أي سهم أفضل للشراء ؟؟؟؟؟

[بوحمد1]

السلام عليكم جميعاً ورحمة الله وبركاته وأسعد الله أوقاتكم بكل خير

بصراحة أنا مدري أي شركة أشتري سهمها لمدة 30 دقيقة إلى ساعتين وذلك بغرض البيع والإنتفاع بالمبلغ لبناء بيت المستقبل .
طبعاً سيوله مافيه كل اللي وياي شيك (كتاب)رسمي للشركة الإسلامية للأوراق المالية ومدة الكتاب 7 أيام وينفذ مفعوله والآن باقي 4 أيام وينتهي ، المهم ماهي الشركة اللي ممكن تنفع لهذه الحركة بشكل آمن وبدون خساير فادحة ؟؟؟
أتمنى إني قدرت أشرح المطلوب بشكل واضح .

ودمتم ،،، :nice:

[عندليب قطر]

المصرف

[رمــــــاح]

نصيحه اخوي


المواشي اللي راح تحفظ فلوسك لمدة ساعتين

[عاصفة الصحراء]

لمدة 30 دقيقه !!!! :eek2:

نصيحة لا تعلق نفسك

إلا ان كنت على استعداد للخروج بكل الاحوال

[alshobaki7]

وين كنت اليومين اللي طافوا والسوق راقد واحمر ... لا انسى لا تشتري والسوق اخضر ابدا ..

ولو حبيت سهم مافيه رعب من اللون الاحمر ..
فعليك بالسلام فقط .. لأن السهم سعر اكتتابه 15 ريال ..
أما اذا عندك قلب للمضاربة فبروة عندما تكون في 41 -41.5 فقط وغير كده لا تلعوز نفسك والبورصة يبيلها الواحد يدش بفلوسه فقط ..اما فلوس غيرك فلاااااااااااااااااااااااااا

لأنها لو فلوسك وخسرت بتتحسف وتتعوض على الله ..
بس لو حق البنك .... لااااااااااااااااااااازم تسدد ..

[آل ملياردير]

نصيحة لا توهق نفسك وتدخل بفلوس غيرك .

[hajooh]

الاخ الفاضل هذة الفلوس انت خصصتها لبيت المستقبل ان شاء الله , نصيحتي لا تغامر فيها
وتفقدها لاسمح الله وتهدم احلامك علشان الربح السريع والطمع في الاكثر خلها مثل ما قلت
لبيت المستقبل لانك اذا حطيتها في البورصة ما تضمن بقاءها اوزيادتها ولكن اذا كانت خارج البورصة بتكون اضمن وابقى لك ولتحقيق احلامك ان شاء الله 0

[الصوت الجريح]

اخواني اللي فهمته من اخونا ان يبي يسيل لفلوس بدون خسارة واذا كان في ربح الحمدلله ...

اظن ان الكتاب اللي وياه يشترط شراء اسهم وهو يبي يبيعها للانتفاع من لفلوس !!

اخوي اذا كان هذا المقصود فعليك بشراء سهم تحركه بطيء والفرق بين العرض والطلب دراهم وذلك لتجنب الخسارة ..

والله اعلم ،،

[" النــــمـــــر"]

أعتقد أخوي انك لا تورط نفسك تراها كلها اجتهادات شخصية والمستثمر سواء على المدى الطويل أو القصير يخلي مبلغ موب محتاجه في حال نزل عليه السهم ينتظر لين يرتفع أو يبيعه ويغتنم فرصة ثانية بسهم آخر بس مبلغ وتبي أرباح ابسرعة :con2:

ونصيحة لوجه الله في حال انك خلاص مصمم انك تشتري أسهم اتجه الى الأسهم ذات العوائد وبالأخص الشركات الي كل المستثمرين تترقب صدور نتائجها النصف سنويه ومنها :

الوقووووووووووووود
الصناعات
المصرف
الدولي
الريان مضاربة ال 30 دقيقة
الاسلامية

[index]

اخي الكريم
اكثر الشركات ارتفعت في الاسابيع الماضيه
ولاتنسى اننا على اعتاب نهاية الربع الثاني
وبداية اعلان الشركات لارباحها لهذا الربع
ويوجد شركات بما فيها البنوك لديها محافظ
استثماريه في السوق واعتقد انها حققت ارباح
من هذا الارتفاع .. لذلك في هذه المرحله يتطلب
منك الحذر الشديد فبعض الشركات قد تصفي
محافظها لادراج ارباحها في هذا الربع
والله اعلم

[بوحمد1]

يعطيكم العافية جميعاً ........... والنية بتكون بين الاسلامية والدولي والمصرف فأيها ترجحون .

[قناص قطر]

الدولي وبالمبارك مقدماً

[نوروز]

انا مثل باقي الاخوان اشوف انك ما توهق نفسك وتحق الفلوس في البورصة

[بوحمد1]

الدولي وبالمبارك مقدماً



الله يبارك بعمرك يالغالي وشريناه