بصراحه والسؤال للجميع ..

[عزوز المضارب]

في حد من الاعضاء باع او اشترى اي من السيارات المعروضه في المنتدى ...بصراحه اريد الاجابه

لانه اشوف احيانا سيارات تنعرض وراعيها ما يرد على الاعضاء وفي منهم يرد وفي الاخير يقولك السياره انباعت :eek2:

وفي منه توصل احيانا مع السومه طبعا سعر السياره بسعر السوق واحيانا اكثر وراعيها يتردد في البيع

وفي من اللي يعرض السياره ويجي واحد يسوم سعر وما يرجع مره ثانيه فيضطر راعي السياره متمسك بالسومه الموجوده في العرض


بصراحه والله اني لم اقصد اي احد ولكن الموضوع للجميع

في حد باع للثاني من خلال المنتدى او حد اشترى ؟؟سؤال شوي محيرني :con2:

[مزيون الدوحه]

ياريت جات على السيارات حتى الارقام المميزه ناس تحط سعر وبعدها ماتبين وتشرد
(( الي على راسه بطحه )) والله والله عيب يخرب على غيره اذا مب قد الكلام لايتكلم ولايطلع فيها أو على الاقل يعتذر ويقول غيرت رايي
وشكرا على الطرح المهم

[مستثمر-قطر]

انا عن نفسي بعت رقميين سياره - خماسي وسداسي

عن طريق المنتدى

و بعت سياره بي ام عن طريق المنتدى

وبعت تقريبا 18 رقم جوال عن طريق المنتدى

وشريت 12 يمكن رقم جوال من المنتدى و3 ارقام سيارات

وشريت 3 سيارات عن طريق المنتدى

وياكثر ناس تعاملت وياهم بالمنتدى وطمعو ويا كثر ناس تعاملت وياهم ويطلعون يعرضون اشياء ماب لهم

والحسابه بتحسب :strong

[ريان]

بصراحه انا اشوف ان الاسعار مبالغ فيها

في اكثر الاشياء مو السيارات فقط

وخصوصا لاعلى سعر .او لو سئلت عن السعر يقول بارد على الخاص .

الا قله قليله اشوفهم متفهمين الوضع ويعرضون ويبيعون

وغيرهم يشتري .



والله يوفق الجميع المشتري والبائع

[HaMo0o0o0oDE]

انا بعت تقريبا 7 ارقام مميزة عن طريق المنتدى
وشريت 3 ارقام مميزة
وشريت ساعه بعد.....
وتواعدت مع 5 كانوا شرايين وعطوني ارقامهم ويوم اروح كيوتل احصل الجوال مسكر
وتواعدت مع واحد اخذت رقمه كنت بشتري منه رقم ويوم احنا رايحين كيوتل يقولي واحد زاد على سومتي 500 ريال وببيعه له قلت له الله يحفظك.......
اخس شي في المنتدى الي يسوم لك سومه ويرجع في كلامه لانه يخرب على الكل على البياع لانه الرقم يوصل له سعر حلو والكل مايبي ياخذ الرقم بهالسعر ويهونون لان الي سام الرقم سامه بسعر صعب وبعدين اي واحد يدش يشوف هالسومه يقول خلاص انا مب شراي

والمشكله الكبيره هاليومين الي قاموا يشاركون بنكات بنات عشان الشباب يشتطون ويشترون منهم

الله يوفق الجميع ان شاء الله.......

.

[Index Signal]

انا بعت تقريبا 7 ارقام مميزة عن طريق المنتدى
وشريت 3 ارقام مميزة
وشريت ساعه بعد.....
وتواعدت مع 5 كانوا شرايين وعطوني ارقامهم ويوم اروح كيوتل احصل الجوال مسكر
وتواعدت مع واحد اخذت رقمه كنت بشتري منه رقم ويوم احنا رايحين كيوتل يقولي واحد زاد على سومتي 500 ريال وببيعه له قلت له الله يحفظك.......
اخس شي في المنتدى الي يسوم لك سومه ويرجع في كلامه لانه يخرب على الكل على البياع لانه الرقم يوصل له سعر حلو والكل مايبي ياخذ الرقم بهالسعر ويهونون لان الي سام الرقم سامه بسعر صعب وبعدين اي واحد يدش يشوف هالسومه يقول خلاص انا مب شراي

والمشكله الكبيره هاليومين الي قاموا يشاركون بنكات بنات عشان الشباب يشتطون ويشترون منهم

الله يوفق الجميع ان شاء الله.......

