سؤال الأسبوع : لماذا بعض الاحيان ما تثق في نفسك حينما تريد ان تعمل ديكور المنزل؟؟؟؟؟؟

[المخلب]

السلام عليكم


بما أن أحنا على وشك الأنتهاء من البنيان والتشطيبات ! (( الله يعين :eek3: )) وقد فلست جيوبنا ! البيت من صوب ! والبورصه الخجوله من جهه آخرى .. :court:

المهم ..

أنا لاحظت الكثير من الاخوان .. والكثير الكثير من الجيران ! يطلبون لهم خبير في الديكور !

وكأن نظره الشخص للديكور بتكون أفضل من نظره من بيسكن البيت ! ..

الصراحه تعجبت ! واحد من الجيران مخسر 30 الف فقط لطلب نصايح للديكور ! (( بدون شغل فقط نصايح و اشراف ! )) .. :looking:

والثاني مخسر مادري كم على ديكور للبيت وطالب خبير لبناني !! <<< يقول اللبناني نظرته اوسع للديكور :D .. مادري من قص عليكم بس crazy .


المهم ان ديكوره طاح من عيني ! صاير ثقيل ومضخم البيت كانه بيطيح فوق صاحبه ! ..


كل واحد حر ..

لكن الحمد لله .. احنا ولله الحمد والمنه قمنا بأنجاز الديكور الي احنا شفناه يعجبنا .. بلا خبير بلا غيره .. ( مو ناقصتنا فلوس ولله الحمد ! ) لكن ماله داعي ابد ! ..

الألوان قمنا بختيارها وسبق وصرحت عن لون الجدران :) .. والجبس مابي اقول فخم بعدين يطلع عادي .. لكن جبس على قد حالنا ! .. وغير كذا اللوان بسيطه وكلاسيكيه ( مب أبيض وله احمر او اصفر ! :looking: ) ..

يعني مادري يمكن من ناحيتي البيت حلو ! .. لكن يمكن وجهة نظر غيري تكون سلبيه .. وكلن له رايه ..


على العموم نرجع لسؤالنا .. لماذا لا نثق في أنفسنا أتجاه ديكور المنزل ! خاصه اننا نحن من سيسكن فيه ! وليس المصمم الذي سيصممه على مزاجه هو ! وليس كما تريد انت ؟! .. وبكم كلمه حلوه بيمشي عليك الموضوع :court:


منتظر اجابتكم .. تحياتي .

[الـدانـه]

حلو موضوعك مخلب


حسب فخامة الفيلا اذا كانت شبه قصر لابد من مصمم ديكور


اما اذاكانت نورمال فالافضل يكون ستايلها بسيط ناعم ممكن تقوم زوجتك بالمهمه

وحلو انك اخترت الستايل البسيط هو الدارج وكلاسيكي اكثر


بيتك قريب البحر ....... اي بحر ؟ <<<<<<< موشغلج :p



جعله بيت(ن) عامر يالمخلب .

[دلة الرسلان]

مش الجمبع يصرون ع خبير الديكور الا اذا عندهم

فلوس زايدة :court: او كلش ما يعرفون ينسقون الوانهم . مع ان البيت انعكاس لشخصية

صاحبه يعني من ما جبت ماراح يعطي اللي في خاطري . وصار تشوف بيوت الحين كانها

متاحف مش للسكن .

بالنسبة لي قمت ارسم على الحائط وانقل من مجلات متخصصة اول مرة طلع يعني حتى عرفت

درجات الالوان وبصراحة omen الاغلبية ما تصدق انه شغلي .

كانت مغامرة بس قلت اذا ما ظبط جبت متخصص بس طلع OK:)

[Bo-3abed]

انا اثق في ديكوري لكن عندي الممرات والمجالس ابي اشاور الخبير
لكن الغرف مايبيله خبير والمطبخ الله يخلي لنا الحريم وافكارهم
يعطيك العافيه

[بيانو]

اذا انت واثق من نفسك فى الاشياء العادية
فسوف تكن واثق من اختيار الديكور المناسب لك ولبيتك
ولا مانع من الاستفاده بمهندس ديكور فى بعض الاشياء


يسلمو على الموضوع اخوى

[ضوى]

شكرا يالمخلب على هالموضوع

ممممممم على انه بيتي بيت شعبي بس انا صممته نظام فيلا من داخل ، يعني الشكل من بره بيت شعبي للحين ما تفرغت بس من داخل نظام فيلا ، كل شئ من غير استثناء فيه ذوقي وروحي واحساسي ما في اي غريب دخل البيت وحط شئ على ذوقه ، لمساتي وسحري بالبيت كله ، وهذا شئ ضروري يصير لانه انا اللي باقعد في البيت مو مصمم الديكور

تحياتي يالمخلب

[sulai6i]

السلام عليكم ..


