المساعد الشخصي الرقمي

مشاهدة النسخة كاملة : استفسار // الأعزب له ارض ولالا ؟ نبي جواب اكيد


الواعد
31-05-2007, 12:50 PM
السلام عليكم

ياليت القى رد اكيد على استفساري

1- أنا موظف بوزارة التربية من عام 2000 سنيور ( من كبار الموظفين ) أعززززب

وقدمت من اول يوم على الأسكان وعطوني وصل حق الأرض

ومن ذاك اليوم لليوم مارحت لهم لأن اللي سمعت عنه انه لازم تكون متزوج

طيب واللي سويته ايش الفايدة منه ؟ هل ممكن تطلع لي أرض وانا للحين ماتزوجت ؟

وإذا طلعت ارض ممكن ابني بيت وكل هذا وأنا اعزب ولا لازم اتزوج ؟؟

ياليت اللي يجاوبني يكون متأكد 100% من الكلام

مرفق // صورة من الوصل
http://www.qatarshares.com/vb/attachment.php?attachmentid=15462&stc=1&d=1180604985
______________________________________

2- إذا إن شاءالله طلعت لي أرض بعد الزواج مثلا

وحبيت ابني بيت والقرض اللي اعرفه انه 600 ألف ريال

هل ممكن انها تبني بيت ولا ايش الحل ؟ أنا سمعت انه لازم ادفع مثلها او اكثر

علشان المهندس يبني البيت ، طيب اجل ليش يعطونا 600 وهم عارفين انها ماتبني بيت ؟؟؟
HADi
31-05-2007, 12:59 PM
انا قدمت على الارض سنة 2002 وتم صرفها لي وانا اعزب

اما في هذا الوقت مادري اذا صدر قانون جديد

اما بنسبه للقرض
600 الف للجنير نعم تبني بيت من النماذج الفلل الجديده الي حاطتها الاسكان

لسنير .. يعطونك 600 الف وقلون لك دبر عمرك
الواعد
31-05-2007, 01:08 PM
انا قدمت على الارض سنة 2002 وتم صرفها لي وانا اعزب


ماشاء الله على طول عطوك ارض ؟؟ وبعدين بنيت بيت ولا ايش سويت ؟

ولما قدمت كنت سنيور ولا جنيور وكم كان عمرك ؟

أنا سمعت لازم اكبر من 22 سنة ؟
qatary1
31-05-2007, 02:06 PM
الاعزب اذا كان سنير يعطونه الارض والقرض
وانا اعرف واحد من الشباب اعزب وباني بيته بالقرض من 4 سنين
ورقــة أمــل
31-05-2007, 02:10 PM
اخوي روح ادارة التخطيط العمراني فيه موظفين يفيدونك وخذ الوصل معاك عشان تلقى رد اكييد على سؤالك
الواعد
31-05-2007, 05:46 PM
اخوي روح ادارة التخطيط العمراني فيه موظفين يفيدونك وخذ الوصل معاك عشان تلقى رد اكييد على سؤالك

مكانها وين ؟ اللي اعرفه من اول شرق من شارع سوق الجبر ؟

ماادري تغير مكانها ولالا ؟؟؟

بإذن الله الأحد أو الأثنين بالكثير رايح لهم

ألف شكر لك من رد
HADi
31-05-2007, 11:02 PM
ماشاء الله على طول عطوك ارض ؟؟ وبعدين بنيت بيت ولا ايش سويت ؟

ولما قدمت كنت سنيور ولا جنيور وكم كان عمرك ؟

أنا سمعت لازم اكبر من 22 سنة ؟


لا اخوي ما عطوني على طول تقريبا قعدت سنه ونص من تقديم الطلب من ادارة الاراضي

الي موقعها عند سوق الجبر

بس كان اخوي دايم ياراجعهم ... بحكم شغلي ماكنت اقدر


استلمت الارض وانا اعزب

اما سنير وجنير ماعتقد تفرق في الموضوع


بعد اصدار الارض


تقدمها على الاسكان وهم راح يطلبون منك الاوراق المطلوبه


و لازم تكون متزوج على شان تحصل على القرض
الواعد
31-05-2007, 11:15 PM
الله يعطيك العافية أخوي HADi

طيب لوحبيت ابيع الأرض هل لي حرية التصرف ولالا ؟؟؟
بوحارب
31-05-2007, 11:43 PM
اشدعوة الواعد من سنة 1999 لحين ما راجعتهم

يا ريال روح يمكن اطلعتلك ارضين موب ارض بس

اما بالنسبة للمتزوج والأعزب

يعطون المتزوج حتى لو كان جنير

والسنير موب شرط الزواج

أنا بنفسي رايح لهم وسائل

والقرض ارفعوه الى اربع ملايين4000000 على ما سمعت بس بشروط
بوحارب
31-05-2007, 11:47 PM
ما تقدر تبيعها لأن الملكية مكتوب فيها { هبة من الدولة }

يعني انسى تبيع

جزاها الله خير الدولة
دكتور قطر
01-06-2007, 12:02 PM
ان شاء الله ما قصروا الشباب معاك موفق خير
eXpert*
01-06-2007, 12:50 PM
يعطون العزوبي والعمر ماله داخل دام عندك بطاقة شخصيه

انا قدمت سنة الـ 2003 وطلعت لي قبل سنة وشوي تقريباٌ واستلمت سند الملكية ،، بس مع الاسف الاراضي للحين تحت التخطيط .

اهم شي مراجعتهم كل اسبوعين تقريباٌ ، انا صرت واحد من الربع اهناك من ادخل عندهم الشاي والقهوة تنزل على طول ،، والشباب فيهم الخير هناك .

توكل على الله وربي يوفقك
سهم ماينزل
01-06-2007, 03:21 PM
على ماعتقد في القانون الجديد اللي بينزل مايحق الا للمتزوج

والله يوفق الجميع