خلونا نكون واقعيين ! الحين المشكله في الماي ؟ وله في الشامبو ؟

[المخلب]

السلام عليكم

ياجماعه مايصير في مشكله الصراحه !

الناس بدات تشتكي من شعورها !!

يدش الحمام - وانتوا بكرامه - يسبح مايشوف الا شعره يطيح !!

الصراحه حتى المشكله صادتني !! ويخوفي اقرع والسبه واحد من اثنين ! :court:

اما الشامبو الي استعمله ( مع انه في ناس يستعملون خارج قطر وشعر 100% ) ..

او الماي الي يوصل البيت فيه مشكله !


وانا ارجح المشكله الثانيه !! والسبب ان الماي صار الكلور فيه بزياده !

والصراحه شئ يخوف !!

ولليوم اذكر يوم جاء قطر خبير ياباني للمياه ! وصرح بالجرائد ان الماي الي في قطر عليه مشكله كبيره ويجب على كهرماء انها تتدارك هذي المشكله !!

مايشوف الا يتم طرده ! ويركبونه الطياره وخلوه يهج من البلد !

وبعد ما مشى تم تقديم اعتذار له في الجرائد الرسميه !!


لكن صحيح في مشكله !!

انا سبحت في دول واوصخ ماي مر علي هو ماي الظهران ! لانه ملح !!

ويليه ماي مصر 60% منه طين !! وللحين عندي اصور على الطين الي نزل على راسي من الشاور !! ..

لكن ماي قطر عجيب فيه شئ !!

يا نعرف المشكله !! يا بسبح بماي صحه ولا اطيح شعري !

وحسب كلام بعض الدكاتره على الانترنت قالوا السبب الرئيسي قد يكون الماي في تساقط الشعر ! ..

[ســـهم]

تقريبا ارجح ان أهم سبب هو الماء

والمعروف ان ماء قطر يسبب القشره وهي بالتالي التي تؤدي الى تساقط الشعر

استعلمت عدة شامبوات ومافيه فايده

نفع معاي شامبوا واحد من تركيا ولكنه يسبب احمرار في فروة الرأس وحار جدا

على البشره

لذلك اعتقد ان السبب الرئيسي هو الماء والمواد المضافه له مثل الكلور المكثف .

[خشوف]

الكلور هو السبب يوم احس انه احسن ماي للشعر البحرين ينعم الشعر

[Chambray]

والله العظيم كلامك صحيح
انا لين اسافر برع 3 ايام بس احس جسمي مب محتاج إلى كريمات ترطيب
لكن مجرد ما اتسبح في ماي الدوحة احس ان جسمي ينشف ومحتاج إلى كريمات ترطيب خاصه الوجه ..

والشعر بعد نفس المشكلة ..

الله المستعان بس

[قطر501]

انا فقدت شعري والسبب ماي قطر

[السديم]

صحيح اخ المخلب ..

ملاحظتك في محلها الماي عندنا معقم بدرجة وتركيز عالي من مادة الكلور..

الله يكون بالعون .. ومانقرع crazy

بس اخبر اللحين اجهزة تنحط على الخزان تعقم الماي واظن هذا احسن حل ..

[دلة الرسلان]

اخوي المخلب :con2: ما فيه سبب ثالث مثلا احكام السن !!!!

بس ترى صحيح الماء عندنا له دور ونسبة الكلور المرتفعة ، الاحظ حتى لون البشرة قام

يقلب :shy: لازم كهرماء لها دور:mad:

[الزاجل]

السبب الرئيسي هو

الماي

[امل الحب]

كل شي جايز ..

عموما سوا تحاليل حق الماي شوفوا شبتوصلون له..

[خاربه خاربه]

يعني بقرع :shy:

[السهم الذهبي 2007]

الماي هو السبب
لا حول ولا قوه الا بالله

[BURBERRY]

اخوي المخلب كلامك في محله

الماي المضاف له الكلور هو المشكله

و انا بعد اعاني من تساقط الشعر في كل شاور

و اذكر من فتره كنت رايح دبي و خذيت شور في الفندق و ماطاحت ولا شعره

[نوارة الدار]

والله صادق نسبه الكلور كبيره وااااااااااايد

[milan]

:funny: :funny:

يعني بقرع :shy:


:funny: :funny:

[(الفيصل)]

مسكين ماي قطر رميتوا بلاويكم عليه ... ليش ماتعترفون انكم شيبتوا وعجزتوا:D
بعد هذه الدعابه اللي اتمنى انكم تقبلتوها ... شوفوا حبايبي خذوا مني خوش نصيحه
وجربوا وراح تشوفون النتيجه.. لاتستخدمون الماء الحار في الاستحمام .. يعني خلوه فاتر ... اعرف ان الغالبيه منكم مايقدر( يصحصح) الا اذا اخذ شور حار او دافيء بس حاول بقدر الامكان هذا الماء لايصل لفروة راسك ابداااااااا وراح تشوف النتائج في خلال شهريين بالكثير.:strong ... تحياتي

[التيما]

المـــــــــــــــــــــــــــــــــــاي

[ANONYMOUS]

انا ارجح السبب الثالث

الحب

يطيح رجال.. ماتبونه يطيح الشعر

D:

[الزاجل]