مب كل الناس يروحون لمصممي الديكور يالمخلب
انا عن تجربتي الشخصية ( الحين قاعد أأثث البيت )
اتذكر قبل ما ابدا في البنيان .. خذت لي فترة افتر وادور على البيوت اللي تنبني
وكيمرتي وياي .. كل ما ادش بيت اصور اللي يعجبني فيه
واشتركت في مجلتين متخصصين في الديكور
مجلة البيت المثالي + مجلة المسكن
سنة كاملة وانا على هالحال .. لين رسمت لي فكرة كاملة عن بيتي اللي ناوي ابنيه
بحيث يكون بيت حلو وراقي وعلى مستواي وما ياكل فلوسي كلها
والحمدالله .. سوينا الخرايط على مزاجنا .. وباتدينا في البنيان وخلصنا
بالنسبة للأثاث .. شريته كله من الصين قبل كم شهر
الجبس والصبغ وورق الجدران والستاير كلها من اختيارنا انا وام العيال
حتى المطبخ ديكوره وتوزيع الحزائن والاكسسوارات اللي فيه كله من اختيارنا
يعني بالعربي .. ما لجأت لمصمم ديكور ابدا
جاتني فكرة اني اكلم واحد يوزع لي الإضاءة في البيت .. لكن غيرت رايي ووزعتها بروحي

شكرا على الموضوع يالمخلب
والله يجعل بيتكم عامر بذكر الله

[المخباط]

مهب الكل ذوقة حلو لذلك يلجأوون لمصممي الديكور :D
المشكلة مصمم الديكور نفسه يطالب باتعاب مبالغ فيها للقيام بتصميم ليس فية تميز او تجديد
لو لفيت على بيوت قطر اللي تعاملت معه بتلاقي الاستنساخ في الديكورالاخ ما تعب نفسة في التصميم او حتى ما غير الاسكتشات كلة من الكمبيوتر :(

ليش اللي حاب يستعين بمهندس الديكور ما يستعين بقدرات خريجينا القطريين من جامعه فرجينيا احس افكارهم بتكون انسب ومتجددة ومتميزة:app:
عن نفسي صممت بيتي من الالف للياء وانا مش مهندسة يعني انا اللي رسمت الاسكتش
المبدئي بمقاساتة وعطيتة مكتب هندسة عشان الخرائط النهائية وبعد ذلك عملنا التشطيبات
وكل من دخل بيتنا اطرا علية للعلم هو ليس بيت العمر بيت العمر لسة يبغي لة افكار على فراغة وانشالله اشرككم معي في تفاصيلة بموضوع منفصل لتعم الفائدة
مبروك مقدما وجعلة الله منزلا مباركا يالمخلب:nice:
تحياتي

[المخلب]

حلو موضوعك مخلب


حسب فخامة الفيلا اذا كانت شبه قصر لابد من مصمم ديكور


اما اذاكانت نورمال فالافضل يكون ستايلها بسيط ناعم ممكن تقوم زوجتك بالمهمه

وحلو انك اخترت الستايل البسيط هو الدارج وكلاسيكي اكثر


بيتك قريب البحر ....... اي بحر ؟ <<<<<<< موشغلج :p



جعله بيت(ن) عامر يالمخلب .

احلوت ايامك دانه .

شو كيفوا البابا .. شو اخبار الزلمه ابو لؤي :D .. وكيفها سوريـــا ..:strong

تأبريني بنت عمي .. تعالي لكان ..

شوفي .. (( بحكيكي هلاء بالقطري منيح هيك :funny: ))

الله يسلمك شوفي .. حلاتها يدخل ملمس صاحب البيت وذوقه خاصه ان كان بيت العمر ..

