مغاربيّان مرشّحان لأدارة قناة الجزيرة ..

[Mishaal]

بعد عدم رضاء المسؤولين على قناة الجزيرة على توجّهات القناة مؤخّرا في ما يخصّ بعض القضايا العربيّة و خاصة منها الفلسطينية و العراقية و اللبنانية

و بعد أن أصبح مؤكّدا تنحي أو تنحية الأعلامي البارز وضّاح خنفر من أدارة القناة. فكّر المسؤولين عن القناة في تنصيب أحد الوجهين البارزين على رأس

الأدارة حيث تتّجه النيّة لتنصيب الأعلامي التونسي البارز غسّان بن جدّو الذي عرف بجدّيته الكبيرة في العمل و بموضوعيّته كما تحصّل هاته السنة على عدّة

جوائز و منها أختياره من بين أكثر مائة شخصية عربية تأثيرا في المجتمعات العربيّة. كما أنّ أسهم المذيعة خديجة بن قنّة قد أرتفعت خاصة بعد أجرائها للحوار

الأخير مع الشيخة موزة و قدّ تمّ ترشيح هذا الثنائي ليعتلي أحدهما مقاليد أدارة قناة الجزيرة في قادم الأيّام.

[بدور]

ولماذا يتم ترشيح مغربيان لإدارة الجزيره أين القطري عن الترشيح

مع ان القطري يستحق اعلى المناصب لأنه كفؤ وقلبه على وطنه

الى متى تكون المناصب للاجانب والقطري يبعدونه

[Qa6ar]

الى متى

[Mishaal]

الجزيرة شبكة عالمية وليست وطنية ومحلية ..

نعم قطر تمول الشبكة من الألف إلى الياء ولكنها تبقى شبكة عالمية ، مثل البي بي سي والسي ان ان ..

مب شرط يكونون قطريين ماسكين الإدارة ...!!

اشوف غسان بن جدو يستحق والنعم والله .. وخديجة بن قنة والله كفو بعد .. الله يوفقهم !

[وحيد-الشوق]

الى متى

فعلا الى مـــــــــــــــــــــتــــــــــــــــــــى crazy

[ابن البيطار]

لما يصير عندنا مذيعين او مراسلين اكفاء وخبره وحضور وقتها اسئلوا الى متى ,, هذي قناه عالميه واهم شي عندها الي يديرها يكون على قد المسؤليه والخبره والكفاءه .

تعلموا شي مهم وبتشفونه خلال السنوات الجايه . مافي شي اسمه مواطن واجنبي في اختيار المناصب المهمه الي بيثبت نفسه بيحطونه اما الي يعتمد على انه قطري او هو احق بلمناصب وهو ماعنده المؤهل يمش بوزه وينسا .البلد متوجه الى العالميه والتطور والانفتاح الاقتصادي وهالامور ماتمشي وياها وين المواطن او لقطري اذا ماكان مؤهل للوظيفه .ماراح يمسك الوظيفه الا الشخص المناسب مهما كانت جنسيته والي مايعجبه يفتح له قناه او مؤسسه ويصير المدير فيها .

[بدور]

لما يصير عندنا مذيعين او مراسلين اكفاء وخبره وحضور وقتها اسئلوا الى متى ,, هذي قناه عالميه واهم شي عندها الي يديرها يكون على قد المسؤليه والخبره والكفاءه .

تعلموا شي مهم وبتشفونه خلال السنوات الجايه . مافي شي اسمه مواطن واجنبي في اختيار المناصب المهمه الي بيثبت نفسه بيحطونه اما الي يعتمد على انه قطري او هو احق بلمناصب وهو ماعنده المؤهل يمش بوزه وينسا .البلد متوجه الى العالميه والتطور والانفتاح الاقتصادي وهالامور ماتمشي وياها وين المواطن او لقطري اذا ماكان مؤهل للوظيفه .ماراح يمسك الوظيفه الا الشخص المناسب مهما كانت جنسيته والي مايعجبه يفتح له قناه او مؤسسه ويصير المدير فيها .


ليش والقطري للدرجه هذي عندك مايسوى شيء يكون في علمك عنده العقل المدبر والكفاءه

والقدره والشهادات العاليه ولكن هناك من اهضم حقه وخلاه مايسوا شيء وخلوا الاجنبي

يطلع على اكتاف القطري والنمو الاقتصادي للدوله سببها القطري مو الاجنبي

والخير في القطري بس ياليت يعطونه مجال ليثبت وجوده وتتغير الافكار الساذجه

من عقول الجهلاء الذين يهضمون حق القطري والايام كفيله والتاريخ سيتكلم

فيما بعد لاتغتر بالاجنبي انتظر وشوف الى ما سنصل إليه من وراء الاجنبي .....؟؟؟؟

[Muslim Investor]

القطرية الفضائية يديرونها قطريين!
قارنوا بينها وبين الجزيرة!

تحيتي

[بويوسف]

القطرية الفضائية يديرونها قطريين!
قارنوا بينها وبين الجزيرة!

تحيتي

ياخي مادخل القطريين في هذه او تلك .. وكأن سبب تدني مستوى القطرية هو القطريين ؟؟ عيب هالكلام لما مانثق في بعضنا البعض العالم بيضحكون علينا.

خلاص دام القطريين ماينفعون من وجهة نظرك لايمسكون شي في الديرة. عطوها للهنود والاجانب من ذوي الخبرة.

استغرب منك اخوي ان تقييمك للوضع بأن السبب ادارة اهل قطر وكانك تتناسى الفارق في رأس المال وفي من يدير .. وطريقة الادارة.

الفضائية القطرية حالها حال اي قناة تعبر عن سياسة الدولة اما الجزيرة فلها هيكل خاص وتحتوى على خبرة ال بيبي سي العربية مع توفر رأس مال ضخم.

[بويوسف]

لما يصير عندنا مذيعين او مراسلين اكفاء وخبره وحضور وقتها اسئلوا الى متى ,, هذي قناه عالميه واهم شي عندها الي يديرها يكون على قد المسؤليه والخبره والكفاءه .

تعلموا شي مهم وبتشفونه خلال السنوات الجايه . مافي شي اسمه مواطن واجنبي في اختيار المناصب المهمه الي بيثبت نفسه بيحطونه اما الي يعتمد على انه قطري او هو احق بلمناصب وهو ماعنده المؤهل يمش بوزه وينسا .البلد متوجه الى العالميه والتطور والانفتاح الاقتصادي وهالامور ماتمشي وياها وين المواطن او لقطري اذا ماكان مؤهل للوظيفه .ماراح يمسك الوظيفه الا الشخص المناسب مهما كانت جنسيته والي مايعجبه يفتح له قناه او مؤسسه ويصير المدير فيها .

