هل عندك مانع نعرف النك نيم ؟؟؟؟

[دلة الرسلان]

السلام عليكم اخواني واخواتي ،

كنت في بيت احد الاخوات وتفأجات باحداهن تناديني بالنيك الحلو :D دلـــــــــــة الرســــــــلان

ومع ان الحضور كلهن اخواتي او بناتهن الا انني اصبت باضطراب وتلعثم في الكلام وكاد يغمي

علي واشير للبنات من طرف خفي واغمز علشان يغيرون الموضوع .

وبعدين خلاص مسكت الاخوات وخاصة المراهقات ونبهتهن بان النيك حقي سر عسكري ويجب

التستر عليه :deal:

الموضـــــــــــــــــوع : هل تجد في نفسك حرج اذا اطلع شخص مــــــــــــــا على النيك نيم الذي

تكتب به ســــــــــــــــــواء في منــتـــــــــــدانا او غيره ؟؟ ولماذا ؟؟

وهل يختلف الوضع اذا كان الكاتب رجل او امرأة ؟؟

نحب ان نستمع الى ارائكن .

رجــــــــــــاء من حكمــــــــــاء المنتدى اذا الموضوع مكرر احذفوه .

[ضوى]

دلولة

اعتقد الموضوع مش مكرر

بس انتي صادوج بالنك نيم

عموما جوابي على سؤالج

هو انا اسمي ضوى بكل مكان المنتديات اللي مشاركة فيها بالتسجيل فقط يمكن 4 منتديات بس مشاركاتي بس هنا بهالمنتدى وكلها بنفس النك نيم ، واللي في الشغل عندي كلهم يعرفون النك نيم لانهم يحبون يقرون اللي اطرحه صحيح ما يردون مع انهم مشاركين بس يمرون عالموضوع بدون تعليق

بالنسبة لي ما عندي اي مشكلة في انه احد يعرف النك نيم الخاص فيني لاني ما اكتب شئ مخجل ولا شئ ما يشرف .

[لمت داون111]

عااااادي .. لا مشكله ولا احراج :nice:

جات فتره بالماضي ( ايام الشات ) كنا نتفق ان نتجمع بمكان محدد وبساعه محدده .. عشان للي يحب يجي نتعرف علي بعضنا خارج الشات .. وتم التعارف فعلا مع مجموعه كبيره من الشباب وكونت علاقه صداقه مع جزء كبير منهم والحمدلله

وهالكلام من خمس سنوات تقريبا .. وكلنا نعرف اسامي وعوائل بعضنا الحقيقه .. لكن حزات لما اشوف واحد من ربعنا بمجمع او بالسوق .. اناديه بنك نيمه لاشعوريا ههههههههه وهو ايضا يناديني بنفس الشي:strong .. ولا في احراج مع انه اغلب المناداه بهالاسامي جدام الناس .. عادي يعني :D


واذكر مره واحد من ربعنا بالشات عزمنا علي عرسه .. ومعرفتي فيه كانت ايامها تتعدى الثلاث سنوات ولما حضرت عرسه من زود فرحته بشوفتي .. اول ماشافني ناداني لاشعوريا بصوت عالي يا ......:eek2: طبعا نك نيمي بالشات هههههههه والمشكله ابوه واعمامه واخوانه احذاه وانا انحرجت من الاسم لانه جدام شياب واكيد بيستغربون من هالاسامي crazy وعقب عاتبته بيني وبينه ههههههه طبعا عقب ماراح شهر العسل وجا :p

موضوع رائع اختي دلة الرسلان .. واشكرج علي طرحه .. يالله خلنا نستفيد من تجارب الاعضاء:nice:

[khaldoon]

والله انا كثير ناس تعرف النيك نيم بس بصراحه كان الافضل لو ما يعرفونه


كل الشكر على الموضوع الحلو

[السديم]

مرحبا اختي دلة رسلان ..

والله موضوعج ماظن انه مكرر ..

