شي محيرني !!!!!!!!!!!!!!!!!!

[دلة الرسلان]

السلام عليكم اخواني واخواتي

اعرف بتضحكون علي بس لازم تردون علي بجد :deal: ها العمارات نويطحات السحاب اللي

عندنا وتشوف كل وحدة حاطين عليها اسم وحدة من الشركات او المؤسسات المعروفة قبل ما

يخلص بنائها ( ما ادري الدفاع المدني شروا سلالم حق موسم الحرائق ).

السؤال الخطير جاكم اخذوا ساتر:cool: من اللي يسكن فيها ؟؟

معقولة موظفين الشركة ساكنين كل طوابق ها الناطحة ؟ زين اذا لا ايش يسون فيها:con2:


كل ما مريت صوبهم امسك نفسي لا انزل وابحث الحقيقة:D

[بويوسف]

الشركات اختي دلة في الغالب تكون شركات عملاقة تتكون من مئات الموظفين فما هو وجه الاستغراب ؟ يعني تتكلمين عن كيوتل وقطر غاز وكهرماء والتخطيط العمراني واشغال والملاحة والريان وبروة وقافكو وكافكو وراس غاز وقطر غاز الخ الخ.

شنهو المشكلة :)؟

[دلة الرسلان]

الشركات اختي دلة في الغالب تكون شركات عملاقة تتكون من مئات الموظفين فما هو وجه الاستغراب ؟ يعني تتكلمين عن كيوتل وقطر غاز وكهرماء والتخطيط العمراني واشغال والملاحة والريان وبروة وقافكو وكافكو وراس غاز وقطر غاز الخ الخ.

شنهو المشكلة :)؟

يعني اخوي هالعمارات كلها موظفين قاعدين ع مكاتب :eek: اخوي ترى السؤال من جد ؟؟

يعني كم موظف في الشركة تقريبا ؟؟

[بويوسف]

اييييييي اش الغريب اختي دلة

عادي مادخلتي برج فيه مكاتب ؟

[AL_MUTAEM]

معظم الابراج الكبيره ماتكون لشركه معينه .. تكون لكذا شركه وكل شركه لها عدد معين من الطوابق ..

لكن ..

هناك شركات لها برج خاص بموظفينها ..

[دلة الرسلان]

اييييييي اش الغريب اختي دلة

عادي مادخلتي برج فيه مكاتب ؟

دخلت برج وزارة التربية بس من الباب لين الطابق مادري كم لين الباب الرئيسي .

[بويوسف]

عادي اذا اخذتي في بالك ان كل دور ممكن يسع اربعين شخص فما فيه مشكلة .. بعض الشركات يكون عدد موظفينها 2000 موظف او 1000 موظف او 800 موظف . اكثر او اقل على حسب نشاط الشركة. ولاتنسين بعض الادوار تكون مخصصة لقاعات اجتماع او عمل دورات وبعضها تكون مقسمة لمدراء تنفيذيين ولهذا تكون بمساحات كبيرة يعني عادي تلقين دور فيه عشر موظفين بس او اقل :)

[دلة الرسلان]

معظم الابراج الكبيره ماتكون لشركه معينه .. تكون لكذا شركه وكل شركه لها عدد معين من الطوابق ..

لكن ..

هناك شركات لها برج خاص بموظفينها ..

شكرا اخوي ........... شركات مشتركة معقوله بس هاذي كم يطلع ايجارها الشهري :con2:

[alwahesh]

فعلا اختي سؤالج يحير ومب واضح

اذا تقصديق الاستعداد لاي طارئ من حريق وخلافه انا اشوف ان الاثاث اهم من المدراء الي يستخدمون الاثاث .

المدرا عساهم الحرق دافع بلا اما الاثاث وخلافه مدفوع فيها مبلغ وقدره

الشق الثاني من السؤال غير واضح...الشركات محد ينام فيها الا الأمن او احيانا يكون المدير عنده اجتماع مع سكرتيراته وموظفاته

[ريان]

الشركات عندهم موظفين واقسام كثيره وماراح اجاوبج عنهم

راح اجاوب عن الوزارات

- مكتب الوزير ياخذ دورين براحه اذا مو اكثر تعرفين وزير ;)


والباقي للموظفين :eek3: اللى زي حلاتي

[بويوسف]

شكرا اخوي ........... شركات مشتركة معقوله بس هاذي كم يطلع ايجارها الشهري :con2:

يعني مو مقتنعة بكلامي !!!!!!!!

قليل جدا من الابراج اللي تكون مشتركة.

ممكن مباني مكاتب تجارية بس ماعتقد ابراج

[دلة الرسلان]

فعلا اختي سؤالج يحير ومب واضح

اذا تقصديق الاستعداد لاي طارئ من حريق وخلافه انا اشوف ان الاثاث اهم من المدراء الي يستخدمون الاثاث .

