المساعد الشخصي الرقمي

مشاهدة النسخة كاملة : مدرسة النور الخاصه ؟



ريان
31-05-2007, 01:17 AM
اعضاء المنتدى الكرام

مدرسة النور الخاصه للغات -

حبيت أستفسر عن هذه المدرسه ؟او لاحد منكم تجربه معاها ؟

ذوق
31-05-2007, 01:49 AM
نصييييييييييييحه أنا اقوووووووووولك أياهاااااااااااا عن تجربه

تحممممممممممممل تسجل عيالك فيها

مدرسه مالها أي معنى أبدآآآ

لا من ناحية الأسلوب ولا التدريس

اشوف انك تدخلهم مدارس أجنبيه واااايد أضمن لك من ناحية اللغه

تحياتي

ريان
31-05-2007, 02:35 AM
نصييييييييييييحه أنا اقوووووووووولك أياهاااااااااااا عن تجربه

تحممممممممممممل تسجل عيالك فيها

مدرسه مالها أي معنى أبدآآآ

لا من ناحية الأسلوب ولا التدريس

اشوف انك تدخلهم مدارس أجنبيه واااايد أضمن لك من ناحية اللغه

تحياتي

يعطيج العافيه اختي

انا مريت مدرسه المها وتفاجئت منهم يطلبون امتحان قبول بالنجليزي وقلت ياهل
واول سنه يدرس وين يمتحن وايد عليه يعرف اسمه .ويعد لين العشره

ونصحني واحد من الربع بمدرسه النور وقلت اسئل عنها قبل

ضوى
31-05-2007, 06:48 AM
مدرسة النور كانت من اقوى المدارس في فترة من الفترات لدرجة انها تأسس الطفل في اللغة بدرجة رهيبة يطلع بعدها فطحل ، بس تدنى مستواها وااااااااااايد بعد ما فنشوا المدرسات الزينين فيها وياباوا ناس عادية ما لها في اللغة من شئ حتى تدريسهم اي كلام ، وصارت المدرسة مادية بشكل كبير واال صف اول 13 صف اشدعوه وكل صف فيه 30 طالب
وهذا الكلام لان اختي حطت عيالها فيها ثاني اعدادي واول ابتدائي ورابع ولا واحد فيهم فاهم شئ تدريس ما له اي معنى انصحك ابتعد عنها

المها من اقوى المدارس في اللغة وغير هذا ما عندهم خلط ابدا يعني البنات بروحهم والأولاد بروحهم ، وغير هذا وايد تهتم بالدين ، واذا كان في امتحان قبول فهذا عادي ما ياخذون عليه بنت اختي ما تعرف ولا شئ بالانجليزي بأول سووا لها امتحان حتى يحددون اشكثر تحتاج مساعدة في اللغة ، والصراحة وايد من جاراتي اللي حاطين بناتهم فيها يمدحونها

هذا اللي اقدر افيكم في والله ويوفقكم للاحسن والأصلح لعيالكم

bo_hamad
31-05-2007, 06:50 AM
عليك بمدرسة نور الخليج ممتازين في التدريس والتعامل وبالتوفيق

بدور
31-05-2007, 07:34 AM
انصحك ابتعد عن هالمدرسه عن واقع تجربه

المهم عندهم الربح السريع من الطالب ولايهمهم كيف يتلقى الطالب تعليمه

مدرسه تجاريه وتكدس الطلبه في الصف يفوق 40 طالب والمدرسات من الصعيد

والاداره لاتحترم اولياء الامور في البدايه يحطونك فوق راسهم وبعدين

ينزلونك بالقاع لا احترام ولاتقدير لاولياء الامور وتدريسهم في الحضيض مامنهم فايده

عندك الجزيره الاكاديميه روووووعه ومعاملتهم ممتازه

دلة الرسلان
31-05-2007, 08:30 AM
.نفس اراء الاخوان اهرب الى ابعد ما تقدر عن تجربة المدرسة سيئة وتدرس الانجليزي باكسن مصري بطريقة جامدة . واسوأ شيء الحمام مشترك بين الجنسين صف 3 وبعيني انا حصلت
اولاد وبنات في الحمام وولد داخل ع البنت داخل الحمام (المرحاض) اعزكم الله يهاوشها وعند باب الحمام حاطين كرسي فراشة طبعا ما فيه حد نزلت وقلت للمديرة وراحت تحاججني لا فيه فراشة ومنهاشلينا عليه وودينا بناتنا من المدرسة
فيه مدرسة اقرأ الانجليزية بتفتح هاذي السنة في المعمورة ومديرتها مسلمة انجليزية (كانت مديرة المها) وانشاء الله تحصل مكان ع الاقل تدريس انجليزي عدل ومحافظة ع الشخصية الاسلامية .