عن نفسي الكل يعرف اني السديم وبكل المنتديات اذا لقيت النك فاضي اسجل فيه على طول او اضيف له تاريخ الميلاد المهم في النهايه سديم :)

عماتي امي خواني خواتي الكل الموظفين يعرفون اني السديم .. مافي شي انحرج منه انا اعرف شنو اللي قاعده اكتبه واطرحه ليش الحرج ؟؟؟وهذي انا السديم بالنت وخارج النت نفس الشخصية خلهم يدرون ..

وبالنسبة لكلام ليمت داون انا تقريبا مثلك مشتركه من فتره بأحد المواقع القطرية النسائية وكلها بنات وعرايس وامور ازياء وموضة ومع مجموعة مب بسيطه طلعت علاقتنا خارج النت وطلعت اعرفهم وفيهم بنات جيرانا ابد مانحرجت يوم عرفوني بالعكس شي حلو ان الانسان يكون اجتماعي حتى بالنت :)

بس تدرين للأسف للحين عندنا النظرة الضيقه للانترنت الا وهي ان كل عالم النت خراب وفساد وهذا اللي يخلي الواحد يحذر شوي انه يقول هو من ..

لج كل الشكر :nice:

[shrook]

مرحبا اختي دله انا شايفه الموضوع عادي حتى لو عرفوا النك نيم الخاص فيا

ما رايح ياثر عاااااااااااااااااااادي ...............

مشكوره على طرح الموضوع

[قمرهم كلهم.]

بالعكس اختي دلة الرسلان انا استانس لما حد يعرف النيك نيم حقي لا ويكبر راسي بعد لما يقرى مواضيعي ومشاركاتي احس اني ازيد من نشاطي لأني بكون مسئول امام من يعرفني فاحب اني اقدم احسن ما لدي

تحياتي

[المهاجر]

يعطيج العافيه
بصراحه انا اعتز بالنك نيم حقي لان له مكانه خاصه في نفسي واحب ينادوني به مع ان اللي يعرفونه قليل جدا وهم من المقربين لي .

[sulai6i]

السلام عليكم ..

أجد صعوبة في اختيار اسم المُعرف ..
منذ سنوات كان معرفي في أحد المنتديات يختلف عني معرفي الآن
حتى في هذا المنتدى .. كان مُعرفي ( واحد في حاله ) وقمت بتغييره قبل عدة أشهر
اما بخصوص معرفة الأصدقاء لي من خلال مُعرفي .. فلا ضير في ذلك

[ورقــة أمــل]

عادي ينادوني باسمي ولا بالنك النيم
بس انا مالي نك نيم معين في اي من المنتديات

[لمت داون111]

وبالنسبة لكلام ليمت داون انا تقريبا مثلك مشتركه من فتره بأحد المواقع القطرية النسائية وكلها بنات وعرايس وامور ازياء وموضة ومع مجموعة مب بسيطه طلعت علاقتنا خارج النت وطلعت اعرفهم وفيهم بنات جيرانا ابد مانحرجت يوم عرفوني بالعكس شي حلو ان الانسان يكون اجتماعي حتى بالنت :)



فعلا .. ترا شي طيب :) .. ومثل ماقلتي عاده جميله انه الواحد يكون اجتماعي بالنت وبرع النت .. والحمدلله هذي العاده نعمه من ربج :nice: ووايد انحرمو منها .. الله يعوضهم بألي أحسن :)

تصدقين اختي السديم .. في شباب علاقتي وياهم اكثر من اخوه وصار لي اعرفهم حول ال6 سنوات .. وبدايتي معرفتي فيهم كانت الشات . . وواحد منهم لما تزوج طلع انه متزوج وحده تقرب لي من بعيد .. سبحان الله الدوحه صج صغيره :strong

وعلي فكره دام هالموضوع بالمنتدي .. احب اذكر انه من فتره طويله .. علي بدايه ايام هالمنتدي .. ;)

تعرفت علي شباب فيه وواعدتهم اكثر من مره .. والحمدلله كانت علاقتي فيهم طيبه جدا .. ولو انه ماعاد بيني وبينهم وصل حاليا .. للأسف !! crazy

