بناء قطعه ارض

[سمو الاميرة]

مرحبا

انا عندي قطعه ارض وراح أبنيها فلاتين متلاصقه بس ماعندي سيوله

ايش رايك ؟ اروح للبنوك تمولني افضل :con2:

[bo_hamad]

انتي لو ما لجأتي للبنك من وين بتجيبين الفلوس للبناء ؟

تكلفة البناء مع تسليم المفتاح كم تتوقعين ؟

لازم تطلعين خرائط وتحسبين تكلفة البنيان وبعدين لكل حادث حديث وتحياااتي

[سمو الاميرة]

اوكي لبنك مايطلع خرائط

[bo_hamad]

لازم تسوين خرائط وتكون الرخصة جاهزة بهاي الحالة ممكن تعرفين التلكفة لبناء الفلتين وبعدها تقدرين تاخذين القرار وبالتوفيق

[سمو الاميرة]

اوكي اذا سويت هالخطوات تنصحوني في اي بنك

[سمو الاميرة]

ايش رايك في المصرف الاسلامي

[alwahesh]

اختي اميره

نصيحتي لج من اخ لاخته احسن شى تسوينه انج تبيعين الارض لان الاراضي هي الي غاليه ومرغوبه ...وبفلوسها تشترين فيلا صغيره وتكون مأجره مثلا على 14000 في الشهر

او تدفعينها دفعه اولى للعماره الصغيره الي بتاخذينها ؟؟

وما ابي احد يقول من وين ؟؟؟ وعلى يدك ؟؟؟ العمارات الصغيره تارسه البلد
..
وبس اما سالفة التمويل معقده وخاصه معاج انتي ( جديده في السوق ) بياكلونج

وبعد عمر طويل احفادج يكملون الاقساط وبتم الملكيه مرهونه بعد

هذي نصيحتي بحكم خبرتي المتواضعه في الحياة

[HADi]

انا تقريبا سابقج بكم خطوه في نفس المشروع

بناء فلتين على ارض مساحتها 1200 متر

اول تقيم للفلا طلع

سعر الفلا الوحده 1200,000 مليون وتين الف

طبعا بنيان تجاري .

انتي روحي اول شي لمكاتب الاستشاره وطلبي التصميم الي في بالج

راح سوي لج sketch

اذا اعجبج راح يسوي التصميم لج ويصدره مع رخصة البناء.

[حوت صغير]

السلام عليكم
اخوي HADi

بصراحة كان ودي اعرف الفيلا هالايام الي تنبني اب مليون ومئتين الف
تقريبا بكم ممكن يوصل اجارهم
هل هم من نوع ال15000 او من نوع 20000 او اكثر
انا كنت افكر ابني ولما فكرت فيها قلت اذا الفيلا تكلفتها بمليون وراح أأجرها مثلآ اب 15000
يعني يبيلي تقريبا 7 سنوات عشان ارجع راس المال

للتوظيح سؤالي فقط: الفيلا الي تنبني باسعار هالأيام بمليون ومئتين الف , تقريبا بكم ممكن يتم تأجيرها.

[HADi]

السلام عليكم
اخوي HADi

بصراحة كان ودي اعرف الفيلا هالايام الي تنبني اب مليون ومئتين الف
تقريبا بكم ممكن يوصل اجارهم
هل هم من نوع ال15000 او من نوع 20000 او اكثر
انا كنت افكر ابني ولما فكرت فيها قلت اذا الفيلا تكلفتها بمليون وراح أأجرها مثلآ اب 15000
يعني يبيلي تقريبا 7 سنوات عشان ارجع راس المال

للتوظيح سؤالي فقط: الفيلا الي تنبني باسعار هالأيام بمليون ومئتين الف , تقريبا بكم ممكن يتم تأجيرها.

وعليكم السلام

حوت صغير

خل التكلفه على جنب اشوي لان انا ممكن ابني فلا بمليون و200 وتتاجر ب 15 الف

وانت تبني بنفس السعر وتتاجر ب20 الف



سعر الاجار .. تقدر تعرفه من نوع التصميم و التشطيب .. المساحه...عدد الغرفه... موقع الفلا

هذا الي يحدد سعر الاجار ...

اما اذا تقصد كم وصل سعر البنيان .. اخر مره قالي الاستشاري

وصل المتر 2000 ريال بتشطيب

[laheeb60]

انا توني باني فيلتين متصلتين على ارض مساحتها 600 متر مربع خاصه بي وانا المقاول لو حبيتو المساعده انا حاضر

[HADi]

انا توني باني فيلتين متصلتين على ارض مساحتها 600 متر مربع خاصه بي وانا المقاول لو حبيتو المساعده انا حاضر


طرش لي رقم جوالك ... اخوي

[حوت صغير]

تسلم يا HADi على المعلومة

[laheeb60]

اخوي Hadi مشاركتي قليله ما اقدر ارسلك, اذا تحب علا الاميل طرشلي تحياتي

[بوحارب]

السلام عليكم

يالربع بأذن الله يوم السبت اول يوم بيبدأ الشغل في ارضي بس موب بمليون وميتين1200000

انتبهو من المقاولين طبعن موب كلهم فلتي كلفتني 600000 عظم على فكرة البناء مش تجاري

بينما فيه مقاول قالي مليون/870000/850000/730000/650000/600000/575000
الي يسأل ما يضيع

والي يبي المساعدة حاضريييين

[بوحارب]

