شلون تدفع للعزايم انت وربعك ؟

[لمت داون111]

السلام عليكم ورحمه الله وبركاته

طبعا الموضوع واضح من عنوانه :app:

يعني مثلا لما تطلعون ثلاث شباب او ثلاث بنات :p .. بتروحون السينما او بتروحون تتغدون .. شلون طريقه دفعكم للحساب ؟ يعني هل بينكم تفاهم مسبق علي طريقه الدفع ؟ او واحد فيكم يطق صدره ويصك الفاتوره كامله :looking: ويستنزف من جيبه مبلغ جامد بالنسبه حق يوم واحد واخرتها بنص الشهر يقفل جواله ويتعذر للشباب انه مشغول مع الاهل والدوام:eek2: : وهو مفلس وبوكه محذوف بشنطه السياره من القهر !!:funny:

يالله كل واحد يقول طريقته وبكل صراحه :strong

[لمت داون111]

بقولكم عن تجربتنا احنا .. احنا عن انفسنا متفاهمين .. يعني لو بنروح نتعشي وبس .. واحنا ثلاثه الحساب مايقل عن 250 ريال .. كل واحد يطلع من بوكه الي عنده .. يعني هذا حصل في بوكه 100 وهذاك 50 والثالث 100 وجذي .. مب شرط نتقاسم المبلغ بالضبط .. المهم انه دفع شي وخلاص:deal:

واذا بنروح سينما ونشتري اكل حق السينما وعقب نتعشي .. هذي نتشارك فيها .. من ناحيه انه واحد يدفع التذاكر وواحد يشتري البوب كورن وتوابعه .. والثالث عليه العشى .. بغض النظر عن فرق المبلغomen

وهكذا ..:D

[الراقية]

بالنسبة لي يعتمد هناك عدة طرق منها :


1- اذا كنت طاقة الصدر( والميزانية زي اللوز ) يعني مفهومه اتصل واعزمهم:deal: .

2-اذا كانت طلعه متعارف عليها راح تكون ( حطية ) او على قولة بعض الناس " قطية " وانا افضل هالنوع لانه فيه تعاون ....وهذا النوع صار متعارف اكثر سواء في المطاعم او السينما او تاجير شاليهات او استراحات ... الخ

[السديم]

فله سؤالك ليمت داون :nice:

احنا نطلع مجموعة بنات نتغدا في مطعم ..

طلع الحساب مثلا 500 نقمسه على عددنا واحنا متفقين على هالشي واذا وحده ماعندها تقول ترا انا اليوم مفلسه دفعو لي والعكس يعني الفلوس مافيها خلاف .. بس مستحيل كل مره وحده تدفع الفلوس كامله الا اذا فيه مناسبه وحده نجحت ولا وحده مستلمة حوافز في الشغل تقول يالله تدلعو اليوم بعزمك وبدفع لكم كلكم :nice:

[لمت داون111]

بالنسبة لي يعتمد هناك عدة طرق منها :


1- اذا كنت طاقة الصدر( والميزانية زي اللوز ) يعني مفهومه اتصل واعزمهم:deal: .

2-اذا كانت طلعه متعارف عليها راح تكون ( حطية ) او على قولة بعض الناس " قطية " وانا افضل هالنوع لانه فيه تعاون ....وهذا النوع صار متعارف اكثر سواء في المطاعم او السينما او تاجير شاليهات او استراحات ... الخ
التعاون احسن حل:deal: .. وتسلمين علي مشاركتنا يالراقيه :dance

[لمت داون111]

فله سؤالك ليمت داون :nice:

احنا نطلع مجموعة بنات نتغدا في مطعم ..

طلع الحساب مثلا 500 نقمسه على عددنا واحنا متفقين على هالشي واذا وحده ماعندها تقول ترا انا اليوم مفلسه دفعو لي والعكس يعني الفلوس مافيها خلاف .. بس مستحيل كل مره وحده تدفع الفلوس كامله الا اذا فيه مناسبه وحده نجحت ولا وحده مستلمة حوافز في الشغل تقول يالله تدلعو اليوم بعزمك وبدفع لكم كلكم :nice:
كلام سليم بعد :nice: ..