بس لو انهم يشوفون ردي احب اقولهم اني تشرفت بمعرفتهم والله :) وعلي الاقل لو قابلتهم في مكان عام اسلم عليهم واسترجع معاهم ذكريات المنتدي ونعقر فيكم شوي:D ونعطيكم شويه حسنات:shy:

[مريديان]

لا انا مااحب ان حد يعرف نكي...ثلاث اشخاص بس يعرفون منو تكون مريديان ويعرفون كل شي عني...من هالمنتدى

بس في كذا منتدى ونكي غيرعن مريديان.. ومعتمدته..بااكثر من مكان.. في يعرفوني بحكم وجود بعض الصديقات معاي....بس "in general" مااحب حد يعرف..

ويعطيج العافية

[hamoor4ever]

خل يعرفون بالعكس اللي يخاف ان محد يعرف دليل انه يكتب شي مب مقتنع فيه .. يعني شنو فيها لو عرفوا اني قاعد اكتب

[الزاجل]

خل يعرفون بالعكس اللي يخاف ان محد يعرف دليل انه يكتب شي مب مقتنع فيه .. يعني شنو فيها لو عرفوا اني قاعد اكتب

مب شرط ..

ما احب حد يعرف نك نيمي .. مب لأنني اكتب شي مب مقتنع فيه

بس


:D

خايف من مقالبهم :(


عيالي يعرفوني وين ما اروح
بس الربع واخواني مستحيل :court:

[ابوالجازي]

اعتقد شي عادي

وعن نفسي كنت استخدم اسم غير بس لان الكل كان يفكرني بنت

واعتقد الحين وايد ناس تعرفني وخاصه لما يشوفون صورة عيالي :d

[al_lord]

انا نكي في المنتديات العربيه اللورد بس لانه بالمنتدى مأخوذ فسميت نفس الاسم بس بالعنكليزي وهذا النك معروف به عند الاهم والربع من سنين وكثير من الشباب اذا سجلوا بالمنتدى يفكرون انه اللورد هو انا :) " محد يتوسط لنا نشتري النك من اللورد "

[(الفيصل)]

جدا اعتز بالنك نيم الخاص فيني (الفيصل) وهو يعنيلي أمور كثيره .... بس أكثر شيء يزعلني في هذا النك نيم ... هو أن فيه كثير يحملونه من مستخدمي النت... وللاسف الشديد الغالبيه اساءوأ له كثير:court: ... وحصلت معاي مواقف كثيره بسبب هذه التشابهه.:anger2: ... والشرح يطوووووووول......... تقبلي مروري وتحياتي لك

[badr_vip55]

دلة رسلان مساء الخير


عني انا اصلا محد يتوقع اني ادخل الكمبيوتر بكبره مافي الا واحد الي هو معلمني عليه بس

[بوخالد2]

مرحبا اختي دلة رسلان ..

والله موضوعج ماظن انه مكرر ..

عن نفسي الكل يعرف اني السديم وبكل المنتديات اذا لقيت النك فاضي اسجل فيه على طول او اضيف له تاريخ الميلاد المهم في النهايه سديم :)

عماتي امي خواني خواتي الكل الموظفين يعرفون اني السديم .. مافي شي انحرج منه انا اعرف شنو اللي قاعده اكتبه واطرحه ليش الحرج ؟؟؟وهذي انا السديم بالنت وخارج النت نفس الشخصية خلهم يدرون ..

وبالنسبة لكلام ليمت داون انا تقريبا مثلك مشتركه من فتره بأحد المواقع القطرية النسائية وكلها بنات وعرايس وامور ازياء وموضة ومع مجموعة مب بسيطه طلعت علاقتنا خارج النت وطلعت اعرفهم وفيهم بنات جيرانا ابد مانحرجت يوم عرفوني بالعكس شي حلو ان الانسان يكون اجتماعي حتى بالنت :)

بس تدرين للأسف للحين عندنا النظرة الضيقه للانترنت الا وهي ان كل عالم النت خراب وفساد وهذا اللي يخلي الواحد يحذر شوي انه يقول هو من ..

