$$$ الراغبين في اصدار تأشيرة شنجن $$$

[الراقية]

السلام عليكم ورحمة الله وبركاته


في حالة رغبتكم اخواني او اخواتي استخراج تاشيرة شنجن من السفارة الالمانية اليكم المطلوب بالكامل

تأشيرة الاعمال والسياحة :


على كل المتقدمين تقديم مايلي :

* استمارة الطلب تملأ كاملة ( تحصل عليها من السفارة )

* شهادة تأمين صحي للسفر للمدة اللي بتسافر فيها ( يمكن استخراجها من مكاتب السفر والسياحة )

* صورتين بحجم صورة الجواز مع خلفية بيضاء

* استمارة الاقرار موقعة ومؤرخة ( يمكن الحصول عليها من السفارة الالمانية )
الجواز الأصلي .

* تاكيد حجز الفندق ..تسليم نسخة منه ( ملاحظة لاتقبل عندهم الاوراق او الرسائل اللي بالايميل يعني حجز بالانترنت غير مقبول )

*تاكيد حجز السفر( صورة من التذكرة او ورقة الحجز )

* اذا كانت الزيارة لصديق او لعائلة : تقديم رسالة فاكس من المضيف في دولة الشينقن مع تحديد العنوان ورقم هاتف الشخص المعني كامل .


اذا رغبتم في اي مساعدة او استفسار عن الفيزا المستخرجة من سفارة المانيا انا في الشوفة

حياكم الله

اختكم الراقية

[رجل شرقي]

* تاكيد حجز الفندق ..تسليم نسخة منه ( ملاحظة لاتقبل عندهم الاوراق او الرسائل اللي بالايميل يعني حجز بالانترنت غير مقبول )


يعني اذا كل حجوزاتي عن طريق الانترنت ، ايش الحل؟

وخاصة باني ناوي اطلع الشنجن من سفارة ايطاليا ، لان ايطاليا راح تكون اول محطاتي في اوروبا ، وحجوزات الفنادق من النت ..!!

[الراقية]

يعني اذا كل حجوزاتي عن طريق الانترنت ، ايش الحل؟

وخاصة باني ناوي اطلع الشنجن من سفارة ايطاليا ، لان ايطاليا راح تكون اول محطاتي في اوروبا ، وحجوزات الفنادق من النت ..!!
اخي الفاضل هالمشكلة صادفتني اليوم في السفارة الالمانية لاني حاجزة بفندق بسويسرا عن طريق النت ....


يجب على الفندق ارسال تاكيد الحجز على الفاكس يكون افضل :deal:

اخي هذا الكلام في السفارة الالمانية مدري عن باقي السفارات حاول اذا فيه سفارة لايطاليا انك تتصل عليهم اما اذا كانت على الالمانية فمالك الا الحل اللي قلته لك

[سيف قطر]

شكرا لك اختي الراقيه

[al_lord]

يعطيك العافيه الراقيه

اخوي ترى الايطاليه تطول على ما تطلع الفيزا تأخذ من اسبوع الى 10 ايام الالمانيه اسرع لك

[خالي مشاعر]

يعطيك العافيه الراقيه

اخوي ترى الايطاليه تطول على ما تطلع الفيزا تأخذ من اسبوع الى 10 ايام الالمانيه اسرع لك

اخوي انا قدمت في الايطالية اعتقد في شهر 2 وطلعت الموافقة بعد يومين
والصيف اللي طاف قدمت في الالمانية ونفس الشئ اطلعت بعد يومين
بس الفرق ان الايطالية عطوني نفس مدة السفر بالضبط يعني اسبوع
اما الالمانية عطوني 90 يوم

[بوناصر-قطر]

يعني اذا كل حجوزاتي عن طريق الانترنت ، ايش الحل؟

وخاصة باني ناوي اطلع الشنجن من سفارة ايطاليا ، لان ايطاليا راح تكون اول محطاتي في اوروبا ، وحجوزات الفنادق من النت ..!!

روح أي مكتب سفريات لك معرفه فيه وقول لهم اني تبي Dummy voucher
وهم بيسوون لك اللازم

[HADi]

الراقيه

شكرا على هالمعلومات المفيده

[الراقية]

شكرا لك اختي الراقيه
يا مرحبا بك وبمرورك يالشرحي

[الراقية]

يعطيك العافيه الراقيه

اخوي ترى الايطاليه تطول على ما تطلع الفيزا تأخذ من اسبوع الى 10 ايام الالمانيه اسرع لك
شاكرة مداخلتك يا لورد

[الراقية]

اخوي انا قدمت في الايطالية اعتقد في شهر 2 وطلعت الموافقة بعد يومين
والصيف اللي طاف قدمت في الالمانية ونفس الشئ اطلعت بعد يومين
بس الفرق ان الايطالية عطوني نفس مدة السفر بالضبط يعني اسبوع
اما الالمانية عطوني 90 يوم
الالمانية تعطي نعم ثلاثة اشهر واحيانا لمدة سنة اذا كانوا راضيين عليك

شاكرة مرورك ياخالي مشاعر

[Qa6ar]

اختي الراقيه يعطيج العافيه وماقصرتي

انزين اذا ماعرف اكتب انجليزي ممكن تكتبين لي الطلب:)

[الراقية]

روح أي مكتب سفريات لك معرفه فيه وقول لهم اني تبي Dummy voucher
وهم بيسوون لك اللازم
نعم انا مع بوناصر اذا كان عندك مكتب سفريات تتعامل معاه اعتقد راح يساعدك في عمل حجز لك حتى لو كان وهمي تحياتي لك يا بوناصر ولا عدمنا مرورك