ياخال منو قال لك انه مافي قطريين مؤهلين؟؟؟؟ الحمدلله الديرة متروسة بشباب ذوي خبرة وكفاءة وشهادات عليا. ومحد قال لك ان احنا بنعتمد على القطري بدون مؤهل.

الله يهديك

[بدور]

القطرية الفضائية يديرونها قطريين!
قارنوا بينها وبين الجزيرة!

تحيتي

ماشاء الله عليك اللي يشوف توقيعك ويشوف ردك هناك تناقض كبير

(( همتي همة الملوك ونفسي * * * نفس حر ترى المذلة كفرا )) هذا توقيعك

ويش رايك القطري ينذل تحت رحمة الاجنبي ويجلس في بيته لانه مايسوى شيء عندك

اعتقد الوظائف تتوزع على الاجانب والخريجين القطريين والمثقفين القطريين يجلسون

يصفقون للاجنبي ويدعون له بالتوفيق هذا اللي تبونه انتوا للاسف ما اعتقد انت واللي يرد

مثل ردك قطري القطري يعوره قلبه على اعيال ديرته ولا ينقص في مقدرتهم ....

[Mishaal]

سبحان الله ..

انا وطني وانتوا وطنيين .. لكن لدرجة اننا ماناكل الأخضر واليابس ...

بغيتوا مجلس إدارة مكون من قطريين .. وصااار ...!!

مع ان القناة مو وطنية ولا محلية .. قناة اخبارية ((( عالمية ))) وتحتها عشرين خط بالأحمر ..

المشكلة ماتبون تفهمون ان القناة مو محلية ... والله يا جماعة مو محلية ولاهيب وطنية ...

الممول قطري .. الله يحفظ الأمير من كل شر .. لكن القناة مو قطرية ...

اغغغوووو اغغغووووو ... مدري فهمتوا الحين ول لا؟؟؟

سبحااان الله ...

[Mishaal]

ماشاء الله عليك اللي يشوف توقيعك ويشوف ردك هناك تناقض كبير

(( همتي همة الملوك ونفسي * * * نفس حر ترى المذلة كفرا )) هذا توقيعك

ويش رايك القطري ينذل تحت رحمة الاجنبي ويجلس في بيته لانه مايسوى شيء عندك

اعتقد الوظائف تتوزع على الاجانب والخريجين القطريين والمثقفين القطريين يجلسون

يصفقون للاجنبي ويدعون له بالتوفيق هذا اللي تبونه انتوا للاسف ما اعتقد انت واللي يرد

مثل ردك قطري القطري يعوره قلبه على اعيال ديرته ولا ينقص في مقدرتهم ....

عطيني دولة مافيها مدير مغترب أو أجنبي ؟؟

اتحدااااااج تطلعين لي دولة وحدة بس ... مافي !

قطر فيها مدراء وفيها موظفين .. وكلن بياخذ حقه ، الله موجود !

لكن مانقدر ننكر الكفاءات الخارجية ... وياما قطريين راحوا السودان ومصر والاردن يشغلون مناصب رؤساء بنوك وموسسات كبيرة ... برواتب مهولة ... ما أتوقع قالوا المصريين والسودانيين عندنا كفاءة محلية مانبي قطريين ...

المشكلة في اللي تصيده ((( جنون العظمه ))) وينسى كل من حوله ويفكر دايماً بنفسه ... للأسف ...

غيروا هالتفكير واللي يرحم والديكم !! ترا الدنيا حلوة وماتسوى !!

[Some body]

والله حاله يعني لهدرجة مافي قطري كفى بهالمنصب


لاتعليق :|

[Mishaal]

والله حاله يعني لهدرجة مافي قطري كفى بهالمنصب


لاتعليق :|

في قطري كفو لمنصب رئيس مجلس الإدارة ... وكاه حطوه ، وبالتوفيق له ..

لو شافوا واحد كفو لمنصب مدير عام الجزيرة بيحطونه .. ما أتوقع يكرهون القطريين لدرجة أنهم يستبعدونهم في التعيينات ...

بعدين لو دققت في تفاصيل الموضوع وشفت المرشحين اللي هم ( غسان بن جدو وخديجة بن قنه ) وعرفت طينتهم كنت عرفت أن مافي أكفئ منهم لهالمهمة ... ويستاهلون مناصب أعلى من هذه ... شاء من شاء وابى من ابى ...

والله ولي التوفيق

[Some body]

اهم شي وقرار يفرح فعلا اذا تم انهم بيشيلون وضاح خنفر

:)

[بدور]

عطيني دولة مافيها مدير مغترب أو أجنبي ؟؟

اتحدااااااج تطلعين لي دولة وحدة بس ... مافي !

قطر فيها مدراء وفيها موظفين .. وكلن بياخذ حقه ، الله موجود !

لكن مانقدر ننكر الكفاءات الخارجية ... وياما قطريين راحوا السودان ومصر والاردن يشغلون مناصب رؤساء بنوك وموسسات كبيرة ... برواتب مهولة ... ما أتوقع قالوا المصريين والسودانيين عندنا كفاءة محلية مانبي قطريين ...

المشكلة في اللي تصيده ((( جنون العظمه ))) وينسى كل من حوله ويفكر دايماً بنفسه ... للأسف ...

غيروا هالتفكير واللي يرحم والديكم !! ترا الدنيا حلوة وماتسوى !!


أها وانا اقول ليش مشتط يا الاخو

القطري مايكون رده نفس ردك وانت عشت في قطر

الظاهر مولود فيها اتقنت اللهجه القطريه وعشان كذا تدافع عن الاجنبي

تعال على فكره مشعل ترا القطريين من حقهم يمسكون المناصب والرواتب حق لهم لانهم

قطريين يا مشعل وليش القطري يروح السودان ومصر والاردن لايكون

انت مرسلهم ومتوسط لهم يشتغلون وتعطيهم رواتب اقول الله يهداك بس

احترم الارض اللي انت عايش فيها وتاكل من خيرها ....

[Mishaal]

أها وانا اقول ليش مشتط يا الاخو

القطري مايكون رده نفس ردك وانت عشت في قطر

الظاهر مولود فيها اتقنت اللهجه القطريه وعشان كذا تدافع عن الاجنبي

تعال على فكره مشاعل( مدري وحده او احد) ترا القطريين من حقهم يمسكون المناصب والرواتب حق لهم لانهم

قطريين يا ميشيل او مشاعل وليش القطري يروح السودان ومصر والاردن لايكون

انت مرسلهم ومتوسط لهم يشتغلون وتعطيهم رواتب اقول الله يهداك بس

احترم الارض اللي انت عايش فيها وتاكل من خيرها ....

