المساعد الشخصي الرقمي

مشاهدة النسخة كاملة : المطاعم والمتزوجين..



ANONYMOUS
31-05-2007, 01:55 PM
السلام عليكم ورحمة الله وبركاته..



هالموضوع الله يسلمكم حاطه هنا كـ تبادل خبرات...

طبعا تدرون بين الفينه والاخرى.. تحتاج العائله لتناول الغداء او العشاء خارج المنزل..

ممكن يكون كـ تنغيير.. او مافي وقت للطبيخ.. او المرأه مالها خلق تطبخ في ذاك اليوم.. او يمكن في مناسبه.. مثلا الذكرى البلاتينيه للزواج.. تعددت الاسباب والحرمه ماطبخت :)


طبعا المطاعم تجذب الكاستومر.. من عدة نواحي.. مثلا الخدمه الراقيه.. او الاكل الطيب او الجو بشكل عام مريح


ك زوج وزوجته.. او زوج وزوجته ومعاهم كم طفل..



سؤالي


من وجهة نظركم.. ماهي افضل المطاعم في الدوحه.. وتنصحون الذهاب اليها..

انا اهتم ب الاكل يكون حلو.. والاهم عندي هو الخصوصيه..


فاللي يدل مطعم يجمع بين الراحه والاكل الحلو ومستوى الخدمات.. واهم شي الخصوصيه.. وياريت يكون في مكان للاطفال.. يحط خبرته..

وشكرا..

مع ان البورصه طالعه.. بس من الواضح اكلكم كله من البيت

al_lord
31-05-2007, 07:28 PM
هلا اخوي حياك الله

عزيزي فيه موضوع في قسم السياحه عن اهم وافضل المطاعم في قطر الله لا يهينك مر على القسم وتلقى طلبك

المخباط
31-05-2007, 07:34 PM
ابشر بالفزعة عن بعد
عندك مطعم بخارى اللي جنب التنس للاكل الهندي ولا البتاني( مادري لابسين ثياب البتان)حلو اكلهم حلاتة يجيكم من الفرن طازج ومواعينهم غريبة كل جدر تحتة شمعة لا يبرد والنان فظيع بكل النكهات البرياني على ربيان يهبل والمشاوي على كيف كيفك ولا تنسى تطلبون صالونة كريمة الدجاج بعد لذيذة وتقدر تحجز عشان المكان يكون برايفت او يحطون لك حاجز عن الطاولات الثانية
المطعم الثاني شبستان اللي في السد معروف
هذي المطاعم اللي بنغزوها اذا رجعنا الدوحة
اتمنى تعجبكم

ANONYMOUS
31-05-2007, 10:24 PM
ابشر بالفزعة عن بعد
عندك مطعم بخارى اللي جنب التنس للاكل الهندي ولا البتاني( مادري لابسين ثياب البتان)حلو اكلهم حلاتة يجيكم من الفرن طازج ومواعينهم غريبة كل جدر تحتة شمعة لا يبرد والنان فظيع بكل النكهات البرياني على ربيان يهبل والمشاوي على كيف كيفك ولا تنسى تطلبون صالونة كريمة الدجاج بعد لذيذة وتقدر تحجز عشان المكان يكون برايفت او يحطون لك حاجز عن الطاولات الثانية
المطعم الثاني شبستان اللي في السد معروف
هذي المطاعم اللي بنغزوها اذا رجعنا الدوحة
اتمنى تعجبكم

هلا المخباط..

بالنسبه لـ بخارى.. عندي تلفون الويتر.. اتصل له واحجز المكان اللي بالزاويه دوم.. ليبغيت اروح له.. واكله قريب لاكل الخليج.. بس طبعا بنكهة الهنود.. وبالنسبه للخصوصيه.. ممم نص نص...

مطعم شبستان.. مافي خصوصيه.. صار لي فتره عنه مارحت له.. مادري اللي عنده ابديت يعطينا..


بالفعل.. اختيار حلو..

شكرا عالمشاركه..

HADi
31-05-2007, 11:43 PM
الخصوصيه الي انت ادورها نادره في مطاعم الدوحه

المطاعم الي فيها الخصوصيه

الساحه البنانيه

فنيسيا

اتوماتيك

والمجلس




في مطعم اسمه اعتقد البيت الشامي

بين مبنى دار النماء الجتماعي وبن العميد

فيه قسم خاص للعائلات .. المطعم حلوو اكله

على العموم افظل حل حتى تحصل على اعلى نسبه من الخصوصيه

في اغلب المطاعم

اهو تحديد الوقت الي مافيه زحمه

يعني تروح بدري شوي او متاخر اشوي

Mishaal
31-05-2007, 11:57 PM
روح شنغااااري اللي في رمادا ... اذا انتوا 4 يعطونكم مثل غرفة صغيرة وفيها ستارة ...

رووووووووعة أكلهم أنصحك فيه !!!

