الاجازه ابتدت ،، كل أب و أم يقولون اش خططوا لأبناءهم في الاجازه

[الطرف الأغر]

الاجازه ابتدت ،، كل أب و أم يقولون اش خططوا لأبناءهم في الاجازه

هل انتَ أو أنتِ من النوع الأول او النوع الثاني

النوع الأول :dance

خل اليهال يستانسون ،، مساكين اتعبوا من الدراسه والنوم من وهل ،، سهر لوقت متأخر مسموح ،، ارقاد لحد الظهر عادي ،، لعب و لعب ولعب طووول الوقت في الشارع على الكراسي اشوي ينطون فوق راسكم ،، ما يهدون البطابط ولا السياكل ولا دقيقه من مجمع لي مجمع وسيقا و بي اس بي و سوني .


النوع الثاني : :strong

تعزز اعيالك وما تعلمهم على البلاده ،، تعطيهم القوه والتشجيع واتحفزهم ان وقت الاجازه وقت ممتع يستفيدون منه في امور ايجابيه مثل تسجيلهم في مراكز الكمبيوتر و تقويه اللغه الانجليزيه و الفرنسيه ،، الألعاب المحترفه مثل التيكواندو و الرمايه والفروسيه و السباحه بعيدا طبعا عن كرة القدم ،، اتيب لهم مطوع قران يحفظهم جزء من القران عليهم ان يتمونه في الاجازه


كل من يقول بصراحه شنهي خطته لعياله وقت الاجازه بعيدا عن المثاليه ،،



ابتدي بنفسي :strong

للحين امتحانات :eek3: ،، بس مسويتلهم ترتيب لاني من النوع احب احفز الطفل واصقله من صغره

سجلت ولدي في المنتخب القطري للتنس ،، و الكاراتيه يعني يوم تنس و يوم كاراتيه

بنتي بسجلها في مدرسه للحين ماتاكدت من اسمها يسون انشطه صيفيه من رسوم واعمال يدويه مع المدرسات المتطوعات فتره الصيف ،، وباخذها معاي اذا سجلت في نادي من النوادي النسائيه لتغير الجو .

وهم الاثنين مسجلتهم في مركز تقويه اللغه الانجليزيه والفرنسيه

و ايهم مطوع بيكمل معاهم حفظ جزء عم بالتجويد و خواتيم صورة البقره ،، و وعدتهم اذا حفظوا الجزء على نهاية الاجازه بسويلهم حفله تكريميه في المكان الي يختارونه


تحياتي لكم

[ANONYMOUS]

موضوع حلو... واتمنى اكون من النوع الثاني..

عيالي توهم مادشوا مدارس.. حياتهم كلها اجازه

[ضوى]

موضوع حلو يالطرف الاغر

سجلت ولدي العود بالكاراتييه والنادي العلمي القطري يوم كذا و يوم كذا ، بنتي سجلتها في

مركز ابداع الفتاة فترة صباحية فقط المسا اقعد وياها انا وعمتها تساعدنا بشغل البيت :deal:

الصغير للحين ما خلص بس نفس الشئ باسجله ويا اخوه في النادي العلمي وكاراتييه

لمدة شهرين وبعدها بنسافر لمدة شهر ان شاء الله ، تحفيظ القرآن ابوهم قايم بالمهمة على

اكمل وجه يوم وترك حفظ وتلاوة ، حافظين ماشاء الله عليهم جزء عم وتبارك ، وان شاء الله

يستمرون في الايام الجاية ، طبعا غير الترفيه والسيتي واللاند مع ابوهم يومين في الاسبوع

تحياتي يالغالية

[نوارة الدار]

والله الموضوع حلو وايد

انا عيالي توهم كتاكيت ... والصراحه انا اللي ابي اجازه منهم

ولازم اقطهم عند الوالده الله يخليها .... واشرد منهم

[الزاجل]

بشكل عام يا الطرف

ما عندنا شي اسمه اجازة يعني عيالنا
ينامون وياكلون ويشربون ..
لابد من وجود جدول في الصيف حسب
مسؤولياتهم ..

من حفظ للقرآن ودراسة اللغة الإنجليزية ..

اما التسجيل في المراكز
صعبة عليهم بحكم ارتباطاتهم ..

بس احلى شي في الصيف عندهم هو السهر طبعا
انظم لهم في السهر مرات كثيرة ..
واشاركهم السهر في اللعب للصبح ..

[دلة الرسلان]

اولا بشري التقرير جاب نتيجة:con2: مثلا فنشوا المدير وخذتي منصبه يالله بسرعه قولي !!

بالنسبة لموضوعك فاقول كلا لم ننظم لابنائنا جدول بسبب ارتباطنا بالسفر وبعدين طول ايام

المدرسة وهم مكدودين ما هقوا يحصلون وقت ينامون فيه لين الضحى اقوم احرمهم:mad:

في ايام الدراسة مشاركين في تحفيظ القران والانجليزي الحمدلله ما عندنا مشكلة فيه اللي

خاطري فيه انهم يتعلمون سباحة بأتقان - يدعون ذلك - والى الان جاري البحث عن مركز او

نادي مناسب . تدلين وين احصله ؟؟؟

[alwahesh]

انا مع النوع الثاني والمدام من النوع الاول

محتـــــــــــــــــــــــــــــــــــــــــــــــ ـــار

ولكن اهم شي عيالي مستانسين وتكفي ابتسامتهم لين اجيب لهم شي ؟؟
ان شاء الله هدية النجاح ان نجحوا بوديهم جولة في اوروبا مثل كل سنه والله يعينا السنه من الزحمه على ميونج وسويسرا

[امل الحب]

:app: :app:

يعطيييكم العاافية

:shy: للحين ماتزوجتو ماعندي يهال لين صار بقولكم شنو بسوي لهم:)

[الطرف الأغر]

موضوع حلو... واتمنى اكون من النوع الثاني..

عيالي توهم مادشوا مدارس.. حياتهم كلها اجازه

شكرا لك اخوي ،، استانسوا الحين قبل لا اتغربلون مع المدارس وتدريس اليهال

مع انهم يكونون منظمين ،، وقت الدراسه اكثر من الاجازه

[الطرف الأغر]

موضوع حلو يالطرف الاغر

سجلت ولدي العود بالكاراتييه والنادي العلمي القطري يوم كذا و يوم كذا ، بنتي سجلتها في

مركز ابداع الفتاة فترة صباحية فقط المسا اقعد وياها انا وعمتها تساعدنا بشغل البيت :deal:

الصغير للحين ما خلص بس نفس الشئ باسجله ويا اخوه في النادي العلمي وكاراتييه

لمدة شهرين وبعدها بنسافر لمدة شهر ان شاء الله ، تحفيظ القرآن ابوهم قايم بالمهمة على

اكمل وجه يوم وترك حفظ وتلاوة ، حافظين ماشاء الله عليهم جزء عم وتبارك ، وان شاء الله

يستمرون في الايام الجاية ، طبعا غير الترفيه والسيتي واللاند مع ابوهم يومين في الاسبوع

تحياتي يالغالية

الحلو تواجدج عزيزتي ،، والله يبارك لج في اعيالج ،، واتمنالكم اجازه سعيدة

[الطرف الأغر]

والله الموضوع حلو وايد

انا عيالي توهم كتاكيت ... والصراحه انا اللي ابي اجازه منهم

ولازم اقطهم عند الوالده الله يخليها .... واشرد منهم

الله يخليهم لج نوارة ،، يبيلج اجازة أمومة منهم ،، عندي اليهال لما يكبرون أونس من البيبيات

والله يعين الوالده ،، احنا من غير أمهاتنا ما نسوى شي

[الطرف الأغر]

بشكل عام يا الطرف

ما عندنا شي اسمه اجازة يعني عيالنا
ينامون وياكلون ويشربون ..
لابد من وجود جدول في الصيف حسب
مسؤولياتهم ..

من حفظ للقرآن ودراسة اللغة الإنجليزية ..

اما التسجيل في المراكز
صعبة عليهم بحكم ارتباطاتهم ..

بس احلى شي في الصيف عندهم هو السهر طبعا
انظم لهم في السهر مرات كثيرة ..
واشاركهم السهر في اللعب للصبح ..

يعطيك العافيه اخوي الزاجل

احس ان وقت الاجازه طويل يعني شهرين ونص حرام يضيع بس على سهر
والطفل عنده طاقه كبيرة في الاستيعاب و التعلم ،، يعجبوني الغرب في هالنقطه ان حتى وقت اجازاتهم ما يعتقون اعيالهم ،، لازم يتعلمون شي مفيد مايعلمونهم عالرباده مثل اعيالنا ،، بصراحه لما كنا صغار وقت الاجازه يا سفر او سهر طووول الليل لحد 6 الصبح ونطبخ طول الليل مقالي وطلبات خارجيه:looking: ،، وفيديو :p

حلو السهر بس بحدود مثل الويكند عشان نشاركهم السهرة :strong

شاكره مرورك

[الطرف الأغر]

اولا بشري التقرير جاب نتيجة:con2: مثلا فنشوا المدير وخذتي منصبه يالله بسرعه قولي !!