ريان
31-05-2007, 09:10 AM
ضوى
bo_hamad
بدور
دلة الرسلان

يعطيكم العافيه على النصيحه

عزوز المضارب
31-05-2007, 09:23 AM
في السابق مدرسه النور كانت مدرسه قويه كما ذكرت اختي ضوى وبالفعل كانت المدرسات على مستوى عال جدا وكانوا المدرسات لو يلاحظون شيء غريب على الطالب يتصلون باهله مباشره للتنبه ام الحين سلامتك المدرسه سلطه ولا حد يدري عن الثاني المشكله مش هنا المشكله من يتحمل المسؤوليه لو تم تدريس الطالب بالخطا

انا اكتشف ان بنت جيرانا مدرسه الرياضيات اول اعدادي تدرس المعادلات للطالبه بالغلط وتم مراجعه المدرسه ولو تعرفون ردها ايش كان قالت بالحرف الواحد معلش انا عندي مشاكل في البيت مع زوجي .....طبعا المدرسه في مدرسه ما ؟؟وليس مدرسه النور المقصوده بالطبع .

المشكله في المدارس الفاشله الاداره وبس

jajassim
31-05-2007, 09:29 AM
فعلا كانت قويه ،، دخلت ولدي ،، من الروضة وحتى الصف الخامس ،، بسبب تدنى مستواها طلعته ، وحاليا في كامبردج بالمعمورة ،،،

al_lord
31-05-2007, 09:48 AM
يمدحون كامبردج بس هل هي مختلطه ؟ ولا منفصله ؟

وبخصوص مدرسة اقراء هل هي تمهيدي وروضه ولا بس مدرسه ؟

رايق
31-05-2007, 10:07 AM
انا بنوتي درست الصف الأول عندهم و السنه هذي سجلناها في مدرسة المها الأنجليزية للبنات ..

الصراحة مدرسة النور مستواها تعبان .. و زحمة .. و المدرسات على اللي سمعته كلهم من مصر

مره انا و بنتي قاعدين نتجاذب أطراف الحديث .. فا قلت خلني أشوف مستواها في الأنجليزي بما أنها تدرس في مدرسة لتعليم اللغات (أمحق مدرسة)

طالعتها و بأبتسامة الأب الحنون سألتها "How are you sweetie"

طالعتني و علامة أستفهام كبيرة على راسها و ردت " انا مش فاهمه انت عايز ايييه بالزبط!! حتتلكك انا حسيبك و امشي!"

ROSE
31-05-2007, 10:11 AM
انا بنوتي درست الصف الأول عندهم و السنه هذي سجلناها في مدرسة المها الأنجليزية للبنات ..

الصراحة مدرسة النور مستواها تعبان .. و زحمة .. و المدرسات على اللي سمعته كلهم من مصر

مره انا و بنتي قاعدين نتجاذب أطراف الحديث .. فا قلت خلني أشوف مستواها في الأنجليزي بما أنها تدرس في مدرسة لتعليم اللغات (أمحق مدرسة)

طالعتها و بأبتسامة الأب الحنون سألتها "How are you sweetie"

طالعتني و علامة أستفهام كبيرة على راسها و ردت " انا مش فاهمه انت عايز ايييه بالزبط!! حتتلكك انا حسيبك و امشي!"