لا تقعدين تلفقين اتهامات وتوجهينها لكل من هب ودب بحجة " قطري ومو قطري " ...

انا قطري غصبن عنج ولانيب مشاعل ولا ميشيل .. اقري اسمي بتعرفين .. هذا لو تعرفين تقرين !!

بعدين حسني الفاظج ولا تحاولين تحرجين نفسج بكلام ماله داعي ، ولا تفكرين ان الكل بيسكت عن لسانج !!

بعدين لا قطري ولا غير قطري بيسكتني عن الحق ... كلن ياخذ حقه ومثل ماقلت لج الله موجود ... ولو ما اخذ حقه من ( أكبر سلطه ) بياخذه من اللي فوقه !! قوليلي الحين الحق موجود أو لا؟!!

اما بخصوص اللي يروحون للسودان ومصر فهم كفاءه ، ومغتربين عن بلادهم ويمثلون قطر في بلاد غيرهم .. فأنتي المفروض تفتخرين فيهم مو توضخين لسانج بكلام ماله داعي الله يهدينا وينظف قلبج من هالحقد !! مثل ماقطريين يسافرون لأجل الشغل فعندنا أجانب يجون قطر علشان الشغل وهذي سنة الحياة .. الا لو انتي مو كنتي في غيبوبة من سنة جد جدي وماتدرين الدنيا شلون ماشيه فهذا كلام ثاني ومرفوع عنج القلم !!

آميييين الله يهدينا واياج للطريق القويم الذي لا عوج فيه ...

[فارس الكلمة]

على فكرة .. الجزيرة قامت و أشتهرت على يد إنسان قطري..

هو محمد جاسم العلي أول مدير يتولى إدارة قناة الجزيرة ..

نسيتوه .. و إلا شلون .. ؟

بعدين غسان بن جدو .. و خديجة بن قنة .. نجحا كمذيعين .. و ليس بالضرورة أن ينجحا في إدارة قناة الجزيرة .. هناك فرق ..

[Mishaal]

على فكرة .. الجزيرة قامت و أشتهرت على يد إنسان قطري..

هو محمد جاسم العلي أول مدير يتولى إدارة قناة الجزيرة ..

نسيتوه .. و إلا شلون .. ؟

بعدين غسان بن جدو .. و خديجة بن قنة .. نجحا كمذيعين .. و ليس بالضرورة أن ينجحا في إدارة قناة الجزيرة .. هناك فرق ..

مدري اذا انت فارس الكلمة اللي كنت في منتدى الدوحة أو لا ... :app:

لك وحشة يالطيب ... ووينك مالك شوف منزمااااان .. ;)

ـــــــــــــــــــــــــــ

نرجع لفحوى الموضوع ،

فليكن سؤالي بمثابة الجواب لك أخي الكريم ..

غسان بن جدو بدأ مسيرته كمراسل ، وبعدها أصبح مدير مكتب الجزيرة في بيروت .. وهو أشهر من نار على علم وناجح سواءاً في مسيرته وهو كمراسل أم كمدير ..!! وبشهادة الجميع المجروحة في حقه .. ومن يبتدع في مجال يرقى لمنصب أعلى ، خاصة وان كان يملك موهلات تخوله للحصول على هذا المنصب .. وهو انسان مستحق للمهمة اياها ...

[بدور]

لا تقعدين تلفقين اتهامات وتوجهينها لكل من هب ودب بحجة " قطري ومو قطري " ...

انا قطري غصبن عنج ولانيب مشاعل ولا ميشيل .. اقري اسمي بتعرفين .. هذا لو تعرفين تقرين !!

بعدين حسني الفاظج ولا تحاولين تحرجين نفسج بكلام ماله داعي ، ولا تفكرين ان الكل بيسكت عن لسانج !!

بعدين لا قطري ولا غير قطري بيسكتني عن الحق ... كلن ياخذ حقه ومثل ماقلت لج الله موجود ... ولو ما اخذ حقه من ( أكبر سلطه ) بياخذه من اللي فوقه !! قوليلي الحين الحق موجود أو لا؟!!

اما بخصوص اللي يروحون للسودان ومصر فهم كفاءه ، ومغتربين عن بلادهم ويمثلون قطر في بلاد غيرهم .. فأنتي المفروض تفتخرين فيهم مو توضخين لسانج بكلام ماله داعي الله يهدينا وينظف قلبج من هالحقد !! مثل ماقطريين يسافرون لأجل الشغل فعندنا أجانب يجون قطر علشان الشغل وهذي سنة الحياة .. الا لو انتي مو كنتي في غيبوبة من سنة جد جدي وماتدرين الدنيا شلون ماشيه فهذا كلام ثاني ومرفوع عنج القلم !!

آميييين الله يهدينا واياج للطريق القويم الذي لا عوج فيه ...



ههههههههه ظنيت كنت اتكلم مع انسان فاهم وقلبه على اعيال ديرته وعلى اسم ديرته

اللي يرفعها الرجال الاوفياء اهل قطر وبس وبس وانا فعلاً حاقده على اللي مستلمين

وظائف ومراكز مرموقه ورواتب مرتفعه جداً من الاجانب والقطري مكانك سر ليش ؟؟

لأنه في ناس مثلك مستصغر القطري ويقول ماعنده الاستطاعه يكون مسئول

وبعد اكرر واقول ما اظن انك قطري وتحطم القطري بنفس الوقت

القطري راسه عالي وان شاء الله سيرفع اسم قطر لانه قطري

الى هنا وانتهى الكلام وماعاد عندي رد لك يا الاخو وانتقي الفاظك لو سمحت

[المخلب]

السلام عليكم

للاسف الشديد الثقه غير موجوده للمواطن القطري !!

هنالك من الاشخاص من يقول !! (( الغير قطري يعمل ويكدح ومادري ايش ...الخ والقطري لاء ! )) ..

هذا كلام كبير ولازم نحط تحته الف خط ! ..

بالنسبه لعدم أختيارهم قطري يدير الجزيره !

واضح السبب .. وضاح خنفر ماكان يشغل قطرين كأعلاميين (( شفتوا مره قطري طالع مذيع ؟ )) ..

ماغيره بوسعدون الله يحفظه ! ومسكين حاطينه بالرياضه ! .. وساعات يطلع وساعات لاء !