.


اخيرا في حد غيري لاحظ هالشي..!!

والمشكله هالظاهره انتشرت في كل الاقسام حتى العقارات..!!

[عزوز المضارب]

مزيون الدوحه

مستثمر-قطر

ريان

HaMo0o0o0oDE

Index Signal

يعطيكم الف عافيه وصحيح فعلا في بنات دخلوا سوق السيارات والارقام والعقارات

[الفــهد]

عزوز المضارب


اخوي العزيز .. (( الفهد )) عضو جديد وبالنسبة للموضوع كلام خطيـــــــــــــــــــــــــــــــــــــر .

[قطر501]

مشكلة اخوي عزوز تلقى الواحد يعرض غرض للبيع بعدين تعال دوراه يعني الواحد لازم يتابع حلاله والله الموفق

[عزوز المضارب]

عزوز المضارب


اخوي العزيز .. (( الفهد )) عضو جديد وبالنسبة للموضوع كلام خطيـــــــــــــــــــــــــــــــــــــر .

بالعكس الموضوع عادي جدا وبعض الاعضاء ملاحظ هالشيء ومن ردودهم يبين لك في منه هالكلام

شكرا لمرورك اخوي الفهد

[A HME D]

موضوع مميز والصراحة انا للحين لاشريت ولا بعت ولا عرضت في المنتدى

والله يستر من الي يخربون

[عزوز المضارب]

مشكلة اخوي عزوز تلقى الواحد يعرض غرض للبيع بعدين تعال دوراه يعني الواحد لازم يتابع حلاله والله الموفق
بالفعل هذا اللي حاصل البعض منهم طبعا ولي الكل

وبالتوفيق اخوي قطر 501 وشكرا على المشاركه

[التيما]

صرااااااحه انا صارت لي مرتين ومثل ما قالو الاخوان صار الموضوع فيه انسحاب او هونو مادري شسالفه .. بس ومن يومها حرمت اخذ شي من المنتدى برا ابرك لي واحسن ..

مووووووووووووووضوع واااايد مهم يعطيك العافيه

[Bo-3abed]

والله في ناس كذا (يالله سترك)
انا توني عارض رقم للبيع وبشوف اشلون الاخوان في المنتدى على قد كلامهم ولا لا؟؟؟
وبقولك وش اللي بيصير معي

[SULTAN1]

انا حقيقة شريت سيارة من احد الاخوان الافاضل،والله ماليقيت منه الاكل خير،وبعض اللي يعرضون ينصدمون من اللي يقدم عرض مب من قيمة السلعه،مثلا يقول لهم البايع ان السيارة مسيومه بكذا،وهم يعطونه اقل من السعر اللي مسيومه به.اعرف بان بعض الاشخاص يضع سعر ويقول انها مسيومه بهذا السعر (وهو مب صادق).بس اذا ما عجنا السعر او لاحظنا بان السعر مطلوب ليش ما نتجاهل هذا الشخص وما نرد عليه؟؟؟؟؟؟؟:anger1: :anger1: :anger1: :anger1: :anger1: :anger1:

[عزوز المضارب]

موضوع مميز والصراحة انا للحين لاشريت ولا بعت ولا عرضت في المنتدى

والله يستر من الي يخربون
تسلم اخوي احمد وموفق ان شاء الله

[عزوز المضارب]

صرااااااحه انا صارت لي مرتين ومثل ما قالو الاخوان صار الموضوع فيه انسحاب او هونو مادري شسالفه .. بس ومن يومها حرمت اخذ شي من المنتدى برا ابرك لي واحسن ..