لج كل الشكر :nice:

هلا اختى السديم كلامج جميل

بس انا مب معا اني اتعرف على النااس برع المنتدى مثلا واكون صداقات معاهم في ناس اتعرفيهم وماتعرفين الى يخفوون لج هل هو مثل الصديق الصدوق ام مجرد لاانه يعرفني في المنتدى

ولكن انا عن نفسي عادي يعرف النيك نيم مالى بس (( اكون صداقه )) شي مااافكر فيه :deal:

يسلمو دلة الرسلان على الموضوع الجميل

ولكن اختى اتعرفين البنت الى يطلقون عليها لقب (( دله الرسلان )) اى يعني هي ؟؟

مب قايلج :eek2:

[دلة الرسلان]

في البداية احب اشكر اخواني واخواتي اللي تكرموا وردوا علي وحلو نتعرف على

خفايا النك نيم .

[دلة الرسلان]

دلولة

اعتقد الموضوع مش مكرر

بس انتي صادوج بالنك نيم

عموما جوابي على سؤالج

هو انا اسمي ضوى بكل مكان المنتديات اللي مشاركة فيها بالتسجيل فقط يمكن 4 منتديات بس مشاركاتي بس هنا بهالمنتدى وكلها بنفس النك نيم ، واللي في الشغل عندي كلهم يعرفون النك نيم لانهم يحبون يقرون اللي اطرحه صحيح ما يردون مع انهم مشاركين بس يمرون عالموضوع بدون تعليق

بالنسبة لي ما عندي اي مشكلة في انه احد يعرف النك نيم الخاص فيني لاني ما اكتب شئ مخجل ولا شئ ما يشرف .

شكرا اختي ضوى :eek: بعد في الشغل

عارفينه بعد انا انشاء الله بعد مواضيعي ستيره بس احس للحين صعب قبول مشاركة

المرأة في المنتديات .وشكرا طمنتيني ان الموضوع غير مكرر .

[دلة الرسلان]

عااااادي .. لا مشكله ولا احراج :nice:

جات فتره بالماضي ( ايام الشات ) كنا نتفق ان نتجمع بمكان محدد وبساعه محدده .. عشان للي يحب يجي نتعرف علي بعضنا خارج الشات .. وتم التعارف فعلا مع مجموعه كبيره من الشباب وكونت علاقه صداقه مع جزء كبير منهم والحمدلله

وهالكلام من خمس سنوات تقريبا .. وكلنا نعرف اسامي وعوائل بعضنا الحقيقه .. لكن حزات لما اشوف واحد من ربعنا بمجمع او بالسوق .. اناديه بنك نيمه لاشعوريا ههههههههه وهو ايضا يناديني بنفس الشي:strong .. ولا في احراج مع انه اغلب المناداه بهالاسامي جدام الناس .. عادي يعني :D


واذكر مره واحد من ربعنا بالشات عزمنا علي عرسه .. ومعرفتي فيه كانت ايامها تتعدى الثلاث سنوات ولما حضرت عرسه من زود فرحته بشوفتي .. اول ماشافني ناداني لاشعوريا بصوت عالي يا ......:eek2: طبعا نك نيمي بالشات هههههههه والمشكله ابوه واعمامه واخوانه احذاه وانا انحرجت من الاسم لانه جدام شياب واكيد بيستغربون من هالاسامي crazy وعقب عاتبته بيني وبينه ههههههه طبعا عقب ماراح شهر العسل وجا :p

موضوع رائع اختي دلة الرسلان .. واشكرج علي طرحه .. يالله خلنا نستفيد من تجارب الاعضاء:nice:

مرحبا اخوي شفت هذا هو الفرق بين الرجال والنساء :deal: يعني ما اعتقد الشات

مناسب للفتاة بس للشاب لابأس بالتعارف وزيادة الثقافة .

[دلة الرسلان]

والله انا كثير ناس تعرف النيك نيم بس بصراحه كان الافضل لو ما يعرفونه


كل الشكر على الموضوع الحلو

ياهلا خلدون يعني مثلي :nice:

[دلة الرسلان]

مرحبا اختي دلة رسلان ..

والله موضوعج ماظن انه مكرر ..