:funny: :funny: :funny:

*بوحمد
31-05-2007, 10:26 AM
ريان

تحمل من هذي المدرسه
ما ازيد على الاخوان بالكلام
بس مدرسه اسمها يجيبلي المرض
دخلت عيالي فيها والله ليومك انا متحسف

عليك بمدرسة نور الخليج الي عند محطة بترول التضامن وايد يمدحونها
بس لازم يسون اختبار للطفل واذا ولدك ما يعرف لغه
دخله مدرسة القاده العالميه الي قريبه من جمعية المعموره
صج مدرسه على قد حالها بس ارحم من مدرسة النور
ولى فكره في مدارس وايد جيده للاطفال
بس قبل لدخل ولد استفسر عن كل صغيره وكبيره وشوف كتبهم وتعرف على مدرسينهم

والله يوفقك اخوي ريان ويخليلك عيالك

دلة الرسلان
31-05-2007, 11:13 AM
شوف اخوي اللورد مدرسة اقرأ انا حاطة ولدي فيها تمهيدي هاذي السنة والسنة الجاية بيفتحون مدرستهم في المعمورة وبيكون ولدي انشاء الله في الصف الاول وبحط عندهم بنتي اللي رايحة صف رابع . وسألتهم وقالوا مبنى البنات منفصل عن الاولاد .

alanood
02-06-2007, 09:49 PM
والله بنتي في الشويفات الحين و كانت في الخليج و مدرسة تدريسها ممتاااز...ولكن..to gain somethin u have 2 lose somethin...unfortunatly
بنتي تفوقت من الناحية الاكاديمية..ولكن تاثرت بخلق الغرب..
بس اظنها في هالسن الصغيره اكتفت بهذا القدر من اللغه و الثقافة الغربيه..
وبحيل الله و قوته بحطها السنه الجاية في مدرسة علميّه..اتوقع ومن اللي سمعته انها مدارس جيده..
يعني ممكن ندرس الاطفال بداية ال4 سنوات الدراسية مدارس اجنبيّه و ننقلهم عند مدارس الدوله عالاقل ما نخسر عاداتنا و تقاليدنا فيهم

روز!!!سوري مشرف عام..شتسوي تدخل تضحك 3 ضحكات حلوات و تطلع؟
هذا منتدى عام
نبي راي:court: ولا ترى بسحب الورده الزرقاء:p





:funny: :funny: :funny:

محمد2
02-06-2007, 10:07 PM
لا نور الخليج للغات (مصرية ) وآخبر المصريين كانوا يودون عيالهم على ايام ام غويلينة والحين راحوا صوب العزيزية وتعاملهم ودراستهم كجرة

ولا نور الخليج اللي عند محطة بترول التضامن ( خسارة فلوس على الفاضي )

وانا اسمع بس ماجربت يقولون ان كمبرج مدرسة زينة وفعلا حتى في المبنى

<<روز>>
02-06-2007, 10:14 PM
والله انا اسمعت عن مدرسة قطر الانجليزيه اللي بالدفنه ممتازه

ROSE
02-06-2007, 10:17 PM
والله بنتي في الشويفات الحين و كانت في الخليج و مدرسة تدريسها ممتاااز...ولكن..to gain somethin u have 2 lose somethin...unfortunatly
بنتي تفوقت من الناحية الاكاديمية..ولكن تاثرت بخلق الغرب..
بس اظنها في هالسن الصغيره اكتفت بهذا القدر من اللغه و الثقافة الغربيه..
وبحيل الله و قوته بحطها السنه الجاية في مدرسة علميّه..اتوقع ومن اللي سمعته انها مدارس جيده..
يعني ممكن ندرس الاطفال بداية ال4 سنوات الدراسية مدارس اجنبيّه و ننقلهم عند مدارس الدوله عالاقل ما نخسر عاداتنا و تقاليدنا فيهم

روز!!!سوري مشرف عام..شتسوي تدخل تضحك 3 ضحكات حلوات و تطلع؟
هذا منتدى عام
نبي راي:court: ولا ترى بسحب الورده الزرقاء:p




ماعندي رد يالعنود كل شي ولا الورده الزرقا :court: :court:


صرت احبها

انا متابعة للموضوع لاني مادخلت عيالي هالمدرسه من الاساس:nice:

الطرف الأغر
02-06-2007, 11:20 PM
مدرسة النور للغات مستواها متدني

المها مستواها ضعيف في التأسيس ميزتها بس انهم فاصلين البنات عن الأولاد ،، لو مب هالميزه كان اهالي وايد طلعو اعيالهم من هالمدرسه