ساعات الواحد لما يجيب مصمم يتحسف انه ماعطاه الروح الفيسوجغرافيه للبيت .. فبعض ( و اعرفهم شخصيا ) ندم على المصصم بعد مرور 4 سنين على بيته !

لان أغلب ديكورات المصممين تكون مدتها بين سنه الى 5 سنين !! ( وبالذات الجدد منهم ! ) فنظرته ماتكون للمدى الطويل لــ 10 سنين او 12 سنه قدام ! ..

شكرا على ابداء الراي يا أخت دانه .. :)

:looking: بيتنا والله قريب من البحر ! بس مو جنبه :D

ليش خاطرك تشوفينه .. ؟ ترى عادي مفتوح للجميع .. حياك الله اي وقت ! :looking:

[M-OH-A-ME-D]

جوهر المضوع في ذات الشخص
الثقه بالنفس
الكل بفكرها كلمه والسلام ما بيعرفو أنها أساس تكوين الشخصيه
ومعظم الأشخاص ألي بفضلو أنهم ياخدو بأراء الأخرين تكون شخصيتهم ضعيفه وقراراتهم غير كالمله

أنا أقول يجب أن تكون أيها الشخص نفسك
ولا تكون وسيلة لبيان أراء الأخرين للمجتمع
وشكرآآآآآآآآآآآآآآآ

[المخلب]

مش الجمبع يصرون ع خبير الديكور الا اذا عندهم

فلوس زايدة :court: او كلش ما يعرفون ينسقون الوانهم . مع ان البيت انعكاس لشخصية

صاحبه يعني من ما جبت ماراح يعطي اللي في خاطري . وصار تشوف بيوت الحين كانها

متاحف مش للسكن .

بالنسبة لي قمت ارسم على الحائط وانقل من مجلات متخصصة اول مرة طلع يعني حتى عرفت

درجات الالوان وبصراحة omen الاغلبية ما تصدق انه شغلي .

كانت مغامرة بس قلت اذا ما ظبط جبت متخصص بس طلع OK:)

ماشاء الله عليك .. شرايك تعرضين لنا بعض ما قمتي بأنجازه سيدتي الفاضله .. :)

[المخلب]

انا اثق في ديكوري لكن عندي الممرات والمجالس ابي اشاور الخبير
لكن الغرف مايبيله خبير والمطبخ الله يخلي لنا الحريم وافكارهم
يعطيك العافيه


يقولون المجلس هو الوجه الأول لأخذ الانطباع عن البيت ! ..

فإن كان عادي .. فنظرتهم للبيت بتكون عاديه .

وان كان مميز نظرتهم للبيت بتكون مميزه ..

الله يوفق .. وعلى فكره ترى ماله داعي ( من وجهت نظري ) انك تخسر للممرات والمجالس .. حط لمستك ترى فيها احساس اكثر ! ..

اهم شئ راحتك انت .. :)

[المخلب]

اذا انت واثق من نفسك فى الاشياء العادية
فسوف تكن واثق من اختيار الديكور المناسب لك ولبيتك
ولا مانع من الاستفاده بمهندس ديكور فى بعض الاشياء


يسلمو على الموضوع اخوى


كلام سليم .. شكرا ..

[المخلب]

شكرا يالمخلب على هالموضوع

ممممممم على انه بيتي بيت شعبي بس انا صممته نظام فيلا من داخل ، يعني الشكل من بره بيت شعبي للحين ما تفرغت بس من داخل نظام فيلا ، كل شئ من غير استثناء فيه ذوقي وروحي واحساسي ما في اي غريب دخل البيت وحط شئ على ذوقه ، لمساتي وسحري بالبيت كله ، وهذا شئ ضروري يصير لانه انا اللي باقعد في البيت مو مصمم الديكور

تحياتي يالمخلب


ممتاز .. وعقبال الكبير :nice: ..

ومثل ماتفضلتي ماما ضوى ان البيت حلاتها بلمسه اصحابه .. :)

شكرا لك

[المخلب]

السلام عليكم ..