[الراقية]

الراقيه

شكرا على هالمعلومات المفيده
شاكرة مرورك يا هادي ولاتحرمنا منه

[ملكة الأسهم]

الله يعينا يعني علينا نسوي كل هذا

لازم اقول للأهل عشان ما نتوهق بعدين

مشكورة يالغالية

[الراقية]

اختي الراقيه يعطيج العافيه وماقصرتي

انزين اذا ماعرف اكتب انجليزي ممكن تكتبين لي الطلب:)
اخو وعزيز وغالي يا قطر وانا في الخدمة
اذا عندك الطلب علمني عن الرقم اللي ماتعرفة وانا على اتم الاستعداد في مساعدتك في اي وقت واي زمان

تحياتي لك omen
وتاكد اني مادمت موجودة راح اكون في اتم الاستعداد لك ولاي عضو مثلك وشرواك

[Qa6ar]

اخو وعزيز وغالي يا قطر وانا في الخدمة
اذا عندك الطلب علمني عن الرقم اللي ماتعرفة وانا على اتم الاستعداد في مساعدتك في اي وقت واي زمان

تحياتي لك omen
وتاكد اني مادمت موجودة راح اكون في اتم الاستعداد لك ولاي عضو مثلك وشرواك


بيض الله وجهج وماقصرتي وأحنا في انتظار تقرير من تقاريرج الزينه

بعدين انتي لايكون من شبكه مراسلين بالجزيره:con2: :con2:

[الراقية]

الله يعينا يعني علينا نسوي كل هذا

لازم اقول للأهل عشان ما نتوهق بعدين

مشكورة يالغالية
ملكة الاسهم تحملي تنتظرين تسوين التاشيرة لين شهر 7 لان يكون زحمة وحتى الموظفين مالهم خلق ويكون حر وموت ومافي اي مكان مهيئا للوقوف في الطابور خارج السفارة سواء السفارة الالمانية او الفرنسية

شاكرة مرورك العطر

[الراقية]

بيض الله وجهج وماقصرتي وأحنا في انتظار تقرير من تقاريرج الزينه

بعدين انتي لايكون من شبكه مراسلين بالجزيره:con2: :con2:
انا من شبكة مراسلين منتدى الاسهم القطرية

وللحين بانتظار تقريرك عن تدمر شد حيلك يالله وهات ماعندك عن سوريا

نبي نثري قسم السياحة والسفر

[Qa6ar]

انا من شبكة مراسلين منتدى الاسهم القطرية

وللحين بانتظار تقريرك عن تدمر شد حيلك يالله وهات ماعندك عن سوريا

نبي نثري قسم السياحة والسفر


لين الحين ماخذت الصور....

وابشري بسعدج

[الراقية]

لين الحين ماخذت الصور....

وابشري بسعدج
قدها وقدود ...بانتظارك على احر من الجمر

[التيما]

الحمد لله مرتاحين احنا بس نقرر وين نروح والباقي على الوالد ومندوب الشركه ههههههههههههه

يسلموووو الراقيه

[الراقية]

الحمد لله مرتاحين احنا بس نقرر وين نروح والباقي على الوالد ومندوب الشركه ههههههههههههه

يسلموووو الراقيه
هو المندوب يقوم بالمهمة وفكة من عوار الراس

بس الناس اللي ماعندهم مندوبين ...لازم يتخذون كافة الاحتياطات اللي قلتها لهم ولا الالمان ما يلاعبون

[سهوم المنايا]

الراقية شوفي طريقة المندووب اللي تعاملت وياه


انا شخص حاجز من الدوحه الى زيورخ والاقامة في اول يوم سوف تكون في مننطقة قريبة من جنيف في الاراضي الفرنسية...


والمندوب يتعامل مع السفارة الالمانية لكن السفارة الالمانية ماتعطي فيز وحجوزات فنادقك في فرنسا,,,,لازم انك تاخذ الشنغن من السفارة الفرنسية..


كون ان السفارة الالمانية اسرع واسهل فماذا فعلت انا والمندوب..

طلعنا حجووزات وهمية في فيناااااااا وخلصنا كل االاجراراءت عشان تطلع التاشيرة...


بس انا خايف اني لاطلعت الفيزااا تصير معي مشكلة اثناء وجودي في مطار زيورخ كون هي اول محطة سوف اجيها من الدوحة...


اخاف يسالوني عن من وين طلعت الفيزا واخاف ان الفيزااا اني لازم اكون متواجد في المانيا كاول نقطة وصوول؟؟؟


هل تقدر تساعديني وتريحني في مشكلتي وهل هي صحيحية اما سوف اواجه مشكلة

[الراقية]

الراقية شوفي طريقة المندووب اللي تعاملت وياه


انا شخص حاجز من الدوحه الى زيورخ والاقامة في اول يوم سوف تكون في مننطقة قريبة من جنيف في الاراضي الفرنسية...


والمندوب يتعامل مع السفارة الالمانية لكن السفارة الالمانية ماتعطي فيز وحجوزات فنادقك في فرنسا,,,,لازم انك تاخذ الشنغن من السفارة الفرنسية..


كون ان السفارة الالمانية اسرع واسهل فماذا فعلت انا والمندوب..

طلعنا حجووزات وهمية في فيناااااااا وخلصنا كل االاجراراءت عشان تطلع التاشيرة...


بس انا خايف اني لاطلعت الفيزااا تصير معي مشكلة اثناء وجودي في مطار زيورخ كون هي اول محطة سوف اجيها من الدوحة...