الحمدلله اهم شي الواحد مايحرم نفسه من الزبو والمطاعم الغاليه:eek2: .. وبنفس الوقت مايخسر وايد :D

يعطيج العافيه السديم :)

[الخيميائي]

ههههههههههههههه

احنا نتهاوش والي يحلف والى يطلق والي يصارخ والي يحذف الفلوس

المهم اخر شيء واحد يدفع :)

[لمت داون111]

ههههههههههههههه

احنا نتهاوش والي يحلف والى يطلق والي يصارخ والي يحذف الفلوس

المهم اخر شيء واحد يدفع :)
وانا اقول ليش اكثرت قضايا الطلاق !! :eek2:

هههههههههه يعطيك العافيه يالغالي :nice:

[جلمود]

والله موضوعك عجيب
بلنسبه لي انا أذا كنا رايحين نتعشي طبعن أقوم اخر واحد علي شان افرط من الحساب
وأكثر شي اتعمد وخلي بوكي في الموتر ـــــــــــــــــــــــــــــــــــــــــــ) طـااااااااااااخ
طبعن أزرق

[shrook]

يسلموا على الموضوع الحلووووووووووو

هيا بيتيجي على حسب الظروف يعني اذا في مناسبه عند حدا فينا بيتكون عزيمه على حسابها

حلوان مثلا .........:dance

اما اذا كنا طالعين نتمشى او نتسوق وقعدنا في احد المطاعم تتقسم على الجميع

[عزوز المضارب]

اذا كان عشاء او غذاء وهي نادرا جدا اسويها اعزم الشباب على حسابي اذا المناسبه تخصني او اسويها مفاجاه لهم اثناء الاكل طبعا هم ما يصدقون يطلبون طلبات زياده crazy crazy بس عليه العافيه واحيانا لما نتفق كل واحد يدفع في الغالب تكون رحله مش عشاء واللي ما بدفع ومسوي روحه ذكي وبيجي الرحله ما له اكل ترى احنا ما عندنا رحمه في الامور هذه

بالنسبه للكافيه شوب او غيره نادرا ما اروح لاني ما اقتنع فيهم اشدعوه الكابتشينوا 15 و20 ريال ليش كرتون بيض يعني ولا شو :anger2: نروح النصر او النعيمي شاي احمر او كرك على كيفك مع الهيل :dance :dance :dance

[دلة الرسلان]

:con2: من زمان ما رحت مطعم .... اذا عازمة ادفع اذا تمشية مع خواتي كل يدفع او وحدة

تدفع بس نرد لها شي بنفس القيمة مرة ثانية :deal: بس ايام الجامعة كان عندنا تعليمات

من عندي ممنوع انعزم اي حد خارج الشلة :D

[Some body]

لمت داون 111

شووف بقولك الصج

انا اذا عازمه حد اكيد انا اللي بدفع مسويه بنت حاتم الطائي وعازمه خلاص لازم ادفع :strong بس اكيد العزيمة مو اكثر من شخص :D خخخخخخخخخخخخخخخخخخخخخخ

اما بالنسبه لي انا احب عزايم الكبار مثلا ابووي امي اخووني عمتي خالتي اهني ماتحاتي مراح تدفع شي :nice: اصلا اذا جيت بدفع يشوفونها قلة ادب احلى شي في ذمتي ههههههههههاااااي << بقولون عني بخيله :shy:

لا مو عن شي بس انا ماحب طلعااات البنات برووحهم :mad: اذا في السفر اووكي وهني يكوون الدفع مشترك .. :(

يعطيك العافيه مسيوو لمت وبانتظار جديدك دوووم ( ورده) < دورت لك صورة ورده مافي >> كنها ماتبي تطلع من الموضوع خخخخخ:funny:

تحياتي

[شاهيناز]

انا ماروح مع صديقاتي

كله مع خواتي والمحفظه وحده ماتفرق

بس ليش ؟؟

[رايق]

فاجأتني بعض الردود

[خاربه خاربه]

مااطلع الا مع هلي ومرات تجي رفيجتي وحده بس ماعندي غيرها.