اعيالي مدخلتهم نور الخليج الي عند التضامن ،، مدرستهم تأسيسها قوي بمعنى الكلمه ،، وقبل التسجيل يعطون الطفل امتحان قبول واذا ماعرف يقرا الكلمات والجمل المكونه من 3 او 4 حروف باللغه الانجليزيه ما يسجلونه ،، اشكثر من الي اعرفهم طلعوا اعيالهم من نور الخليج لان اعيالهم ما اقدرو يماشون مستوى المدرسة القوي ،، ونتايج اعيالهم كلها رسوب والسبب قوة التأسيس والتعليم غير هالكلام غير صحيح ،، لني مجربه التعب النفسي والعقلي و كل شي فتره امتحاناتهم،، فكرت اطلعهم من نور الخليج لاني تعبت من تدريسهم المتواصل مع ان ماشاء الله امتياز في كل المواد ،، غير المواد الموجوده عندهم مب موجوده في مدارس خاصه غير مثل الفرنسي والكمبيوتر والموسيقى والسباحه في المدرسه طبعا منعزلين يوم للبنات ويوم خاص للأولاد ،،

اسمحولي عالاطاله

ريان
02-06-2007, 11:32 PM
يعطيكم العافيه جميعا ومشكورين على التوضيح وعلى النصائح الطيبه

اختي - دله الرسلان - اخذت بنصيحتج وكلمت مدرسه اقرأ يوم الخميس

وحجزت عندهم وبكره باروح ادفع الرسوم وسجل الولد انشاء الله

sulai6i
03-06-2007, 12:04 AM
لو سمحتوا

مكن حد يطرش لي رقم مدرسة اقرأ على الخاص


وشكرا لكم

ريان
03-06-2007, 12:10 AM
لو سمحتوا

مكن حد يطرش لي رقم مدرسة اقرأ على الخاص


وشكرا لكم


السموحه الشيخ الرقم عندي في المكتب لكن ممكن تاخذه من كيوتل

تراء اخر الارقام 777 على مأظن

ANONYMOUS
03-06-2007, 12:11 AM
هل المدرسه غير الروضه ؟

عيالنا حوالي 5 عيال عم وعيال خال.. داشين روضة النور.. هل هي نفسها ولا شي ثاني..


دام الموضوع اكاديمي.. سولفوا لنا عن احسن الروض ؟ لان بنتي بدخلها شهر 9 انشالله..

وسوري ياراعي الموضوع..

دلة الرسلان
03-06-2007, 12:21 AM
يعطيكم العافيه جميعا ومشكورين على التوضيح وعلى النصائح الطيبه

اختي - دله الرسلان - اخذت بنصيحتج وكلمت مدرسه اقرأ يوم الخميس

وحجزت عندهم وبكره باروح ادفع الرسوم وسجل الولد انشاء الله

بالتوفيق اخوي والله لايحسفنا ان شاء الله

بدور
03-06-2007, 08:16 AM
هل المدرسه غير الروضه ؟

عيالنا حوالي 5 عيال عم وعيال خال.. داشين روضة النور.. هل هي نفسها ولا شي ثاني..


دام الموضوع اكاديمي.. سولفوا لنا عن احسن الروض ؟ لان بنتي بدخلها شهر 9 انشالله..

وسوري ياراعي الموضوع..

روضة النور تابعه لمدرسة النور وطلعوا اعيالكم منها افضل لكم

وجربوا الجزيره او مثل ما اذكروا الاخوان اقرأ يمكن عندهم روضه

دلة الرسلان
03-06-2007, 09:44 AM
هل المدرسه غير الروضه ؟

عيالنا حوالي 5 عيال عم وعيال خال.. داشين روضة النور.. هل هي نفسها ولا شي ثاني..


دام الموضوع اكاديمي.. سولفوا لنا عن احسن الروض ؟ لان بنتي بدخلها شهر 9 انشالله..

وسوري ياراعي الموضوع..

نعم اخوي اقرأ فيها روضة وتمهيدي وتفتح النفس وشوي شوي الجاهل بيتعلم انجليزي

ومدرسةالانجليزي عندهم بريطانية ومدرسة العلوم هندية بس انا قعدت معها الاكسنت عندها ممتاز ويدرسون عربي وشرعية .

