المساعد الشخصي الرقمي

مشاهدة النسخة كاملة : ارتباك السوق اليوم


المتحد
07-03-2005, 12:51 PM
هل ماحصل اليوم بالبورصه بدايه النهايه لمسلسل اللمت اب؟

والله ويا هالسوق محد يعرف يستنتج شي..
هل الي صار اليوم بيع من قبل الهوامير او شراء..
او كانت مصيده لحث صغار المستثمرين للبيع؟؟

اسئله كثيره .. والايام كفيله بالاجابه عليها..


لاحظوا ان قيمه الصفقات قاربت المليار ريال....
قطر
07-03-2005, 12:55 PM
مرحبا اخوي

مسلسل الارتفاع لن ينتهي

باذن الله طبعا


وماحصل مجرد محاولة جني ارباح لكن شافوا ان مافي امل الا وقود انصادوا فيها

وارجعت لمت اب


يعني المشكله في صغار المستثمرين

غمضوا عيونك

وسكروا اذنكم

ولاتشوفون الشاشه الا نهاية 3

احسن لكم

او بتروح عليكم الصفقات

:)
حمد
07-03-2005, 01:04 PM
اتفق معاك اخوي قطر

الي ايصير لعبة كبار ..... بس متى تكون نهاية الارتفاع المستمر ..... هذا السؤال ...؟

حمد
THE END
07-03-2005, 01:15 PM
الله يعينا عليهم انشاء الله بالدعاء
roadrunner
07-03-2005, 01:28 PM
السلام عليكم.

ايش سبب إرتباك السوق اليوم , مع ان العالم ردت فلوسها الزائدة من الناقلات ... انا رحت اليوم المجموعة اودع الفلوس حالي من حال العالم الي مالك محط ريل من كثرهم بالمجموعة .. كلٍ عينه على سهم ويبي يشتريه عقب ماردت فلوس الناقلات ... بس الكباريه سووا حركة من صالحهم .... كالعادة ... ينزلون كمية كبيرة من الأسهم فالكل يخاف ويبيع ويطيح السوق بكبره ... وكالعادة هم نفسهم يردون يشترون برخيص ... بس الحمدلله على آخر الوقت السوق بدى يشل روحه شوي و ياخذ الوضع الطبيعي.

ولكم سلامي.
Chambray
07-03-2005, 01:40 PM
والله الواحد صار يخاف يحط فلوسه في البورصــة :)
سهم طايش
07-03-2005, 01:48 PM
هههههههههههههههه

اي و الله ناس وايد توهقت اليوم

نزل سهم الصناعات و نزلت قلوب ناس وااايد و صار البيع ب218 و 219 مع ان بداية السوق كان 222

اعتقد الحركه ذي بتكرر خلال الايام الجايه و الله اعلم

حاسبوا و القناعة زينه
LiquidMoney
07-03-2005, 01:54 PM
اي مو هاي هي الطبخه يا جماعه .... لازم يكون في قلوب قويه .. و صبر ... و يقين انه السهم مهما نزل مرده بيرتفع ...

احنا شمبهدلنا غير انه البعض الله يهديهم ... من يشوفون السهم نازل .. باعوا !
سهم طايش
07-03-2005, 02:00 PM
البورصه يبي لها ذكاء و ملاحظه قبل القلب القوي
ابوعلي اليافعي
07-03-2005, 02:32 PM
انا انصح الاخوان الي دشو البورصه خلال هالشهرين يصفون امورهم ويرجعون حق اشغالهم القديمه ويرضون بالمقسوم..لان الفتره الجايه يبيلها قلب +قلب+قلب+عقل..تحياتي
الوهم
07-03-2005, 02:38 PM
والله اتوقع سبب ذلك التصريح اللي نزل اليوم .. اللي بما معناه هناك ناس اوضاعهم الماديه عاديه ... وفي اجانب يشتروون بالملايين بسامي قطريين على قد حالهم وتتحول في ارصدتهم مبالغ طائله .. والعطيه صرح بان سيتم النظر في هالموضوع

احتمال ... وكلشي جايز
A S O
07-03-2005, 03:10 PM
ما حدث اليوم يسمى في عالم الطيران مطبات هوائية

واقول لكم احذروا احذروا من الشركات الصغيرة تراها تودي في داهية اكبر من الشركات العملاقة وعليكم بمعرفة الصغيرة والعملاقة بدون ما اذكر اسامي الشركات و بعدين في ناس تزعل و تجادلنا بانها اسهم ممتازة
A S O
07-03-2005, 03:14 PM
الأخ الوهم

التصريح ماله اي دخل والدليل شوف حجم وقيمة التداول اكثر من 940 مليون