مووووووووووووووضوع واااايد مهم يعطيك العافيه
هو طبعا برا ابرك لكن احيانا لو انسان جاد فعلا بالبيع او الشراء او انه تكون هناك فرص ما في مانع
يسلمو التيما على مرورك الدائم

[عزوز المضارب]

والله في ناس كذا (يالله سترك)
انا توني عارض رقم للبيع وبشوف اشلون الاخوان في المنتدى على قد كلامهم ولا لا؟؟؟
وبقولك وش اللي بيصير معي
منتظرين النتيجه اخوي بوعابد وان شاء الله موفق وشكرا على المرور

[عزوز المضارب]

انا حقيقة شريت سيارة من احد الاخوان الافاضل،والله ماليقيت منه الاكل خير،وبعض اللي يعرضون ينصدمون من اللي يقدم عرض مب من قيمة السلعه،مثلا يقول لهم البايع ان السيارة مسيومه بكذا،وهم يعطونه اقل من السعر اللي مسيومه به.اعرف بان بعض الاشخاص يضع سعر ويقول انها مسيومه بهذا السعر (وهو مب صادق).بس اذا ما عجنا السعر او لاحظنا بان السعر مطلوب ليش ما نتجاهل هذا الشخص وما نرد عليه؟؟؟؟؟؟؟:anger1: :anger1: :anger1: :anger1: :anger1: :anger1:
انا لي راي في الموضوع انه الواحد لو يبي يشتري سياره وكانت مواصافاته مكتوبه بالكامل يدفع كااش وما يسوم ويقول انا شراي بمبلغ كذا على المواصفات الموجوده في العرض ولو طلع غير المواصفات ينسحب او يتفق معاه لو نزل بالسعر

اما موضوع انا بسوم الموتر بكذا يخلي الواحد لو يبي يشتري لازم يدفع فوق السومه فالافضل يقول انا شراي بمبلغ كذا كااش ويكون الرد من صاحب الموضوع في نفس اليوم وما يتاجل الرد

وياريت ويفضل البايع يعرض سعر البيع للموتر بدون ذكر اعلى سعر

[الجهه مجهولة]

بالنسبه لي عرظت كم مرة بيع سيارات ولكن الله يوفقني فيهم برا المنتدى

وكان دايم على اي موظوع بيع او شراء سواء لي او للربع اعظاء المنتدى تحصل كم واحد اصبحوا معروفين عندنا بمداخلاتهم الي لاتودي ولاتجيب ونعطيهم اشكل :funny:

اما بخصوص الشراء تعاملت كذا مرة مع الاخوات الي يعرظون بظاعتهم في المنتدى ولله الحمد يمشي الموظوع على اكمل وجه ,, ومن ظمنهم الاخت (( قطعة سكر ))

وكلن ياخذ نصيبه وشاكرلك خييوه

وموظوع جدا مهم ,, ووجهك ابيض

[هداف]

الناس ماهم سوا فيهم الصادق وفيهم اللي يضيع وقت !!

وانا شريت لاندكروزر من اخوي الوهاااج لكن النقطه الغريبه هي الاسعار المبالغ فيها بالنسبه للسيارات المعروضه والمشكله بعض الاسعار لاتمثل سوق السيارات في قطر ومستحيل انه يبيع موتره بالسعر الخيالي الا على مغفل ؟؟ او غشيم واكثر من غشيم


شكرا

[Qatari2003]

شباب عندي اقتراح ليش مانسوي نفس المواقع الاجنبية وخصوصا في مسائل البيع والشراء يعني كل عضو يكون له ملف اسمه ملف السمعة يمكن لاي شخص الاطلاع عليه مثال: انا عرضت رقم سياره لاعلى سعر واحد حط اعلى سومه وما شره او تراجع عن الشراء يحق لي انه اكتب تعليق انه الشخص هذا لم يقوم باتمام عملية الشراء ولا ننصح بتعامل معة لانه انسان غير جدي. ترسل الرسالة الى المشرف الذي يتاكد بمراجعة الموضوع على المنتدى و من ثم يقوم بادخال هذه المعلومة في الملف الخاص لهذا الشخص (ملف السمعة)

ايش ريكم يا شباب هذا بساعد وايد في التقليل عملية التخريب ؟؟؟

[عزوز المضارب]

