سؤال جاد للنساء اولا ثم الرجال

[الجني]

بسم الله و الحمد لله و الصلاة و السلام على رسول الله

موضوع تكاليف الزواج الجميع يعاني منه ارجو الإجابة
بوضوعية على هذا الطرح

الجانب الأول:

لدي ولد سيقترب من سن الزواج بعد سنوات قليلة و استطيع
و لله الحمد ان اصرف مليون ريال على زواجه

و لكن اليس هذا المبلغ هو و عروسه اولى به من مظاهر تجلب
الحسد و القيل و القال و غضب رب العباد

من يقبل ان يزوج بنته او اخته لشاب سيبدأ المشوار من موظف
بسيط الى ما يرزقه الله من نعمة في المستقبل بمعنى

مهر: 15,000 ريال
حفلة للرجال في البيت 10 خرفان بين الأهل و الأصدقاء
حفله للنساء في بيت العروسة لـ 50 – 80 سيدة مقربة جداً
ليش اعزم مجموع عدد سكان قطر على موضوع بسيط في الأساس
و تعيش معه كما هي عايشه في بيت ابوها و الملاحظ ان البنت (انظر الجانب الثاني)

الجانب الثاني

هناك مشكله في ثقافة البنت و الشاب
عندما يتزوج الشاب و هو من اول ولادته مع الخادمات يأكلونه
و يلبسونه و يودونه المستشفى لما يمرض و ينام معاهم في الليل
و يلعبونه و لما يكبر يصبح دلوع امه و سيارة و ربع و سفر و كريمات
و كولونبا و كابتشينو و طلباته اوامر

عندما يتزوج من بنت اهلها مربينها (و هم قلة قليلة) على انها تكون
ست بيت تنصدم مع رجل تافه لا يقدر معنى الزوجية و ينتهي بهم المطاف
بالطلاق

و العكس صحيح

عندما تتزوج البنت و هي من اول ولادتها مع الخادمات يأكلونها
و يلبسونها و يودونها المستشفى لما تمرض و تنام معاهم في الليل
و يلعبونها و لما نكبر تصبح دلوع امها و سيارة و ربع و سفر و كريمات
و كولونبا و كابتشينو و طلباتها اوامر
و تبي صالة افراح و كوشة و بطاقات فيها ورود و فراشات و تبي زوجها
يعيشها عيشه تفوق طاقة ابوها بـ 10 مرات

عندما تتزوج من شاب اهله مربينه (و هم قلة قليلة) على انه يكون رجل
يتحمل المسئوليات ينصدم مع زوجه تافهه لا تقدر معنى الزوجية و ينتهي
بهم المطاف بالطلاق

السئوال من سيزوج بنته بـ مبلغ 20,000 ريال يا اعضاء المنتدى

و صلى الله على سيدنا محمد و على اله و صحبه و سلم

[امل الحب]

عليه افضل الصلوات..
:looking:

موضوع ممتاز للنقاش..

انا اشوف من وجهة نظري ان هالايام صاير كل شي مبالغ فيه وبطريقة كبيرة والاب والام لازم يشوفون مصلحة البنت اذا كان الرجل دين واصله طيب ومايقدر يدفع اكثر من 20000-30000 مهر بس مايردونه لان الاخلاق والدين هم اصل السعادة..

وجهة نظر مو اكثر

يعطييك العافية

[Breakaway]

أنا تزوجت المباركة بأربعين ألف ريال فقط، وناوي التيسير على من يريد الزواج من أبنتي التي لن تكون دلوعة وتربية خدم وجواله في المجمعات التجارية إن شاء الله.

[ضوى]

نعم اخوي الجني سوف ازوج ابنتي ممن ارضى خلقه ودينه ولن اطلب منه الا ما يستطيعه هو ، فهذا ما تعلمته من ابي رحمه الله لانه كان يشتري رجلا بمعنى الكلمة ولا يشتري جاها او منصبا ، ونيتي ان شاء الله ان اييسر الزواج الى ابعد ما يكون على من سيخطب ابنتي

وبالنسبة لاولادي فساتخير لهم بنات طيبات يبحثون عن الستر والزوج الصالح والاستقرار وليس مهرا خياليا وحفلا فخما وديون لا حصر لها

شكرا لك اخوي على هذا الموضوع القيم

[ورقــة أمــل]

<<:shy: مش متزوجة

[خاربه خاربه]

يعطيك العافيه يارب وانا من دون شي مابي اسوي عرس ابد

ليش استحي:looking: :shy: وهذا شرطي عرس لا ابدا

ما اتخيل امشي والكل يطالع :looking: :eek2:

والاهم امتع نفسي ونصفي الثاني وهلي واهله يفرحون وبس

وحفله بسيطه في البيت وبس :looking: :shy:

[nooora]

يعطيك العافيه يارب وانا من دون شي مابي اسوي عرس ابد

ليش استحي:looking: :shy: وهذا شرطي عرس لا ابدا

ما اتخيل امشي والكل يطالع :looking: :eek2: :looking: :shy:

نفس الشي :shy: هههههههههههههههههههه

[خاربه خاربه]

نفس الشي :shy: هههههههههههههههههههه




قلاده :court: :court: :court:


أتشغمر = اتغشمر:D :dance

[شـــوق]

بالتوفيق،، ان شاء الله تحصل اللي فيها الخير حق ولدك:)

[دلة الرسلان]

صعبه اخوي بس لما يكون العريس ولد عم البنت فأن ابوها يزوجها وممكن يدفع المهر كامل

[الطرف الأغر]

بسم الله و الحمد لله و الصلاة و السلام على رسول الله

موضوع تكاليف الزواج الجميع يعاني منه ارجو الإجابة
بوضوعية على هذا الطرح

الجانب الأول:

لدي ولد سيقترب من سن الزواج بعد سنوات قليلة و استطيع
و لله الحمد ان اصرف مليون ريال على زواجه

و لكن اليس هذا المبلغ هو و عروسه اولى به من مظاهر تجلب
الحسد و القيل و القال و غضب رب العباد

من يقبل ان يزوج بنته او اخته لشاب سيبدأ المشوار من موظف
بسيط الى ما يرزقه الله من نعمة في المستقبل بمعنى

مهر: 15,000 ريال
حفلة للرجال في البيت 10 خرفان بين الأهل و الأصدقاء
حفله للنساء في بيت العروسة لـ 50 – 80 سيدة مقربة جداً
ليش اعزم مجموع عدد سكان قطر على موضوع بسيط في الأساس
و تعيش معه كما هي عايشه في بيت ابوها و الملاحظ ان البنت (انظر الجانب الثاني)

الجانب الثاني

هناك مشكله في ثقافة البنت و الشاب
عندما يتزوج الشاب و هو من اول ولادته مع الخادمات يأكلونه
و يلبسونه و يودونه المستشفى لما يمرض و ينام معاهم في الليل
و يلعبونه و لما يكبر يصبح دلوع امه و سيارة و ربع و سفر و كريمات
و كولونبا و كابتشينو و طلباته اوامر