على فكرة الفيلا طابقين مع بنت هاوس وملحق خارجي ومجلس خارجي كبير وعمدان صبية

للسور الخارجي المساحة الأجمالية 576 متر

لو حسبناها بسعر اليوم المتر 2000*576=1152000 عظم

[بوحارب]

[

لو حسبناها بسعر اليوم المتر 2000*576=1152000 عظم[/QUOTE]

تصحيح

2000 تشطيب موب عظم

يقولون العظم وصل1500 :deal:

1500*576=864000 عظم :looking:

وانتو الحكم ليش الفرق هذا مع العلم ان بناء العظم نفس المواد كلها الحديد والطابوق

والأسمنت :court:

على فكرة بعض المقاولين فيهم طمع موب صاحي ما تكفية100 او150 الف فايدة لا يطلب من

350000 ورايح :mad: :mad:

انصح الجميع انتبهو من بعض المقاولين :looking:

[HADi]

بوحارب كلامك سليم

الواحد لازم يدور اشوي ...لين مايحصل الي يبيه

واذا عندك عناوين مقاولين وكانت لك تجربه معهم

اتمنى تفيدنا فيهم

[بوحارب]

حاضرين لك يا هادي وللجميع

f-alharbi55@hotmail.com

[آخر حبه]

حرام عليكم خليتوها اتهون

نصيحتي خلي منج الي يقولج بيعي الارض ومن هالسوالف

لاتبيعين وبنيها وانتي المستفيده

المهم اذا انتي ناويه تبنين وبتوفير اقل واجد من سعر الشركات راسليتي على الخاص

وابفيدج ان شالله بالعلم الطيب

وبالتوفيق لج

[مليت]

مللتونا مع الخاص انصحو على العام خلونا نستفيد

[دكتور قطر]

والله الاسعار طارت في السما crazy

[آخر حبه]

مللتونا مع الخاص انصحو على العام خلونا نستفيد

السموحه ياخوي

مافيني شده اقول كيف الطريقه من الالف الى الياء

للجادين فقط

السالفه مب سالفة وقت فراغ ياطويل العمر

اللي يبي انا حاضر له يراسلني وبعطيه الطريقه الي بتفيده ان شالله

[سمو الاميرة]

ماتقصرون والله يعطيكم العافية وحنا نبي خبرتكم معانا

[فلفل حار]

اخذي زبدة الكلام .....روحي حق اي مكتب استشاري وسوي الخرائط وخليهم يطلعونلج رخصة بناء وبعدين اسأليهم عن تكلفة البناء اذا ماتقدرين عليها ممكن تبعين الارض مع الرخصة(اخراج الرخصة مب خسارة) وبتحصليين الف واحد يبي يشتري
وممكن تقسمين الارض قسمين ( فلتين منفصلتين) تبيعين الارض الاولى مع الرخصة وبفلوسها تقدرين تبنين الفيلا الثانية.
ايش رايج بالفكرة واذا تبين مساعدة راسليني على الخاص

[قطري عصامي]

موفقه ، بس الله الله في البنوك الاسلاميه حتى لو هي اكثر فايده

بس اتصدقين كنت ادور سلف منك يا سمو الاميره:funny:

[Pro]

اخذي زبدة الكلام .....روحي حق اي مكتب استشاري وسوي الخرائط وخليهم يطلعونلج رخصة بناء وبعدين اسأليهم عن تكلفة البناء اذا ماتقدرين عليها ممكن تبعين الارض مع الرخصة(اخراج الرخصة مب خسارة) وبتحصليين الف واحد يبي يشتري
وممكن تقسمين الارض قسمين ( فلتين منفصلتين) تبيعين الارض الاولى مع الرخصة وبفلوسها تقدرين تبنين الفيلا الثانية.
ايش رايج بالفكرة واذا تبين مساعدة راسليني على الخاص

خذي بهذه النصيحه
و الكل يعمل نفس الطريقه
و إذا مستخسره البيع
دوري لج على شريك على أساس
هو يبني و أنتي عليج الأرض
و تقيمون الأرض قبل بداية المشروع
و تقسمون الأرباح بعد نهاية المشروع و البيع
و الأرباح تنقسم على حسب نسبة كل واحد فيكم

[عبد الناصر]

بالتوفيق

[المتأمل خيرا]

وجهة نظر قد تساعد..

لا أظن أنه من المطلوب أن يتم عمل الرسومات التفصيلية عند مكتب استشاري ما لمعرفة التكاليف التقريبية.. يكفي أن صاحبة المشروع تحدد نقاطاً معينة.. وعلى ضؤها يمكن معرفة التكلفة الإجمالية التقريبية.. إذا كان القصد فقط معرفة التكاليف.. وهذه النقاط هي :
1- مجمل مساحة البناء المطلوبة
2- نوع التشطيب المطلوب
3- المنطقة التي تقع فيهاالأرض

على ضؤ ذلك يمكن معرفة التكلفة.. ولا شك أن الإخوة الذين لهم تجارب حديثة يمكنهم الإفادة..
وحيث أن هناك تفاوت في الأسعار - كما أشارت بعض الرسائل - فيمكن احتساب متوسط السعر..
وبهذا يمكن تقدير تكلفة البناء التقريبية "ربما + أو - 5% ؟" .. وعلى ضؤ ذلك يمكن الإستفسار من جهات التمويل.. لكن الحقيقة أن أرباحهم عالية بغض النظر إن كان التمويل "تقليدي" أم "إسلامي" ..