وندفع شلون

مرات وحده من البدايه تقول ترا انا اللي عازمه

ومرات الكل يفتح الشنطه بيدفع والا مرات يتهاوشون على الفاتوره

ورفيجتي مره يات اتشطر والا تقول فاتوره بلييييز crazy بدال ماتقول بيل

الانجليزي مقطع بعضه عندها:funny:

ومرات لين جابوا الفاتوره كل وحده تقول انا انا:funny:

وسلامتكم ودمتم لديار ابو مشعل:strong :dance

[ضوى]

عادة لما اطلع مع خواتي نتشارك في الدفع ، بس مع زميلاتي في العمل نطلب وكل واحدة تدفع مبلغ ، يعني نجهز فلوسنا قبلا لا يوصل الطلب لانه في الشغل كل يوم تطلب يعني راح نفلس لو صرت حاتم الطائي كل يوم .

[خاربه خاربه]

فاجأتني بعض الردود



الحمدالله ردي ما فاجأك:D

[الجني]

انا اقول حق الشباب روحوا المطعم و انا جايكم

و اروح متأخر و اسوي نفسي عندي موعد و بعد ما اكل

استرخص و اطلع بسرعة تفادياً للفاتورة

شرايكم حركة جنيه

الحمد لله على النعمة انا دايماً اللي ادفع

[ضوى]

انا اقول حق الشباب روحوا المطعم و انا جايكم

و اروح متأخر و اسوي نفسي عندي موعد و بعد ما اكل

استرخص و اطلع بسرعة تفادياً للفاتورة

شرايكم حركة جنيه

الحمد لله على النعمة انا دايماً اللي ادفع


:eek2: :eek2: :eek2: :eek2: :eek2: :eek2: ايش رايك تعزم شباب المنتدى لحالهم وبنات المنتدى لحالهم بمكان منفصل ونطرش لك الفاتورة ؟؟

[ضوى]

فاجأتني بعض الردود



:con2: :con2: :con2: :con2:

[خاربه خاربه]

انا اقول حق الشباب روحوا المطعم و انا جايكم

و اروح متأخر و اسوي نفسي عندي موعد و بعد ما اكل

استرخص و اطلع بسرعة تفادياً للفاتورة

شرايكم حركة جنيه

الحمد لله على النعمة انا دايماً اللي ادفع



الحمدالله وربي يديمها عليك من نعمه:strong :nice:

[N7eEeS]

بما اني مو راعي طلعات وايد في الدوحه بس لما نروح اول واحد يمسك الفاتوره يدفع
والله يديمها علينا من نعمه

[ANONYMOUS]

يعتمد عالشله( يمكن شخص ويمكن عدة اشخاص)..

اذا جديده او نادر اشوفهم لازم انا.. واقاتل واناضل عشان ادفع..

اما ربعي لكلوز.. تدور علينا.. زي ماتقول كل مره على واحد.. اذا كان البيل شوي.. اما اذا خشن.. ممكن يتحاطون نص الشله.. ولا الكل.. على حسب.. ومرات واحد يبلعها كامله ولا ثنين.... بس نو هارد فيلينج.. عادي..

[أحمد اليافعي]

ههههههههههههههه

احنا نتهاوش والي يحلف والى يطلق والي يصارخ والي يحذف الفلوس

المهم اخر شيء واحد يدفع :)

نفس سوالفنا هههههه :D

بس فيه شي ثاني اللي يطق الصدر او يقترح مكان نروح له اكيد هو يتكفل بالدفع :nice:

يعني مره كنت مع اثنين من ربعي ومن الملل واحد منهم قال لنا شرايكم نروح السينما .. اللي معاي قال لا مب شي السينما عاد انا ما سكت قلت لصاحب الفكرة اذا على حسابك مشينا قدااااااااااااااااام :nice:

عاد نروح واهو اللي يدفع واللي قال مب شي السينما يتهاوش وياه من فيهم يدفع تقدر تقول تاخذه العزة بالاثم وانا اتفرج واضحك :nice:

[أحمد اليافعي]

كله كوووم ولين نكون في مطعم كوووم ثاني .. وكل واحد يتاخر مايبي يقوم اول واحد لأن بيتوهق دامه قام اول واحد لازم يحاسب :d صارت وايد خصوصا لين العزيمة تكون بدون ترتيب وبدون سابق انذار :d يعني تطلع من الدوام تتصل لواحد من الربع تقوله وينك يقولك انا في المطعم الفلاني اتغدى مع بوفلان وبوفلان حياك ويانا .. :d

عاد انا كله اقوم آخر واحد مب لاني مابي احاسب ..

ولكن لان اكلي بطي وغير كذا اسولف وايد وانا اكل :d

[امل الحب]

:looking: انا ماطلع بس اذا صدفت وتغدينا بالجامعة يعني 10 ريال 15 ماتفرق وحدة تدفعها..;)

[وطن]

يا أما تكون عزيمه تعالوا انا عازمتكم ولا يا فلانه تعالي معانا عازمينج ...
و لو وحده منا تقول للثانية مفلسه ما اقدر
وحده منا تشيل العزيمة
عادي
ايزي


أو نقول بنطلع أمريكان
كل وحده تدفع وتساهم
ونقسم الفاتورة ع الكل

:)

بس

[لمت داون111]

شكرا علي الردود والتفاعل جميعاomen

يالله مانبي هالموضوع ينزل :app:

نبي نستفيد من تجاربكم :nice:

[al_lord]

هده وحلف وطلاق وفي الاخير الاقوى يدفع

[sulai6i]

انا بقول لك عن طريقة الدفع في السفر .. مش على العشا وبس
لين سافرنا مجموعة شباب نختار شخص وعادة انا اكون هالشخص :eek2:
انسميه : الصندوق :D
يعني انا صندوق :funny:
المهم .. كل واحد يدفع تذكرة السفر
ولين وصلنا آخذ من كل واحد مبلغ معين
ادفع من هالمبلغ أجار السيارة .. السكن .. الأكل
اذا قرّب الصندوق بيخلص اطلب منهم زيااادة والدفع يكون متساوي طبعا
ولين خلاص بنرجع وبقت فلوس في الصندوق
اقسمها على عددنا وارجع حق كل واحد فلوسه الباقية
وبس

[على قد حالها]

مثل ماقالوا اللي قبلي تقريبا ....

يعني مرات تصير ان وحده تعزم عشان مناسبه معينه او تكون هي مشتهيه هالشي فيكون عليها الحساب ...وهاي احلا شي :dance
ولا ساعات لا نقول بنروح مطعم معين وكل وحده تدفع ثمن اللي طلبته ( فالبدايه وحده تدفع بالكامل وناخذ الفاتوره ونتحاسب وندفع لها )

بس فالغالب حنا نظامنا اجنبي كلن يدفع لنفسه:eek2:

[بوخالد2]

موضوع حلو يالمت داااون 1111

الصراحه انا بقولك عن نفسي انا اذا رحت المطعم مع الشباب مافي قطيه ولا شي من الكلام هذا كلن يتهاوش على الدفع اخووى -- مثلا عن نفسي اذا خلصوا الشباب من الطلب وراح يسوى الطلب الجرسوون - اقوم كني رايح الله يعزك الحمام (( كرمك الله )) وكنه مب لك افتر على الكاشير وادفع وارد على الطاوله عند الربع كأني ماسويت شي عقب العشاءا يسالون عن الفاتوره ويقولهم مدفوعه -- الحمدالله نص الربع الى اطلع معاهم كذيه يعني مافي ( قطيه ) ولاشي كلن وكيفه -- واذا الى اعزم او انا الى اقولهم خلنا انرووح المكان هذا او غيره انا اتكفل بالدفع لااني انا الى مصصم على الذهاب الى مكان المذكوور


يعطيك العافيه

[غزلان]

يتوزع المبلغ على كل الموجودين

طبعا في السفر