المدرا عساهم الحرق دافع بلا اما الاثاث وخلافه مدفوع فيها مبلغ وقدره

الشق الثاني من السؤال غير واضح...الشركات محد ينام فيها الا الأمن او احيانا يكون المدير عنده اجتماع مع سكرتيراته وموظفاته

:shy: اشوي اشوي يا الوحش اسفة اذا احترت من سؤالي

بس اشفيك اخوي ع المدراء ؟ ليش تبغيهم ينشوون خاطرك في باربيكيو؟؟

ومن نشد عن اللي ينام فيها :eek: انا ؟؟ ابدااااااااا

اخر عبارة خطيرررررررررررررررررررة اخوي .

[دلة الرسلان]

الشركات عندهم موظفين واقسام كثيره وماراح اجاوبج عنهم

راح اجاوب عن الوزارات

- مكتب الوزير ياخذ دورين براحه اذا مو اكثر تعرفين وزير ;)


والباقي للموظفين :eek3: اللى زي حلاتي


مرحبا ريان وعقبال ما تاخذ دورين من ناطحة سحابكم ......... ترى مافيه مستحيل هذا الفنش

هاب :eek2:

[دلة الرسلان]

يعني مو مقتنعة بكلامي !!!!!!!!

قليل جدا من الابراج اللي تكون مشتركة.

ممكن مباني مكاتب تجارية بس ماعتقد ابراج


:con2: الاعضاء اشفيهم علي .... لا اخوي مقتنعة بكلامك بس بعد احب اسمع اراء

الاخرين واحترمها كلها واذا تقدر افدنا بكم ايجارات ها الابراج ؟؟

[بويوسف]

العفو اختي ماقلت شي .. اسمحي لي اذا غلطت بشي ..

الايجار ممكن الشهر بمليون .. نص مليون يعني على حسب المساحة :)

[دلة الرسلان]

العفو اختي ماقلت شي .. اسمحي لي اذا غلطت بشي ..

الايجار ممكن الشهر بمليون .. نص مليون يعني على حسب المساحة :)


مشكور اخوي ع طولة بالك ومعقول الايجار

[دلة الرسلان]

طيب بعد سؤال بريء هل البنية التحتية لهذه الابراج كاملة او ع الاقل ممكن اقامتها الان ؟

اذا لا لماذا لايكون هناك تريث في اقامة باقي الابراج المجاورة لحين الانتهاء من اكمال

اعمال البنية التحتية ؟؟

[السديم]

اختي دلة ..

تدرين يوم قريت سؤالج ضحكت :) وقلت لازم اعزمج على البرج عندنا واخذ فيج لفه على الاقسام :dance

احنا في برج كيوتل عندنا تقريبا 28 دور .. الارضي طبعا رسبشن وفيه كافيه ومحل سفريات وفرع لبنك قطر الوطني وهذولا كلهم يخدمون موظفين البرج ..

من الدور الاول الى الدور العاشر أجرته كيوتل على بيت الاستثمار القطري :)

من الدور العاشر لين ال 28 خاص بموظفين كيوتل والله وتعالي شوفي زحمه بكل دور يعني مش ذاك المكان الواسع طبعا غير الدور المخصص لقاعات الاجتماعات والمسجد ..

المشكله مب في كم عدد الادوار وكم موظف فيها المشكله اختي في المواقف crazy crazy

مأساه بمعنى الكلمة يعني المواقف المخصصه ماتخدم ربع الموظفين المداومين وطبعا يجون بالترتبيب من الاعلى منصب الى الاقل وهذي مافيها خلاف ..

واحنا وعليه علينا صغار الموظفين باص يودينا ويجيبنا من مواقف الشيراتون @@

اموت واعرف يوم يبنون الابراج مافكرو في المواقف !! ليش ماخططو ان يكون تحت كل برج كم دور مخصص للمواقف .. الحمدلله والشكر عندنا تطور ولكن بشكل عشوائي بحت ..

ومن كم يوم اشوف موظفين البترول بعد يصفون معانا بمواقف الشيراتون .. طيب الى متى والابراج في ازدياد ..

سوري دلة بس فيني حره من ضربة الشمس كل يوم ;)

[عزوز المضارب]

المعاملات اللي اخلصها في الابراج اخصص لها يوم في الشهر واطلب كروه ويوديني هناك وينزلني لحد باب البرج :eek2: :eek2: :dance :dance

[N7eEeS]

سؤالج مهم :)
انتي حكومة وانا مواطن مقرب عطيتيني ارض مجانا فرحت بنيتها عن طريق البنك فأين المستأجر :)
فلازم حد يأجرها من الجهات الحكومية او الشبه حكومية او او الخ من المسميات مع ان الارخص لها ان الدولة تبني لهم بدل الايجار.
في الغالب ذي الابراج مو كبيره من داخل فلا اتغرج لاني عاينت كذا برج من قبل وشفتهم من ايه تو زد وبعض الابراج تؤجر بالمتر لشركات مختلفه .
سؤالج الاخير مشكلتنا مانستفيد من تجارب غيرنا وهوي هوي ويالله نبي نشوف ابراج .