عن نفسي الكل يعرف اني السديم وبكل المنتديات اذا لقيت النك فاضي اسجل فيه على طول او اضيف له تاريخ الميلاد المهم في النهايه سديم :)

عماتي امي خواني خواتي الكل الموظفين يعرفون اني السديم .. مافي شي انحرج منه انا اعرف شنو اللي قاعده اكتبه واطرحه ليش الحرج ؟؟؟وهذي انا السديم بالنت وخارج النت نفس الشخصية خلهم يدرون ..

وبالنسبة لكلام ليمت داون انا تقريبا مثلك مشتركه من فتره بأحد المواقع القطرية النسائية وكلها بنات وعرايس وامور ازياء وموضة ومع مجموعة مب بسيطه طلعت علاقتنا خارج النت وطلعت اعرفهم وفيهم بنات جيرانا ابد مانحرجت يوم عرفوني بالعكس شي حلو ان الانسان يكون اجتماعي حتى بالنت :)

بس تدرين للأسف للحين عندنا النظرة الضيقه للانترنت الا وهي ان كل عالم النت خراب وفساد وهذا اللي يخلي الواحد يحذر شوي انه يقول هو من ..لج كل الشكر :nice:

يا هلا يالسديم وهذا اللي يخوفنا على ها النيك نيم لاحد يكتشفه .

[دلة الرسلان]

مرحبا اختي دله انا شايفه الموضوع عادي حتى لو عرفوا النك نيم الخاص فيا

ما رايح ياثر عاااااااااااااااااااادي ...............

مشكوره على طرح الموضوع

يا شديد :strong

[دلة الرسلان]

يعطيج العافيه
بصراحه انا اعتز بالنك نيم حقي لان له مكانه خاصه في نفسي واحب ينادوني به مع ان اللي يعرفونه قليل جدا وهم من المقربين لي .

بس يا المهاجر هل عندك مانع اذا حد عرف النيك نيم ؟

[عزوز المضارب]

حلو الواحد يكتب اسمه بالكامل في المنتدى

ووظيفته ايضا وانادي بعض باسمائنا عادي ولا كانه في شيء وكأنه عايشن في بيت واحد

يا سلاااااااااااااااااااااااااام































انا بتخيل على فكره ما بحكي جد..........يعني بفكر بصوت عالي :funny:

[دلة الرسلان]

السلام عليكم ..

أجد صعوبة في اختيار اسم المُعرف ..
منذ سنوات كان معرفي في أحد المنتديات يختلف عني معرفي الآن
حتى في هذا المنتدى .. كان مُعرفي ( واحد في حاله ) وقمت بتغييره قبل عدة أشهر
اما بخصوص معرفة الأصدقاء لي من خلال مُعرفي .. فلا ضير في ذلك

الله يهداك يا السليطي اشوف المعرف واقول

ياربي ايش هذا :con2: ؟ تو احنا عليمية وياالله عرفنا النيك نيم بعد معرف !!!!!:eek2:

مشكور على مشاركتك الجميلة

[دلة الرسلان]

عادي ينادوني باسمي ولا بالنك النيم
بس انا مالي نك نيم معين في اي من المنتديات

بس والله غريب المعرف حقك ع قولة اخونا السليطي .

[دلة الرسلان]

لا انا مااحب ان حد يعرف نكي...ثلاث اشخاص بس يعرفون منو تكون مريديان ويعرفون كل شي عني...من هالمنتدى

بس في كذا منتدى ونكي غيرعن مريديان.. ومعتمدته..بااكثر من مكان.. في يعرفوني بحكم وجود بعض الصديقات معاي....بس "in general" مااحب حد يعرف..

ويعطيج العافية

شكرا لمشاركتك يا مريديان

[دلة الرسلان]

خل يعرفون بالعكس اللي يخاف ان محد يعرف دليل انه يكتب شي مب مقتنع فيه .. يعني شنو فيها لو عرفوا اني قاعد اكتب


حياك الله ياهامور ، واحترم وجهة نظرك واختلف معها :nice:

[دلة الرسلان]

مب شرط ..

