونه :)

TanGo
21-06-2007, 09:04 AM
حسبي الله عليهم
هذي مش قطريه هذي هنديه كلها هنوووود والله واحنا راجعين من لندن تسندرنا من حشرة الهنود يتمشون في الممرات طول الرحله مع عيالهم على بالهم عالكورنيش وفوضى لأبعد الحدود

TanGo
21-06-2007, 09:07 AM
بالنسبة لي ما سافرت بالقطرية ولا ابي اسافر فيها

من كثر الشكاوي طاحت من عيني

اروح الهندية ولا القطرية

هههههههههههههههه

وشكرا للجميع

سارونه

:)

من قال هي قطريه هي هنديه اصلا

إنتعاش
21-06-2007, 01:58 PM
ملاحظاتي على القطرية التي أستحضرها هي :


1- بالنسبة للمطار الخاص بالدرجة الاولى والبزنس الجديد ::
هناك مشكلة لمن هم يأتون بسياراتهم ويوقفونها بمواقف الدرجة الأأولى
حيث انهم عندما يصلون الدوحة يقطعون مسافة طويلة للوصول بالسيارة ،،

فمن المفترض أن تجد القطرية طريقة ما لإيصالهم كحال مسافرين الترانزيت القادمون للدوحه
بحيث ان الباص يوصل اولا ً القادمون للدوحة ومن ثم ينقل مسافري الترانزيت للقاعة



2-حجم طائرات الرحلات الطويلة : اعتقد ان القطرية مقصرة في بعض الوجهات
كمثال ايطاليا ،، الطائرة صغيرة وتعتبر طائرة خليجيه داخليه للبحرين او دبي ،،
فلك ان تتخيل طائرة لها رحلة فوق الـ5 ساعات ولا يوجد بها مقاعد درجة اولى
فقط بزنس ..وكذلك الحال ايضا من زيورخ ،،


3- القطرية يجب ان يكون لها برنامج طائرات يتوافق مع العطلات الاسبوعية
في قطر للوجهات الخليجية تحديدا ً ،، فـ دبي مثلا القطرية لها رحلات بالهبل عليها باليوم الواحد
وبالتأكيد يعتبر شيء مشكورين عليه ،، ولكن مثال اخر الرياض كوجهة خليجية
نجد ان هناك رحلة ذهاب دايركت الخميس ،، شي طيب ،، ولكن المشكلة في يوم السبت
العودة تكون ( رياض - دمام - دوحة ) مما يرغم المسافر على قضاء سااعات طويلة في الترانزيت ،،
او وجهة اخرى اقل تعقيدا ( رياض - بحرين ) عبر الخطوط السعودية او الخليج
ومن ثم ( بحرين - دوحة ) بالقطرية ..


4- المشكلة الاخرى كون القطرية تدير مطار الدوحة ،، وهي - سير الشنط -
فمن المعتاد ان يصل بك الباص وتختم جوازك ،، وتجلس متسمرا ً امام السير لفترات
قد تصل إلى الـ 30 دقيقه من اجل استلام امتعتك وهذا شيء غير معقول الحقيقة .


5- ايضا هناك نقطة الحقيقة استغرب منها في ما يخص - عضوية القطرية او الامتياز -
فمسافر حامل للبطاقة الذهبية كأعلى مستويات العضوية وعنده اميال كثيره ،،
ولكن لم تمكنه الحجوزات من الحصول على تذكرة درجة اولى او بزنس ،، فلم يجد
الا الدرجة السياحية ،، الغريب انه ليس له الحق في الدخول لـ صالة الدرجة الاولى
او البزنس للاستراحه فيها !! . . لماذا ؟

وهناك من هم - ليسو بأعضاء في القطرية - ولكن تمكنو من الحصول على الدرجة الاولى
ويدخلون القاعة !


اعتقد اعضاء نادي الامتياز يستحقون معاملة أرقى من الحالية . .

وشكرا لكم

بوخالد911
21-06-2007, 02:17 PM
من قال هي قطريه هي هنديه اصلا

ليش ؟
:con2:
:con2: :con2:
:con2: :con2: :con2:

شاهيناز
21-06-2007, 02:53 PM
مشكله القطريه

ان حجزك فيها غير امن
تحجز درجه اولى

تروح المطار تلقى ان حجزك صار رجال اعمال

كيف

الموظفه الي في الحجوزات اعرف اسمها :looking: تغير الحجز

مجامله للاصدقائها

وللاسف الموظفه صار وايد ناس يحبون يتقربون منها
ويقدمون لها الهديا بس عشان تجيب لهم حجز

لو غيرو رايهم في يوم وليله

مابتلي على الموظفه لكن للاسف هذامن اهم الاسباب
الي يخليني ماحب احجز على القطريه
لانا مرينا بموقف بسبب ها الموظفه
وسبب لنا متاعب كثيره

TanGo
21-06-2007, 11:30 PM
ليش ؟
:con2:
:con2: :con2:
:con2: :con2: :con2:

شنو ليش انت قد ركبت الطياره وماشفت الهنود اكثر من القطرين لا وبعد مسوين فيها فوضى

اذا الهندي يبي يغير كرسيه يقلبون الدنيا علشان يلقى المكان المناسب والقطري غصباً عنه يتقبل المكان ويتحمل ساعات السفر انا ماكتب هالكلام من تجربه بل من تجارب

رحلاتي الى السعوديه
ولندن
وايطاليا
في كل هالرحلات صادفت هالشي تنجبر تاخذ درجه اولى وسعر تذكرة السياحيه لو كانت 4500 عالدرجة الأولى ب12 وفوق شنو ذي مو ظلم

عليان قطر
21-06-2007, 11:36 PM
القطرية اصلا من سماتها

( التأخير)


العام الماضي
كنا في مهمه رسمية لوحده من دول الخليج

وعددنا كبير جدا

الطيارة تأخرت يوم كامل

يوم كامل وحنا بالمطار
لفينا السوق الحرة فوق 50 مرة

عليان قطر
21-06-2007, 11:39 PM
كل واحد يكتب لنا موقف تعرض له في القطرية وحز في خاطره ، سواء موقف بسيط او موقف كبير ..



المشكلة حتى لو تشتكي
دور على حد يقولك وعليكم السلام

ما تلاقي

عليان قطر
21-06-2007, 11:41 PM
مرة قالو لنا الكونتر مغلق وحنا رايحين قبلها بثلاثة ساعات


اقووووووووووول
خوش ترتيب

عليان قطر
21-06-2007, 11:42 PM
من قال هي قطريه هي هنديه اصلا













لالالالالالالالالالالازم فوووووووووورمااااااااااااااااااااااااااااااات لهم

سهم المراقيب
21-06-2007, 11:45 PM
شنو ليش انت قد ركبت الطياره وماشفت الهنود اكثر من القطرين لا وبعد مسوين فيها فوضى

اذا الهندي يبي يغير كرسيه يقلبون الدنيا علشان يلقى المكان المناسب والقطري غصباً عنه يتقبل المكان ويتحمل ساعات السفر انا ماكتب هالكلام من تجربه بل من تجارب

رحلاتي الى السعوديه
ولندن
وايطاليا
في كل هالرحلات صادفت هالشي تنجبر تاخذ درجه اولى وسعر تذكرة السياحيه لو كانت 4500 عالدرجة الأولى ب12 وفوق شنو ذي مو ظلم

:funny: اضحك الله سنك أخوي ,, ولله اني ضحكت من قلب عالمشاركة ,,

شكلك مقهور من قلب عليهم ,, ولله ما ألومك



=================================================

ركبنا الدرجه الأولى ,, وكالعادة كنت ميت جوع ومنتظرهم يجيبون السناكس أو الوجبة,,

قبل لا أسمّي وآكل ,, قلت أشيك الملاعق والشوكات ,,

أتصدقون اني حصلت بقايا أكل على الشوكة,,
عفت الأكل وخليته ,,
وصورتها وان شاء الله احطها لكم ,,

طبعاً المواعين يغسلونها بمكينة غسيل
ومافي اي تشييك بعد الغسيل ,,

المضيفة شافتني مطلع التلفون واصور الشوكة ,,
وقاعده تضحك ,, كني بها تقول "شفيه موب صاحي يصّور شوكة" :funny:
ما تدري عن خيبتهم ,,

بوخالد911
22-06-2007, 01:58 AM
القطرية تقووول ان سبب التاخير مو منها !!!
وانما من قلة مواقف مطار الدوحة !!

طيب العام الماضي كنت في بانكوك وقبل الاقلاع تأخرت القطرية حوالي ساعة !!!
ها ؛ وووين عذرهم الحييين ؟؟؟

مع العلم في تنقلاتي الداخلية في بانكوك ؛ والله ان طيايير التايلاندية ما تتاخر ولا دقيقة

اون تايم
بالوقت المحدد

rashid-1
22-06-2007, 02:12 AM
شباب

اللي يعرف أردو يكتب شكواه بالاردو

علشان يردون علينا ويهتمون بالشكاوي هم الحين يعتقدونا نمدح فيهم :)

على طاري الأوردو

أحنا راجعين من دبي للدوحة اللغه العربيه مسحوها بالقاع وصارت اللغه الرسميه الإنجليزيه والأوردو

يعني لو مانعرف شوي إنجليزي كان توهقنا وصرنا مثل الطرشان بالزفه

مستثمر طموح
22-06-2007, 02:53 AM
الشرهة مب علي القطرية الشرهة علي المسؤولين بالدولة اللي ساكتين علي القطرية

وسوء الادارة وسمعتها تسوء يوم بعد يوم

وين الغيرة وين الوطنية

عليان قطر
22-06-2007, 09:38 AM
لأن الباكر كل يوم بالجريده طالع يفتح المحطات ويشق الخطوط

بس الداخل ما يدر عنه والادارة هناك تخيط وتبيط بكيفها