المساعد الشخصي الرقمي

مشاهدة النسخة كاملة : رحلتي الى جزيره بوكيت التايلنديه



ROSE
26-08-2005, 03:15 PM
السلام عليكم ورحمة الله وبركاته ،،

طبعا الكل عارف اني كنت مسافرة فتره اسبوعين خارج دولة قطر الحبيبه ومن ضمن رحلتي كانت لجزيره بوكيت التايلندية

بصراحه جزيره روعه وكنت ماخذه باكج سياحي من احدى المكاتب وتضمنت زيارة عروض الفانتازيا وزيارة لجزيره بي بي ايلند وزيارة لجزيره جيمس بوند وطبعا فيه امكان ثانيه للزياره بس انا حبيت اخذ ثلاثة ايام معاهم والباقي انا استكشف بروحي

واخليكم مع الصور

هذي صور للفانتازيا طبعا اول يوم كنا تونا واصلين الجزيره يادوب حطينا اغراضنا بالفندق الا متصلين علينا ان بعد ساعتين بياخذنا السائق الى عروض الفانتازيا قلنا امرنا لله اوكي


هذي صوره للمنظر الداخلي هني يقدمون عشا للزوار فيه قسم اسلامي وقسم غير اسلامي طبعا هم بيشوفونك لابس الزي الخليجي على طول يعطونك رقم كرسي وطاوله في القسم الاسلامي ونظام بوفيه عندهم

http://www.sadauae.com/upload/uae4/fantasea1.jpg

وهذي الصوره قلعه الفيل يسمونها وكله فيله لانهم يعبدون الفيله وهني بعد العشا تقريبا فيه مسرح رهيب بصراحه للاسف ماخلونا نصور داخل ياخذون الكاميرات تأثيرات غاية في الروعه والجمال وقصة المسرحيه عن الفيل وليش يعبدونه وشنو سوا كلها خرافات والحمدلله على نعمة الاسلام بس انا اللي عجبني في الموضوع بصراحه الفن الرهيب والعروض اللي قاموا فيه وصار موقف طريف هناك فيه لقطه للمزارعين ويهدون فيه الدجاج والغنم في ديك كان معاند مايبي يطلع وهم يمثلون والديك يطالعنا وقاموا يبون يتفادون الموضوع وحده طلعت يازعم من ضمن العرض تبي تصيده جان يشرد منها وينزل في حفره مسوينها في المسرح حق ماي المطر

ولما نزل ماي المطر جان يطلع الديك مره ثانيه الناس خلوا المشهد وقاموا يضحكون على الديك خخخخخخخخخ

http://www.sadauae.com/upload/uae4/fantasea2.jpg

وهذي منظر للشلال خارج منطقة العروض

http://www.sadauae.com/upload/uae4/fantasea3.jpg

وهذي الاسماك روعه انا استانست عليهم وايد

http://www.sadauae.com/upload/uae4/fantasea4.jpg





اليوم الثاني رحلة الى جزيرة بي بي ايلند
بصراحه فضيعه والبحر يجنن روعه


الصور هني تتكلم عن نفسها

http://www.sadauae.com/upload/uae4/bibiiland1.jpg

http://www.sadauae.com/upload/uae4/bibiiland2.jpg


http://www.sadauae.com/upload/uae4/bibiiland3.jpg

http://www.sadauae.com/upload/uae4/bibiiland4.jpg


http://www.sadauae.com/upload/uae4/bibiiland5.jpg



طبعا جزيره جيمس بوند ماصورتها واعتذر على ذلك لاني كنت معتمده على ناس ياخذون الكاميرا ونسوها


في اليوم الرابع اخذت تكسي وتقاصصت معاه علشان ياخذنا حق منطقه يسمونها هم view point
ومن هالمنطقه تقدر تاخذ لقطه للجزيره بالكامل وبصراحه روعه المشاهد من هناك


هذي لقطة للمنظر يطلع فيه الكورال بيج وباتونج وكاتار بيج

http://www.sadauae.com/upload/uae4/viewpoint.jpg


طبعا انا اللي عجبني اكثر منظر الاشجار وطريقتها خليت المناظر كلها وقمت اصور الاشجار وهذي مثال عن الصور اللي اخذتها

http://www.sadauae.com/upload/uae4/viewpointww.jpg

وهذي المنطقة اللي صادها تسونامي
وقمت اسأل المرشد هناك هل فيه ناس وايد تضرروا مثل ماسمعنا قال لي بس الاجانب السياح لان ماعندهم مخ يقول اما المسلمين شافوا البحر تقلص وراح فخافوا وعرفوا ان فيه شي بيصير اكثرهم طلعوا من المنطقة

http://www.sadauae.com/upload/uae4/tsonamimiiiii.jpg


وبعدها قال لنا بوديكم حق منطقه يسمونها سانسيت اي غروب الشمس ويقول فيه ناس وايد تروح هناك علشان تاخذ صور حق منظر الغروب قلت له يلا ودنا