عندما يتزوج من بنت اهلها مربينها (و هم قلة قليلة) على انها تكون
ست بيت تنصدم مع رجل تافه لا يقدر معنى الزوجية و ينتهي بهم المطاف
بالطلاق

و العكس صحيح

عندما تتزوج البنت و هي من اول ولادتها مع الخادمات يأكلونها
و يلبسونها و يودونها المستشفى لما تمرض و تنام معاهم في الليل
و يلعبونها و لما نكبر تصبح دلوع امها و سيارة و ربع و سفر و كريمات
و كولونبا و كابتشينو و طلباتها اوامر
و تبي صالة افراح و كوشة و بطاقات فيها ورود و فراشات و تبي زوجها
يعيشها عيشه تفوق طاقة ابوها بـ 10 مرات

عندما تتزوج من شاب اهله مربينه (و هم قلة قليلة) على انه يكون رجل
يتحمل المسئوليات ينصدم مع زوجه تافهه لا تقدر معنى الزوجية و ينتهي
بهم المطاف بالطلاق

السئوال من سيزوج بنته بـ مبلغ 20,000 ريال يا اعضاء المنتدى

و صلى الله على سيدنا محمد و على اله و صحبه و سلم


تحياتي لك اخو ي الجني ،، لكن اختلف معاك في نقطتين
الاولى ،، المنعمين في حياتهم كثير والي عايشين حياة الترف و الرفاهيه بعد نسبة مب بسيطه بالنسبة لمجتمعنا ،، لكن مب سبب ان نقول انهم مدلعين ومالهم شخصية او ماعندهم امكانيه لتحمل المسؤلية ،، يمكن بالعكس هذول المنعمين تشوف فيهم الركاده والحرص والرد السليم واللبق على الزوجه اذا كانت تافهه ،، والعكس صحيح يمكن تكون البنت المرفهه والمدللة ،، راكزه وفاهمه الحياه وعندها من الصبر الي يكفيها انها تمشي حياة الزوجيه بدون طلاق ،، ليش دايما نخلط الامور الحلوه بصفات سيئه
وكأن الحياة المنعمه بعيده عن الواقعيه ،، انا ضد المبالغه في هذه الامور بس لازم نقتنع انها صارت جزء من حياتنا ،، والاهم نزرع فيهم الوازع الديني والمعيار الاخلاقي الي يحدد مستوى سلوكياتهم لما يكبرون ،،
النقطة الثانية : ليش ما سألت أخوي هل ترضى ان تزوج بنتك او اختك لمن ترضى دينه وخلقه ؟

ونريد الاجوبة الواقعية بدون الطابع الماسي الي يسود أغلبية ردود أعضاء المنتدى !


جزاك الله خير اخوي على طرحك القيم وتقبل رأيي بسعة صدر

[style]

تسلم اخوي الجني على الموضوع الجيد .... بس عندي وجه نظر لالاخوات امل الحب وضوى اقولهم انه انه الكلام سهل والتطبيق صعب ......... والمثاليات بس انشوفها في الكلام بس عند التطبيق مانشوف شي ....

والله يهداك اخوي الجني رفع المبلغ اشوي 20000 الف ماتسوي شي الحين حتى لو ذباح بس انت شوف راس لخروف ابكم :court:



وتسلمون

[الجني]

اخواتي و اخواني

اشكر مشاركاتكم
امل الحب
Breakaway
ضوى
q44_
خاربه خاربه
nooora
شـــوق
دلة الرسلان
الطرف الأغر
style


الموضوع ذو شقين
المصاريف الغير مبررة: ليش يصرف ولدي مبلغ ممكن يشتري فيه بيت و يسعد البنت بدل ان يصرفة في حفلات و يجلس على الحديدة

نوعية الشاب او الشابة: انا اربي و اتعب على ولدي او بنتي و اصرف عليه علشان ازوجة بنت اهلها كل اللي تعبوه معاها فيه حطولها خادمه بـ 500 ريال في الشهر و امها ركظه وراء الأعراس و ابوها وراء المجالس و الكافيهات.

اما بالنسبة لابنتي سوف اتكفل بزواجها سواء زوجها مقتدر ام لا

[(الفيصل)]

اخي الجني ... بارك الله فيك على هذا الموضوع ولن انظر إلى الجزء الفارغ من الكأس واكتب لك عما اختلف معك فيه ... لان مااتفق معك فيه اكثر ..
ان موضوعك اخي الحبيب لم يبقى أحدا الا وتكلم فيه رجال ونساء عالم وجاهل غني وفقير وجميعهم يجمعون على مانتهيت إليه وهو ان الجميع ضد المبالغة في مصاريف الزواج وان الزوجين اولى بهذه المبالغ التي تصرف.... والمضحك المبكي اننا لانرى واقعا ملموسا لهذه التطبيلات وهذه الكلمات... فهي مجرد كلمات تتبعثر في الهوى عند الزواج......ولهذا اسمح لي ان اسرد لك وللجميع قصة موجزة حصلت معي وانا حاضر كشاهد على زواج(ملجه) في مجلس والد احدى الفتيات وهو من الاعيان ومقتدر ماليا جدا .. سئل المأذون كم المهر ؟؟ قال والد الفتاة: لاشيء .. وهنا قلت له : لايجوز لابد من مهر . فقال والد العروس: ازوج ابنتي على اية من القران الكريم . فقلت له ايضا لايجوز .. لابد من تحديد المهر . فتضايق مني قليلا فأكده له الماذون صحة ماذكرت فقال لابأس اكتب اي شيء اي مبلغ (نحن نشتري رجال) لااخفيك ان هذه الكلمة اسعدتني كثيرا .. وقلت له بارك الله لك واتمم هذه الزيجة على خير فكتب المأذون مبلغ(30.000)ريال ... وبعد اتمام المسئله انصرفنا ... واكتشفت بعد ذلك باأيام أن الزوج قام باحضار مبلغ (300.000)ريال كمهر للبنت .. انه مهر كبير بنظرك اليس كذلك؟؟ اتعلم ماهي ردة فعل والد العروس ... قال لي بالحرف الواحد ( انا انصدمت في هالناس)... والحديث ذو شجون وله ماسي كبيره لااريد الخوض فيها ...... ولكن مااريد قوله لك وللجميع أنه للاسف الغالب منا يحتال بطريقة غريبه وخبيثه في نفس الوقت في موضوع تكاليف الزواج وهي ان يضع الزوج في (الشيمه) وبمعنى اخر يرمي الكره في ملعب الزوج واهله .. وهنا يفكر الزوج ويقول انا لست اقل من فلان .. ماذا سيقولون عني ؟ بخيل .. لالا ... فيتكبد المصاريف الفوق طاقته ويرهق نفسه الى مالا نهاية ... وهذا ليس كل شيء ... فالعبء الاكبر يكون من طرف النساء واااااااه من النساء في مواضيع الزواج يتفنن بطريقة مرعبه لارهاق الزوج وكأنهن ينتقمن منه ومن اهله وكل ذلك لليله واحدة حتى يتكلم الناس عنهن ليوم او لايام لاأكثر ... او بقصد وهم اسعاد ابنتهن والضحية من؟ زوج وزوجة في مقتبل العمر ..وماسبق ذكره لاينطبق على الجميع ولكن للغالبيه العظمى .... اسئل الله لي وللجميع الهداية.... وبارك الله لك ولأبنك ويسر لكم زواجه وقسم له الزوجه الصالحه التي تسعده واخلفه الذرية الصالحه ان شاء الله.. ومبروك مقدما .. تحياتي لك

[السديم]

أخي الجني ..

