احسن مكان يسوي مخططات ويشرف على المشروع ... وين ..؟

[سـهـم دايـخ]

عتدي ارض ابي ارسم لها مخطط لبناء فلتين منفصلتين مع ملاحقهم .. وين احصل مكتب ممتاز من ناحية الشغل والرسم والمتابعه والاشراف وتخليص الموافقات ... ووو الخ .. ويكون سعره زين مو غالي ..

اتمنى اي حد عنده خبره يدلني لاني مستعجل ..

تحياتي لكم

[بوحارب]

الله يعينك ويسر امرك

الاسعار في اكثر المكاتب موحدة توني مفتر على كذا مكتب

بس بالمعرفة يمكن يسوونلك خصم

ولو تفتر على الأستشاريين بنفسك احسن بوايد

[سـهـم دايـخ]

الله يعينك ويسر امرك

الاسعار في اكثر المكاتب موحدة توني مفتر على كذا مكتب

بس بالمعرفة يمكن يسوونلك خصم

ولو تفتر على الأستشاريين بنفسك احسن بوايد


لا خلا ولا عدم اخوي حارب ... والله يعين الجميع .. ونصيحتك غالية .. ولكن لي تساؤل ..

انت على منو استقريت وليش ...

الاستشاريين كثير .. هل فيه اسماء معينه تترك لي الخيار بينها يعني لو تحط لي 5 اسماء مكاتب ممتازه وانا بختار اللي الله يوفقني عليه

تحياتي لك

[سنافي]

عتدي ارض ابي ارسم لها مخطط لبناء فلتين منفصلتين مع ملاحقهم .. وين احصل مكتب ممتاز من ناحية الشغل والرسم والمتابعه والاشراف وتخليص الموافقات ... ووو الخ .. ويكون سعره زين مو غالي ..

اتمنى اي حد عنده خبره يدلني لاني مستعجل ..

تحياتي لكم

اخوي سهم دايخ ,,

في شركة اسمها " بيتك " استشاريين ومدراء مشاريع وهدفهم مشاريع الفلل السكنية والعمارات ... ماعندي رقمهم ولا عطيتك لكن مر عليهم وقيمهم ابنفسك, انا اشوفهم منتشرين وايد هالايام.
والسلام عليكم

[hussainy]

ما للك غير الشاهيين للهندسه

[بويوسف]

الشاهين للهندسة
المنصور للاستشارات
السد للاستشارات
شعاع للاستشارات
سنمار للتصاميم
العلي للاستشارات الهندسية

[100$]

الاقصى للاستشاره الهندسيه

بين دوار علاء الدين و دوار الكتاب

[بوحارب]

اخوي سهم دايخ استقريت في الخرايط على شعاع لأن اقل من المكاتب 2000 ريال بس بواسطة

وعلى الأشراف المركز العالمي للتصميم

بس اذا انت ناوي خلاص بحاول اساعدك قد مقدر

وأتمنالك التوفيق

[BoFahed]

اخوي ممكن اعرف المبلغ لاني انا بعد مثلك ابي ابني

[Rayyan]

اخوي ممكن اعرف المبلغ لاني انا بعد مثلك ابي ابني


نفس سؤال بوفهد

ياليت من الاخ بويوسف او من يستطيع الافاده من الاخوه

الاجابه

ماهي الاسعار التي تتقاضاها المكاتب الاستشاريه نضير اتعابها ؟

وهل يوجد اليه للاسعار اذا كان المشروع فله او فلتين او اكثر ؟

تحيـــــــــــاتي

[بويوسف]

اخوي الريان لاتوجد الية موجودة في قطر لتحديد الاسعار من قبل مكاتب الاستشارة الهندسية فعالميا اسعار التصاميم الهندسية تؤخذ كنسبة من قيمة المشروع من 2% الى 5% اما في قطر فالاسعار في بعض المكاتب تسعر حسب المساحات خصوصا للفلل. طبعا التصميم الهندسي في جزء منه هو عمل فني لاتستطيع ان تحدد سعر ثابت له. ففي حين بعض اللوحات الفنية تستطيع ان تشتريها بـ 100 ريال من الرونق لانها صنع في الصين وتجارية يوجد منها مليون نسخة فهناك لوحة قيمتها 100 الف ريال لان من عملها ذو اسم كبير وعالمي ومعمولة بطريقة احترافية(حقيقية) ولايوجد منها الا نسخة واحد في العالم.

تحياتي لكم

[oxqatarxo]

اخواني المسألة مش بهالبساطه
لا تسترخص الخرايط ب الالف ولا بالعشرةالاف

المهم جودة الخرايط من حيث تصميم الاعمدة والجسور و توزيع الحيد اللي يكلف على المالك عشرات الاوف.

الكلام هذا من تجربة شخصية

في نفس تصميم الفيلا بس من مكتب ثاني و كان الفرق كبير لما حسبها المقاول لان الحديد مبالغ فيه.

[بويوسف]

اخواني المسألة مش بهالبساطه
لا تسترخص الخرايط ب الالف ولا بالعشرةالاف

المهم جودة الخرايط من حيث تصميم الاعمدة والجسور و توزيع الحيد اللي يكلف على المالك عشرات الاوف.

الكلام هذا من تجربة شخصية

في نفس تصميم الفيلا بس من مكتب ثاني و كان الفرق كبير لما حسبها المقاول لان الحديد مبالغ فيه.

كلامك صحيح اخوي العزيز بارك الله فيك ..

[العـوا]

الاسعار تبداء من 6000 الى 20000 الف وحسب الكميات الحديد والاسمنت والديكور

[فلفل حار]

انصحك تروح مكتب التصميم والاستشارات الهندسية

[بويوسف]

انصحك تروح مكتب التصميم والاستشارات الهندسية

اسمح لي يالفلفل مكتب التصميم مستواه مو ذاك الزود

مشكور لتواجدك

[عبد الناصر]

بالتوفيق

[عضو المنتدى]

الأتفاق للأستشارات الهندسية التصميم ب 8000ريال .

وإذا في غيره أتمنى من الأخوان أنهم يخبرونا

[bo_hamad]

مكتب التعمير للاستشارات الهندسية

( الدرجة الأولى )

خلف وكالة المانع للسيارات

[LOLOO]

اخوي انا من رايي تشوف اقرب مكتب بالنسبة لك لاتك بتترددعليه كثيروتختار الاستشاري
المشرف من نفس المكتب وتستفسر منه بالنسبة لموضوع كميات الحديد وغيره ( ونصيحه اشرد من المكاتب ذات الاسماء الرنانه)لانهم يضربون ضربتهم في الاسعار والشغل واحد والتوفيق من الله...........ذكرالاخ بو يوسف بعضها
واعتقد ان السعر الي قاله الاخ بو حارب ياما فيلا صغيره اوارضي السعر مشا الله ممتاز
وبالتوفيق ان شاءالله