اخاف يسالوني عن من وين طلعت الفيزا واخاف ان الفيزااا اني لازم اكون متواجد في المانيا كاول نقطة وصوول؟؟؟


هل تقدر تساعديني وتريحني في مشكلتي وهل هي صحيحية اما سوف اواجه مشكلة

اجازة سعيدة
وما عليك اي خوف مادام الفيزا شينجن

ولو صار ما صار قول غيرت رايي في اخر لحظة وحبيت استقر في سويسرا او فرنسا لانها اجمل واحلى

عموما المهم عندهم فيزا شينجن صالحة للدخول والزيارة واهم شي التامين الصحي عندك بس

وعموما سويسرا لان ماعندهم سفارة بقطر فيمكن استخراج الفيزا من اي دولة( اذا كان السكن بدولة مجاورة والدخول من جنيف ) وما دمت رايح

انت فرنسا فاستخرجها من فرنسا وبكذا تكون مرتاح نفسيا
وعموما انا صار لي 3 مرات رايحة عن طريق جنيف والفيزا تكون يا من الالمانية او الفرنسية

[ام الجوري]

مرحبا اختي الفاضله الراقيه

انا الله يسلمج رايحه باريس انشاءالله بعد اربع ايام والسفاره الفرنسيه رفضت تسوي لنا الفيزا خلال الاربع ايام بحكم انهم مشغولين وانهم موقفين طلبات الفيزا لين اسبوعين

وسمعت انه السفاره الالمانيه ممكن اروح لها وتسوي لي الفيزا مع اني ماراح ادخل المانيا

انا ماادري هل هذا الكلام صحيح والا لازم اروح المانيا

اذا كانت عندج اي معلومات الرجاء الرد في اسرع وقت لانه بكره زوجي بيروح السفاره الالمانيه

[ام الجوري]

وينكم ياجماعة الخير الله يخليكم ردوا علي

محد رد على سؤالي

[إنتعاش]

اختي الراقية الظاهر شروط كل سفارة تختلف عن الثانية والله اعلم
لأنني كلمت السفاره الايطالية وقلت لهم اني حاجز الفندق عن طريق الانترنت
هل تقبلون لو اطبع الحجز من ايميلي واجيبه لكم ؟
قالو : ايه ما في مشكلة . .


-----------


اختي ام الجوري : نعم عادي ممكن تاخذين الشنغن من اي سفارة اوروبية
وتدخلين دولة ثانية لان نادر ما يسألون حتى لو سألوكم بالمطار
تقدرين تقولين : غيرنا راينا في اخر لحظه .. مع اني ادري ماحد راح يقول لكم شي
لكن اهم شي تكونون حاطين صح على خانة (رقم 24 )
multiple entries


====================


هاذي طريقة تعبئة فورمة الشنغن مترجمة

سرقناها ولطشناها من اخوكم رجل شرقي وجبناها لكم هنا :)

----------------------------------------



يبدوا بأني تحمست كثيراً للموضوع لذا فالتسمحوا لي بوضع الترجمة لتعبئة الطلب ، لكي لا تتوهقوا مثل حلاتي عند تعبئة الطلب ، وخاصة اذا كنتم انتم من ستقومون بالذهاب الى السفاره بانفسكم لانجاز المعامله ، فلا داعي لمندوب لانجاز المعامله :

طبعا رابط طلب فيزا/ الشنغن ( كما وضعه الاخ nasserak )

http://www.udi.no/upload/Skjema/Visu...pplication.dot

رابط الملف مترجم ، نفس الطلب فقط قم بالكتابة فوق الخانة المعربه ، الرابط التالي:-

http://www.uparab.com/files/UMbCSwE4Iemk7WiY.dot


وحاولي الدخول الى موقع السفاره الالكتروني في بلدكم لطباعة الطلب دون العناء والذهاب الى السفاره لاخذ الطلب ، فاغلب السفارات لها موقع الكتروني .


ولانزال الترجمه وهي على صيغة pdf الرابط التالي ( بعض الخانات غير مترجمه لصغر حجم الخانه )

http://www.uparab.com/files/mwBp3BgXTp3XJ6tG.pdf


واليكم صوره لنموذج الطلب مترجم بالكامل ، مع العلم بعض الخانات غير مترجمه وذلك لانجاز معاملة الفيزا بدونها ولم يسئلوني عنها.

اليكم صورة الصفحة الاولى :

http://www.uparab.com/files/Kj-a9yvG16K4cfrQ.jpg


صورة الصفحة الثانية:


http://www.uparab.com/files/DVZP6wvGItW54chg.jpg


واتمنى اذا وجدت بعض الاخطاء والملاحظات افادتنا ، علما بان اغلب السفاره تستعمل هذا النموذج ، وبمكانك التاكد بالدخول الى مواقع السفارات . ولكن ينقص هذا النوذج ختم السفاره .



رجل شرقي
قطر

والشكر موصول للاخ/ nasserak

[الدستور]

الحمد الله _ توني ما خذ الفيزه من السفاره الألمانيه

ولمده 6 شهور . .