بعيدا عن المثالية والصورة الماسيه كما ذكرت اختي الطرف الاغر ..

ان كنت انت بمستوى اجتماعي ومادي ميسور اكيد تبي لولدك زوجه من نفس الطبقة والمستوى صح ؟؟
طيب لما تروح تخطب له تتوقع ال 20 الف بتكفي في هالزمن !!!
ليش مانتكلم بالمعقول !!
يعني يا اما اصرف مليون ولا 700 الف او 20 الف ؟؟
مافي حل وسط مثلا ؟؟
تقول نسوي العرس في البيت ؟؟ اللحين من يسوي عرسه في البيت ؟؟؟ بيوتنا كبيره ماشاءالله وعندنا مساحات فيها لكن !! وين بتقعد الناس على الارض ؟؟
يا اخوي الزمن تغير والناس تغيرو اوكي نسوي في البيت احسبها بس من تأجير سجاد وكراسي وطاولات واضاءه واذا كان الجو صيف ضيف مراوح و و و و الخ والحسبة عليك ..
وان لجأت الى القاعات تعال واحسب بعد !!
صحيح في اهالي يبالغون في طلبات العرس بس بالمقابل في اهالي يشترون الرجال لكن مب انهم مايبون عرس او يكون بهالطريقه لا ..
يكون عرس بسيط المهر متفق عليه يكون بمستوى المعرس ومايرهق ميزانيته ..
يعني انا اختي تزوجت زوجها دفع اللي يقدر عليه والله ماطلبنا شي واي زيادات بالعرس احنا تكفلنا فيها لان هو مش ملزم هو هذا مقدوره واحنا نبي نعرس بنتنا ونستر عليها لازم نتعاون ..

ومن رأيي بخصوص المهور الدولة لازم تتخذ خطوة تجاه الفنادق والقاعات تعطي قروض ميسره بدون فوائد للمقبلين على الزواج يمكن شوي يحل الازمه اللي عايشين فيها شبابنا ..
واتفق مع اخي الفيصل حزات اهل العروس مايطلبون شي اهل المعرس هم يضغطون على نفسهم بنفسهم ..

اما بخصوص الحياه المرفهه اكيد يوم تروح تخطب لولدك بتسأل عن البنت وعن تربيتها وعن معيشتها وبتعرف كل الامور هذي لانها امور ظاهره .. وانت تقدر تحدد تنفع له ولا لا ..
وايد طولت اسمح لي :)

[التيما]

انا مثال حي للي تزوجت بمهر بسيط وانفصلت لانه ما قدر هالشي ولا تقولون لانه مو قد هالشي لا لان الرياييل لازم تدفع دم قلبها عشان تحس بقيمه المره .. لانهم ما يشوفون ولا يتكلمون الا بهالمنطق .. اتكلم من خبره .. تخيلو انكم شريتو خيشه بصل وخيشه ذهب وشي اللي بتحافظون عليها وبتدارونها يا رياييل هالزمن ؟؟؟

والحين اقول لالالالا اسفه ما اايد لازم يدفع مهر شنو 20000 الف شيسوي هالمبلغ على الاقل 40 الف مبلوعه .. واما عالعرس مو مشكله مب لازم عرس وطقطقه نسافر فيها ابرك عشا بسيط وخلاص مو غلط

[ام بناتي]

السلام عليكم ورحمة الله وبركاته

اخوي الجني بسألك ليش تستكثر المهر المعقول على البنت بالأخص في هالزمن اللي الغلا فيه ماينوصف
يعني لو ان الوحده بتشتري اغراض جديده اشيا جديده وخاصه لحياتها الجديده تفتكر الـ 20000 بتكفيها ولو قلنا انها ممكن تشتري اللي بيكون فخاطرها واللي يسعدها ويسعد شريك حياتها عقب الزواج بعد مو مشكله
وصحيح الارقام صارت خياليه بالنسبه للمهور ومبالغ فيها جدا والله يهدي الجميع
بس حط في بالك المصروفات اللي تحتاجها الوحده عشان تظهر بلوك جديد مثل مايقولون بعد الزواج وبالأخص جدام الزوج طبعا مو بس للمظاهر و خذ لك لفه على المحلات وشوف الاسعار واحسب ولا تنسى الصالون ليلة العرس وشوف هال 20000 تكفيها

يمكن قبل كانت كفايه لكن الحين لالالالالا مستحيل

للعلم 3من خواتي وفي خلال الخمس سنسين اللي فاتو تزوجوا والله سهل عليهم بمهور ماتعدت ال30000

المهم الله يوفقك ويوفق الجميع في اختيار الزوجات الصالحات والأزواج الصالحين اللي يستحقون ثقلهم ذهب

[ام بناتي]

واحب اضيف اذا سمحت لي ان شبابنا ما شاء الله عليهم انشوفهم مايستكثرون على انفسهم شرا السييايير وباغلى الاسعار ولا السفرات ولا اي شي يسعدهم ويهنيهم
ليش عند المهر تطلع العيون ولا عشان هالمهر بتصرفه البنت مو هو

وكلي شكر

[ANONYMOUS]

مشالله

اشوف المثاليه والسرياليه ( شدخل) طلعت في الردود..

خلوا عنكم السوالف.. كل البنات يبون مهر يكسر الظهر.. وعرس خيالي...

واللي تقول غير هالشي تراني حاضر.. بتزوج ب 10000 ريال..

وترا ماعندي بيت.. وسيارتي تمشي تمام وفيها مكيف و سي دي :)

اني فالنتيير ؟؟

:)

[الزاجل]

اتفق معاك يالجني ..

المفروض الفلوس اللي تنصرف في مظاهر مالها معنى
تنصرف على مستقبل العروسين ..
كشراء بيت او أرض او غيره ..

بس للأسف الشديد الثقافة المنتشرة عندنا
هي لابد من صرف هذه المالبغ على ليلة وحدة فقط
بغض النظر اذا كانت فلوس ديون او فلوس تبرعات
او فلوس قد يحتاجها الزوجين للمستقبل ..

اما بخصوص التربية
اللحين اتحصل ناس ما يرضون
تقول للبنت قومي يبي لي قلاص ماي
والا هدوا فيك .. ليش بنتي خدامة ؟

صارت البنت تاكل واتمش يدها ومالها خص بشي
عكس قبل اللي كانت البنت تساعد امها في كل شي ..