رحنا وطلع كلامه عدل شكثرررررررررررر عااااااااالم رايحيين بس يصورون المنظر قلت خلني انطر يمكن يستاهل كل هالحشد من الناس
شوفوا الصور وحكموا

http://www.sadauae.com/upload/uae4/ghoroooob02.jpg

http://www.sadauae.com/upload/uae4/ghoroooob01.jpg

http://www.sadauae.com/upload/uae4/ghoroooob0.jpg

http://www.sadauae.com/upload/uae4/ghoroooob1.jpg

http://www.sadauae.com/upload/uae4/ghoroooob2.jpg

http://www.sadauae.com/upload/uae4/ghoroooob3.jpg

يتبع

ROSE
26-08-2005, 03:31 PM
واخليكم مع بعض المشاهد اللي صورتها هناك طبعا الصور كثيره بس ماراح اقدر اعرضها كلها عليكم


وان شاء الله تعجبكم



http://www.sadauae.com/upload/uae4/mantharrawaaa.jpg

http://www.sadauae.com/upload/uae4/nicaskypicture.jpg

http://www.sadauae.com/upload/uae4/nicaskypicture1.jpg

http://www.sadauae.com/upload/uae4/nicaskypicture2.jpg

http://www.sadauae.com/upload/uae4/phoketsea.jpg

http://www.sadauae.com/upload/uae4/phoketsea1.jpg

http://www.sadauae.com/upload/uae4/sebaaal.jpg


وسلامتكم

السهم الازرق
26-08-2005, 03:32 PM
الحمدلله على سلامتج اخت روز :app:

و مكانج كان خالي والله :shy:

لكن اهم شي انج استانستي بهالسفره :nice:

و شاكر لج مشاركتج لنا برحلتج من خلال هالصور :deal:

ROSE
26-08-2005, 03:34 PM
الله يسلمك اخوي السهم الازرق ومشكور ربي يخليك

والله انتوا اللي وحشتوني وكنت ناطره ارجع بس علشان اشاركم

sulai6i
26-08-2005, 03:53 PM
السلام عليكم ..

الحمدالله على السلامة اخت روز .. رحلتج حلوة والتصوير حلو
بس انا مستغرب من شي واحد .. بما انج بنت غريبة ما كتبتي عن مصنع الألماس ..
انا رحت بوكيت العام ومريت على كل هالأماكن اللي انتي رحتي لها ..
ونفسهم المكاتب السياحية قالوا لنا عن مصنع الألماس .. اول شي ياخذونج في جولة داخل المصنع تشوفين عملية تصنيع الألماس من الألف الى الياء .. وآخر شي تدخلين على الشو روم .. غرفة العرض كبيرة واااايد وكلها احواض اسماك .. وصوب الألماس الغالي حاطين اسماك قرش في الأحواض :)

ترى اذا ما زرتي مصنع الألماس .. بتكونين خسرتي نص سفرتج لأنه شي روعة الصراحة

والف الحمدالله على السلامة :nice:

ROSE
26-08-2005, 04:00 PM
السلام عليكم ..

الحمدالله على السلامة اخت روز .. رحلتج حلوة والتصوير حلو
بس انا مستغرب من شي واحد .. بما انج بنت غريبة ما كتبتي عن مصنع الألماس ..
انا رحت بوكيت العام ومريت على كل هالأماكن اللي انتي رحتي لها ..
ونفسهم المكاتب السياحية قالوا لنا عن مصنع الألماس .. اول شي ياخذونج في جولة داخل المصنع تشوفين عملية تصنيع الألماس من الألف الى الياء .. وآخر شي تدخلين على الشو روم .. غرفة العرض كبيرة واااايد وكلها احواض اسماك .. وصوب الألماس الغالي حاطين اسماك قرش في الأحواض :)

ترى اذا ما زرتي مصنع الألماس .. بتكونين خسرتي نص سفرتج لأنه شي روعة الصراحة

والف الحمدالله على السلامة :nice:

وعليكم السلام اخوي بالفعل زرت مصنع الالماس اللي في بوكيت واللي في بانكوك بعد ويجنن وايد بص صورته بالفيديو

علشان هالشي ماجبت طاريه


ماخليت مكان مارحته افا عليك خخخخخخخخخخخخ

sulai6i
26-08-2005, 04:03 PM
وعليكم السلام اخوي بالفعل زرت مصنع الالماس اللي في بوكيت واللي في بانكوك بعد ويجنن وايد بص صورته بالفيديو