انا ارجح السبب الثالث

الحب

يطيح رجال.. ماتبونه يطيح الشهر

:d
:D :D :D
لاااااا

انت اليوم بالفعل مزاجك رايق :strong

[بوخالد2]

نسبه الكلور عاليه اخوىف يالماى وشي معروف هذا في قطر حتى الحلاق التركي يقول ماى قطر سببلي تساقط في الشعر وتخشين الشعر

[ANONYMOUS]

:D :D :D
لاااااا

انت اليوم بالفعل مزاجك رايق :strong



اي شهر خخخخخ

[eXpert*]

ما لكم الا حل واحد اللي بيغسل شعره يغسله بقرشة ماي صحة وبيشوف الفرق بس الله يعينكم عقب 4 شهور بتترك هالعادة لانه بيكلفك وايد ويتحس ما تسوى الشغله وبتقتنع مثلي بانه مافي احلى من الصلع ..

[بيانو]

الماي

الماي


الماي


الماي

[عساف]

سلام عليكم ورحمة الله وبركاته

الحل عندي ومن تجربه وتنفع بأذن الله

بالنسبة للمياه التي نستخدمها فهي غير صحية 100% والسبب انها بعد التحليه تفقد كثير من المعادن الطبيعية فالمياه الجوفية هي الأفضل لحتوائها على تلك المعادن


( السبب في تساقط الشعر هو القشرة وغالباً يكون الشعر دهني )

العلاج :

المقادير: كميات متساوية من خل التفاح ( امريكي افضل نوع ) + زيت الزيتون الأصلي
تدلك بها فروة الرأس ويترك لمدة ساعة وخلال 7 - 10 ايام سترى النتيجة بأذن الله

تقبلوا تحياتي

[qatari1]

أعتقد أخوي المخلب المشكلة في شعرك:D

قد يكون للماء تأثير دون شك، بما يحويه من بعض الأملاح أو المعادن المضافة، وخاصةً أنها مياه محلاه، وليست طبيعية.

ولكن هناك عومل أخرى -أخي المخلب- تتعلق بالوراثة، والغذاء، والحالة النفسية، وأمور أخرى.

عموماً هنا بعض النصائح المفيدة لك:-

1-إغسل شعرك بماء بارد أو فاتر، وليس ساخن أبداً.

2-جفف شعرك جيداً، وخاصة قبل لبس القحفية والغترة.

3-لا توجّه الماء المندفع(الدش أو الشاور) نحو رأسك مباشرةّ.

4- عرَض شعرك للشمس والهواء قليلاً.

5-تجنب استخدام المثبتات والبخاخات، ومجفف الشعر الكهربائي الساخن.

6-استخدم بعض الزيوت الطبيعية المغذية للشعر، وخاصةً زيت الصبار، واللوز، وقليل من زيت الثوم.

ولكن بحرص لأن الثوم مادة حارقة لفروة الرأس، وقد شاهدت ذلك في رأس صديقي عندما فرك شعره بفصوص الثوم، ما أدى إلى حروق في فروة رأسه، وصدغه!:D

7- تجنب استخدام الشامبو يومياً، يكفي 3 أو 4 مرات أسبوعياً.

[المخفي]

الماي هو السبب لأحتوائه على الكلور

أحسن طريقة للتخلص من الكلور هو وضعه في سطل لمدة 24 ساعة

وهي كفيلة بتبخير الكلور تماما ثم أستخدامه للاستحمام

وشكرا

[ورقــة أمــل]

ماينا مب شي يطيح الشعرر

[ROLEX]

السلام عليكم ورحمة الله وبركاته

اخوي المخلب مشكور على طرحك الموضوع

سبب تساقط الشعر له عدة اسباب اولا الشامبو هل تضعة كل يوم

لانه السبب الاكبر في تساقط الشعر يعني تسبح يوميا عادي بس الشامبو

يومين لا يوم ايه وتقدر يوم ايه ويوم لا وبتلاحظ فرققققق كبير انا مجرب

والسبب الثاني هو ماء قطر وذلك لانك تلاحظ شعرك يكون ملبد ( متجمع معا بعضة )

وبتلاحظ هالشيء لو جربت مياة دولة ثانيه او مياة صحة لاني جربت ماي امريكا وما في اي مشكلة

والزبدة المشكلة الاكبر هي من الشامبو يوميا وجرب وعطني رايك

اخوك الرولكس

[مكنتوش]

والحالة النفسية


انا اتوقع الحالة النفسية ! اخوك المخلب متعلق ومتشير بريان والمخلب يحاتي ويتفكر كثير يوميا

ــــــــــــــــــــــــ
لكن هل تعلم علميا ان من الطبيعي ان يتساقط من 50 الي 60 من حبات الشعر يوميا !
شككتني بالماي يالمخلب crazy

[فارس 2007]

يعني بقرع :shy:

[السعدي999]

يعني بقرع :shy:


مش لوحدك كلنا بالهواء سواء

انشاء الله بتكون الموضه

ويحسدونا اللي عندهم شعر:con2:

[حنان الدنيا]

وانا ايد كلامك اخوي المخلب

[Bo3abD]

انزين حتى اهني اذا اخذ شور يطيح شعري :court:

يعني ما اظن انه الماي هو السبه