بس اكيد الأسر الفاهمة ما تهمل نقطة تدريب البنت
على الاعتماد على النفس ومساعدة الآخرين ..

اما الشباب اللي يعينهم
ويعينا عليهم ..

[الزاجل]

واحب اضيف اذا سمحت لي ان شبابنا ما شاء الله عليهم انشوفهم مايستكثرون على انفسهم شرا السييايير وباغلى الاسعار ولا السفرات ولا اي شي يسعدهم ويهنيهم
ليش عند المهر تطلع العيون ولا عشان هالمهر بتصرفه البنت مو هو

وكلي شكر
انت مب انا
مراحب ..

يعني من العدل .. ان يعمل الشاب ويطلع من الصبح
ويكد في الشغل ويتعب .. وما يشتري له الشي اللي خاطره فيه ؟


فهل مكتوب عليه انه يشتري مرة بفلوس
مثل ما يشتري سيارة او يصرف على نفس في سفراته ؟

فهو لو تزوج راح تكشخ زوجته معاه في السيارة
وراح تسافر معاه سفراته ..

فليش كل هالبذخ في العروس
وكسر ظهور الرجال بحجة ان الرجل ما يقصر على نفسه ؟

طبعا ما بيقصر على نفسه
لأنه تعب على فلوسه .. وما بيقصر على زوجته لو الفلوس
هذه راح تستفيد منها العروس بالدرجة الأولى ..

ولكن نص المبلغ ينصرف على مظاهر مالها اي داعي
فهذا هو الأمر المرفوض ..

[ضوى]

تسلم اخوي الجني على الموضوع الجيد .... بس عندي وجه نظر لالاخوات امل الحب وضوى اقولهم انه انه الكلام سهل والتطبيق صعب ......... والمثاليات بس انشوفها في الكلام بس عند التطبيق مانشوف شي ....

والله يهداك اخوي الجني رفع المبلغ اشوي 20000 الف ماتسوي شي الحين حتى لو ذباح بس انت شوف راس لخروف ابكم :court:



وتسلمون



اسمح ارد عليك في النقطة اللي تخصني

انا ما اتشدق بمثاليات ما اطبقها ، لو عندي بنت في سن الزواج كنت زوجتها باللي يقدر عليه الزوج وما ارح احطه في الشيمة مثل ما قال اخوي الفيصل لانه نعرف ربنا عدل والحمد لله تربينا عدل على حفظ النعمة وعدم تبذيرها ولي في ابوي وامي اكبر نموذج بهالحياة
وللعلم فقط مش اكثر احنا تسع بنات كلنا تزوجنا بمهور قليلة ، المثاليات مش كلام الا تطبيق بعد
الزمن صعب نعم ، الغلا فاحش نعم ، بس لما انا اكسر ظهر الولد بمهر بذيك الحجاية اشلون اثق انه ممكن يهنيها ؟؟؟ وهو عليه ديون كاسرة ظهره؟؟ يعني العرس بدل ما يسعده يتعسه ، انا ادور السعادة لبنتي ادور لها الستر ادور لها رجل يحفظ كرامتها وطول عمرها تكون كبيرة بعيونه ، والفقير الله بيغنيه من فضله

للمرة الألف لو عندي بنت والله ازوجها باللي يقدر عليه المتقدم ، لا انا ولا ابوها من النوع الجشع او الطماع ،اهم شئ سعادتها

المثالية والقيم موجودة بكل زمان ومكان واللي يقول صعب لا يحكم على غايب

تحياتي

[eXpert*]

الكلام سهل والكل قاعد يتكلم بس لاجا وقت الصدق طلعت طلبات لايقبلها عقل !!!


والحريم كل يوم طالعين بتقليعات همها كسر الجيب وخلاص ،،،اللي تبي كوشة تحتها سمك حي يسبح واللي تبي داخل القاعة فراشات تطير و تضئ في الليل (نسيت اسم الفراش) <=== من وين اجيبه بالله !!! وطالعين لنا بصباحية العرس اقل شي سيارة ولازم تكون صناعة كلاهان الالمانيّ يعني الكوري ما ينفع ؟؟

انا اشوف الواحد يتمّلك ويسوي عزيمة للمقربين ويسافر شهر عسل ولما يرجع يسوون الاستقبال(الهدية) والله يتمم ويبارك احسن من هالحل ما فيه . والفلوس بدل لا اخسرها على مصاريف شكلية احطها اقل شي في حساب الزوجة على الاقل تأمن مستقبلها افضل من حرقها في ليلة وحده...


ارحموا من في الارض يرحمكم من في السماء

ترى الدور بيجي على اعيالكم وبناتكم فسهلوا على عيال الناس وبناتهم علشان الله يبارك لكم ولهم في حياتهم .

وجهة نظرّ .

[قطري في لندن]

اخوي الكلام سهل بس الفعل صعب تدري ليش اذا سوه عزيمه عشان ولده بقولون زوج ولده وماعزمنه نفس ماعزمناه وحتى الحريم يمكن الحريم بعد اكثر

[الزاجل]

اخوي الكلام سهل بس الفعل صعب تدري ليش اذا سوه عزيمه عشان ولده بقولون زوج ولده وماعزمنه نفس ماعزمناه وحتى الحريم يمكن الحريم بعد اكثر

شوف يا قطري ..

عزمية عن عزيمة تفرق ..

لما اسوي عرس حق ولدي
واعزم ربعه وربعي ..والجيران والاقارب ..

غير لما اخوي يعزم ربعه
وولد عمي يعزم جيرانه
وولد خالتي الموظفين معاه ..

فهمت علي وين المشكلة ؟

نفس الشي بالنسبة للحريم
كل وحدة من خوات العروس تعزم رفيجاتها في الشغل
وكل اخو يعزم حريم ربعه
وغير الأم والأهل والجيران
نفس الشي للعروس ..

في ناس مقتدرين وربنا منعم عليهم
لسووا عرس
خلوه 200 بطاقة بالكثير
وشخصية ..

المشكلة تفكيرنا منصب على المظاهر
وما نفكر الا اشلون نرضي الناس
اللي مستحيل يرضيهم شي ..:court:

حتى لو على حساب ظهور عيالنا ..

[(الفيصل)]

انت مب انا
مراحب ..

يعني من العدل .. ان يعمل الشاب ويطلع من الصبح
ويكد في الشغل ويتعب .. وما يشتري له الشي اللي خاطره فيه ؟


فهل مكتوب عليه انه يشتري مرة بفلوس
مثل ما يشتري سيارة او يصرف على نفس في سفراته ؟

فهو لو تزوج راح تكشخ زوجته معاه في السيارة
وراح تسافر معاه سفراته ..

فليش كل هالبذخ في العروس
وكسر ظهور الرجال بحجة ان الرجل ما يقصر على نفسه ؟

طبعا ما بيقصر على نفسه
لأنه تعب على فلوسه .. وما بيقصر على زوجته لو الفلوس
هذه راح تستفيد منها العروس بالدرجة الأولى ..