[ام الجوري]

جزاك الله الف خير اخوي انتعاش صراحه كفيت ووفيت

الله يفرج عليك مثل مافرجت علينا لاني صراحه سالت في عدة منتديات بس ولا حد عطاني جواب كافي

بس عندي سؤال اذا ممكن انت تقول لازم من غير غتره وانا زوجي صورته بغتره هل في مشكله

والله يعطيك الف عافيه

[إنتعاش]

هلا بج اختي ام الجوري

العفو

وحاضرين لج

لا اختي الصورة لااااااااااازم بدون غتره

لانهم يرفضون الصور اللي بغتره كل السفارات

ولا تشيلين هم اي محل تصوير يسوي لكم الصور وانتو واقفين

بس اهم شي تقولون له : صور فيزا شنغن لأوروبا

الخلفيه تكون بيضا + بدون غتره

موفقه اختي

[ام الجوري]

تسسسسسسسسسسسسسسسسسسسسسلم

:app:

[badr_vip55]

الراقية يعطيج الف عافيه على هالتقرير الرائع وملاحظك دايما مواضيعك عن السياحه


شكلها الهواية المفضله لج

تحياتي لك الف تحيه

اخوك :- موظف محترم

[الراقية]

مرحبا اختي الفاضله الراقيه

انا الله يسلمج رايحه باريس انشاءالله بعد اربع ايام والسفاره الفرنسيه رفضت تسوي لنا الفيزا خلال الاربع ايام بحكم انهم مشغولين وانهم موقفين طلبات الفيزا لين اسبوعين

وسمعت انه السفاره الالمانيه ممكن اروح لها وتسوي لي الفيزا مع اني ماراح ادخل المانيا

انا ماادري هل هذا الكلام صحيح والا لازم اروح المانيا

اذا كانت عندج اي معلومات الرجاء الرد في اسرع وقت لانه بكره زوجي بيروح السفاره الالمانيه

أختي الحبيبة أم الجوري

سامحيني على التاخير نظرا لعدم دخولي

ثانيا بالنسبة للسفارة الالمانية والعلم عند الله

ممنوع استخراج اي فيزا لاي دولة اخرى اذا كان للدولة سفارة بقطر

مثلا

انتي تقولين رايحة فرنسا فاستحالة راح تقبل السفارة الالمانية استخراج فيزا لك

لان من شروط الالمانية

حجز فندق في المانيا وتذكرة سفر


المهم جربي

مع اني واثقة ان مش ممكن استخراج فيزا من الالمانية اذا انتي رايحة فرنسا

بالنسبة لشروط التصوير

للرجل بدون غترة ووجه للامام

وللنساء متحجبة بالرغم من ان من شروطهم استخراج الاذن والخلفية البيضاء الا ان انا عطيتهم صورة وانا متحجبة عادي بس بخلفية بيضاء


هذي معلوماتي واتمنى اكون ساعدتج فيه

وعموما هالايام الطلبات على الفيز كثيرة يعني لازم تروحين من وقت والله يعينك على نفوسهم الشينة


اخوي انتعاش لاهنت ولا هان من جابك وكفيت ووفيت

[الراقية]

الراقية يعطيج الف عافيه على هالتقرير الرائع وملاحظك دايما مواضيعك عن السياحه


شكلها الهواية المفضله لج

تحياتي لك الف تحيه

اخوك :- موظف محترم
يعافيك اخوي بدر

وفعلا انا احب السفر والرحلات ويمكن مالحقت على تقاريري البرية

كل التحية والشكر لمتابعتك الدائمة

وكل التحية والتقدير لك

[الراقية]

اختي الراقية الظاهر شروط كل سفارة تختلف عن الثانية والله اعلم
لأنني كلمت السفاره الايطالية وقلت لهم اني حاجز الفندق عن طريق الانترنت
هل تقبلون لو اطبع الحجز من ايميلي واجيبه لكم ؟
قالو : ايه ما في مشكلة . .


-----------


اختي ام الجوري : نعم عادي ممكن تاخذين الشنغن من اي سفارة اوروبية
وتدخلين دولة ثانية لان نادر ما يسألون حتى لو سألوكم بالمطار
تقدرين تقولين : غيرنا راينا في اخر لحظه .. مع اني ادري ماحد راح يقول لكم شي
لكن اهم شي تكونون حاطين صح على خانة (رقم 24 )
multiple entries


/ nasserak

اخي الفاضل انتعاش ...شاكرة مرورك الرائع

وبعدين نجي للتعقيب على ما ورد

نعم لكل سفارة ظروفها وخصوصيتها ومتطلباتها

وانا عندما تحدثت عن الحجز عبر الانترنت

كنت اقصد السفارة الالمانية فقط لا غير
لان هي الوحيدة اللي تعاملت معاها
وتحدثت عن شروط الالمانية فقط


بالنسبة للفيزا ..ان ممكن تاخذين فيزا لاي دولة ومن اي سفارة

اخالفك اخوي

نعم الشنغن تعطيك الاولوية لدخول كل دول الاتحاد الاوروبي

ولكن عند استخراج الفيزا
وهذا حسب علمي ومعلوماتي

انك في حالة سفرك الى فرنسا وسفارتها في قطر استحالة تستخرج الفيزا من الالمانية

الا اذا كانت مثلا دولة مثل سويسرا لعدم وجود سفارة لديها فيمكنك استخراج الفيزا من اي سفارة اوروبية


ودمتم سالمين

وهذي هي معلوماتي البسيطة في الستخراج الفيزا

[abo rashid]

http://www.migrationsverket.se/blanketter/bob/visum/blvisa_119031_en.pdf

طلب الفيزا تعبئه بواسطه النت ثم الطباعه

[الراقية]

http://www.migrationsverket.se/blanketter/bob/visum/blvisa_119031_en.pdf

طلب الفيزا تعبئه بواسطه النت ثم الطباعه
جذية الشغل ولا بلاش همتكم

عجبتوني جد الكل يساهم ويثري ويفيد ويستفيد

الله يواليكم العافية

[abo rashid]

جذية الشغل ولا بلاش همتكم

عجبتوني جد الكل يساهم ويثري ويفيد ويستفيد

الله يواليكم العافية


هلا اختي

احتمال اسافر الى اوربا

[بنت الفيصل]

الراااااااااااااااااقية


راااااااااااااائعة انت ..في ردودك.... وفي همتك العالية...