لكن اتكلم عن الأخبار الي 24 ساعه نموت منها ! وين القطري ؟

اذكر مره في السعوديه واحد قالي : يالمخلب قناه الجزيره قطريه ؟

قالته : اي نعم ! عندك شك ؟؟

قال : لاء والله بس الي اعرفها انها تبث من قطر بس !! وله لو في قطريين كان نشوفهم على الشاشه ؟؟

قلتله : عزيزي لازم تعرف شئ ! .. يخافون ان القطري يطلع على الشاشه وله يخلونه مراسل !! فيطلع احسن منهم فيعزونه الناس ويلتفتونله ويتركون غيره ! .. فلازم تشوف السيطره لغير القطري , علشان تترسخ عند الناس والمشاهدين امثالك ! ان القطري مب كفو لهذه المهمه !! فهمت الحين ..

....

ملاحظه بسيطه : الي يقول الجزيره عالميه ومادري ايش ! ..الخ

اقوله كلامك على راسي !! لكن دام انها عالميه ابي اشوف عماني وله اماراتي وله كويتي مذيع فيها ! (( لاتقول ذوله بعد مب كفو ! )) ..

تحياتي لكم .. وان شاء الله يتم اعاده النظر في موضوع القطريين ..

[Mishaal]

ههههههههه ظنيت كنت اتكلم مع انسان فاهم وقلبه على اعيال ديرته وعلى اسم ديرته

اللي يرفعها الرجال الاوفياء اهل قطر وبس وبس وانا فعلاً حاقده على اللي مامستلمين

وظائف ومراكز مرموقه ورواتب مرتفعه جداً من الاجانب والقطري مكانك سر ليش ؟؟

لأنه في ناس مثلك مستصغر القطري ويقول ماعنده الاستطاعه يكون مسئول

وبعد اكرر واقول ما اظن انك قطري وتحطم القطري بنفس الوقت

القطري راسه عالي وان شاء الله سيرفع اسم قطر لانه قطري

الى هنا وانتهى الكلام وماعاد عندي رد لك يا الاخو وانتقي الفاظك لو سمحت

وانا ظنيت انج فاهمة وعاقل لكن خيبتي ظنوني وتوقعاتي .. فالشعور متبادل [ يالاخت ] !

وانا مايهمني بالمررررررره ان كنتي مصدقه اني قطري أو لا ... آخر همي هو فكرج عني ...

ماكنت أظن اني في يوم من الأيام بتكلم مع وحده بهالصرامه لكن اسلوبج يضطرني لذلك ...

انا ما أستصغرت القطري واقري الرد اللي اقتبستيه عدل ... لا تحورين الكلام بهواج وحسب ماترغبين وتشتهين ...

خووش انا أنتقي الفاظي عدل ؟؟؟ حاظريين عمتي اي أوامر ثانية ؟؟؟ :D

[الراما]

الغاربه والقطرين وين راحو اخوي

[Mishaal]

السلام عليكم

للاسف الشديد الثقه غير موجوده للمواطن القطري !!

هنالك من الاشخاص من يقول !! (( الغير قطري يعمل ويكدح ومادري ايش ...الخ والقطري لاء ! )) ..

هذا كلام كبير ولازم نحط تحته الف خط ! ..

بالنسبه لعدم أختيارهم قطري يدير الجزيره !

واضح السبب .. وضاح خنفر ماكان يشغل قطرين كأعلاميين (( شفتوا مره قطري طالع مذيع ؟ )) ..

ماغيره بوسعدون الله يحفظه ! ومسكين حاطينه بالرياضه ! .. وساعات يطلع وساعات لاء !

لكن اتكلم عن الأخبار الي 24 ساعه نموت منها ! وين القطري ؟

اذكر مره في السعوديه واحد قالي : يالمخلب قناه الجزيره قطريه ؟

قالته : اي نعم ! عندك شك ؟؟

قال : لاء والله بس الي اعرفها انها تبث من قطر بس !! وله لو في قطريين كان نشوفهم على الشاشه ؟؟

قلتله : عزيزي لازم تعرف شئ ! .. يخافون ان القطري يطلع على الشاشه وله يخلونه مراسل !! فيطلع احسن منهم فيعزونه الناس ويلتفتونله ويتركون غيره ! .. فلازم تشوف السيطره لغير القطري , علشان تترسخ عند الناس والمشاهدين امثالك ! ان القطري مب كفو لهذه المهمه !! فهمت الحين ..

....

ملاحظه بسيطه : الي يقول الجزيره عالميه ومادري ايش ! ..الخ

اقوله كلامك على راسي !! لكن دام انها عالميه ابي اشوف عماني وله اماراتي وله كويتي مذيع فيها ! (( لاتقول ذوله بعد مب كفو ! )) ..

تحياتي لكم .. وان شاء الله يتم اعاده النظر في موضوع القطريين ..

وضاح خنفر كلنا نبيه ينقصع اليوم قبل بكره ... هذا لا تدمجه في هالموضوع يبي له موضوع ثاني ...

بعدين المذيعين مايمثلون الدولة ، يمثلون القناة نفسها ...!! والقناة اخبارية .. مو وطنية .. هذا شيء ، الشيء الثاني عددلي القطريين اللي متخصصين اعلام ؟؟ وبمجال الإذاعة تحديداً ..؟؟ لا تقول لي الهام بدر لأن النسوان القطريات ماراح يطلعون في قناة عالمية مثل الجزيرة ، عدد لي الرياييل ... عطني واحد اثنين ثلاث لين عشر ... بعدين عيد جملتك المظللة بالأحمر !!

تبي تشتغل في الجزيرة وتبرز مكانك ك[قطري] روح ادرس اعلام .. مانشوف اعلاميين إلا جزائريين ، ومغربيين وتوانسه ... يمكن فلسطينيين .. لكن قطريين مانشوف .. ماسألت نفسك ليش ؟؟ لأن مافي قطريين متخصصين بالإعلام ...

ادرس كلامك قبل لا تدرجه ..!!

[(الفيصل)]

متابع بصمت:con2:

[Mishaal]

متابع بصمت:con2:

omen .

[المخلب]

وضاح خنفر كلنا نبيه ينقصع اليوم قبل بكره ... هذا لا تدمجه في هالموضوع يبي له موضوع ثاني ...