شيزكيك
01-06-2007, 05:31 AM
والله احنا البارحه رحنا شبستان وكان على طلب اليهال . يحبون اكله . واحنا دايم نروح له

والاضاءة خافته شوي وكلن لاهي بعمره . بس من ملاحظاتي ان اي واحد مع هله ياخذ

الطاولات الي على الزوايا

عنابية قمر
01-06-2007, 09:29 AM
هاى المشكله نعاني منها احنابعد زوجي ما يحب المطاعم بسبب الا خصوصيه و انا اموت في التغير " طبعاً المطاعم " و غرامي الأكل الايطالى " و ما نلقا مطعم يتوفرفيه الراحه و الخصوصيه مثل ما قا ل " كا تب الموضوع الكريم "

بس في المطاعم الهنديه عندها خصوصيه بعض الشى و اكلهم وايد مقارب لأكلنا و كله هنود مالهم خص في حد "" صج بيتمون يخزونك و يقصصونك ويلوعون كبدك و يغثونك بس مالهم خص في حد هههههههه كدينا خير

افيدونا افادكم الله

ANONYMOUS
01-06-2007, 11:21 AM
الخصوصيه الي انت ادورها نادره في مطاعم الدوحه

المطاعم الي فيها الخصوصيه

الساحه البنانيه

فنيسيا

اتوماتيك

والمجلس




في مطعم اسمه اعتقد البيت الشامي

بين مبنى دار النماء الجتماعي وبن العميد

فيه قسم خاص للعائلات .. المطعم حلوو اكله

على العموم افظل حل حتى تحصل على اعلى نسبه من الخصوصيه

في اغلب المطاعم

اهو تحديد الوقت الي مافيه زحمه

يعني تروح بدري شوي او متاخر اشوي


هلا ماي كولييج :)

بالنسبه للمطاعم اللي ذكرتها..

افضلهم الساحه من ناحية الطعام والخدمات الراقيه.. بدايته كان زين.. بس عقب.. خلاص اختربت الخصوصيه... وخصوصا لين تدش مع هلك الباب الرئيسي.. وتمر على 2000 طاوله.. تقول عرض ازياء..

اما المجلس وفينيسياوالاوتوماتيك.. مممم اكلهم نص كم.. وخدماتهم بعد.. وتبي الصراحه انا ماجب اروح لهم.. صاروا قدام وماواكبوا التطور الحاصل بالبلد..

يمكن افضلهم الخيمه مع انك ماذكرته.. بس هو من نفس الطخه..

بالنسبه للبيت الشامي.. رحته وقت مافي حد الا انا وعيله ثانيه.. وكان حليو.. بس المشكله الازليه اليهال.. مايقرون..

وبالنسبه للي ذكرته وهو اختيار الوقت صحيح.. 100% بس ياخي يد الله مع يد الجماعه :)

ANONYMOUS
02-06-2007, 12:38 AM
روح شنغااااري اللي في رمادا ... اذا انتوا 4 يعطونكم مثل غرفة صغيرة وفيها ستارة ...

رووووووووعة أكلهم أنصحك فيه !!!



انشالله.. بروح مع الربع اول اكتشف..

عقب المرحله الثانيه اذا كل شي ترتيب.. بودي لعيال..

اشكرك اخوي

ANONYMOUS
02-06-2007, 10:01 AM
والله احنا البارحه رحنا شبستان وكان على طلب اليهال . يحبون اكله . واحنا دايم نروح له

والاضاءة خافته شوي وكلن لاهي بعمره . بس من ملاحظاتي ان اي واحد مع هله ياخذ

الطاولات الي على الزوايا




صحيح.. احنا نقعد في الزاويه.. بس ستل.. مافي خصوصيه..

هداف
02-06-2007, 10:47 AM
اذا الخصوصيه اهم شيء عندك اطلب افخم وارقى طعام وكله في بيتك :) وسوف تنعم بخصوصيه لاحدود لها شرط انك بتاكل وانت لابس صروال وفانيله وماخذ راحتك الى ابعد الحدود ههههههههههههههههه

رعد
02-06-2007, 03:06 PM
لاتنسي اخوي مطعم نجمة الهند الي في المرخية

المخفي
02-06-2007, 10:16 PM
أتعب مطعم نجمة الهند أشتهر على ايام ما كان في الخيمة و المجلس العربي
ولا فيه خصوصية الكرفان احسن منه حتى دوم اتحصله مزحوم من الهنود لانهم هم يعرفون اكل بلادهم وهم بعد ما فيه خصوصية
الخصوصية في مطاعم السعودية اما في الدوحة ممكن استر واحد فينيسيا

ANONYMOUS
02-06-2007, 11:29 PM
اذا الخصوصيه اهم شيء عندك اطلب افخم وارقى طعام وكله في بيتك :) وسوف تنعم بخصوصيه لاحدود لها شرط انك بتاكل وانت لابس صروال وفانيله وماخذ راحتك الى ابعد الحدود ههههههههههههههههه



لعبت ياهداف..

مافي احلى من الاكل في البيت.. لا ومن غير فانيله بعد.. :d

ANONYMOUS
02-06-2007, 11:32 PM
لاتنسي اخوي مطعم نجمة الهند الي في المرخية



يعطيك العافيه رعد..

اخبر نجمة الهند تبع المرخيه.. صراحه من زمان مارحته.. يمكن من سنتين.. ورحته مع الربع.. واخبر كنت اخذ من البوفيه.. والحريم معانا ياخذون.. خلط بلط..

انا انحرج.. فما بالك الحرمه..

:)