ولكن نص المبلغ ينصرف على مظاهر مالها اي داعي
فهذا هو الأمر المرفوض ..
:app: :app: :app: انت كذا>>>>>:nice:

[الزاجل]

:app: :app: :app: انت كذا>>>>>:nice:
:shy: :shy: :shy: .........> شكرا

[alwahesh]

نعم اخوي الجني سوف ازوج ابنتي ممن ارضى خلقه ودينه ولن اطلب منه الا ما يستطيعه هو ، فهذا ما تعلمته من ابي رحمه الله لانه كان يشتري رجلا بمعنى الكلمة ولا يشتري جاها او منصبا ، ونيتي ان شاء الله ان اييسر الزواج الى ابعد ما يكون على من سيخطب ابنتي

وبالنسبة لاولادي فساتخير لهم بنات طيبات يبحثون عن الستر والزوج الصالح والاستقرار وليس مهرا خياليا وحفلا فخما وديون لا حصر لها

شكرا لك اخوي على هذا الموضوع القيم


المشكله ان ابوها ما راح يطيعج والرأي الاول والاخير له ((د يوقراطي عربي )


اكيد الاخلاق اهم شي بس وش تفيد الاخلاق وبنتج تسكن في خرابه ولا مع اهل الزوج .
الواحد يكون منطقي شوي ..اليوم وبكل صراحه الراتب اول شي وبعدين الاشياء الثانيه
طبعا ما اقصد ان ( طالب القرب ) يكون سكير وعربيد او ( الزوجه الي اختارها ولدي ) تكون ؟؟؟؟؟؟ اكيد الالتزام بالدين والعادات والتقاليد من الاعراف

[badr_vip55]

جزاك الله خير اخوي الجني على الموضوع المهم

اخوي الجني بصراحه انا اتفق معاك في هالموضوع الي طرحته بان تربية الاطفال لازم الام تربيهم وتعتني فيهم ويقتصر شغل الخادمه على شغل البيت من طبخ ونظافه وغيره

لان مثل ماقلت دايما لرست تربية الولد او البنت على الخادمه دايما تطلع فاشله الولد بتصير مشاعره وردية وحساس ياربي عليه والبنت نفس الشي مافي شي اسمه عيب عندها مراح تكتسب العادات والتقاليد الي احنا متقيدين فيها يالخليجين

وبالنسبه يالجني للنقطه المهمه وهي الزواج اغلب الناس حاليا يطلب اشياء خياليه ومهر عالي ولازم يكون العرس في فندق 5 نجوم واذا فيه 10 يكون احسن واخر شي تبقى البنت ستاند باي في البيت حتى اشعار اخر واخر شي يتجاوز عمرها 30 سنه وتقول في بالها ليش محد خطبني وانا في اعتقادي ان الاهل لمن يطلبون من المتقدم طلبات خياليه اهم ناس مادين
يفكرون بالماده مثل ماتقول الي يدفع اكثر يلقى فرصه اكبر كانها بيعه مب زواج مايفكر في اخلاق الواحد او دينه اهم شي ينفذ الطلبات وبس


تحياتي لك على الموضوع الرائع

badr_vip55

[الطرف الأغر]

انت مب انا
مراحب ..

يعني من العدل .. ان يعمل الشاب ويطلع من الصبح
ويكد في الشغل ويتعب .. وما يشتري له الشي اللي خاطره فيه ؟


فهل مكتوب عليه انه يشتري مرة بفلوس
مثل ما يشتري سيارة او يصرف على نفس في سفراته ؟

فهو لو تزوج راح تكشخ زوجته معاه في السيارة
وراح تسافر معاه سفراته ..

فليش كل هالبذخ في العروس
وكسر ظهور الرجال بحجة ان الرجل ما يقصر على نفسه ؟

طبعا ما بيقصر على نفسه
لأنه تعب على فلوسه .. وما بيقصر على زوجته لو الفلوس
هذه راح تستفيد منها العروس بالدرجة الأولى ..

ولكن نص المبلغ ينصرف على مظاهر مالها اي داعي
فهذا هو الأمر المرفوض ..

خلاص عيل مب لازم عرس بس خل يكتب السياره باسم زوجته اذا انهم بيكشخون فيها مع بعض :D

[الزاجل]

خلاص عيل مب لازم عرس بس خل يكتب السياره باسم زوجته اذا انهم بيكشخون فيها مع بعض :D
:looking: :looking: :looking:
يعني تبي السيارة بدل المهر وتكاليف العرس؟ :D
و تسافر وياه عقب حفلة بسيطة وعشى ؟
وتستانس بسفرة وترجع ويشتري سيارة ثانية
وتصير عندهم سيارتين ؟ :con2:

[الطرف الأغر]

:looking: :looking: :looking:
يعني تبي السيارة بدل المهر وتكاليف العرس؟ :D
و تسافر وياه عقب حفلة بسيطة وعشى ؟
وتستانس بسفرة وترجع ويشتري سيارة ثانية
وتصير عندهم سيارتين ؟ :con2:


:D :strong

[ANONYMOUS]

اخر التقليعات

في صالة العرس.. يحطون برجه في النص.. و وقت دخول العروس.. تدش تسبح على اصوات موج البحر.. ويوم توصل الكوشه.. تستقبلها 4 فلبينيات بفوطه ينشفونها.. وتقعد ع الكوشه.. ونفس الشي المعرس


نطروا كم سنه بتتطبق الفكره

:)

[لمت داون111]

ونريد الاجوبة الواقعية بدون الطابع الماسي الي يسود أغلبية ردود أعضاء المنتدى !

جزاج الله خير اختي الطرف الأغر

احنا نشوف شي .. ولكن بالواقع شي ثاني .. وانا متأكد انه كل من يقول بسهل الامور لزواج ولدي او بنتي .. بالاخير ردوده لاهل العروس او المعرس انه الحياه صعبه ومتطلباتها اصعب ومايصير مهر شوي جذي

مع احترامي الشديد لكل الاخوان والاخوات .. بس ياريت الصراحه تكون علي مستوى اكبر .. او يكتب نشوف المستقبل ايش يخبي لنا وخلاص :)

[لمت داون111]

مشالله

اشوف المثاليه والسرياليه ( شدخل) طلعت في الردود..

خلوا عنكم السوالف.. كل البنات يبون مهر يكسر الظهر.. وعرس خيالي...

واللي تقول غير هالشي تراني حاضر.. بتزوج ب 10000 ريال..

وترا ماعندي بيت.. وسيارتي تمشي تمام وفيها مكيف و سي دي :)

اني فالنتيير ؟؟

:)
كلام جميل ومقنع :)

والاخ الزاجل ماقصر بعد ما شاء الله .. ولا باقي الاخوان

واسمحولي بس بصراحه مليت من هالنقاش في مثل هالمواضيع .. لانه اغلب الردود المسموعه صارت معروفه

كل واحد عارف ألي له وألي عليه .. ولين بتزوج اكيد بشوف لي بنت الحلال الي تصوني وتحفظ زوجها واعيالها ..

بالنسبه حق خساير الزواج من البدايه ممكن تتعوض حتي لو كانت فيه خساير وديون بالبدايه .. كلها كم سنه وبتخلص الديون .. اهم شي اكون خسرت ودفعت علي شي يستاهل ..

انا تفكيري ابي زوجه تسعدني واسعدها .. وتشيلني واشيلها .. وانا وهي نتعلم علي الابوه والامومه ونربي اعيالنا احسن تربيه .. وهذي المرحله الصعبه الي اتمني اكون قدها ان شاء الله

خساير الزواج وماغيره .. كله يتعوض بأذن الله أذا فعلا لقيت الزوجه الي تستاهل كل ريال خسرته عليها :deal:

للعلم .. تراني مب بطران ولا راتبي قوي .. بالعكس علي قدي وحامد ربي ليل نهار علي النعم .. عشان محد يقول اووه شعنده لمت داون ماتهمه الفلوس :court:

وقناعتي من هالكلام الي اقوله انه ياما ناس تزوجوا وخسروا بالملايين وبعد شهرين نسمع بطلاقهم .. واخرتها المره مهرها عندها وبيجيها ريال ثاني .. بس الي طلقها بيتضرر نفسيا وماديا .. وخساير واقساط علي سنين اخرتها علي ولا شي !! عشان جذي خلنا نفكر بقدام شوي احسن

والسموحه علي الاطاله :)

[لمت داون111]

واحب اضيف اذا سمحت لي ان شبابنا ما شاء الله عليهم انشوفهم مايستكثرون على انفسهم شرا السييايير وباغلى الاسعار ولا السفرات ولا اي شي يسعدهم ويهنيهم
ليش عند المهر تطلع العيون ولا عشان هالمهر بتصرفه البنت مو هو

وكلي شكر
اول شي ياهلا ومرحبا فيك بالمنتدي بين اخوانك واخواتك :nice: .. بس ياريت تحدد يا ( انت ) هل انت واحد ولا وحده :court:

بس عندي تعقيب بسيط الشيخ .. ترا مب كل الشباب مثل ماتقولcrazy

اعرف شباب وايد قنوعين بحياتهم .. والحمدلله وبلا مفاخره .. اخوك لمت داون واحد منهم والف الحمدلله

عندي GXR2002 والحمدلله راضي فيه ولا عمري فكرت ابيعه .. بوالين ورنقات ومخفي ورقم حليو وخلاص ;) .. ولا عمري غرتني مواتر وارقام غيري .. والحمدلله تراني عايش والحمدلله وغيري مب لاقي حتي كورولا يركبها وانا اخوك.. ( مع احترامي لاصحاب الكورولات بالمنتدي;) )

بالنسبه السفرات طال عمرك ماكذب عليك لو اقولك مابخاطري اسافر برع واروربا نفس العالم .. بس مابي احط علي نفسي ديون واتعب نفسي .. مع اني والله مقتدر واقدر اسويها واقص تذكرتي والاسبوع الجاي تحصلني شابك النت من لندن وباريس .. بس شفيها دول الخليج وانا اخوك ؟ مابتخسر ربع الي بتخسره هناك .. وبنفس الوقت وناسه مع اهلك او ربعك ..

الجوهر في الفكره وتغيير الجو والوناسه بالمعقول وليس المفاخره بالمكان الي بتروح له .. انت وناستك علي السفره كلها اسبوعين او ثلاث .. وعقب بترد للديون وبتتحسف انك سافرت .. وهالشي شفته وايد علي ربعنا ويقول ليتني ماسافرت وخسرت المبلغ الفلاني .. وكيفه هو الي جاب لنفسه :court:

وناوي هالسنه اصيف في الامارات اسبوع عن خاطري .. وعقب اسبوع بالبحرين عند اعيال الخال :nice:

ويمكن اروح مصر مع الوالد اسبوع بعد لو الله كتب ( الله يطول بعمره دامه هو بيدفع مابقول لا:app: )

ولاتظن اني مكبوت وحارم نفسي .. بالعكس ياخووي انا البس واستانس وعايش حالي حال غيري واصرف واروح واجي .. بس علي قدي ولا مفاشر ( علي قولت اخواننا البحرينيين:D )

وللعلم ترا انا ماقول هالكلام عشان اراويك اني مثال للشباب او اني الي ماتفرط حق الزواج ( خف علينا يا ذابح البنات انت :eek2: ) والله يالغالي بالعكس حزات اسوي اشياء غبيه .. وحزات اشتري اشياء غبيه او اخسر فلوسي علي اشياء ماتستاهل .. بس عقب اتحسف .. وغلطه الشاطر بألف !! اذا الغلطه البسيطه ممكن تخسرني وايد .. فمابالك بألي يشتري لنفسه سياير اخر موديل ويدلع نفسه علي سفرات ويخسر الاف الالاف !! يعني يالغالي نستفيد من اغلاط غيرنا .. وحاول انك ماتخلي التجارب الصعبه الي تصير لغيرك انها تصير لك لانه نهايتها واضحه بالضياع من ديون وغيره :)

عشان جذي يالغالي هذول الي تشوفهم مدلعين انفسهم سيايرر وارقام وسفرات انطر عليه سنتين ولا ثلاث وبتشوفه يفرك راسه فرك ومتندم بقووه .. وهالشي اخوي الكبير مر فيه .. وتحسف قد شعر راسه وعليه ديون ليومك من سنه 97 وهو يسدد كله من الزبو الزايد الي ماله داعي .. للعلم كل سنه كان في اوروبا وكل سنه يبيع سياره ويطلع الثانيه من الوكاله اصفار !! ودلع عمره صح لين ماضاع في بحر الديون .. والحين والله ماعنده سياره حتي .. وبل يالله قدر يتزوج واكاه يسدد ديونه ويحاول يوقف علي ريوله شوي شوي .. والحمدلله انا مستفيد كثير من نصايحه وهو بنفسه يحذرني من الي سواه بنفسه وقالي لاتغلط غلطاتي .. علي الاقل هو لحق علي عمره ولو متأخر شوي .. بس غيره وصلو الثلاثينات وعايشين حياتهم علي الزبو .. وبيستانس اليوم وبكره راح يبكي والله يعينه ان شاء الله

والسموحه علي الاطاله الطويله من قلب :D .. لك اجمل تحيه .. ومره ثانيه ياهلا فيك بالمنتدي :nice:

[المخباط]

بعد ما قريت رواية لمت داون اللة يرزقة على نياتة :D دور اطروحة الدكتوراة اللة يعينكم
باقولكم على حسبة عروس توها متزوجة تعرفون كم يكلف الزواج الحين بالمستوى العادي بدون مفوشر:deal:
القاعة اذا ل200 مدعو تكلف 30000 :eek2:
اذا العرس بيكون في البيت تأجير الزل والكراسي وغيرة اقل حاجة 10000 :eek2:
الكوشة ارخص شي كرسيين وكم وردة ب6000 :eek2:
تزيين الطاولات اقل شي حق الطاولة اذا عليها ماي صحة ودلة قهوة وشاي 300 وعليكم الحساب اذا عدد الطاولات 20 :eek2: :eek2:
التصوير مش اقل من 4500 اذا توة فاتح وانتوا اول الزباين:eek2:
الفرقة (الطقاقات) مش اقل من 10000 مع النقوط:eek2:
حنة العروس اقل شي 600 :eek2:
مكياج العروس والتسريحة 3000 اقل شي :eek2:
تأجير فستان ب5000 :eek2:
جهاز العروس ملابس ومكياج وعطورات 10000 بالراحة :eek2:
ما شرت ذهب ولا مجوهرات ولا ساعة( قنوعة):eek3:
وكل منكم يختار على حسب الميزانية اللي حاطها:nice:
من رأيي ان اغلب الخساير تكون في التغليفات وتزيين الطاولات والتوزيعات والكوش المبالغ فيها ودخلة العروس على اغاني( دي جي)اشفيها اغاني الفرقة الموجودة تعرفون بعضهم قام
يغير ديكور القاعة بكبرة وبذيك الحكاية 100000 ان ما زادت بعد:eek2:
هذي الزيادات اللي اشوف ما لها داعي :court:
تعقيب بسيط ال20000 ما تجهز عروس يمكن يوافقون اهلها بس بيضطرون يدفعون من جيبهم:D عشان يغطون جهاز بنتهم :)
شرايكم :con2:

[لمت داون111]

بعد ما قريت رواية لمت داون اللة يرزقة على نياتة :D دور اطروحة الدكتوراة اللة يعينكم
باقولكم على حسبة عروس توها متزوجة تعرفون كم يكلف الزواج الحين بالمستوى العادي بدون مفوشر:deal:
القاعة اذا ل200 مدعو تكلف 30000 :eek2:
اذا العرس بيكون في البيت تأجير الزل والكراسي وغيرة اقل حاجة 10000 :eek2:
الكوشة ارخص شي كرسيين وكم وردة ب6000 :eek2:
تزيين الطاولات اقل شي حق الطاولة اذا عليها ماي صحة ودلة قهوة وشاي 300 وعليكم الحساب اذا عدد الطاولات 20 :eek2: :eek2:
التصوير مش اقل من 4500 اذا توة فاتح وانتوا اول الزباين:eek2:
الفرقة (الطقاقات) مش اقل من 10000 مع النقوط:eek2:
حنة العروس اقل شي 600 :eek2:
مكياج العروس والتسريحة 3000 اقل شي :eek2:
تأجير فستان ب5000 :eek2:
جهاز العروس ملابس ومكياج وعطورات 10000 بالراحة :eek2:
ما شرت ذهب ولا مجوهرات ولا ساعة( قنوعة):eek3:
وكل منكم يختار على حسب الميزانية اللي حاطها:nice:
من رأيي ان اغلب الخساير تكون في التغليفات وتزيين الطاولات والتوزيعات والكوش المبالغ فيها ودخلة العروس على اغاني( دي جي)اشفيها اغاني الفرقة الموجودة تعرفون بعضهم قام
يغير ديكور القاعة بكبرة وبذيك الحكاية 100000 ان ما زادت بعد:eek2:
هذي الزيادات اللي اشوف ما لها داعي :court:
تعقيب بسيط ال20000 ما تجهز عروس يمكن يوافقون اهلها بس بيضطرون يدفعون من جيبهم:D عشان يغطون جهاز بنتهم :)
شرايكم :con2:
جزاج الله خير اختي ألي بالبدايه اختي دلة الرسلان .. ويرزقنا وياج الخير يالغاليه :)

وبالنسبه للتكاليف .. كل شي يهوون اذا لقيت بنت الحلال

يعطيج العافيه :nice:

[المخباط]

جزاج الله خير اختي ألي بالبدايه اختي دلة الرسلان .. ويرزقنا وياج الخير يالغاليه :)

وبالنسبه للتكاليف .. كل شي يهوون اذا لقيت بنت الحلال

يعطيج العافيه :nice:
ولك من الخير مثلة :nice:
بس العتب:eek2: على النظر شكلك ما تشوف؟ شجاب دلة الرسلان في السالفة:con2:

[امل الحب]

بالنسبة للاخ style هذي وجهة نظر مو مثالية ..

الحين العرس بس القاعة والبوفيه والبطاقات تكلف بحدود 80-100 الف غير الخطوبة غير الشبكة غير المهر غير وغير لو تحسبها تطلع لك مب اقل من 500الف اذا مب اكثر فليش المبالغة مالها داعي يعني لازم الطقطقة والقاعة الفلانية والطقاقة الفلانية عشان الناس يتكلمون عن عرسي.. لا والله لان حتى لو سويت وسويت هالشي لازم العالم بيطلعون فيه عيوب فالواحد يفك راسه من الصدعة واوفر هالصرف كله لي واسافر واستانس وايد احسن ..
لو كان ريال وماعليه كلام اخلاق ودين ماله داعي هذي كله..

[سعيدالهاجري]

انا اشوف لو ان الناس كلهم يتوفقون على مهر معين ولا يزيد عنه بشي يكون احسن مثلا"

يكون المهر مايقارب 50000 الف ريال هذا اوكيه للجميع

اما مانشهده حاليا" هذا فهو مهر خيالي خيالي يتجاوز 300000 ومن غير الصاله والطقطقه

وغيرها وغيرها

الله يوفق الجميع

[حورية البحر]

في محلة يااخت امل هذا لو كان فعلا فقير لكن في رياجيل يقولون ما عندهم خير وانة موب مقتدر او يبي وحدة بس يعطيها مهر 20000 او 30000 واهو فعلا عندة خير وذالك بقصد الاستهانة بالي بياخذها كزوجة ولجل يطلقها ويغير بغيرها او ياخذ اربع ومن غير مايحسب اي احساب لاي شي ابد ويمكن حتى بروحة بهالحياة وبالعيال بس يبي يتزوج وبس ويعدد
او يغير من وحدة الى وحدة ويخلي ويقط
يعني بس وناستة وبس
والحرمة والبنت بالطقاق
وانا اذكر شخص كان فعلا انسان عندة خير وخير بيين وطول الوقت كلى يقول ابي وحدة اعطيها بس 20000 الف وواذا ابلاش احسن بعد لكن بسرعة رخص بزوجتة الاولى وقطها قطت اجلاب وحط الثانية ونفس الشي حاول انة يسوي فيها مايسوا للولى لكن ماقدر لا عليها ولا على اهلها وخذاها وهو ساكت وخلها غصبا علية وبقت

[التيما]

واحب اضيف اذا سمحت لي ان شبابنا ما شاء الله عليهم انشوفهم مايستكثرون على انفسهم شرا السييايير وباغلى الاسعار ولا السفرات ولا اي شي يسعدهم ويهنيهم
ليش عند المهر تطلع العيون ولا عشان هالمهر بتصرفه البنت مو هو

وكلي شكر
:app: :app: :app: :app: هاي مربط الفرس :funny:

[دلة الرسلان]

تبون قصة حلوة :deal: زين. بنت على وجه زواج وهي فتاة عاقله طلبت من اهلها ان

يقيمون عشاء فقط وتجلس بين اهلها تتلقى التهاني .... بدون كوشة وطقطقة وفستان عرس

ايش اللي حصل ؟؟؟

اهل العروس واهل المعرس رفضوا رفضا قاطعا :mad: وهكذا قد يكون التغير في بعض

العادات سباحة ضد التيار .

القصة حقيقة والشاب والشابة من معارفنا

[الرحال]

تبون قصة حلوة :deal: زين. بنت على وجه زواج وهي فتاة عاقله طلبت من اهلها ان

يقيمون عشاء فقط وتجلس بين اهلها تتلقى التهاني .... بدون كوشة وطقطقة وفستان عرس

ايش اللي حصل ؟؟؟

اهل العروس واهل المعرس رفضوا رفضا قاطعا :mad: وهكذا قد يكون التغير في بعض

العادات سباحة ضد التيار .

القصة حقيقة والشاب والشابة من معارفنا

ما شاء الله عليها والله يكثر من امثالها

[ba7rainia]

مومتزوجه وماعندي بنات..
بس حبيت اشارك..


الفلوس مب كل شي بهالدنيا..
اهم شي دين واخلاق الريال والاشياء الثانيه احس انها جانبية

يعني ياما بنات تزوجوا وكانت مهورهم فوق 60000 ريال بس ماتوفقوا مع الريال.. حصلت الفلوس بس مالقت الراحه النفسية والتفاهم والاستقرار اللي كانت تدور عليه

وبنات تزوجوا ومهورهم ماتتعدى ال 30000 ريال وعايشيــــن احلــى عيشة
حب وود وتفاهم واستقرار..

وتبقى زبدة الكلام..
ان الفلوس مو كل شي بهالزمن
بتقدر تشتري بها الاشياء الماديه
بس راحة البال مابتلقاها بالفلوس
واسمحوا لي طولت عليكم

[لمت داون111]

ولك من الخير مثلة :nice:
بس العتب:eek2: على النظر شكلك ما تشوف؟ شجاب دلة الرسلان في السالفة:con2:
عزيزه وغاليه اختي المخباط:nice:

السموحه .. مانتبهت والله:shy:

[لمت داون111]

في محلة يااخت امل هذا لو كان فعلا فقير لكن في رياجيل يقولون ما عندهم خير وانة موب مقتدر او يبي وحدة بس يعطيها مهر 20000 او 30000 واهو فعلا عندة خير وذالك بقصد الاستهانة بالي بياخذها كزوجة ولجل يطلقها ويغير بغيرها او ياخذ اربع ومن غير مايحسب اي احساب لاي شي ابد ويمكن حتى بروحة بهالحياة وبالعيال بس يبي يتزوج وبس ويعدد
او يغير من وحدة الى وحدة ويخلي ويقط
يعني بس وناستة وبس
والحرمة والبنت بالطقاق
وانا اذكر شخص كان فعلا انسان عندة خير وخير بيين وطول الوقت كلى يقول ابي وحدة اعطيها بس 20000 الف وواذا ابلاش احسن بعد لكن بسرعة رخص بزوجتة الاولى وقطها قطت اجلاب وحط الثانية ونفس الشي حاول انة يسوي فيها مايسوا للولى لكن ماقدر لا عليها ولا على اهلها وخذاها وهو ساكت وخلها غصبا علية وبقت
اسمحيلي اختي حوريه ..

اختي حوريه .. مايجوز انج تجمعين كل الرجال نفس الشي .. مب كل واحد نيته يلعب ويقط البنات .. شدعوه انا اول مره اسمع انه الناس في قطر يسوون جذي اصلا ؟؟ :con2: وجايز فيه لكن هذي فئه قليله جدا ويمكن 1% من المجتمع القطري كله .. وارد اقول مايحق لج تجمعين

وبصراحه اسمحيلي .. بس مادري ليش نظرتج سلبيه دايما بهالطريقه علي الرجال crazy

واغلب المواضيع والقصص ألي تقولينها نادر ماتحصل في قطر :court:

والله يوفقج ويستر عليج دنيا واخره اختي :)

[بورصواوي]

ههههههههههههههه شكثر سوالف وقصص قريتهم كلهم ولا ستفدت شي كلش, كلكم متناقضين

انتو مشكلتكم الفلوس هل بيرضى ولي لأمر المهر 20 الف او لاء

وبختصار شي راجع حق ولي الامر لو بس 500 ريال كيفهم.

ونا بقعد احسب وبنشوف الي بيصير حق الزوج كم يقدر يدفع

اول خل نفرض ان الزوج بعد الخطوبه صار راتبه 10 الاف
اول شي خل نقول المهر 100 الف بياخذ سلفه على يسدد على سنتين

مصاريف العرس الرجال الاهل بيساعدونه فيها ويقدر يحصل مساعدات مني مناك ويصرف الي جمعه ويبيع سيارته ويشتري صالون + يصرف من الراتب الي بيبقاله من السلفه

خلاص انهت السالفه تزوج مايبيله شي هههههههه سنه بعد العرس ولاخلاص يستلم راتبه كامل

[لمت داون111]

رساله ألي أختي حوريه:nice:

أختي وصلني خبر أنك كتبتي لي رد .. وتم مسحه من قبل المراقبين !!

وللعلم ألي قالي هالكلام مارضى يقولي شنو كاتبه بردج .. بس ألي خلاني أستغرب ليش امسحوه المراقبين !! هل هناك تطاول أو تهجم علي أو علي غيري ؟

عموما .. الله يسامحج لو كان ظني صحيح .. :)

حبيت أكتب هالكلمتين بس :)

[شهد]

الله يعين شبابنا والله

انا صارلي ابي ازوج اخوان ريلي من سنتين ولا حصلت لاتستغربون
مانبي شئ نبي تطلع تكلفة الزواج كامله في حدود 300 الف ريال

لان الرجال مهب قادر ولا عندهم مدخل غير رواتبهم واسهم راحت عليهم

ومن اخطب اقولهم من البدايه عن الوضع للاسف
في البدايه نشتري ريال وماادري ويش
واذا بغى عطيناه عيونا هذا صار ولدنا

وبعد الملكه معليش اسفين نبي الخطوبه في القاعه نبي ونبي ونبي
بنتنا الوحيده او اول فرحتنا اواواوا

الشبكه يريت الماس بنات عمها كلهم الماس وماادري ويش

بطلنا مانبي نزوجهم خلهم عندي بالبيت ابرك لهم
اذا مايقدر يصبر ياخذ من برى احسنله

اهلي بناتنا مايرحمون ولا يخلون الرحمه تنزل

والله لو عندي خوات والله ماخليت اللى يسوى واللى مايسوى يذلونهم

[الفـ@ــــد]

كلامك صحيح أخوي لكن وين الي يطبق الا القله القليله,,,,