بعدين المذيعين مايمثلون الدولة ، يمثلون القناة نفسها ...!! والقناة اخبارية .. مو وطنية .. هذا شيء ، الشيء الثاني عددلي القطريين اللي متخصصين اعلام ؟؟ وبمجال الإذاعة تحديداً ..؟؟ لا تقول لي الهام بدر لأن النسوان القطريات ماراح يطلعون في قناة عالمية مثل الجزيرة ، عدد لي الرياييل ... عطني واحد اثنين ثلاث لين عشر ... بعدين عيد جملتك المظللة بالأحمر !!

تبي تشتغل في الجزيرة وتبرز مكانك ك[قطري] روح ادرس اعلام .. مانشوف اعلاميين إلا جزائريين ، ومغربيين وتوانسه ... يمكن فلسطينيين .. لكن قطريين مانشوف .. ماسألت نفسك ليش ؟؟ لأن مافي قطريين متخصصين بالإعلام ...

ادرس كلامك قبل لا تدرجه ..!!

عزيزي .. لحظه شوي هدي !

ترى الاعصاب مب حلوه خاصه انك انسان قطري ولك الشرف ولاي قطري غيري وغيرك ان يكون منصب مدير الجزيره لقطري !

عدل وله انا غلطان ؟

ثاني شئ .. الجمله الي باللون الأحمر لو انك قاري الي انا كاتبه كان بتعرف وشو موقعها من الاعراب ! .. واحد يسألني يقولي وين القطريين ؟ رديت عليه !! وله شرايك ؟


ثالثا : من قالك ان مافي ناس قطريين يدرسون اعلام ؟ عزيزي عمرك مريت جامعه قطر !؟؟ عمرك شفت عدد القطريين المتواجدين فقط في قسم الاعلام ؟؟

عزيزي من قالك ان مافي ناس يدرسون اعلام ؟ عطني دليل ان مافي !! وانا كل يوم صبح اشوفهم بالجامعه واسلم عليهم ! ..

بتقولي ليش ماتدرس اعلام ؟؟ اولا انت شدراك ؟! يمكن انا تخصصي اعلام ؟؟؟ :con2: ليكون تعرفني وانا مادري ؟ (( صرت مشهور على غفله )) .. ذكرني باسمك الشيخ يمكن اعرفك .

عزيزي كوني ادرس وله مادرس اعلام مايمنع انه يكون هناك خريجين قطريين !! وهم زحمه ! ..

اخيرا .. الكلام غير موجه لك ! مادري ليش رديت علي انت من الاساس من بد الأخوه المتواجدين ؟؟ بالرغم ان كلامي ليس لك انت تحديدا ! ولا لأي عضو رد على الموضوع ! كلامي بشكل عام ..

او بالاخص ..

راي قطري جالس يطالع قناه الجزيره ومحترق قلبه !


تحياتي لك .. وياريت انت تعيد صياغه ردك ! وعلى فكره ياريتك جاوبت على عدم وجود الخليجيين وخاصه اهلنا من الكويت والامارات والبحرين وعمان في هذه القناه ؟؟!! كمذيعين !

[al_lord]

يا اخوان ترى معانة القطريين في الديره مو بسبب الاجانب !!! بسبب القطريين انفسهم يعني مسئول مو واثق من نفسه ولا بشهاداته ولا بخبرته ( هذا غير عدة المناصب الي ماسكها ) تبونه يوظف قطري متعلم ومثقف يسحب الاضواء منه ويطلعه على المعاش ما يصير

مشكلتنا كمواطنين تكمن في الاداريين الذي عفى عليهم الزمن

[Mishaal]

عزيزي .. لحظه شوي هدي !

ترى الاعصاب مب حلوه خاصه انك انسان قطري ولك الشرف ولاي قطري غيري وغيرك ان يكون منصب مدير الجزيره لقطري !

عدل وله انا غلطان ؟

ثاني شئ .. الجمله الي باللون الأحمر لو انك قاري الي انا كاتبه كان بتعرف وشو موقعها من الاعراب ! .. واحد يسألني يقولي وين القطريين ؟ رديت عليه !! وله شرايك ؟


ثالثا : من قالك ان مافي ناس قطريين يدرسون اعلام ؟ عزيزي عمرك مريت جامعه قطر !؟؟ عمرك شفت عدد القطريين المتواجدين فقط في قسم الاعلام ؟؟

عزيزي من قالك ان مافي ناس يدرسون اعلام ؟ عطني دليل ان مافي !! وانا كل يوم صبح اشوفهم بالجامعه واسلم عليهم ! ..

بتقولي ليش ماتدرس اعلام ؟؟ اولا انت شدراك ؟! يمكن انا تخصصي اعلام ؟؟؟ :con2: ليكون تعرفني وانا مادري ؟ (( صرت مشهور على غفله )) .. ذكرني باسمك الشيخ يمكن اعرفك .

عزيزي كوني ادرس وله مادرس اعلام مايمنع انه يكون هناك خريجين قطريين !! وهم زحمه ! ..

اخيرا .. الكلام غير موجه لك ! مادري ليش رديت علي انت من الاساس من بد الأخوه المتواجدين ؟؟ بالرغم ان كلامي ليس لك انت تحديدا ! ولا لأي عضو رد على الموضوع ! كلامي بشكل عام ..

او بالاخص ..

راي قطري جالس يطالع قناه الجزيره ومحترق قلبه !


تحياتي لك .. وياريت انت تعيد صياغه ردك ! وعلى فكره ياريتك جاوبت على عدم وجود الخليجيين وخاصه اهلنا من الكويت والامارات والبحرين وعمان في هذه القناه ؟؟!! كمذيعين !

أرد عليك نقطة نقطة .. شوراي الدنيا ماهيب طايره ...

انا أحبذ القطريين لكني ما أمانع بالمرررره الاجانب ... بل في بعض الأحيان أفضلهم عن القطريين ... لأن بعضهم يستاهلون .. انا حقاني وربي بيحاسبني ....!!

حط غسان بن جدو في يد ، واعلاميين قطر القطريين كلهم في يد ... والله أختار غسان بن جدو لأني أعرف شخصيته وأعرف أنه انسان يعرف ان الله حق وانسان مثقف وواعي ومحترم وموزون .... وفوق هذي كله منصقل عدل في الجزيرة وتاريخ الجزيرة ...

الجملة اللي باللون الأحمر أنا أهديها لك وحطها وين ماتحطها في ردي هذا وأعرف اعرابها وين ... ومهما كان موقعها من الإعراب ، عيب عليك تقول هالكلام ... فمن باب المعاملة بالمثل ومن باب البادئ أظلم أهديك الجملة نفسها .. بروزها وعلقها تاج على راسك ، وكلن يرى الناس بعين طبعه عزيزي وانا ماقلت ان القطري مو كفو ... فإن كنت انت متعامل مع قطري يشوف هل قطر كلهم مايستاهلون فالظاهر صادتك عقده ومفكر الكل عندهم نفس التفكير ...