ويليتني التقي معاج في السفر....

على فكرة انا اول مرة اروح سويسرا... كيف ممكن تفيدين بالنسبة للسياحة هناك..؟


تقبل تحياتي

اختك بنت الفيصل

[<<روز>>]

يعطيج العافيه على المعلومات

[الراقية]

هلا اختي

احتمال اسافر الى اوربا
:dance :dance :dance :dance :dance

باصيدكم هنااااااااااااااااااااااااااااااااااك:dance :dance :dance

[الراقية]

الراااااااااااااااااقية


راااااااااااااائعة انت ..في ردودك.... وفي همتك العالية...

ويليتني التقي معاج في السفر....

على فكرة انا اول مرة اروح سويسرا... كيف ممكن تفيدين بالنسبة للسياحة هناك..؟

تقبل تحياتي

اختك بنت الفيصل

هلا بك يا بنت الفيصل

والروعة هو مرورك وكلماتك الرائعة

اختي الحبيبة لي الشرف التقي بك في سفره omen

بالنسبة لسويسرا

شوفي وانا اختج اذا راح تجلسين بس في جنيف فجنيف ممله ( لانها فقط ونيسة فترة الكرنفال فقط ) تكون المنطقة حية وتونس بعد جذية تصير مملة جدا


اقترح عليج التالي

بالنسبة للأقامة يفضل اختيار منطقة قريبة على جنيف لان جنيف السكن فيها نااااااااااااااااار

واقترح عليج منطقتين هم فرنسية ولكن بينها وبين جنيف 10-15 دقيقة وهي ديفون وانيماس


بالنسبة للسياحة:
1- لابد من وجود سيارة لان بتفكج من اشياء كثيرة وراح تستمتعين جدا في التنقل من مكان الى اخر

2- زيارة كل :

1- انترلاكن
2- لوزيرن
3- جينيف
4- لوزان
5- منترو
6- لوقانو
7- لوكارنو
8- زيرمات
9- زيورخ
10- هايدي لاند
11- بيرن
12-شامونيه
( بالاضافة الى ميلانو بايطاليا بينها وبين جنيف 3.30ساعة - باريس 4 ساعات او اقل - ديزني لاند بفرنسا ) كلها مناطق قريبة من جنيف


الاسواق :

1-البلاكسيرت - BLAXSERT(يعتبر هذا السوق أكبر مجمع تجاري في سويسرا، ومن أجملها وأمتهعا على الإطلاق)

2-مانور -MANOR(من الأسواق الكبيرة في سويسرا وهو عبارة عن مبنى ضخم يتكون من 10 طوابق 4 تحت الأرض (مواقف) و 6 طوابق مليئة بكل شيء تتخيله)


3-سوق المدينة القديمة - Old Twon Shops

الشارع الرئيسي للتسوق في جنيف يقع في أطراف المدينة القديمة وبعد عبور جسر المون بلا

وعموما حبيبة قلبي سئلي شتحبين تعرفين وانا بالخدمة

[الراقية]

يعطيج العافيه على المعلومات
يعافيج ويعافي لي مرورج الرائع

[alkaabi]

يعطيكم العافية

موضوع شيق

ويازين هالمواضيع والصيف على الابواب :nice:

المهم...........

باختصار اي حد يبي فيزا شنقن لايعور راسه ولاشيء

حجز وهمي لاي فندق في المانيا بالاضافة الى البرنت اوت للتذاكر وهمي ايضا

وتامين وصورتين والطلب وسلام عليكم

3 ايام والفيزا عندك

وكل سنة انا على هالحال ومافيه اي مشكلة

والسنة نفس الشيء مسويها بعد

لايحددون لك الوجهه الاولى ولاشيء من هالكلام

الشنقن وحدة ماتغير من سفارة للثانية

وبخصوص الفيزا الخاصة بسويسرا


للعلم

سويسرا سمحت لمواطني دول الخليج ابتداء من عام 2001

بدخول اراضيها بالفيزا الشنقن


يعني مايحتاج فيزا لسويسرا الا لغير مواطني الخليج

والسنة الماضية الشباب خذوا الشنقن وراحوا سويسرا ومافيه اي مشكلة

نقطة اخيرة ...

شسالفة الصورة اللي بدون غترة

لازم يعني

كل سنة اصور بغترة مافيه مشكلة ....!!!!

اذا حبكت عندي صورة ايام النادي برياضة بوديها لهم :D

[badr_vip55]

يعافيك اخوي بدر

وفعلا انا احب السفر والرحلات ويمكن مالحقت على تقاريري البرية

كل التحية والشكر لمتابعتك الدائمة

وكل التحية والتقدير لك



ياليت تزودينا بتقاريرك البرية وصراحه انا نفس الشي احب السفر والرحلات بس شسوي عندي دوام والحين بعد جامعه متخربط وجدولي مزحوم ولا قبل لاشتغل كنت عايشه حياه هانئه وهادئه لاحسيب ولا رقيب

[Bo3abD]

اخوي انا طالب ف بريطانيا ... و يوم رجعت قطر و قلت لهم اني ابي اطلع الفيزا ... قالوا لي لازم اجيب لهم حجز الفندق ... انا ابي اطلعها ف قطر علشان اول ما تكون عندي اجازه ف بريطانيا اروح ازور باقي دول اوروبا

والسموحه اذا طولنا عليك

[badr_vip55]

اخوي انا طالب ف بريطانيا ... و يوم رجعت قطر و قلت لهم اني ابي اطلع الفيزا ... قالوا لي لازم اجيب لهم حجز الفندق ... انا ابي اطلعها ف قطر علشان اول ما تكون عندي اجازه ف بريطانيا اروح ازور باقي دول اوروبا

والسموحه اذا طولنا عليك





اخوي Bo3abD انا والله مالي في هالمجال ولكن حبيت اجوبك على هالسؤال بما انك طالب والله يوفقك في تعليمك شيك في السفاره القطريه هناك في لندن ترى مايقصرون فيهم الخير


وثاني مره اقولك الله يوفقك في الدراسه


تحياتي لك

[الراقية]

يعطيكم العافية

موضوع شيق

ويازين هالمواضيع والصيف على الابواب :nice:

المهم...........