علشان هالشي ماجبت طاريه


ماخليت مكان مارحته افا عليك خخخخخخخخخخخخ


اهاااا .. وانا اقول ليش ما يابت طاريه ..
طيب شلون كانت الأسعار .. غالي ولا رخيص مقارنة بالدوحة
انا يوم هناك .. اذكر كان سعر الألماس نفس السعر عندنا .. بس الفرق ان الموديلات عندهم جديدة

Bint Qatar
26-08-2005, 04:10 PM
سلامة الاسفار يالغاليه

وما قصرتي على الموضوع والصور المرفقه

صدقيني مع هالصور كني سافرت لبوكيت :)

ويا هلا بج من جديد :)

فارس نجد
26-08-2005, 04:12 PM
الاخت الغالية روز
انا اشهد انك اسم على مسمى وانك روز المنتدى والحمد لله على سلامتك وفعلا صور رائعة
تصدقين اختي روز على كثر سفراتي ما طبيت من شرق اسيا والمناطق المحيطة الا طوكيو فقط وكانت رحلة عمل بعد
الحمد لله على سلامتك

ROSE
26-08-2005, 04:16 PM
اهاااا .. وانا اقول ليش ما يابت طاريه ..
طيب شلون كانت الأسعار .. غالي ولا رخيص مقارنة بالدوحة
انا يوم هناك .. اذكر كان سعر الألماس نفس السعر عندنا .. بس الفرق ان الموديلات عندهم جديدة


والله اسعارهم لو بتقارنها بالدوحه بالعكس رخيصه وايد بالنسبة حق هني انا شريت كم خاتم وكم قلب من عندهم وشفت عندهم قلب نفس اللي عندي شريتها من داماس هناك السعر بالنسبة حق هني كان الربع



بس تحسفت اني شريت بعدين قول ليش وانا قاعده في مطعم هناك جان يجيني واحد على سيكل ويقول لي تبين الماس

قلت الحين هذي يبي يقص علي قلت له لا مابي شفته قام يصر ويصر ويصر ذبحني قلت له لا مابي هذي مب اصلي

قام يحلف مادري شيقول بلغتهم ويحط يده على رقبته قلت خلني اجاريه

وفيه محل يبيعون ذهب يمنا قلت له اذا تبي تبيع تعال عند الفندق الفلاني الساعه الفلانيه

وجانا الريال واخذت منه حبه ووديته محل الذهب جان يقول لي الماس اصلي

قمت افاصل فيه لين وصلت ربع السعر اللي كان يبيه طلع علي الحبه والحده كبر نخيه مب مستويه خخخخخخخخخخ

بـفلوسهم 2000 بات يعني بفلوسنا 200 ريال صدق اول لا تصدق ولما رجعت الدوحه بعد وديته اتأكد طلع الماس والحمدلله مانغشيت يعني

ROSE
26-08-2005, 04:18 PM
سلامة الاسفار يالغاليه

وما قصرتي على الموضوع والصور المرفقه

صدقيني مع هالصور كني سافرت لبوكيت :)

ويا هلا بج من جديد :)

الله يسلمج يالغالية ,, والله سكتي عندي بعد صور تجنن


ان شاء الله تصير الفرصه واراويج اياهم

sulai6i
26-08-2005, 04:21 PM
والله اسعارهم لو بتقارنها بالدوحه بالعكس رخيصه وايد بالنسبة حق هني انا شريت كم خاتم وكم قلب من عندهم وشفت عندهم قلب نفس اللي عندي شريتها من داماس هناك السعر بالنسبة حق هني كان الربع



بس تحسفت اني شريت بعدين قول ليش وانا قاعده في مطعم هناك جان يجيني واحد على سيكل ويقول لي تبين الماس

قلت الحين هذي يبي يقص علي قلت له لا مابي شفته قام يصر ويصر ويصر ذبحني قلت له لا مابي هذي مب اصلي

قام يحلف مادري شيقول بلغتهم ويحط يده على رقبته قلت خلني اجاريه

وفيه محل يبيعون ذهب يمنا قلت له اذا تبي تبيع تعال عند الفندق الفلاني الساعه الفلانيه

وجانا الريال واخذت منه حبه ووديته محل الذهب جان يقول لي الماس اصلي

قمت افاصل فيه لين وصلت ربع السعر اللي كان يبيه طلع علي الحبه والحده كبر نخيه مب مستويه خخخخخخخخخخ

بـفلوسهم 2000 بات يعني بفلوسنا 200 ريال صدق اول لا تصدق ولما رجعت الدوحه بعد وديته اتأكد طلع الماس والحمدلله مانغشيت يعني


عيل الظاهر احنا اللي انقص علينا هناك
اتذكر ارخص خاتم خذناه كان ابــ 15 الف بات

ROSE
26-08-2005, 04:21 PM
الاخت الغالية روز
انا اشهد انك اسم على مسمى وانك روز المنتدى والحمد لله على سلامتك وفعلا صور رائعة
تصدقين اختي روز على كثر سفراتي ما طبيت من شرق اسيا والمناطق المحيطة الا طوكيو فقط وكانت رحلة عمل بعد
الحمد لله على سلامتك