خوش شيء ... جايز يالاعلامي .. يمكن تكون دارس اعلام .. لا وصحفي بعد .. أو مدير عام في هيئة .. لا لا لايكون انت وزير الدولة في الداخلية ؟؟ أو رئيس مجلس الوزراء ... أو يمكن الامير نفسه .. :funny:

في بداية حديثك درت حول القطريين خااااصة .. وماخرجت من هذا النطاق ، بعدها عممت على الخليجيين ... وآخرتك بتوصل للعالم العربي ... كلهم اخواننا في الله ، اللي في الجزيرة وغيرها .. وحب لأخيك المسلم ماتحب لنفسك وهذا من كمال الدين والإيمان ... ولو في خليجيين كفاءات تخولهم لشغر منصب مذيع في الجزيرة ما أظن بيردونه ... بعدين لو بيعينون 100 مذيع ماصارت قناة ... شبره حشى مو قناة !!

وسواءاً كان كلامك موجه لي أو لغيري ... لي الحق بالرد عليه كوني من فتح هالموضوع ... وأرد على كل الردود رد يتلو الآخر .. وان كنت معارض لا ترد من اساس ... وكان الله عفوراً رحيما !!

[Mishaal]

يا اخوان ترى معانة القطريين في الديره مو بسبب الاجانب !!! بسبب القطريين انفسهم يعني مسئول مو واثق من نفسه ولا بشهاداته ولا بخبرته ( هذا غير عدة المناصب الي ماسكها ) تبونه يوظف قطري متعلم ومثقف يسحب الاضواء منه ويطلعه على المعاش ما يصير

مشكلتنا كمواطنين تكمن في الاداريين الذي عفى عليهم الزمن

مو شرط ياخي .. في قطريين كفاءة للإدارة وفيهم مايستاهلون ... لدرجة أنك تفضل الاجنبي عن القطري بعض الأحيان ..

بعدين ناخذ وزارة من الوزارات كمثال :-

وزير انقشع أو استقال ... من الاولى ، وكيل وزارة يكرف كرف اليهد ليل ونهار .. أو واحد يستلم الوظيفة باردة مبرده بحكم علاقته بـ [ فلان ] !!!

أعتقد المثال واضح .. وضوح الشمس ... ومايختلفون عليه 2 ...

وينطبق المثال نفسه على غسان وخديجه واشوف أنهم أكبر المستحقين لإدارة القناة ...

[المخلب]

أرد عليك نقطة نقطة .. شوراي الدنيا ماهيب طايره ...

انا أحبذ القطريين لكني ما أمانع بالمرررره الاجانب ... بل في بعض الأحيان أفضلهم عن القطريين ... لأن بعضهم يستاهلون .. انا حقاني وربي بيحاسبني ....!!

حط غسان بن جدو في يد ، واعلاميين قطر القطريين كلهم في يد ... والله أختار غسان بن جدو لأني أعرف شخصيته وأعرف أنه انسان يعرف ان الله حق وانسان مثقف وواعي ومحترم وموزون .... وفوق هذي كله منصقل عدل في الجزيرة وتاريخ الجزيرة ...

الجملة اللي باللون الأحمر أنا أهديها لك وحطها وين ماتحطها في ردي هذا وأعرف اعرابها وين ... ومهما كان موقعها من الإعراب ، عيب عليك تقول هالكلام ... فمن باب المعاملة بالمثل ومن باب البادئ أظلم أهديك الجملة نفسها .. بروزها وعلقها تاج على راسك ، وكلن يرى الناس بعين طبعه عزيزي وانا ماقلت ان القطري مو كفو ... فإن كنت انت متعامل مع قطري يشوف هل قطر كلهم مايستاهلون فالظاهر صادتك عقده ومفكر الكل عندهم نفس التفكير ...

خوش شيء ... جايز يالاعلامي .. يمكن تكون دارس اعلام .. لا وصحفي بعد .. أو مدير عام في هيئة .. لا لا لايكون انت وزير الدولة في الداخلية ؟؟ أو رئيس مجلس الوزراء ... أو يمكن الامير نفسه .. :funny:

في بداية حديثك درت حول القطريين خااااصة .. وماخرجت من هذا النطاق ، بعدها عممت على الخليجيين ... وآخرتك بتوصل للعالم العربي ... كلهم اخواننا في الله ، اللي في الجزيرة وغيرها .. وحب لأخيك المسلم ماتحب لنفسك وهذا من كمال الدين والإيمان ... ولو في خليجيين كفاءات تخولهم لشغر منصب مذيع في الجزيرة ما أظن بيردونه ... بعدين لو بيعينون 100 مذيع ماصارت قناة ... شبره حشى مو قناة !!

وسواءاً كان كلامك موجه لي أو لغيري ... لي الحق بالرد عليه كوني من فتح هالموضوع ... وأرد على كل الردود رد يتلو الآخر .. وان كنت معارض لا ترد من اساس ... وكان الله عفوراً رحيما !!

ماقول الا الله يصلحك ويهديك ..

وان شاء الله بتتحاسب عند الله على قد نيتك ..

ومشكلتك العنجهيه بالردود ! .. ماتقرى كلامك وتفسر كلام الغير على الي في بالك ..

وما ادراك بكره اصير وزير .. واول واحد اتغدى فيه انت :strong ..

ماتدري الدنيا دواره ..

تحياتي لك على حوارك الذرب ونتمنى لك دوام العافيه .

[Mishaal]

ماقول الا الله يصلحك ويهديك ..

وان شاء الله بتتحاسب عند الله على قد نيتك ..

ومشكلتك العنجهيه بالردود ! .. ماتقرى كلامك وتفسر كلام الغير على الي في بالك ..

وما ادراك بكره اصير وزير .. واول واحد اتغدى فيه انت :strong ..

ماتدري الدنيا دواره ..

تحياتي لك على حوارك الذرب ونتمنى لك دوام العافيه .

الله يصلح الجميع يارب ويهديك وايانا للطريق الحق ...

والله يحاسبني يارب [ على قد نيتي ] ويحاسبك كذلك على قد نيتك ... آمين .

ولين صرت يا سعادة الوزير وزير ، تعال هالمنتدى ارسل لي رسالة خاصة ..

أو تدري أكتب موضوع عنوانه ( للتثبيت ) علشان مايغفلون عنه المشرفين ..