باختصار اي حد يبي فيزا شنقن لايعور راسه ولاشيء

حجز وهمي لاي فندق في المانيا بالاضافة الى البرنت اوت للتذاكر وهمي ايضا

وتامين وصورتين والطلب وسلام عليكم

3 ايام والفيزا عندك

وكل سنة انا على هالحال ومافيه اي مشكلة

والسنة نفس الشيء مسويها بعد

لايحددون لك الوجهه الاولى ولاشيء من هالكلام

الشنقن وحدة ماتغير من سفارة للثانية

وبخصوص الفيزا الخاصة بسويسرا


للعلم

سويسرا سمحت لمواطني دول الخليج ابتداء من عام 2001

بدخول اراضيها بالفيزا الشنقن


يعني مايحتاج فيزا لسويسرا الا لغير مواطني الخليج

والسنة الماضية الشباب خذوا الشنقن وراحوا سويسرا ومافيه اي مشكلة

نقطة اخيرة ...

شسالفة الصورة اللي بدون غترة

لازم يعني

كل سنة اصور بغترة مافيه مشكلة ....!!!!

اذا حبكت عندي صورة ايام النادي برياضة بوديها لهم :D

اخوي الكعبي هلا بك وبمرورك


صراحة أعضاء واخوان تبردون القلب

كل واحد يجيب معلوماته وبجذية صج نكون نعم الأسرة اللي تعين وتعاون بعضها


نعم تستطيع من خلال حجز فندق وتذكرة وهمية الحصول على تاشيرة الشنقن


ولكن ياماشي درب الزلق لا تامن الطيحة ...وامشي عدل يحتار عدوك فيك:deal:



بالنسبة للغترة نعم :funny: :funny: :funny: :funny:

في السفارة الالمانية

حاطين بوستر كامل عن التصوير بدون

وان لازم يكون الوجة سيده يعني مب حركات وعلى جنب

وبخلفية بيضاء



كل التحية والتقدير لكم ولمرورك يالكعبي

[الراقية]

ياليت تزودينا بتقاريرك البرية وصراحه انا نفس الشي احب السفر والرحلات بس شسوي عندي دوام والحين بعد جامعه متخربط وجدولي مزحوم ولا قبل لاشتغل كنت عايشه حياه هانئه وهادئه لاحسيب ولا رقيب


اخوي بدر شاكرة متابعتك


وروح للأرشيف بتحصل اشياء عجايب


الراقية في سوق وقف
الراقية في النقيان
الراقية ما ادري وين ؟؟؟:con2:

يعني كله جلحة وملحة وغبار :funny:

تحياتي لك ولمرورك العطر

[الراقية]

اخوي انا طالب ف بريطانيا ... و يوم رجعت قطر و قلت لهم اني ابي اطلع الفيزا ... قالوا لي لازم اجيب لهم حجز الفندق ... انا ابي اطلعها ف قطر علشان اول ما تكون عندي اجازه ف بريطانيا اروح ازور باقي دول اوروبا

والسموحه اذا طولنا عليك
شوف اخوي نعم تستطيع من خلال معارفك او علاقاتك الشخصية باحد مكاتب السفريات استخراج حجز فندق وهمي
ومن خلاله تستطيع الحصول على تاشيرة

واطلبها لسنه كاملة

حتى يتسنى لك متى ما بغيت تروح


والله يوفقك في دراستك يا بو عابد

[الراقية]

اخوي Bo3abD انا والله مالي في هالمجال ولكن حبيت اجوبك على هالسؤال بما انك طالب والله يوفقك في تعليمك شيك في السفاره القطريه هناك في لندن ترى مايقصرون فيهم الخير


وثاني مره اقولك الله يوفقك في الدراسه


تحياتي لك


ماعندي فكرة ؟؟؟؟ عن ان السفارات الخارجية تطلع تاشيرة ؟؟؟

بس كل سفارة قطرية ما تقصر بالخارج والله يعطيهم العافية يا رب

[بنت الفيصل]

اختى الراقية

لك مني كل تقدير وامتنان

والله يعطيج الف عافية

[الراقية]

اختى الراقية

لك مني كل تقدير وامتنان

والله يعطيج الف عافية
ياهلا بك يا بنت الفيصل

وانا بالخدمة بس انتي اشري

[ROSE]

ترا انا مراقبة الموضوع من اوله :looking:

اي مساعده انا حاضره :shy:



omen omen عيني عليج بارده يابعد قلبي

[رايق]

بالنسبة لسويسرا

اقترح عليج التالي

10- هايدي لاند



خاطري اروح اشوف هايدي :(

http://static.flickr.com/98/225239603_d6d8a17058_o.jpg[/COLOR]

[الراقية]

ترا انا مراقبة الموضوع من اوله :looking:

اي مساعده انا حاضره :shy:

omen omen عيني عليج بارده يابعد قلبي


فديت روحج


لاخلا ...ولاعدم منج يالغالية


وجودك ومرورج شرف لي ووسام على صدري


وما استغنى عن مساعدتج يالغالية omen

[الراقية]