تسلم اخوي فارس نجد على هذا الاطراء فان كنت ورده المنتدى فانا هنا لاضيف اليكم العبير وانشر جو من الاخوه والمحبه


:shy: :shy: :shy:


يقولون ماليزيا احلى وان شاء الله السنه الجايه راحيتها ولا تفوتك بوكيت والله تجنن

ومانصحك تروح بانكوك الا حق المشترى وتقضي فيها بس 3 ايام مب اكثر بتكره نفسك هناك من الوساخه والروائح هناك

ROSE
26-08-2005, 04:22 PM
عيل الظاهر احنا اللي انقص علينا هناك
اتذكر ارخص خاتم خذناه كان ابــ 15 الف بات


هذي في بوكيت صح بوكيت اغلى من بانكوووك بوايد


الالماس اللي في بانكوك رخيص

sulai6i
26-08-2005, 04:25 PM
هذي في بوكيت صح بوكيت اغلى من بانكوووك بوايد


الالماس اللي في بانكوك رخيص


انزين السنة الياية اذا رحتي ماليزيا .. لا تنسين تروحين جزيرة ( بيننغ ) :eek2:

بعد فيها مصنع الماس :funny:

فارس نجد
26-08-2005, 04:29 PM
تسلم اخوي فارس نجد على هذا الاطراء فان كنت ورده المنتدى فانا هنا لاضيف اليكم العبير وانشر جو من الاخوه والمحبه


:shy: :shy: :shy:


يقولون ماليزيا احلى وان شاء الله السنه الجايه راحيتها ولا تفوتك بوكيت والله تجنن

ومانصحك تروح بانكوك الا حق المشترى وتقضي فيها بس 3 ايام مب اكثر بتكره نفسك هناك من الوساخه والروائح هناك
تسلمي والله يا وردة المنتدى واسمحي لي باطلاق هذا اللقب عليكي من اليوم
اما بالنسبة لتايلاند مادام قلتيلي انها وسخة ماعاد والله بغيتها لا 3 ايام ولا حتى ساعة خلني على الدول حقتي انا من النوع اللي تلوع كبده من هالشغلات
وسلمتي يا وردة المنتدى

ROSE
26-08-2005, 04:30 PM
انزين السنة الياية اذا رحتي ماليزيا .. لا تنسين تروحين جزيرة ( بيننغ ) :eek2:

بعد فيها مصنع الماس :funny:


خلاص ولا يهمك المره الجايه ان شاء الله
بس مابي الماس شبعت خخخخخخخخخخخخخخخخخخخخخخخ

بـوصـالـح
26-08-2005, 04:35 PM
يا سلام عليج يا روز

رووووعه والله


بس كنتي بخيله معانا بالصور ((( يعني اشدعوه رايحه بوكيت )) ومصوره فلم واحد بس


وكل الشكر على هالصور الاكثر من رائعه الصراحه

( انا الصراحه ما رحت صوب شرق اسياء ) ولكن مفكر السنه الجايه اروح ماليزيا باذن الله

لما اسمعه عنها ولما ارائ من صور جذابه وطبيعه ساحره تمتلكها هذه البلد

السهم الازرق
26-08-2005, 04:41 PM
يا سلام عليج يا روز

رووووعه والله


بس كنتي بخيله معانا بالصور ((( يعني اشدعوه رايحه بوكيت )) ومصوره فلم واحد بس


وكل الشكر على هالصور الاكثر من رائعه الصراحه

( انا الصراحه ما رحت صوب شرق اسياء ) ولكن مفكر السنه الجايه اروح ماليزيا باذن الله

لما اسمعه عنها ولما ارائ من صور جذابه وطبيعه ساحره تمتلكها هذه البلد



شخباري الفلم اخوي بو صالح :p

الحين الناس تطورت كل شي ديجيتال :deal:

ذكرتني بكوداك و فوجي :D

ايام الكاميرا الطويله اللي بعد كل صوره تسحب الفلم :funny:

بـوصـالـح
26-08-2005, 04:59 PM
شخباري الفلم اخوي بو صالح :p

الحين الناس تطورت كل شي ديجيتال :deal:

ذكرتني بكوداك و فوجي :D

ايام الكاميرا الطويله اللي بعد كل صوره تسحب الفلم :funny:

ديجتال (( لا الله الا الله ) معقول الناس تطورت

خخخخخخخخ كل الطرق تؤدي الى روما



انا قصدي عدد الصور ما يجي حتى فلم واحد

وبعدين لا تغلط عالكميرات القديمه (( بو كوداك )) لين الحين عندي وحده (( صج ما تشتغل ))

انخليها للجيل الجاي :eek2: (( بلفيت شي اثري ))