[دلة الرسلان]

حياك الله يا سديم والله ودي بجولة تفقدية ولو شفتي فوق كان حصلتي تساؤلي عن البنية التحتية

لهذه الابراج وكلنا نشوف الزحمة الحين ايش بيصير بعد 10 سنوات ؟؟

[دلة الرسلان]

المعاملات اللي اخلصها في الابراج اخصص لها يوم في الشهر واطلب كروه ويوديني هناك وينزلني لحد باب البرج :eek2: :eek2: :dance :dance


اقول من زمان انك ياعزوز خطيررررررررررررر ومشكور ع المرور

[دلة الرسلان]

سؤالج مهم :)
انتي حكومة وانا مواطن مقرب عطيتيني ارض مجانا فرحت بنيتها عن طريق البنك فأين المستأجر :)
فلازم حد يأجرها من الجهات الحكومية او الشبه حكومية او او الخ من المسميات مع ان الارخص لها ان الدولة تبني لهم بدل الايجار.
في الغالب ذي الابراج مو كبيره من داخل فلا اتغرج لاني عاينت كذا برج من قبل وشفتهم من ايه تو زد وبعض الابراج تؤجر بالمتر لشركات مختلفه .
سؤالج الاخير مشكلتنا مانستفيد من تجارب غيرنا وهوي هوي ويالله نبي نشوف ابراج .

:app: :app: :app: :app: :app:

[جرس الإغلاق]

على فكره..

بعض العمارات مؤجره على كذا شركه..

بعطيج مثال.. ال نفيجيشن بلازا.. عالدائري الثالث على ماعتقد..

الملاحه ( صاحبة العماره ماخذه يمكن دور) والباقي على كيوبي وتوتال ولاتستبعدين حد يفتح له معصره داخل :)

اما العمارات الجدد... فمادري.. بس اكيد كل دور فيه وزاره :)

[وحيد-الشوق]

تدرني اختي هالسؤال دايما محيرني :funny: كل مااشوف الابراج اقول ياترى هاذي الابراج كلها موظفين ولاشلون :eek2: وكان خاطري اسال بس خفت يظحكون علي :funny:

[AL_MUTAEM]

يعني مو مقتنعة بكلامي !!!!!!!!

قليل جدا من الابراج اللي تكون مشتركة.

ممكن مباني مكاتب تجارية بس ماعتقد ابراج



معظم الابراج اخووي تكون مشتركه ..
انا اتكلم عن الابراج التجاريه.. مش الحكوميه ..

روح لأي برج بتحصل الامن اللي بالطابق الارضي واسألهم كم شركه ولا وزاره لها مكاتب بهالبرج ؟؟؟

[ســـهم]

الاهم ............

هو هل الدفاع المدني على استعداد على أطفاء الحرائق في هذه الابراج وهل توجد لديه

الامكانيات الخاصه

علما ان أبراج النصـــر اكبر شاهد على عدم كفائة هذه الاداره والتي ستتحول الى هيئه في القريب العاجل !!!!!!!!!

[المخفي]

لا وبعد دفعة البنك بعد

[دلة الرسلان]

على فكره..

بعض العمارات مؤجره على كذا شركه..

بعطيج مثال.. ال نفيجيشن بلازا.. عالدائري الثالث على ماعتقد..

الملاحه ( صاحبة العماره ماخذه يمكن دور) والباقي على كيوبي وتوتال ولاتستبعدين حد يفتح له معصره داخل :)

اما العمارات الجدد... فمادري.. بس اكيد كل دور فيه وزاره :)

شفتوا بتطلع العلوم ...............وبعد ايش يا جرس الاغلاق ؟

ما قصرت اخوي وانا بصراحة ادور مكان حق قهوة شعبية في الابراج :funny:

[دلة الرسلان]

تدرني اختي هالسؤال دايما محيرني :funny: كل مااشوف الابراج اقول ياترى هاذي الابراج كلها موظفين ولاشلون :eek2: وكان خاطري اسال بس خفت يظحكون علي :funny:


مرحبل اخوي وحيد الشوق ، انا كل ما امر حذا الابراج اتسأل .... هل لها ضرورة ؟ يعني كم

موظف فيها ؟ واذا شفت ها الحفر... واقرأ التقارير ان الابراج انشئت قبل ان تستكمل البنية

التحتية لها . قلت ربعنا بيتريثون الا نتفاجيء ببرج جديد حتى نصل الى السؤال المهم .

هل الابراج دليل على تطور الدول ؟؟ لماذا اشعر انا كمواطنة ان الشغلة كلها سلق بيض ؟؟