خاطري اروح اشوف هايدي :(

http://static.flickr.com/98/225239603_d6d8a17058_o.jpg
اشتبي في هايدي عندك (ثنتين ) ولا بكافيينك


بني ادم ما يملي عينه غير التراب


:court: :court: :court: :court:

[رايق]

اشتبي في هايدي عندك (ثنتين ) ولا بكافيينك


بني ادم ما يملي عينه غير التراب


:court: :court: :court: :court:

لا فهمتيني غلط :p .. انا ابي اروح هناك اعيش طفولتي و اتذكر هايدي و جدها .. و املى عيني بالثلج .. التراب يسببلي حساسية :anger1:

[الراقية]

لا فهمتيني غلط :p .. انا ابي اروح هناك اعيش طفولتي و اتذكر هايدي و جدها .. و املى عيني بالثلج .. التراب يسببلي حساسية :anger1:

اي طفولة ليكون طفولتك في سويسرا ؟؟؟؟:eek2:

ولا تقصد مشاهد ( الجنانوه ):funny:


المهم اشرد عن التراب ترى جاينا هالشهرين بصورة مب طبيعية ..وانت اخبر مني في علوم الجو

[قطري عصامي]

طيب ممكن سؤال:

هل ممكن اني اخذ الفيزا من سفارة ، وانا مسافر لبلاد اوروبية غير بلد السفارة الصادرة منه الفيزا؟؟؟؟؟؟؟؟؟؟؟؟

[رايق]

اي طفولة ليكون طفولتك في سويسرا ؟؟؟؟:eek2:

ولا تقصد مشاهد ( الجنانوه ):funny:


المهم اشرد عن التراب ترى جاينا هالشهرين بصورة مب طبيعية ..وانت اخبر مني في علوم الجو

هههههههههه يالله صباح خير .. جنانوه على هـ الصبح

الراقيه .. الظاهر انتي ما شفتي هايدي يوم كنا بزوووووره .. ترى القصة كانت في نفس المنطقه اللي قلتي عنها HeidiLand في سويسرا

[الراقية]

طيب ممكن سؤال:

هل ممكن اني اخذ الفيزا من سفارة ، وانا مسافر لبلاد اوروبية غير بلد السفارة الصادرة منه الفيزا؟؟؟؟؟؟؟؟؟؟؟؟
هلا بك اخوي قطري عصامي

نعم باستطاعتك دخول اي ارض اوروبية في حالة استخراج تاشيرة الشنقن

ولكن عند تعبئة الطلب لابد من وضع علامة صح عند كلمة ( دخول متعدد )
MULTIPLE ENTRIES

وبالتوفيق ان شاء الله

[الراقية]

هههههههههه يالله صباح خير .. جنانوه على هـ الصبح

الراقيه .. الظاهر انتي ما شفتي هايدي يوم كنا بزوووووره .. ترى القصة كانت في نفس المنطقه اللي قلتي عنها HeidiLand في سويسرا
رايق


الجنانوة ( تطلق قديما على الرسوم المتحركة )

بس لان من جيل الماكدونالدز

فاعتقد مافهمتني crazy

عموما نعم هالمنطقة هايدي لما تروح لها راح تشوف بيتها وبيت جدها واغراضهم وكل شي في خاطرك


هاااااااااااااااااااا اجهز الشنطة

[رايق]

رايق


الجنانوة ( تطلق قديما على الرسوم المتحركة )

بس لان من جيل الماكدونالدز

فاعتقد مافهمتني crazy

عموما نعم هالمنطقة هايدي لما تروح لها راح تشوف بيتها وبيت جدها واغراضهم وكل شي في خاطرك


هاااااااااااااااااااا اجهز الشنطة

لا وين ماكدونالدز يا الراقية .. انا من جيل ما قبل طفرة البامبرز :D

انتي للحين ما جهزتي الشنطة! :court:

[ROSE]

لا وين ماكدونالدز يا الراقية .. انا من جيل ما قبل طفرة البامبرز :D

انتي للحين ما جهزتي الشنطة! :court:
:looking: :looking:

[رايق]

:looking: :looking:

انتي شنطتج جاهزة من زمان .. ادري :looking:

[الراقية]

لا وين ماكدونالدز يا الراقية .. انا من جيل ما قبل طفرة البامبرز :D

انتي للحين ما جهزتي الشنطة! :court:
جاهزة

بس ابغي اعرف متى http://www.asmilies.com/smiliespic/evil/103.gif

[الراقية]

:looking: :looking:
:rolleyes: :rolleyes: :rolleyes: :rolleyes:

اموت في هالنظرة

شدي حيلج عيزت كله انا اللي اطلب :anger2:

[الراقية]

انتي شنطتج جاهزة من زمان .. ادري :looking:
روز خل نفتح الشناط ونغير الملابس كنا حاطين شتوي:confused:

الحين

راح الشتاء وجانا شتاء وانا انتظاري لي متى ؟؟؟؟؟

يالله حطي صيفي بنشوف اخرتها

[عبد الناصر]

مشكوووووووووره على الموضوع

[الراقية]

مشكوووووووووره على الموضوع
ومشكووووووووووور على المرور يا ملك :nice:

[EleGanT]

يعطيج العافيه

[الخيميائي]

وناسة هالموضوع

ومحد له عذر الحين كل شيء بالتفصيل الممل :)

شاكر لك الراقية على الموضوع وللاخوان مداخلتهم وتجاربهم وخبراتهم

والله يعطيكم العافية جميعا

[الراقية]

يعطيج العافيه
الله يعافيك omen

[الراقية]

وناسة هالموضوع

ومحد له عذر الحين كل شيء بالتفصيل الممل :)