(( وانت اشبلاك قاعد عالعالم فوق رؤؤسهم )) خل الواحد ياخذ راحته بالكتابه (( مب كفايه العصير خلص )) :D

ما يسوى علينا



( صج انك نفر مشكل كتير )

:)

The Edge
26-08-2005, 06:44 PM
الحمد لله عالسلامة اختي روز
و مكانج مبين و اتمنى انج تكونين استانستي هناك

سهم طايش
26-08-2005, 09:05 PM
يااااااا سلام

الف الحمدلله على السلامه اختي روز

بصراحه الصور رووووووعه

الف شكر

سراب الامل
26-08-2005, 09:39 PM
هلا وغلا بوردتنا والحمدالله على السلامه

اه اه بهالصور ذكرتينا بتايلند وبوكيت وبي بي ايلند وجيمس بوند ايلند وغيرها من الجزر وكله بصوب وسوقها بصوب ثاني لو اقضي طول يومي بالسوق بعد ماشبع

:D :D
خخخخخخخخخخخخخخخخخخخخخخخخخخخخخخخخخ

alanood
26-08-2005, 09:53 PM
الحمد الله عالسلامه... حلوه وايد الصور شوقتينا نبي نروح..وانا توني راجعه من مصر شوفي بوكيت و شوفي مصر اللي نظفت لي البوكيت:)

abo rashid
26-08-2005, 10:52 PM
الحمدلله على سلامتج اخت روز

ROSE
27-08-2005, 12:29 AM
تسلمي والله يا وردة المنتدى واسمحي لي باطلاق هذا اللقب عليكي من اليوم
اما بالنسبة لتايلاند مادام قلتيلي انها وسخة ماعاد والله بغيتها لا 3 ايام ولا حتى ساعة خلني على الدول حقتي انا من النوع اللي تلوع كبده من هالشغلات
وسلمتي يا وردة المنتدى



اخوي فارس نجد احرجتني بكرم اخلاق واشكرك على هاللقب اللي اعتز فيه
:shy: :shy:

ROSE
27-08-2005, 12:30 AM
يا سلام عليج يا روز

رووووعه والله


بس كنتي بخيله معانا بالصور ((( يعني اشدعوه رايحه بوكيت )) ومصوره فلم واحد بس


وكل الشكر على هالصور الاكثر من رائعه الصراحه

( انا الصراحه ما رحت صوب شرق اسياء ) ولكن مفكر السنه الجايه اروح ماليزيا باذن الله

لما اسمعه عنها ولما ارائ من صور جذابه وطبيعه ساحره تمتلكها هذه البلد


تسلم على مرورك اخوي بالعكس عندي صور وايد بس ماقدر انزلها
لان فيها صور شخصية

ROSE
27-08-2005, 12:43 AM
الحمد لله عالسلامة اختي روز
و مكانج مبين و اتمنى انج تكونين استانستي هناك

اي والله استانست وتسلم اخوي على تواجدك في الموضوع

ربي يسلمك يارب

ROSE
27-08-2005, 12:47 AM
يااااااا سلام

الف الحمدلله على السلامه اختي روز

بصراحه الصور رووووووعه

الف شكر

الله يسلمك سهممممممممممم

الحمدلله انهم عجبوك وتسلم على مرورك اخوي

ROSE
27-08-2005, 12:49 AM
هلا وغلا بوردتنا والحمدالله على السلامه

اه اه بهالصور ذكرتينا بتايلند وبوكيت وبي بي ايلند وجيمس بوند ايلند وغيرها من الجزر وكله بصوب وسوقها بصوب ثاني لو اقضي طول يومي بالسوق بعد ماشبع

:D :D
خخخخخخخخخخخخخخخخخخخخخخخخخخخخخخخخخ

هلا فيج يالغالية الله يسلمج من كل شر يارب

ههههههههههههههههههههههههههه كلنا شذي كله كوم وعقود الؤلؤ اللي عندهم كوووووووووووووووووووم

ROSE
27-08-2005, 12:53 AM
الحمد الله عالسلامه... حلوه وايد الصور شوقتينا نبي نروح..وانا توني راجعه من مصر شوفي بوكيت و شوفي مصر اللي نظفت لي البوكيت:)


الله يسلمج اختي العنود ,, والله انصحج تروحين بوكيت احلى من بانكوك الف مره

واذا بغيتي تشترين روحي بانكوك يومين بس وايد عليها بعد

ROSE
27-08-2005, 12:54 AM
الحمدلله على سلامتج اخت روز



الله يسلمك اخوي بوراشد :nice: :nice:

qatar_moon
27-08-2005, 06:09 AM
مشكوره يا روز على التقرير الرائع :app:

بس خساره كان خاطري اشوف مصنع الألماس واشوف تصاميمهم :(


صج شوقتيني اشوف تايلند

ROSE
27-08-2005, 04:13 PM
مشكوره يا روز على التقرير الرائع :app:

بس خساره كان خاطري اشوف مصنع الألماس واشوف تصاميمهم :(


صج شوقتيني اشوف تايلند


تسلمين على مرورج والله حلوه خاصه الجزر روعه

المشكله في مصنع الالماس ممنوع التصوير

يعني تصورين الورشه يخلونج لكن التصاميم ممنوعه

بربوش
28-08-2005, 07:06 AM
الف الحمد لله على السلامه اختي روز http://www.w6w.net/upload/27-08-2005/w6w_20050827230603cf3df6fa.gif

وشكرا على الصور الرائعه

البندري
28-08-2005, 08:29 AM
الحمدلله على سلامتج واهم شي انج استانستي ورجعتي لنا بالسلامه ياغاليه :)
والصور حلوة وايد بس اكثر شي عجبني صور الغروب :eek2: والله صور حلوه وايد وايد مع انه لو حد قالي تعالي شوفي الغروب اقوله شفيك متملل :con2:
يعطيج العافية :app: :app: :app: :app: :app:

البندر
20-03-2006, 12:23 PM
شبة جزيرة بوكيت التايلاندية يمكن من أروع المناطق التايلاندية

وأجملهم في الطبيعة والسياحة بعكس باقي المناطق بإستثناء (جزيرة الجنة) هذا مسماها بالنسبة لهم

وشكراً

ROSE
20-03-2006, 12:27 PM
شبة جزيرة بوكيت التايلاندية يمكن من أروع المناطق التايلاندية

وأجملهم في الطبيعة والسياحة بعكس باقي المناطق بإستثناء (جزيرة الجنة) هذا مسماها بالنسبة لهم

وشكراً
:nice: :nice: :nice: :nice:

khaldoon
20-03-2006, 12:34 PM
حمدا لله على السلامه صور رائعه
جزاكي الله كل خير على مشاركتنا رؤيتها
بارك الله فيكي

mirage
20-03-2006, 12:37 PM
السلام عليكم ورحمة الله وبركاته ،،

طبعا الكل عارف اني كنت مسافرة فتره اسبوعين خارج دولة قطر الحبيبه ومن ضمن رحلتي كانت لجزيره بوكيت التايلندية

بصراحه جزيره روعه وكنت ماخذه باكج سياحي من احدى المكاتب وتضمنت زيارة عروض الفانتازيا وزيارة لجزيره بي بي ايلند وزيارة لجزيره جيمس بوند وطبعا فيه امكان ثانيه للزياره بس انا حبيت اخذ ثلاثة ايام معاهم والباقي انا استكشف بروحي

واخليكم مع الصور

هذي صور للفانتازيا طبعا اول يوم كنا تونا واصلين الجزيره يادوب حطينا اغراضنا بالفندق الا متصلين علينا ان بعد ساعتين بياخذنا السائق الى عروض الفانتازيا قلنا امرنا لله اوكي


هذي صوره للمنظر الداخلي هني يقدمون عشا للزوار فيه قسم اسلامي وقسم غير اسلامي طبعا هم بيشوفونك لابس الزي الخليجي على طول يعطونك رقم كرسي وطاوله في القسم الاسلامي ونظام بوفيه عندهم

http://www.sadauae.com/upload/uae4/fantasea1.jpg

وهذي الصوره قلعه الفيل يسمونها وكله فيله لانهم يعبدون الفيله وهني بعد العشا تقريبا فيه مسرح رهيب بصراحه للاسف ماخلونا نصور داخل ياخذون الكاميرات تأثيرات غاية في الروعه والجمال وقصة المسرحيه عن الفيل وليش يعبدونه وشنو سوا كلها خرافات والحمدلله على نعمة الاسلام بس انا اللي عجبني في الموضوع بصراحه الفن الرهيب والعروض اللي قاموا فيه وصار موقف طريف هناك فيه لقطه للمزارعين ويهدون فيه الدجاج والغنم في ديك كان معاند مايبي يطلع وهم يمثلون والديك يطالعنا وقاموا يبون يتفادون الموضوع وحده طلعت يازعم من ضمن العرض تبي تصيده جان يشرد منها وينزل في حفره مسوينها في المسرح حق ماي المطر