مب كل الناس يروحون لمصممي الديكور يالمخلب
انا عن تجربتي الشخصية ( الحين قاعد أأثث البيت )
اتذكر قبل ما ابدا في البنيان .. خذت لي فترة افتر وادور على البيوت اللي تنبني
وكيمرتي وياي .. كل ما ادش بيت اصور اللي يعجبني فيه
واشتركت في مجلتين متخصصين في الديكور
مجلة البيت المثالي + مجلة المسكن
سنة كاملة وانا على هالحال .. لين رسمت لي فكرة كاملة عن بيتي اللي ناوي ابنيه
بحيث يكون بيت حلو وراقي وعلى مستواي وما ياكل فلوسي كلها
والحمدالله .. سوينا الخرايط على مزاجنا .. وباتدينا في البنيان وخلصنا
بالنسبة للأثاث .. شريته كله من الصين قبل كم شهر
الجبس والصبغ وورق الجدران والستاير كلها من اختيارنا انا وام العيال
حتى المطبخ ديكوره وتوزيع الحزائن والاكسسوارات اللي فيه كله من اختيارنا
يعني بالعربي .. ما لجأت لمصمم ديكور ابدا
جاتني فكرة اني اكلم واحد يوزع لي الإضاءة في البيت .. لكن غيرت رايي ووزعتها بروحي

شكرا على الموضوع يالمخلب
والله يجعل بيتكم عامر بذكر الله


تعجبني والله .. بس كم كلفك الاشتراك في المسكن ! ؟

غير كذا عزيزي السليطي انا اشوف اللمسه الحره من اصحاب البيت تعطيه فخامه لان يقدر يعبر للضيوفه عن تصميمه ويكون من قلبه .. :strong

[المخلب]

مهب الكل ذوقة حلو لذلك يلجأوون لمصممي الديكور :D
المشكلة مصمم الديكور نفسه يطالب باتعاب مبالغ فيها للقيام بتصميم ليس فية تميز او تجديد
لو لفيت على بيوت قطر اللي تعاملت معه بتلاقي الاستنساخ في الديكورالاخ ما تعب نفسة في التصميم او حتى ما غير الاسكتشات كلة من الكمبيوتر :(

ليش اللي حاب يستعين بمهندس الديكور ما يستعين بقدرات خريجينا القطريين من جامعه فرجينيا احس افكارهم بتكون انسب ومتجددة ومتميزة:app:
عن نفسي صممت بيتي من الالف للياء وانا مش مهندسة يعني انا اللي رسمت الاسكتش
المبدئي بمقاساتة وعطيتة مكتب هندسة عشان الخرائط النهائية وبعد ذلك عملنا التشطيبات
وكل من دخل بيتنا اطرا علية للعلم هو ليس بيت العمر بيت العمر لسة يبغي لة افكار على فراغة وانشالله اشرككم معي في تفاصيلة بموضوع منفصل لتعم الفائدة
مبروك مقدما وجعلة الله منزلا مباركا يالمخلب:nice:
تحياتي

والله في طالبات مسويين كراسي في فرجينيا عجيبه .. قلت بشتري واحد قالوا مب للبيع :looking: :funny:

بس ماشاء الله عليهم شغلهم حلو ..

[المخلب]

جوهر المضوع في ذات الشخص
الثقه بالنفس
الكل بفكرها كلمه والسلام ما بيعرفو أنها أساس تكوين الشخصيه
ومعظم الأشخاص ألي بفضلو أنهم ياخدو بأراء الأخرين تكون شخصيتهم ضعيفه وقراراتهم غير كالمله

أنا أقول يجب أن تكون أيها الشخص نفسك
ولا تكون وسيلة لبيان أراء الأخرين للمجتمع
وشكرآآآآآآآآآآآآآآآ


شكرا لك .. والثقه بالنفس اساس النجاح

[حورية البحر]

لالالالالا
موب شي تجيب خبير ومصمم ديكور كل شخص هو مصمم ديكور لنفسة
والحمد الله انا واثقة من نفسي
لانة كل مرة ارتب ديكورات واضيف اضافات ببيت اهلي يلفت الغير بالسوال والمدح الفكرة
وبعدين الافكار اكثير الي عندي وحلو الشخص يحط لمساتة هوووووو

وثقتي موجودة لاني ابدع واحب ابدع ببيتي وبالمكان الي اعيش فية بافكار حلووووة وابي اعيشها والحمدالله كلا يتعجب ويتمناها ويسوي مثلها


