مساعده مستعجله ..لوتكرمتوا...!!! [الأرشيف] - منتديات شبكة الأسهم القطرية

مشاهدة النسخة كاملة : مساعده مستعجله ..لوتكرمتوا...!!!

shoog

10-06-2007, 12:53 AM

السلام عليكم ورحمة الله وبركاته

لو تكرمتو :) :app: حد فيكم يعرف ...فرقه أو بنات يطقون (( طق )):dance

بغيت أجيب فرقه بسيطه تتكون من اربع بنات يطقون ويغنون وكذا يعني ..

اللي تقدر تساعدني أو أدلني على حد لاتبخل علي ...خاطري أجيب بنات يغنون ويطقون

الديجي ممل :strong ...أرجو المساعده ...ضروري

*بوحمد

10-06-2007, 02:38 PM

مالك الي خيريه اتصلي 180 واطلبي رقمها

lolo touch

10-06-2007, 04:04 PM

اذا تبين احد من السعوديه ابشري

بس بيكلفك كذا

كان ودي اساعدك بس ماعرف بقطر,,,,,,,,

متفائله

10-06-2007, 11:41 PM

لا حول ولا قوة الا بالله

جلمود

10-06-2007, 11:54 PM

مالك الي خيريه اتصلي 180 واطلبي رقمها

ههههههههههههه

مستثمر-قطر

11-06-2007, 12:14 AM

استغفر الله العلي العظيم
(( اعوذ بالله من غظب الله))

العقيد

11-06-2007, 01:43 AM

اختي شوق اشرايج بدال ماتجيبين فرقه وتصرفين عليها الشي الفلاني تكتفين بمسجل وحفل بسيط والمبلغ الي بتصرفينه عليهم توزعينه على الفقارى او اليتامى وبتشوفين شلون الله بيفتح عليج من فضله وبيوفقج دنيا واخره ..بارك الله فيج

shoog

11-06-2007, 01:51 AM

بسم الله الرحمن الرحيم..

بارك الله فيكم

على الردود ..

ويعني انا الحين مارتكبت جريمه عشان تستغربون من طلبي ..

ولا جبت شي جديد من عندي ..عشان تستغفرون ومادري ليه مستنكرين الموضوع

كأنكم شايفين منكر ..الواحد اذا عنده فرح بيفرح وبيستانس ..

وتعرفون شلون حفلاتنا واعراسنا ولله الحمد كلكم عارفين والعارف لايعرف ..

بنحتفل بروحنا لا خلط ولا بلط ..عشان تستنكرون وتستغفرون كأنكم في اعراسكم

ماتحتفلون .. ما اعتقد انكم في اعراسكم بتسوون عزااااااا ..أكيد بتفرحون ..

العقيد ..جزاك الله خير على النصح .. الله منعم علينا بنعمته ..أحب افرح وافرح غيري

والفقارى واليتامي مانسيتهم وأعرف واجبي اتجاههم هم وغيرهم :)

جزاكم الله خيرا

قل خيراً أو أصمت ...

shoog

11-06-2007, 01:53 AM

اذا تبين احد من السعوديه ابشري

بس بيكلفك كذا

كان ودي اساعدك بس ماعرف بقطر,,,,,,,,

يسلمو ياقلبي

كفايه ردك الرقيق والذوق يالغلا ...

شمسة

11-06-2007, 01:56 AM

بالتوووفيق

Index Signal

11-06-2007, 02:29 AM

مشكلة البعض انهم ما يفرقون بين النصح و الترهيب..!!

ان بعض الظن اثم وكان من الاجدر افتراض النيه الطيبه فيها..!!

بالتوفيق اختي والله يجعل ايامج كلها افراح.

*بوحمد

11-06-2007, 09:16 AM

بيض الله وجهك على الرد ياشوق
ياناس الناس تبي تفرح
واكيد الفرح يكون بالعقل

والله يسعدك اختي شوق ويجعل كل ايامك افراح

لوردغاليري

11-06-2007, 09:39 AM

الله يفرحكم كان ودي اساعد بس بحاول

shoog

11-06-2007, 01:57 PM

يسلمو ياقلبي ..

كفايه اني اشوف ردودكم الطيبه والسنعه..

يعطيكم العافيه على المرور والتعقيب الطيب ....

لا خلا ولا عدم :)