بالنسبه لي عرظت كم مرة بيع سيارات ولكن الله يوفقني فيهم برا المنتدى

وكان دايم على اي موظوع بيع او شراء سواء لي او للربع اعظاء المنتدى تحصل كم واحد اصبحوا معروفين عندنا بمداخلاتهم الي لاتودي ولاتجيب ونعطيهم اشكل :funny:

اما بخصوص الشراء تعاملت كذا مرة مع الاخوات الي يعرظون بظاعتهم في المنتدى ولله الحمد يمشي الموظوع على اكمل وجه ,, ومن ظمنهم الاخت (( قطعة سكر ))

وكلن ياخذ نصيبه وشاكرلك خييوه

وموظوع جدا مهم ,, ووجهك ابيض
كل ياخذ نصيبه هي فعلا توفيق من الله والنصيب

والله يوفقك اخوي بس لا يمنع انه في اعضاء يعرض الموتر بمبالغ عاليه واعلى من السوق وفي اعضاء يعرض الموتر فقط للعرض

تحياتي لك اخوي وان شاء الله موفق وشكرا لمشاركتك الرائعه

[عزوز المضارب]

الناس ماهم سوا فيهم الصادق وفيهم اللي يضيع وقت !!

وانا شريت لاندكروزر من اخوي الوهاااج لكن النقطه الغريبه هي الاسعار المبالغ فيها بالنسبه للسيارات المعروضه والمشكله بعض الاسعار لاتمثل سوق السيارات في قطر ومستحيل انه يبيع موتره بالسعر الخيالي الا على مغفل ؟؟ او غشيم واكثر من غشيم


شكرا
انا معاك في اسعار مبالغ فيها والسومه احيانا تضر بالبائع والمشتري
...وان كنت افضل انه البائع يحط سعره النهائي عند العرض ويلتزم فيه واذا في واحد قريب من السعر للبائع يتفق وياه طبعا اذا كانت المواصفات مطابقه للعرض

ومثل ما تفضلت في ناس تكتب سعر الموتر وهو اصلا اغلى من السوق ولا انكر انه في فرص حلوه عن طريق المنتدى سواء للبيع او الشاري

تسلم اخوي هداف ومشكور على المرور

[عزوز المضارب]

شباب عندي اقتراح ليش مانسوي نفس المواقع الاجنبية وخصوصا في مسائل البيع والشراء يعني كل عضو يكون له ملف اسمه ملف السمعة يمكن لاي شخص الاطلاع عليه مثال: انا عرضت رقم سياره لاعلى سعر واحد حط اعلى سومه وما شره او تراجع عن الشراء يحق لي انه اكتب تعليق انه الشخص هذا لم يقوم باتمام عملية الشراء ولا ننصح بتعامل معة لانه انسان غير جدي. ترسل الرسالة الى المشرف الذي يتاكد بمراجعة الموضوع على المنتدى و من ثم يقوم بادخال هذه المعلومة في الملف الخاص لهذا الشخص (ملف السمعة)

ايش ريكم يا شباب هذا بساعد وايد في التقليل عملية التخريب ؟؟؟
كلام عين العقل بس ياترى نقدر نطبقه

انا معاك وحلوه فكرتك ورائعه وياريت تلقى اذان صاغيه

شكرا لك اخوي قطري على الاقتراح الحلو وياريت الجميع يشارك ويطرح افكار اضافيه

[مستثمر 999]

اخيرا في حد غيري لاحظ هالشي..!!

والمشكله هالظاهره انتشرت في كل الاقسام حتى العقارات..!!



والدليل على كلامك انها تردد" ترى انا بنت مب ولد" طبعا اقصد المسنجر والغريب انها تقول لك ان اخوي الي يوصل لك الغرض ...