واكيد ببيتي بسوي وابدع بتصامييم راقية وجذابة وفيها فخامة لاني احب ذي الشي وموب شرط انة يكلف مبالغ هايلة وطايلة

[المخلب]

لالالالالا
موب شي تجيب خبير ومصمم ديكور كل شخص هو مصمم ديكور لنفسة
والحمد الله انا واثقة من نفسي
لانة كل مرة ارتب ديكورات واضيف اضافات ببيت اهلي يلفت الغير بالسوال والمدح الفكرة
وبعدين الافكار اكثير الي عندي وحلو الشخص يحط لمساتة هوووووو

وثقتي موجودة لاني ابدع واحب ابدع ببيتي وبالمكان الي اعيش فية بافكار حلووووة وابي اعيشها والحمدالله كلا يتعجب ويتمناها ويسوي مثلها


واكيد ببيتي بسوي وابدع بتصامييم راقية وجذابة وفيها فخامة لاني احب ذي الشي وموب شرط انة يكلف مبالغ هايلة وطايلة

شئ طيب .. ياريت تصورين لنا ابداعاتك الفنيه وتعرضينهم هنا ..

منها تعم الفائده منها يستفيد الجميع ..

شكرا لك على الرد ..

[ابن ادم]

عليكم السلام

إذا كانت غرفة واحدة ما في مشكلة بس إذا كان على قصر أو مبنى كبير أحسن مهندس ديكور

وبعدين شغلهم مش وايد صعب كثير منهم يشوفون صور من الانترنت والمجلات ويطبقونها

[مريديان]

ماشاء الله على الاعضاء اكثرهم طلعوا خبرا بالتصميم الداخلي...ياريت لو نشوف بعض الافكار منكم بقسم العقار..

بالنسبة لبيتنا ..انا عطت مصممة ديكور داخلي افكاري و تصوري لشكل الديكور وستايله..وهي نسقت لي..

الافكار والذوق موجودين..بس التنسيق وشغل المساحات صعب ويبغي خبرة..او ليش في تخصص interior design

[المخلب]

عليكم السلام

إذا كانت غرفة واحدة ما في مشكلة بس إذا كان على قصر أو مبنى كبير أحسن مهندس ديكور

وبعدين شغلهم مش وايد صعب كثير منهم يشوفون صور من الانترنت والمجلات ويطبقونها


غرفه وحده ! اخوي بتعني نفسك وتبني غرفه !! مافي داعي منها :) .. crazy

حتى القصور عزيزي مالها داعي ان نطلع لها مهندس ديكور .. الا اذا بزي ! اكيد ..

تحياتي لك

[المخلب]

ماشاء الله على الاعضاء اكثرهم طلعوا خبرا بالتصميم الداخلي...ياريت لو نشوف بعض الافكار منكم بقسم العقار..

بالنسبة لبيتنا ..انا عطت مصممة ديكور داخلي افكاري و تصوري لشكل الديكور وستايله..وهي نسقت لي..

الافكار والذوق موجودين..بس التنسيق وشغل المساحات صعب ويبغي خبرة..او ليش في تخصص interior design


هذا انا اقولهم ورونا شغلكم علشان نتعلم منكم :) ..

شكرا على المرور .. على العموم الذوق ساعات يختلف منك الى المصممه !! ..

لان انتي صاحبه البيت بعكسها هي بتاخذ الفلوس وتمشي :) ..

[ابن ادم]

غرفه وحده ! اخوي بتعني نفسك وتبني غرفه !! مافي داعي منها :) .. crazy

حتى القصور عزيزي مالها داعي ان نطلع لها مهندس ديكور .. الا اذا بزي ! اكيد ..

تحياتي لك

يعطيك العافية، بس ترى المسألة فيها تخصصية وفرضاً لو باع المبنى بيسوى زيادة عشرة في المية لو حط مهندس ديكور للمبنى...وعلى قولة المثل حط الخباز خبزه ولو كل نصه

[المخلب]

يعطيك العافية، بس ترى المسألة فيها تخصصية وفرضاً لو باع المبنى بيسوى زيادة عشرة في المية لو حط مهندس ديكور للمبنى...وعلى قولة المثل حط الخباز خبزه ولو كل نصه

وجهة نظر تستحق الوقوف عليها ..

تحياتي لك .