ولما تتغدى فيني أو تتغشى .. لا تنسى تقول بسم الله أوله وآخره .. ولما تخلص قول الحمد لله

اييييه لا تنسى آجار المنجا .. ترا يحلي الأكل ولو ماعندك باجيب لك معاي :dance

فـــي أمــــان الله .

[alshobaki7]

والله مذيعة قطرية طلعت على التلفزيون من كام سنة ما حصلت تشجيع والكل قام ينتقدها ...
انحاشت وراحت روتانا خوفا من الألسن ...
وفي بعض المذيعين اللذين استطاعوا ان يسبحوا عكس التيار ويثبتوا وجودهم ولكنهم للأسف أتجهوا لقنوات فضائية أخرى ..كالكأس والقطرية الفضائية ...
كيف تبون المذيعين والمذيعات القطريين يتقدمون إذا مافي تشجيع أو دعم من الشعب والادارة ..

[Mishaal]

والله مذيعة قطرية طلعت على التلفزيون من كام سنة ما حصلت تشجيع والكل قام ينتقدها ...
انحاشت وراحت روتانا خوفا من الألسن ...
وفي بعض المذيعين اللذين استطاعوا ان يسبحوا عكس التيار ويثبتوا وجودهم ولكنهم للأسف أتجهوا لقنوات فضائية أخرى ..كالكأس والقطرية الفضائية ...
كيف تبون المذيعين والمذيعات القطريين يتقدمون إذا مافي تشجيع أو دعم من الشعب والادارة ..

ياخي خذ محمد سعدون الكواري كمثال ملموس ...

والله والنعم وسبعة انعام .. انسان مثابر مجتهد وكفو ، وفوق هذا كله شاب ووراه الدهر ليثبت كفائته أكثر وأكثر .. ولا ننسى أنه قطري ..

المشكلة الإخوان هني يبون يحولون الجزيرة الإخبارية (العالمية) إلى الوطنية المحلية ..

وخل يحاولون قد مايبون .. لكنهم بيأذنون في خرابه ومحد بيسمعهم لأن تفكيرهم تفكير همجي غير حضاري ... يشوفون المغتربين وكأنهم بهائم وحيوانات ، أما هم ... أســــود الغابة ...

" يتغدون " ويتغشون في هالناس على كيف كيفهم .. وفي الأخير يجونك يقولون الله يحاسبك على قد نيتك ... لكن ما أقول إلا (اللهم آمييييييييين) :)

[Mishaal]

والله مذيعة قطرية طلعت على التلفزيون من كام سنة ما حصلت تشجيع والكل قام ينتقدها ...
انحاشت وراحت روتانا خوفا من الألسن ...
يعني بتنحاش بتروح روتانا ؟؟

من قايل لك هالكلام وانت مصدقه ؟؟

ليش ماتقول حصلت عرض مميز من روتانا ... وراحت هناك ..

مستحيل ( تنحاش ) من قناة قطر .. وتنخش في روتانا المعروفة في العالم العربي كله !!

[سهم المراقيب]

يا جماعه طولوا بالكم ,,

قناة الجزيرة (من قطر) ليست قطرية ,, وبإمكانكم توجيه
السؤال لرئيس مجلس الإدارة ,, لذلك وجب التنوية ,,

والكفائة القطرية لا أعتقد بأنها موجودة ,, وصدقوني لو عندنا شخص يحمل فقط 50%
من كفائة غسان أو خديجة ,, فيامرحبا به ,,

وكماتبع عربي قبل أن اكون قطري ,, تهمني مراعاة الموضوعية في طروحات الجزيرة والتي لا أظن
أن اراها اذا ما كان المدير العام للقناة قطري الجنسية ,,

عالعموم نبارك مقدماً لصاحب أو صاحبة المنصب (سواء قطري أو غير قطري)
ونتمنى له التوفيق ,, والى الآمام ان شاء الله

يسلموووو مشعل

[لولوتي]

:D حوار مسلي جداً جداً:D

[Mishaal]

يا جماعه طولوا بالكم ,,

قناة الجزيرة (من قطر) ليست قطرية ,, وبإمكانكم توجيه
السؤال لرئيس مجلس الإدارة ,, لذلك وجب التنوية ,,

والكفائة القطرية لا أعتقد بأنها موجودة ,, وصدقوني لو عندنا شخص يحمل فقط 50%
من كفائة غسان أو خديجة ,, فيامرحبا به ,,

وكماتبع عربي قبل أن اكون قطري ,, تهمني مراعاة الموضوعية في طروحات الجزيرة والتي لا أظن
أن اراها اذا ما كان المدير العام للقناة قطري الجنسية ,,

عالعموم نبارك مقدماً لصاحب أو صاحبة المنصب (سواء قطري أو غير قطري)
ونتمنى له التوفيق ,, والى الآمام ان شاء الله

يسلموووو مشعل

صح لسانك ... والظاهر على هالكلام اللي قلته بيقولون عنك مو وطني .. وماتخاف ربك .. وتكره دولتك .. وانت مو قطري ... ومو بعيده يكفرونك بعد ...!!! استغفر الله العظيم .

واقول للجميع لا تنسون ان على راس الجزيرة حمد بن جاسم بن جبر ... وكفايه انه هو المسؤول الأول والأخير هناك ... وهو الآمر الناهي ... واللي تحته كلهم موظفين !

ومب عيب أخوكم المسلم يحصل على وظيفة يستاهلها ... بدل ما تحقدون عليه قولوا الله يوفقه وجعل الوظيفة تكليف لا تشريف ...!! الله يهديكم بس ..

بن عفيشة تسلم يالطيب واسمحلي على المساهمة الطويلة العريضة ..

[Mishaal]

:D حوار مسلي جداً جداً:D

هههههههههههه يا حبكم حق الطنازه :court:

[لولوتي]

هههههههههههه يا حبكم حق الطنازه :court:

لا والله ماهي طنازه بالعكس استمتعت وانا اقرا نقاشاتكم :funny:

[لمت داون111]

يا جماعه طولوا بالكم ,,

قناة الجزيرة (من قطر) ليست قطرية ,, وبإمكانكم توجيه
السؤال لرئيس مجلس الإدارة ,, لذلك وجب التنوية ,,

والكفائة القطرية لا أعتقد بأنها موجودة ,, وصدقوني لو عندنا شخص يحمل فقط 50%
من كفائة غسان أو خديجة ,, فيامرحبا به ,,

وكماتبع عربي قبل أن اكون قطري ,, تهمني مراعاة الموضوعية في طروحات الجزيرة والتي لا أظن
أن اراها اذا ما كان المدير العام للقناة قطري الجنسية ,,

عالعموم نبارك مقدماً لصاحب أو صاحبة المنصب (سواء قطري أو غير قطري)
ونتمنى له التوفيق ,, والى الآمام ان شاء الله

يسلموووو مشعل
كلامك صحيح اخوي .. بس لي تعقيب بسيط علي كلامك:D

صحيح قناه الجزيره ليست قطريه .. ولكنها تمثل قطر ولحد ينكر هالشي !!