ولما نزل ماي المطر جان يطلع الديك مره ثانيه الناس خلوا المشهد وقاموا يضحكون على الديك خخخخخخخخخ

http://www.sadauae.com/upload/uae4/fantasea2.jpg

وهذي منظر للشلال خارج منطقة العروض

http://www.sadauae.com/upload/uae4/fantasea3.jpg

وهذي الاسماك روعه انا استانست عليهم وايد

http://www.sadauae.com/upload/uae4/fantasea4.jpg





اليوم الثاني رحلة الى جزيرة بي بي ايلند
بصراحه فضيعه والبحر يجنن روعه


الصور هني تتكلم عن نفسها

http://www.sadauae.com/upload/uae4/bibiiland1.jpg

http://www.sadauae.com/upload/uae4/bibiiland2.jpg


http://www.sadauae.com/upload/uae4/bibiiland3.jpg

http://www.sadauae.com/upload/uae4/bibiiland4.jpg


http://www.sadauae.com/upload/uae4/bibiiland5.jpg



طبعا جزيره جيمس بوند ماصورتها واعتذر على ذلك لاني كنت معتمده على ناس ياخذون الكاميرا ونسوها


في اليوم الرابع اخذت تكسي وتقاصصت معاه علشان ياخذنا حق منطقه يسمونها هم view point
ومن هالمنطقه تقدر تاخذ لقطه للجزيره بالكامل وبصراحه روعه المشاهد من هناك


هذي لقطة للمنظر يطلع فيه الكورال بيج وباتونج وكاتار بيج

http://www.sadauae.com/upload/uae4/viewpoint.jpg


طبعا انا اللي عجبني اكثر منظر الاشجار وطريقتها خليت المناظر كلها وقمت اصور الاشجار وهذي مثال عن الصور اللي اخذتها

http://www.sadauae.com/upload/uae4/viewpointww.jpg

وهذي المنطقة اللي صادها تسونامي
وقمت اسأل المرشد هناك هل فيه ناس وايد تضرروا مثل ماسمعنا قال لي بس الاجانب السياح لان ماعندهم مخ يقول اما المسلمين شافوا البحر تقلص وراح فخافوا وعرفوا ان فيه شي بيصير اكثرهم طلعوا من المنطقة

http://www.sadauae.com/upload/uae4/tsonamimiiiii.jpg


وبعدها قال لنا بوديكم حق منطقه يسمونها سانسيت اي غروب الشمس ويقول فيه ناس وايد تروح هناك علشان تاخذ صور حق منظر الغروب قلت له يلا ودنا

رحنا وطلع كلامه عدل شكثرررررررررررر عااااااااالم رايحيين بس يصورون المنظر قلت خلني انطر يمكن يستاهل كل هالحشد من الناس
شوفوا الصور وحكموا

http://www.sadauae.com/upload/uae4/ghoroooob02.jpg

http://www.sadauae.com/upload/uae4/ghoroooob01.jpg

http://www.sadauae.com/upload/uae4/ghoroooob0.jpg

http://www.sadauae.com/upload/uae4/ghoroooob1.jpg

http://www.sadauae.com/upload/uae4/ghoroooob2.jpg

http://www.sadauae.com/upload/uae4/ghoroooob3.jpg

يتبع





بعد تروحين بانكوك

صراحه طحتي من عيني :anger2: :anger2: :anger2:

نديم
20-03-2006, 12:44 PM
حمد الله على السلامة اختي روز ....أكيد رحلة رائعة

اما بالنسبة لماليزيا ان شاء الله رحلة موفقة لك ...ماليزيا شعبها طيب والابتسامة لا تفارق وجوههم .
انا زرتها العام الفائت ..الطبيعة لا تختلف كثيرا عن تايلند وبلا شك ستستمتعين هناك ...واكيد صرف العملة مو زي تايلند الرينغت يساوي ريال قطري

ROSE
20-03-2006, 12:48 PM
حمدا لله على السلامه صور رائعه
جزاكي الله كل خير على مشاركتنا رؤيتها
بارك الله فيكي


الله يسلمك اخوي بس الرحله كانت قديمه

اخوي الكعبي رفع هالموضوع

وذكرني في هالرحلة الرائعة :eek3:

ROSE
20-03-2006, 12:49 PM
بعد تروحين بانكوك

صراحه طحتي من عيني :anger2: :anger2: :anger2:
:confused: :confused: :confused:

ليش عاد :eek3: انا ناطرتك توديني فرنسا :deal:

ROSE
20-03-2006, 12:50 PM
حمد الله على السلامة اختي روز ....أكيد رحلة رائعة

اما بالنسبة لماليزيا ان شاء الله رحلة موفقة لك ...ماليزيا شعبها طيب والابتسامة لا تفارق وجوههم .
انا زرتها العام الفائت ..الطبيعة لا تختلف كثيرا عن تايلند وبلا شك ستستمتعين هناك ...واكيد صرف العملة مو زي تايلند الرينغت يساوي ريال قطري


الله يسلمك اخوي نديم الموضوع قديم :nice:


ان شاء الله ناويه اروحها هالصيف والله يعينا

تسلم على هالمعلومات وان شاء الله راح اوافيكم بتقرير بعد الزياره :app:

khaldoon
20-03-2006, 01:10 PM
الله يسلمك اخوي بس الرحله كانت قديمه

اخوي الكعبي رفع هالموضوع

وذكرني في هالرحلة الرائعة :eek3:


ما انتبهت للتاريخ وقت ما ارسلت لك الرد لاني بصراحه كنت متفاجا انك بتقولي انك سافرتي ورجعتي رغم اني شايف نشاطك الغير محدود في جميع المنتديات التابعه لمنتدى الاسهم القطريه ....على العموم برضه الحمد لله على السلامه وان شاء الله انك بتسافري على اماكن افضل منها كمان...

mirage
20-03-2006, 01:14 PM
:confused: :confused: :confused:

ليش عاد :eek3: انا ناطرتك توديني فرنسا :deal:



اوديج فرنسا وانتي تبين الدولي يطيح 00000000 اشلون ؟

بنتذابح طول الوقت 0

ROSE
20-03-2006, 01:35 PM
اوديج فرنسا وانتي تبين الدولي يطيح 00000000 اشلون ؟

بنتذابح طول الوقت 0
:funny: :funny: :funny: :funny: :funny:

الشرقاوى1
20-03-2006, 03:58 PM
يقولون ماليزيا احلى وان شاء الله السنه الجايه راحيتها ولا تفوتك بوكيت والله تجنن
بصراحه كل جنوب شرق أسيا جنه من جنان الأرض

انا زرت معظم بلاده .... وماليزيا تظل الأجمل لكن فوكيت تحفه كمان والشوبنج فيها احلى من ماليزيا.

حمد لله على السلامه و تحياتى

المخلب
20-03-2006, 09:17 PM
روز ؟؟؟ اول مره اشوف الصور ..

ييييييييه ماقلتي انج كنتي في تايلند ..

يالله حمد لله على السلامه مع انها متاخره .. (( تقريبا سنه الا كم شهر .. ))

وخوش تصوير .. :)

ROSE
20-03-2006, 09:43 PM
بصراحه كل جنوب شرق أسيا جنه من جنان الأرض

انا زرت معظم بلاده .... وماليزيا تظل الأجمل لكن فوكيت تحفه كمان والشوبنج فيها احلى من ماليزيا.

حمد لله على السلامه و تحياتى
تسلم اخوي بالفعل كلامك صحيح

جنوب شرق اسيا من روائع الطبيعة الخلابة وماتملكها من سحر

ROSE
20-03-2006, 09:44 PM
روز ؟؟؟ اول مره اشوف الصور ..

ييييييييه ماقلتي انج كنتي في تايلند ..

يالله حمد لله على السلامه مع انها متاخره .. (( تقريبا سنه الا كم شهر .. ))

وخوش تصوير .. :)

ههههههههههههههه على قولتك تقريبا سنة


تسلم على المرور :nice:

صـــمـــ قطر ـــت
20-03-2006, 10:23 PM
اندمجت في الصور :eek2:

وقاعد افكر اقول الحين الروز متىىىىىىىىىىىى راحت واهي طايحه فيني المجرمه اهي وسراب الا هاي اطلعني الا هاي تسجني وهاي ترد تسجني وهاي اطلعني يعني متناوبين علي :looking: :looking: :looking:

في الاخير طلعت من سنه ههههههههههههههههههههههههههههههههههههههههه :court: :court: :eek2: :court: :court:

يله سفره ان شاء الله كانت حلوه واهم شي استانستي :) :nice:

وتسلمين على الصور :o

ROSE
20-03-2006, 10:25 PM
اندمجت في الصور :eek2:

وقاعد افكر اقول الحين الروز متىىىىىىىىىىىى راحت واهي طايحه فيني المجرمه اهي وسراب الا هاي اطلعني الا هاي تسجني وهاي ترد تسجني وهاي اطلعني يعني متناوبين علي :looking: :looking: :looking:

في الاخير طلعت من سنه ههههههههههههههههههههههههههههههههههههههههه :court: :court: :eek2: :court: :court:

يله سفره ان شاء الله كانت حلوه واهم شي استانستي :) :nice:

وتسلمين على الصور :o
:funny: :funny: :funny: :funny: :funny:



:nice:

PoBox
07-05-2009, 10:37 PM
*
*
رد لفتح الموضوع

قطريه ماركه
08-05-2009, 12:51 AM
الصور ما اطلعت :(

مضاد
08-05-2009, 10:39 AM
الصور ما اطلعت .يمكن أنتها تاريخها


وشكراً اختي روز.....ولو انها متاخره جداً . :)



ملاحظة خارج النص :shy: كثير من الاعضاء مغيرين نكاتهم ( أسمائهم المستعارة)

سداوي&مدريدي
09-05-2009, 12:51 PM
الصور ماتطلع
:swoon2:

بنت الخور
09-05-2009, 12:54 PM
سفره سعيده اختي

راعي الأدهم
10-05-2009, 03:57 AM
الحمدلله عالسلامة وعساج عالقوة اختي روز