الفزعه ياجماعه

[الجنتل]

يالربع ابي الفزعه ابي جدول حلو حق شهر العسل عرسي في نص اغسطس ابي اسافر 20 يوم بشرط انها تكون المحطه الاولىالنمسا وبعدها ميونخ وعقبها باريس ابي من اهل الخبره الي راحو من قبل يعطوني فكره شكثر اقعد في كل بلده يعني كم يوم تستاهل يكون الواحد ما يوصل لمرحله الملل وابي المناطق الي تستاهل اقعد فيها في النمسا مثل زلمسي وسلسبرغ كم يوم اقعد فيهم يعني ابي مقترحات منك ابي جدول حلو مقسم على كذا منطقه مع الاقامه في كل منطقه كم يوم :con2:
وبالنسبه للميزانيه حق السفره نو ليمت crazy crazy crazy crazy crazy crazy

[ورقــة أمــل]

الله يهنيكم ان شاء الله

[الجني]

مبروك مقدماً يالجنتل و اليك الآتي
توصل فيينا و تأجر سياره مع GPS مع شرط توصيل السيارة في لندن
و تلف على كيفك و آخر محطة لندن و ترجع الدوحه من لندن

او 20 يوم / 4 ايام = 5 مدن
فيينا – ميونخ (+سالزبرغ+زالمسي) – جينيف – باريس – لندن - دوحه

او فكر في شيء ما تقدر تسويه اذا عندك عيال (الله يرزقك الذرية الصالحة)

دوحه – سنغافورة.........(يوم 1 الى يوم 3)
سنغافورة – طوكيو .......(يوم 4 الى يوم 6)
طوكيو – هاواي ...........(يوم 6 الى يوم 8)
هاواي – لوس انجلوس ..(يوم 8 الى يوم 12)
لوس انجلوس – ميامي . (يوم 13 الى يوم 16)
ميامي – لندن ............. (يوم 16 الى يوم 18)
لندن – فيينا ............... (يوم 19 الى يوم 22)
فيينا – دوحه .............. (يوم 22)

الله يوفقك يا الجنتل