عزوز المضارب
03-06-2007, 09:52 AM
اختي دله وين مكانها مدرسه اقرأ الله لا يهينك

وفي مجال الواحد يسجل لحين ولا شلون

دلة الرسلان
03-06-2007, 10:25 AM
اختي دله وين مكانها مدرسه اقرأ الله لا يهينك

وفي مجال الواحد يسجل لحين ولا شلون

المدرسة في المعمورة عند مبنى المها القديم بس اعتقد التسجيل في الروضة ورا نيو هورايزن

اللي في الهلال . احسن اخوي تاخذ رقمهم وتكلم لان انا فعلا حجزت ودفعت عربون .

عزوز المضارب
03-06-2007, 11:50 AM
المدرسة في المعمورة عند مبنى المها القديم بس اعتقد التسجيل في الروضة ورا نيو هورايزن

اللي في الهلال . احسن اخوي تاخذ رقمهم وتكلم لان انا فعلا حجزت ودفعت عربون .
شكرا ويعطيكي الف عافيه

ريان
03-06-2007, 12:07 PM
لو سمحتوا

مكن حد يطرش لي رقم مدرسة اقرأ على الخاص


وشكرا لكم


هلا اخوي - طرشت لك الرقم على الخاص

جرس الإغلاق
04-06-2007, 10:59 PM
ممكن الاخوان اللي عندهم خبره يحطون اسعارهم

ليش مستحين

مثلا النور تاخذ 5000 في السنه والمواصلات مش عارف كم

عطونا الاسعار في المها مثلا

واقرأ

و نيوتن

الخ

خلوا الكل يستفيد

في ناس حابه تسجل اعياالها بس مايعرفون عن الاسعار

الطرف الأغر
04-06-2007, 11:07 PM
مدرسة نور الخليج العالميه الي اعيالي فيها


الروضه 2300

التمهيدي 2875

الصف الأول 3450

الصف الثاني 3450

الصف الثالث 3450

الصف الرابع 3450

الصف الخامس 4000

رسوم المواصلات ( الباص )

داخل الدوحه 650

خارج الدوحه 750

الزاجل
04-06-2007, 11:14 PM
النور للغات

تأسست بنتي فيها احسن تأسيس
وبفضل من الله والمدرسات اللي فيها تأسيسها
قوي في كل المواد ..

مشكلتها الكبيرة
انها صارت مدرسة خاصة شبيهة بالمدارس الحكومية
زحمة في الصفوف
تكدس في الساحة
جشع من قبل ادارة المدرسة


التكدس هو اللي خلاني ابتعد عن المدرسة
وافضل اسجل الصغار مدارس ثانية ..

يمدحون شويفات
بس ياخذون عليها انها تدس السم في العسل
يقولون انها تتبع اسلوب التنصير في التدريس
بحكم ان المدرسين مسيحيين ..

اما من ناحية التأسيس
يتخرج الطالب ويقبل في الجامعات بشهادة مدرسة
الشويفات .. لسمعتها الكبيرة
فهي لها فروع عدة على مستوى العالم ..

ومبناهم راقي ومحترم ووسيع ..

بس مثل ما قلنا
مشكلة التنصير هي اللي تعكر المزاج

ريان
05-06-2007, 12:02 AM
ممكن الاخوان اللي عندهم خبره يحطون اسعارهم

ليش مستحين

مثلا النور تاخذ 5000 في السنه والمواصلات مش عارف كم

عطونا الاسعار في المها مثلا

واقرأ

و نيوتن

الخ

خلوا الكل يستفيد

في ناس حابه تسجل اعياالها بس مايعرفون عن الاسعار

بالنسبه لمدرسة اقرأ

الصف الاول قالو لي 17000 ريال في السنه مقسمه على 3اقسام شامله الكتب فقط .

وباقي الصفوف لم استفسر صراحه

اي كل 3 اشهر 5000 ريال وشوي

و1000 ريال رسوم تسجيل .

ريان
05-06-2007, 12:08 AM
النور للغات

تأسست بنتي فيها احسن تأسيس
وبفضل من الله والمدرسات اللي فيها تأسيسها
قوي في كل المواد ..

مشكلتها الكبيرة
انها صارت مدرسة خاصة شبيهة بالمدارس الحكومية
زحمة في الصفوف
تكدس في الساحة
جشع من قبل ادارة المدرسة


التكدس هو اللي خلاني ابتعد عن المدرسة
وافضل اسجل الصغار مدارس ثانية ..