شاكر لك الراقية على الموضوع وللاخوان مداخلتهم وتجاربهم وخبراتهم

والله يعطيكم العافية جميعا
الله على ريحة القهوة يالخيميائي
omen
عجيبة

فعلا محد صار له عذر وماقصروا الاخوان في اعطاء اكبر قدر ممكن من المعلومات عن التأشيرات

وهذا الموضوع من احب المواضيع الى قلبي

لاني لقيت فيه تعاون من الجميع

شاكرة مرورك ولاتحرمنا منه

[ام الجوري]

هلا وغلا باخواني وخواتي

حبيت اشكر اخ انتعاش واختي الراقيه وكل من عطاني معلومات عن الفيزا

وحبيت اقول لاخوي انتعاش واختي الراقيه اني سويت الفيزا من السفاره الالمانيه وعطيتهم حجز وهمي في المانيا لاني ماراح ادخل المانيا وسويت الفيزا عندهم لانها بصراحه اسرع سفاره في اصدار الفيزا مع اني راح ادخل باريس فقط والسفاره الفرنسيه يبيلها اسبوعين لين يخلصون لنا الفيزا
وشي ثاني زوجي صورته للفيزا بالغتره عادي مافي اي مشكله

وانا ذكرت هالاشياء حتى يستفيد غيري وما يتلعوز مثل ماتلعوزنا
والحمد لله الفيزا خلصت اليوم يعني خذت لها يومين فقط وبكرهمسافره فرنسا انشاءالله

تامرون على شي حبايبي

واشكر كل من ساعدنا في الرد على اسالتي وبالذات اخوي انتعاش صراحه ماقصر كفى ووفى

ونلتقي على خير انشاءالله

[فارس 2007]

لحظة ...... لحظة


بعد أن إحتوانا هذا القسم بكل الحب والأخوة

وبعد أن حرصت على أن أضع

http://www.n01-in-flowers.com/Flower-images/filler-images/Flowers.jpg

لمساتي في كل موضوع أتواجد فيه


وبعد أن لمست


روح التآخي بين الأعضاء وكأننا


http://www.geocities.com/Tokyo/Flats/5330/home/hom_family.jpg




عائلة واحدة



أصريت على المضي في


http://www.kadmous.org/souwar/b/batroun_flowers.jpg




طريق الورد



http://www.vrmeetings2.com/media/images/pics/warning.jpg



إلا




أنني




تفاجأت







بحجم التجاهل





من قبل بعض المقربين من الأعضاء


http://www.nutv.ca/images/photos/members_01.jpg



وكذلك من بعض المشرفين



http://www.smithcounty.ms.gov/images/supervisors_sm.jpg




الذين يصرون على حذف بعض ردودي






لذلك





قررت



الرحيل


http://flan.utsa.edu/russian/photos/to-helsinki.gif



فأتمنى



من الله




أنني كنت




http://realworld9.main.jp/sb/img/img180_367.gif


خفيفا على قلوبكم




تقبلوا تحياتي




http://www.booksamillion.com/bam/covers/0/37/582/343/0375823433_l.gif




مع السلامة






فارس الشانزلزية

[بنت الفيصل]

السلام عليكم ورحمة الله

ابي اطلع فيزا... شنغل.... بس احتاج الى مكتب تخليص معاملات.... لو سمحتوا... وين اقدر احصل عليه....

[أبو خالد]

جزاك الله خيرا

[srs]

ممكن اعرف شلون اطلع فيزا استرالي وانا في قطر ممكن على النت

[hgahuv]

من دبى

[قطري كشخه]

السلام عليكم ..

بالنسبه لي امس انا مقدم على السفاره الايطاليه لمده سنه لانه العام انا كنت مقدم عندهم لمده ست شهور وعطوني 9 شهور ..

اما السنه قالولي اذا عطناك سنه بنكون خادمينك:eek3:

بس امس الى استغربته انه قالولي نبي نجوف التذكره عشان نتأكد انك رايح ايطاليا وفي الاصل ماكنت بنزل ايطاليا كنت بروح فرنسا جان اكلمها اقولها مو اول مره اروح ايطاليا وانا في الاصل مارحت عطيتها حجز الفندق دبرته من السفريات ومشت معاي لكن قالولي لين جيت تستلم الفيزا رونا التذكره يحليها تقولي ( اى ترست يو ) ..

المهم خلتني افكر فيها واغير وجهتي جد كانت راح تكون على فرنسا لكن اليوم رحت السفريات وغيرت الحجز على اني انزل ميلان 3 ايام وبعدها على باريس ..

تبقى الاجراءت في السفاره الايطاليه اسهل من الفرنسيه بكثير واسرع

[قطري كشخه]

ممكن اعرف شلون اطلع فيزا استرالي وانا في قطر ممكن على النت

بعد اذن صاحبه الموضوع اخوي اعتقد انه من قريب فاتحين سفاره استراليا وتقدر تقدم عندهم على حد علمي لكن الى اخبره انه العالم كنت تقدم الفيزا في مكتب في الدوحه وهو يودي الجوزات للامارات ويتم اصدار الفيزا من الامارات ..

[الراقية]

بعد اذن صاحبه الموضوع اخوي اعتقد انه من قريب فاتحين سفاره استراليا وتقدر تقدم عندهم على حد علمي لكن الى اخبره انه العالم كنت تقدم الفيزا في مكتب في الدوحه وهو يودي الجوزات للامارات ويتم اصدار الفيزا من الامارات ..
شاكرة تعاونك وتعاون الاخوان معاي واحنا كلنا يد وحدة بهالمنتدى الرائع :app: