المساعد الشخصي الرقمي

مشاهدة النسخة كاملة : الرقمين هل يسوون هالسعر؟؟؟


أبو عبدالعزيز
25-08-2005, 11:11 PM
الرقمين هما:
4327 بعشرة آلاف
97397 بخمسة آلاف

وبانتظار افادتكم
إنتعاش
26-08-2005, 01:25 AM
هلا وغلا فيك اخوي الكريم

والله ماني بذاك الخبير في اسعار الارقام هاليومين

لكن في اعتقادي ان الرقم الرباعي . . مطلوب هالايام فسعر 10.000 ريال اعتقد انه مناسب نوعا ما

وننتظر رأي اهل الخبره اكثر مني
ولـــد قطـــر
26-08-2005, 02:28 AM
الرقمين هما:
4327 بعشرة آلاف
97397 بخمسة آلاف

وبانتظار افادتكم

أخوي عبدالعزيز .....

بالنسبة للرقم الاول صج هو رباعي بس مب لين هناك ...

يعني لو تبي نصيحتي لك ..... إذا الرقم بتركبة على موتر جديد أنصحك تاخذ رقم رباعي من المرور ببلاش وبيكون أربع أرقام ,,,, ولو عندك واسطة حلوة بيعطونك أربع أرقام وزينه بعد

أما بالنسبة للرقم الثاني الصراحة في أحلى منه وبنفس السعر ... بس هو حليو
إنتعاش
26-08-2005, 02:39 AM
اخوي ولد قطر

هل يوجد لدى المرور هالايام ارقام رباعيه ملخبطه ؟


ياريت تفيدنا ؟


يعني بدون واسطات ولا كلم فلان وعلتان ؟
ولـــد قطـــر
26-08-2005, 03:51 AM
اخوي ولد قطر

هل يوجد لدى المرور هالايام ارقام رباعيه ملخبطه ؟


ياريت تفيدنا ؟


يعني بدون واسطات ولا كلم فلان وعلتان ؟

أي نعم اخوي إنتعاش موجودة

بس ما يركبونها الى على السيارات الجديدة فقط وتكون انت الي طالب الارقام يعني لازم تقولهم ابي ارقام رباعية على موتري .... وإلا بركبونلك من الاقام السداسية
الباش مهندس
26-08-2005, 10:22 AM
لتصحيح المعلومات
الارقام الرباعيه خلصت من المرور
بواسطه ولا بدون واسطه
رقم رباعي مافيه في المرور
ولـــد قطـــر
26-08-2005, 06:09 PM
أخوي انتعاش

المشكلة انه في ناس يكذبونك في هالموقع وهما ما يدرون الآرقام هذي خلصت ولا لا

ويمكن اخوي الباش مهندس راح المرور وقالهم يبي رقم وصرفوه هذا شي طبيعي ....

لكن أخوي انتعاش (((( إذا بغيت رقم رباعي ومن المرور بعد بدون ما تدفع ولا ريال على الرقم )))) أنا حاضر من عيوني والله

بس راسلني على الخاص ومايسير خاطرك الى طيب .........
mounir7874
26-08-2005, 06:15 PM
شباب ممكن سؤال؟
وش الفايدة إذا كان الرقم رباعي أو سداسي أو حتى مليوني ؟
صدقوني دفع هذه الأموال في أعمال الخير أفضل مليون مرة من التسابق على شراء أرقام مميزة وهناك من إخوانكم من لا يجد قوت يومه وهناك أسر أعرفها شخصياً لا تجد ما تقي به نفسها من برد الشتاء
لا حول ولا قوة إلا بالله العلي العظيم وأعتذر عن تدخلي ولكني أردت فقط النصيحة والله من وراء القصد