يمدحون شويفات
بس ياخذون عليها انها تدس السم في العسل
يقولون انها تتبع اسلوب التنصير في التدريس
بحكم ان المدرسين مسيحيين ..

اما من ناحية التأسيس
يتخرج الطالب ويقبل في الجامعات بشهادة مدرسة
الشويفات .. لسمعتها الكبيرة
فهي لها فروع عدة على مستوى العالم ..

ومبناهم راقي ومحترم ووسيع ..

بس مثل ما قلنا
مشكلة التنصير هي اللي تعكر المزاج



بصراحه اهم شي في هذا السن التربيه الصحيحه على العقيده

حتى لو هذه المردسه الوحيده في قطر افضل يجلسون في البيت ولا يدخلون في مدرسه فيها ذرة تنصير

اخوي انتبه وتقي الله في عيالك .

alanood
05-06-2007, 12:15 AM
نيوتن..مدرسة سيئه بصراحه ابدا ما انصح بها...
و اللي يحب يشوف بنفسه يكون افضل..
وبصراحه افضل طريقة للتعرف على مستوى مدرسة هو زيارتها ليس مره واحده عالاقل لمده اسبوع و حضور بعض الدروس وطلب نسخه من امتحانات الطلبة للصف المعني..
والقاء نظره على المنهج..
هذا مستقبل جيل متمثلا في ابنائنا يعني يهون اسبوع في سبيل توخي الحذر في الحاقهم بمدارس غير مؤهله
وان اهتميت انت في هالامر..واهتميت انا واهتمت هي و اهتم هو..
نرتقى حتى بمستوى التعليم الاكاديمي لان المناهج الموضوعه في المدارس ستكون عرضه للاطلاع العام و اهتمام افراد المجتمع :اما اذا صار طلب على مدرسة معينه بحجه انها جميله و مدرساتها اجانب وغاليه..بتزيد طخّه هالمدارس وكل من بيزيد اسعارها..
مثل مدرسة الخليج..

الزاجل
05-06-2007, 06:36 AM
بصراحه اهم شي في هذا السن التربيه الصحيحه على العقيده

حتى لو هذه المردسه الوحيده في قطر افضل يجلسون في البيت ولا يدخلون في مدرسه فيها ذرة تنصير

اخوي انتبه وتقي الله في عيالك .

اخوي ما سجلت ولدي فيها.. ومب متأكد انها تتبع اسلوب التنصير
سمعت انها تتبع اسلوب التنصير .. واللي يسمع غير
عن اللي متأكد ..

الزاجل
05-06-2007, 06:38 AM
مدرسة نور الخليج العالميه الي اعيالي فيها


الروضه 2300

التمهيدي 2875

الصف الأول 3450

الصف الثاني 3450

الصف الثالث 3450

الصف الرابع 3450

الصف الخامس 4000

رسوم المواصلات ( الباص )

داخل الدوحه 650

خارج الدوحه 750

الطرف الأغر
اعتقد نور الخليج تقسم الرسوم على ثلاث كورسات
كل كورس 2300 + 1000 ريال
للتمهيدي ..

مع تطبيق كل ذلك على باقي الصفوف ؟

الطرف الأغر
05-06-2007, 02:52 PM
الطرف الأغر
اعتقد نور الخليج تقسم الرسوم على ثلاث كورسات
كل كورس 2300 + 1000 ريال
للتمهيدي ..

مع تطبيق كل ذلك على باقي الصفوف ؟

رسوم سنويه حجز مقعد 500 ريال سنوي أما التسجيل بدايه العام الدراسي للطالب الجديد اعتقد 800 ريال ،، غير الكتب 500 والملابس في حدود 300

al_lord
05-06-2007, 03:03 PM
الغريب محد تكلم عن مدرسة ابن الارقم ومدرسة كامبريدج الي بالهلال ؟

لمت داون111
08-06-2007, 09:25 PM
ما شاء الله عليكم .. سوالف شياب وشابات << ماقدر يقول عيايز كلمه قويه شوي !! :eek2:

<<<<<< حس نفسه صغير بوسط سوالفكم :)

بس حبيت اقولكم الله يوفقكم ويوفق اعيالكم ان شاء الله .. ويقدركم علي تعليمهم وتربيتهم :)

اّل ثاني 77
08-06-2007, 11:33 PM
بالتوفيق للجميع..............