[قطر501]

الحين المشكلة مب مشكلة الاسعار المشكلة الكبيره الي يعرضون اشياء للبيع ويختفون لازم الواحد يتابع سلعته مب بس يعرض وتعال عدولي ترى والله قاهر يمكن انا ثاني مره اكتب عن هالشي لكن فيه اشياء نبغي نشتريها والبايع ماله أثر

[عزوز المضارب]

والدليل على كلامك انها تردد" ترى انا بنت مب ولد" طبعا اقصد المسنجر والغريب انها تقول لك ان اخوي الي يوصل لك الغرض ...
:eek2: :eek2: :eek2: :eek2:

[شقردي]

اخوي عزوز المضارب انا اشتريت سياره من كم يوم من احد الاعضاء المحترمين الصراحه خوش ولد وقمه في التعامل والاخلاق والصدق

تحياتي

[سيد الهوى]

والله كلامكم عدل

[عزوز المضارب]

اخوي عزوز المضارب انا اشتريت سياره من كم يوم من احد الاعضاء المحترمين الصراحه خوش ولد وقمه في التعامل والاخلاق والصدق

تحياتي
بالتوفيق اخوي شقردي
وشكرا لك على مرورك الرائع

[الكواري 1972]

اشكرك اخوي على الموضوع

الصراحه الاخوان كفو ووفو ماخلو شئ ماقالوه

اما انا عن نفسي ولله الحمد بعت رقم وشريت ساعه :)

ولكن عندي مشكلة العرض من الخارج اقصد من الدول المجاوره بدون تحديد

هو صعب الوصول لهم دوم نختلف على طريقت التوصيل

والاهم من هذا الثقه هني معدومه لان هالمشاكل جاتنا دفعنا ولا حصلنا شئ :(

والله يعطيكم العافيه

[مرحوم قطر]

السلام عليكم ورحمة الله وبركاته

موضوع حلو ومهم و حقيقه واقعه عندنا في هلمنتدى

صحيح يالربع في ناس وايد من الاعضاء تعرض و تطنش و ناس اتسوم بس عبط

وناس اتسوم و تنسى و ناس وناس وناس

بس الي صاير اكثر شي وانا اشوفه انا في ناس تعرض اباسهار ماتدخل المخ

على سبيل المثال

ايي واحد يعرضلك موتر من المواتر و هلموتر سعره في السوق

مايتدى الخمس و عشرين الف

يقولك انا ابيه بربعين وانا مب قايل منهو بس صار بالظبط مثل ماقولكم

و يصر على رايه انه بربعين غير قابل اقوله الله يوفقك و اصد عنه

وايد وايد وايد من الشباب كذا على شنو ماتدري وفي الاخير الموتر يمشي

على رحمة الله يكتبلك مافيص صبغ يطلع مقلوب يكتبلك نظيف يطلع قير شاصي

ونتم ماشي تواعدهم يطنشونك والله المستعان

انا مانكر اني بعت مواتر عن طريق المنتدى لاكن كلهم موترين بس على طول الفتره الي

تميت فيها في المنتدى و الي يقهر في الموضوع ان الاثنين الي بعت مواترهم

موجودين معنا الحين وهم اكيد بيقرون كلامي و الي على راسه بطحه يحسس عليها

ايي واحد يعرض موتره و سعره يدش المخ

ارسله رساله اقوله انا بيبلك شراي و عمولتي (((( 1000 ))))

واحط عمولتي الف بين اقواس

و الشباب الله يجزاهم خير الاول بعت له موتره في يوم واحد

و صفينه الموتر و عطيت المندوب يبدل الاسامي و الفلوس كانة كاش

و بعد ماتبدلة الاسامي انا كنت في الشغل راح الرجال و استلم فلوسه

اتصلت عليه العصر قلت له مبروك قالي الله يبارك فيك (يسوي نفسه مايفهم)

قلت له استلمت فلوسك قالي اي ياخوي ماقصرت (يسوي نفسه ابله)

خر شي بطيته في ويها قلت له ياخوي حنى متفقين على الف عموله قالي اوكي المغرب

المغرب هذا يمكن من شهرين اتصلت عليه كذا مره مايرد ارسله رسايل مايرد

خليتها في ذمته

هذا الاول و الثاني شقالي بعد مانباع موتره و كل شي قالي والله اخوي انا محتاج

وماعرف ايش و سامحني على الفلوس

وتم يترجا و يتليعب

اخر شي شصار غصب عني قلت له الله معاك بس خلها في ذمتك

والله كريم

واتمنا من هلاثنين اذا شافوا ردي يردون انا مابي شي بس ابي اعرف شلون

يقدرون ينمامون وهم ماكلين تعب غيرهم

ومشكورين و اسمحولي على الاطاله

[وحيد-الشوق]