وأي خبر او اي شي ينقال بالجزيره الكل ياخذه بمحمل انه صادر من دوله قطر .. وينسون انه القناه مب قطريه من الاساس .. ولكن بما انه هالقناه شغاله في قطر .. وارضها الموجوده عليها مهداه من سمو الامير الله يطول بعمره .. اعتقد من حق القطريين انهم يكونو اولى بمناصبها العليا !! بس لحد يسألني من لانه ماعندي خلفيه بهالمواضيع وماحب افتي في شي انا ماعرفه:)

والسموحه علي الاطاله :nice:

[Abu Deeb]

صراحه ما اعتقد في داعي لهالنقاش الحاد عن القناة أعتقد الرؤوس الكبيرة بالقناة التي تتحكم بها قطرية واهي اللي تعرف مين توظف وبأي مكان وأعتقد أن هناك العديد من الكفاءات القطرية التي تعمل في الخفاء بهالقناة وأن لهم دور فيها
وأن موبس هالوظيفة أهي الموجوده بس بالقناة وخايفين لاتكون لشخص غير قطري
من المفروض أن نكون أوعى من ذلك ونفكر بعقلانية

[المخلب]

الله يصلح الجميع يارب ويهديك وايانا للطريق الحق ...

والله يحاسبني يارب [ على قد نيتي ] ويحاسبك كذلك على قد نيتك ... آمين .

ولين صرت يا سعادة الوزير وزير ، تعال هالمنتدى ارسل لي رسالة خاصة ..

أو تدري أكتب موضوع عنوانه ( للتثبيت ) علشان مايغفلون عنه المشرفين ..

ولما تتغدى فيني أو تتغشى .. لا تنسى تقول بسم الله أوله وآخره .. ولما تخلص قول الحمد لله

اييييه لا تنسى آجار المنجا .. ترا يحلي الأكل ولو ماعندك باجيب لك معاي :dance

فـــي أمــــان الله .

مع اني مب لازم ارد عليك ..

لكن ردك عجبني :D , والله يوفقك ..

تحياتي لك ..

[(الفيصل)]

صح لسانك ... والظاهر على هالكلام اللي قلته بيقولون عنك مو وطني .. وماتخاف ربك .. وتكره دولتك .. وانت مو قطري ... ومو بعيده يكفرونك بعد ...!!! استغفر الله العظيم .

واقول للجميع لا تنسون ان على راس الجزيرة حمد بن جاسم بن جبر ... وكفايه انه هو المسؤول الأول والأخير هناك ... وهو الآمر الناهي ... واللي تحته كلهم موظفين !

ومب عيب أخوكم المسلم يحصل على وظيفة يستاهلها ... بدل ما تحقدون عليه قولوا الله يوفقه وجعل الوظيفة تكليف لا تشريف ...!! الله يهديكم بس ..

بن عفيشة تسلم يالطيب واسمحلي على المساهمة الطويلة العريضة ..


كلام كبير وخطير ... من كثر هرجه وكلامه ... كثر خطئه .. فحاسب بارك الله فيك ودقق وفكر فيما تقول ... تحياتي لك

[Mishaal]

كلامك صحيح اخوي .. بس لي تعقيب بسيط علي كلامك:D

صحيح قناه الجزيره ليست قطريه .. ولكنها تمثل قطر ولحد ينكر هالشي !!

وأي خبر او اي شي ينقال بالجزيره الكل ياخذه بمحمل انه صادر من دوله قطر .. وينسون انه القناه مب قطريه من الاساس .. ولكن بما انه هالقناه شغاله في قطر .. وارضها الموجوده عليها مهداه من سمو الامير الله يطول بعمره .. اعتقد من حق القطريين انهم يكونو اولى بمناصبها العليا !! بس لحد يسألني من لانه ماعندي خلفيه بهالمواضيع وماحب افتي في شي انا ماعرفه:)

والسموحه علي الاطاله :nice:

المنصب الأعلى في قناة الجزيرة راح لحمد بن ثامر .. والله يوفقه ،

وما نقدر نحقد على مستحق لإدارة الجزيرة بسبب هالمنصب ...

لا بالله ، مو منطق كلامك ، يعني بس لأن المقر في قطر لازم اللي فيه قطريين ...!!

اعوذ بالله شو هالحقد والغيرة ..

[Mishaal]

صراحه ما اعتقد في داعي لهالنقاش الحاد عن القناة أعتقد الرؤوس الكبيرة بالقناة التي تتحكم بها قطرية واهي اللي تعرف مين توظف وبأي مكان وأعتقد أن هناك العديد من الكفاءات القطرية التي تعمل في الخفاء بهالقناة وأن لهم دور فيها
وأن موبس هالوظيفة أهي الموجوده بس بالقناة وخايفين لاتكون لشخص غير قطري
من المفروض أن نكون أوعى من ذلك ونفكر بعقلانية

طرحت موضوع من باب المساهمة .. اللي نقز وقال كفاءات قطرية ، واللي نقزت وقالت وطنية ... وغيرهم!

ويعل ان شاء الله يستلم هالمهمة غسان بن جدو ... والله دايوم السعد :dance

[Mishaal]

مع اني مب لازم ارد عليك ..

لكن ردك عجبني :d , والله يوفقك ..

تحياتي لك ..

الجميع يارب .

[Mishaal]

كلام كبير وخطير ... من كثر هرجه وكلامه ... كثر خطئه .. فحاسب بارك الله فيك ودقق وفكر فيما تقول ... تحياتي لك

خلني أهرج .. وخلك مخرف ,,

يانسيت يا تناسيت لقاء حمد بن جاسم في قناة الجزيرة وتصريحاته حول القناة ...

أو أنك ماشفت اللقاء من اساس ... عالعموم انا ما أكتب رد عبثي وان كنت مفكر كلامي هرج فالباب يفوت جمل وخلني أهرج بنفسي .. ;)

[علي بن جبر]

الله المستعان

[ابوالجازي]

الموضوع خرج عن مساره