بالنسبة لموضوعك فاقول كلا لم ننظم لابنائنا جدول بسبب ارتباطنا بالسفر وبعدين طول ايام

المدرسة وهم مكدودين ما هقوا يحصلون وقت ينامون فيه لين الضحى اقوم احرمهم:mad:

في ايام الدراسة مشاركين في تحفيظ القران والانجليزي الحمدلله ما عندنا مشكلة فيه اللي

خاطري فيه انهم يتعلمون سباحة بأتقان - يدعون ذلك - والى الان جاري البحث عن مركز او

نادي مناسب . تدلين وين احصله ؟؟؟

المدير ما يكلمني ،، شكله بيسويلي سالفة سكت دهرا ونطق كفرا :funny:


السفر بروحه يعتبر تخطيط ،، يعني ماتقدرين اتزيدين شي في وقت السفر
بس ماله داعي ينامون اكثر من 10 او 11 الظهر ،، احس اليهال قد ما تحطين فيهم يبين حتى ولو بعد حين :D ،، احنا الي نقول وايد عليهم ومكدودين كد لو مايسمعون هالكلام منا ويسمعون التشجيع بأنهم يقدرون يسون اكثر بتحصلين أكثر من الي اتوقعينه ،، اعيالنا فيهم فطانه و قوة وانا احب استغل هالنقطه فيهم ،، ذكرتيني في ولدي ادرسه وقت الامتحانات تقريبا 8 ساعات ،، يهلك وهو يدرس ما انكر لكن في بريك بين ساعات الدراسه ،، لما خلص الامتحانات ياب طاولته وياني ،، يروح يلعب 10 دقايق ويرجع متملل ،، اخوي يقولي مسكين تعلم عالكرف والدراسه شكله صج متملل ومايعرف شيسوي:confused:

بخصوص السباحه ماعندي فكره ،، لان اعيالي يتعلمون السباحه في المدرسة ،، بس مب بشكل احترافي

تحياتي لج :)

[الطرف الأغر]

انا مع النوع الثاني والمدام من النوع الاول

محتـــــــــــــــــــــــــــــــــــــــــــــــ ـــار

ولكن اهم شي عيالي مستانسين وتكفي ابتسامتهم لين اجيب لهم شي ؟؟
ان شاء الله هدية النجاح ان نجحوا بوديهم جولة في اوروبا مثل كل سنه والله يعينا السنه من الزحمه على ميونج وسويسرا

حلو واحد يشد والثاني يرخي ،، التوازن مهم في التنشأه

والله يبارك لك فيهم ،، واجازه سعيدة

[الطرف الأغر]

:app: :app:

يعطيييكم العاافية

:shy: للحين ماتزوجتو ماعندي يهال لين صار بقولكم شنو بسوي لهم:)

الله يرزقج ان شاء الله الزوج والذريه الصالحه

يسعدني تواجدج عزيزتي

[الزاجل]

يعطيك العافيه اخوي الزاجل

احس ان وقت الاجازه طويل يعني شهرين ونص حرام يضيع بس على سهر
والطفل عنده طاقه كبيرة في الاستيعاب و التعلم ،، يعجبوني الغرب في هالنقطه ان حتى وقت اجازاتهم ما يعتقون اعيالهم ،، لازم يتعلمون شي مفيد مايعلمونهم عالرباده مثل اعيالنا ،، بصراحه لما كنا صغار وقت الاجازه يا سفر او سهر طووول الليل لحد 6 الصبح ونطبخ طول الليل مقالي وطلبات خارجيه:looking: ،، وفيديو :p

حلو السهر بس بحدود مثل الويكند عشان نشاركهم السهرة :strong

شاكره مرورك

يا طرف

اليهال عندهم جدول ارتباطات خاصة بالدولة
تمنعنا من الحاقهم بأي دورات خاصة ..

ولكن لما يكونون في اجازة من الارتباطات
تتوزع اوقاتهم ما بين اللغة الانجليزي والقرآن
والالتزام مع ارتباطاتهم الداخلية ..
والسهر اهم شي عندهم في الصيف
في جدولهم المدحوب .. وخاصة في التفرغ من الارتباطات ;)

[badr_vip55]

مشكووووووووووووووووووره الطرف الاغر على الموضوع الرائع

والله هوش شي جيد انك تحفز الطفل وتشجعه لان في المرحله هاي مثل ماتقولين انت الي تصنعه او ترسم فيه الي تبيه فشي جيد انك تهتم فيه في الفتره الصيفيه من ناحية اندية ونشاطات لانك تعوده على النشاط مب الكسل .

بعدين الطرف الاغر شنو هاي المدرسه الي بتسجلين فيها بنتج لان عندي وحده صغيره عمرها تقريبا 11 سنه ماتحب القعده كله ترسم او تدخل الانترنت تطلع رسومات او الواجبات الي تطلبها المعلمه منها

فاريت لو تعرفين معلومات عن هالمدرسه تزودينا فيها عن اسمها مكانها نشاطتها مثل هالاشياء


وتحياتي لج

badr_vip55

[المخباط]

الصيف بنصيف عندكم في الدوحة:dance مجهزة لهم جدول محترم
:strong :strong :strong :strong
دراسة اللغة العربية لتعويضهم ما فات وحفظ القرآن في النهار
وزيارة الاهل من بيت لبيت في الفترة المسائية
وممكن اسجل ولدي في النادي العلمي عشان اختراعاتة اذا فية وقت:con2:
تحياتي لكي الطرف الاغر