السلام عليكم ورحمة الله وبركاته

موضوع حلو ومهم و حقيقه واقعه عندنا في هلمنتدى

صحيح يالربع في ناس وايد من الاعضاء تعرض و تطنش و ناس اتسوم بس عبط

وناس اتسوم و تنسى و ناس وناس وناس

بس الي صاير اكثر شي وانا اشوفه انا في ناس تعرض اباسهار ماتدخل المخ

على سبيل المثال

ايي واحد يعرضلك موتر من المواتر و هلموتر سعره في السوق

مايتدى الخمس و عشرين الف

يقولك انا ابيه بربعين وانا مب قايل منهو بس صار بالظبط مثل ماقولكم

و يصر على رايه انه بربعين غير قابل اقوله الله يوفقك و اصد عنه

وايد وايد وايد من الشباب كذا على شنو ماتدري وفي الاخير الموتر يمشي

على رحمة الله يكتبلك مافيص صبغ يطلع مقلوب يكتبلك نظيف يطلع قير شاصي

ونتم ماشي تواعدهم يطنشونك والله المستعان

انا مانكر اني بعت مواتر عن طريق المنتدى لاكن كلهم موترين بس على طول الفتره الي

تميت فيها في المنتدى و الي يقهر في الموضوع ان الاثنين الي بعت مواترهم

موجودين معنا الحين وهم اكيد بيقرون كلامي و الي على راسه بطحه يحسس عليها

ايي واحد يعرض موتره و سعره يدش المخ

ارسله رساله اقوله انا بيبلك شراي و عمولتي (((( 1000 ))))

واحط عمولتي الف بين اقواس

و الشباب الله يجزاهم خير الاول بعت له موتره في يوم واحد

و صفينه الموتر و عطيت المندوب يبدل الاسامي و الفلوس كانة كاش

و بعد ماتبدلة الاسامي انا كنت في الشغل راح الرجال و استلم فلوسه

اتصلت عليه العصر قلت له مبروك قالي الله يبارك فيك (يسوي نفسه مايفهم)

قلت له استلمت فلوسك قالي اي ياخوي ماقصرت (يسوي نفسه ابله)

خر شي بطيته في ويها قلت له ياخوي حنى متفقين على الف عموله قالي اوكي المغرب

المغرب هذا يمكن من شهرين اتصلت عليه كذا مره مايرد ارسله رسايل مايرد

خليتها في ذمته

هذا الاول و الثاني شقالي بعد مانباع موتره و كل شي قالي والله اخوي انا محتاج

وماعرف ايش و سامحني على الفلوس

وتم يترجا و يتليعب

اخر شي شصار غصب عني قلت له الله معاك بس خلها في ذمتك

والله كريم

واتمنا من هلاثنين اذا شافوا ردي يردون انا مابي شي بس ابي اعرف شلون

يقدرون ينمامون وهم ماكلين تعب غيرهم

ومشكورين و اسمحولي على الاطاله

crazy crazy crazy

والله موقف بايخ صراحة الله لايعودها مره ثانيه

بس معقولة في ناس جذي :looking:

[مرحوم قطر]

شفت شلون اخوي وحيد

ترى شباب قطر ماعادوا نفس قبل

الا قطر بكبرها ماعادت نفس قبل

[Index Signal]

شفت شلون اخوي وحيد

ترى شباب قطر ماعادوا نفس قبل

الا قطر بكبرها ماعادت نفس قبل

الله يعوضك خير اخوي مرحوم قطر..

و قطر فيها ناس مثلك و شرواك لأن لو خليت خربت..

و الدليل شوف ردود بعض الاعضاء في هالموضوع عن تجاربهم..

اما اللي ما يخاف الله و ينقض الاتفاق عشان كم ريال فحسابه عند ربه كبير و عسير.