سؤال

[M-OH-A-ME-D]

أذا أراد شخص أن يصل الى عمل باكرآ فأي طريق يسلك
أذا كانت نقطة البدايهنادي السباق والفروسيه ونقطة الوصول البرج التويوتا
أريد أقصر الطرق

[قطر501]

تقريبا نفس طريقي شوف اخوي تطلع من صوب اسباير على اشارات ستاد خليفة تاخذ يسار صوب اشارات الوعب اول اشاره يمين لين تطلع على دوار السوق المركزي ياتروح سيده صوب ابو هامور وتنزل على اشارات التضامن لكن اتوقع زحمه شوي يا تاخذ يسار وتروح صوب دوار قطر للديكور وتكمل سيده وتركب فوق الجسر اول لفه بعد الجسر يمين تلف منها لين توصل عند دوار مركز عمر بن الخطاب الصحي اذا انا مب غلطان تاخذ يسار لين اشارات طالب الخوري خلاص تاخذ يمين والله يحفظك وكمل سيده لين توصل عند اشارت تويوتا هذا طريق اما الاخر عن طريق الدوار المايل وعلى الكورنيش يعني من فوق بس زحمه طريق الكورنيش الصبح

[الجمارك]

السلام عليكم

اخوي انا بقولك الطريق المختصر وانشاء الله توصل الدوام بسرعه

تخيل نفسك واقف على دوار الفروسية والنادي وراك رووح سيده لين توصل استاد خليفه من ورى وانزل على الاشارات وعقب عندك طريقين يا ترووح سيده لين دوار العزيزه ويسمى دوار محطة الجزيرة وتاخذ يسار وعلى طوول على دوار الخميس والجمعه وعقب يمين على خط بوهامور او من اشارت استاد خليفه وتاخذ يسار على اشارات اسلام اون لاين وتاخذ يمين بينزلك الخط على دوار الخميس والجمعه اعتقد هطريج اريحلك من طريج دوار العزيزيه لانه ساعات تكوون زحمه اهناك المهم عقب ما تاخذ دوار الخميس والجمعه على طوول على خط بوهامور وعقب بييك دوار اصغير تاخذه يمين وعقب يجيك دوار بوهامر وتاخذ يسار وعلى طوول على دوار مسجد العبيدلى وتاخذه يمين وسيده على دوار الكهرماء وعقب على دوار البراشووت سابقأ وتاخذه يسار على طوول على اشارات المطار الدولى ومن ثم اشارات عبدالغني .

وحياك الله وارجو انى خدمتك بشي

[M-OH-A-ME-D]

مشكور تعاونكم

[الراما]

طيران اقصر وقت