ما احب حد يعرف نك نيمي .. مب لأنني اكتب شي مب مقتنع فيه

بس


:D

خايف من مقالبهم :(


عيالي يعرفوني وين ما اروح
بس الربع واخواني مستحيل :court:

وجهة نظر مقنعة :D

[دلة الرسلان]

اعتقد شي عادي

وعن نفسي كنت استخدم اسم غير بس لان الكل كان يفكرني بنت

واعتقد الحين وايد ناس تعرفني وخاصه لما يشوفون صورة عيالي :d


تدري اخوي ابو الجازي اعتقد انك شجاع لانك حاط صورة عيالك :)

[دلة الرسلان]

انا نكي في المنتديات العربيه اللورد بس لانه بالمنتدى مأخوذ فسميت نفس الاسم بس بالعنكليزي وهذا النك معروف به عند الاهم والربع من سنين وكثير من الشباب اذا سجلوا بالمنتدى يفكرون انه اللورد هو انا :) " محد يتوسط لنا نشتري النك من اللورد "

يعني فيه اللورد و al_ lord

شكرا اخوي ع المشاركة

[دلة الرسلان]

جدا اعتز بالنك نيم الخاص فيني (الفيصل) وهو يعنيلي أمور كثيره .... بس أكثر شيء يزعلني في هذا النك نيم ... هو أن فيه كثير يحملونه من مستخدمي النت... وللاسف الشديد الغالبيه اساءوأ له كثير:court: ... وحصلت معاي مواقف كثيره بسبب هذه التشابهه.:anger2: ... والشرح يطوووووووول......... تقبلي مروري وتحياتي لك


بس يا الفيصل حد يعرف انك تكتب بهذا الاسم ؟؟

[التيما]

يسلمووووووووووووو اختي وعني انا اي هلي وخواتي واخواني كلهم يدشون المنتدى وربعي في الدوام طبعا يعرفون انا من والنك حقي بعد وطالباتي بعد يعرفون النك وانا اشترك بالمنتديات بهالنك بس شفت بعض المنتديات فيها هالنك ... يعني مو كلهم انا في استنساخ لي خخخخ .. مافيها شي ووايد يعلقون علي ويضحكون على مواضيعي وسوالفي في المنتدى وازعاجي لبعض الاعضاء .. وفي عضو واحد بس من خارج العايله والربع يعرف انا من لسبب خاص جدا جدا وبعلم هلي طبعا ههههههههههههههههه

[شهد]

عاادي يالغاليه رفيجاتي اللى تعرفت عليهم عن طريق النت ننادي بعضنا بالتلفون والمجمعاات
من غير قصد بالنك نيم طبعا انا مهب اسمي شهد ولكن يوم ينادوني شهد
قدام اهلي يستغربون ههههههههههههه على بالهم قاصه عليهم هههه
ولكن ترى من غير قصد وعااادي عندنا

يسلمو على الموضوع

[مليت]

مليت
قصه طويله

بس اكثر الي في المنتدى يعرفوني شخصياٌُ والحمدالله كلهم يمرون علي بعد صلاة العشاء

ونقعد لين 11 من اليل

بختصار (واثق الخطوه يمشي ملك)

[ســـهم]

انا

لي نيك نيم معروف في أكثر المنتديات ومشهور :)

وبصراحه مابي أحد يعرفه

عموما النيك نيم في شبكة الاسهم القطريه يختلف أختلاف كلي عن النيك نيم الذي استخدمه في أغلب المنتديات

ولايمت له بصله <<<< تمويه استخباراتي :eek2:

[وهج المشاعر]

اختي دلة الرسلان


بالنسبه لي عادي ماتفرق شيء

تحياتي


اختك

[دلة الرسلان]

حلو الواحد يكتب اسمه بالكامل في المنتدى

ووظيفته ايضا وانادي بعض باسمائنا عادي ولا كانه في شيء وكأنه عايشن في بيت واحد

يا سلاااااااااااااااااااااااااام































انا بتخيل على فكره ما بحكي جد..........يعني بفكر بصوت عالي :funny:
تدري اخوي هذا المستحيل بعلمه واعلمه - يعني جدا مستحيل - وانا اجاوب بصوت عالي:deal:

[دلة الرسلان]

يسلمووووووووووووو اختي وعني انا اي هلي وخواتي واخواني كلهم يدشون المنتدى وربعي في الدوام طبعا يعرفون انا من والنك حقي بعد وطالباتي بعد يعرفون النك وانا اشترك بالمنتديات بهالنك بس شفت بعض المنتديات فيها هالنك ... يعني مو كلهم انا في استنساخ لي خخخخ .. مافيها شي ووايد يعلقون علي ويضحكون على مواضيعي وسوالفي في المنتدى وازعاجي لبعض الاعضاء .. وفي عضو واحد بس من خارج العايله والربع يعرف انا من لسبب خاص جدا جدا وبعلم هلي طبعا ههههههههههههههههه

وممكن نعرف متى العرس ان شاء الله.......................:app:

[كلاسيك للبيع]

ارائكن

ولا ارائكم

[دلة الرسلان]

عاادي يالغاليه رفيجاتي اللى تعرفت عليهم عن طريق النت ننادي بعضنا بالتلفون والمجمعاات
من غير قصد بالنك نيم طبعا انا مهب اسمي شهد ولكن يوم ينادوني شهد
قدام اهلي يستغربون ههههههههههههه على بالهم قاصه عليهم هههه
ولكن ترى من غير قصد وعااادي عندنا

يسلمو على الموضوع


ياهلا اختي شهد وشكرا على مشاركتك:D

[دلة الرسلان]

مليت
قصه طويله

بس اكثر الي في المنتدى يعرفوني شخصياٌُ والحمدالله كلهم يمرون علي بعد صلاة العشاء

ونقعد لين 11 من اليل

بختصار (واثق الخطوه يمشي ملك)


ياهلا اخوي الكريم ، انا ما اعتقد انتوا يا الرجال عندكم مشكلة ؟؟؟ الا اذا الواحد تحتم عليه

طبيعة عمله ان يكون جاد وما يبغي حد يعرف الوجه الاخر له لزوم الوجاهه:D ، او يرى

تجاوزات-مثلا- في عمله فيمكن يفتن عندنا وما يبغي حد يدري لانها مشكله .

[دلة الرسلان]

انا

لي نيك نيم معروف في أكثر المنتديات ومشهور :)

وبصراحه مابي أحد يعرفه

عموما النيك نيم في شبكة الاسهم القطريه يختلف أختلاف كلي عن النيك نيم الذي استخدمه في أغلب المنتديات

ولايمت له بصله <<<< تمويه استخباراتي :eek2:

كذا نيك نيم هاه............................ماتخربط ؟؟:con2:

وشكرا اخوي سهم ع المرور

[دلة الرسلان]

اختي دلة الرسلان


بالنسبه لي عادي ماتفرق شيء

تحياتي


اختك

حياك الله يا وهج المشاعر

[دلة الرسلان]

ارائكن

ولا ارائكم

اخوي / اختي ....... على حسب حالتك اختار :eek2:

[M-OH-A-ME-D]

ما في أي مانع
بالعكس
ممكن يكون طريقة للتواصل في ظروف معينه
ولا داعي أن أحرج أمام أحد لأنو أنا ما بفعل شي غلط
والنيك نيو فالعاده بكون عباره عن ترمين أو وصف لشخص ما لتمييزه عن غيره
وأذا بدي أنحرج من النك نيم بكون ضعيف في علاقتي وما أخترت الأسم الصحيح
وتقبلو أحترامي
:p :p :p :p :p

[قمر الزمان]

احلى شي انو الناس تعرف النيك نيم الي الك :app: :app: :app: بتحسي انو انتي :dance شي مهم

[المخباط]

ما كنت بأشارك بموضوعك هذا بالذات :anger1:
وبعد نعتكي للنيك حقي الناعم المشكنم وتشبيهة باسماء:eek2: مردة الجان
يوم طلبت نصيحتكي في تغييرة اعلن عن تشبتي بة لو (والت ديزني) يترجى اعطية النيك الخاص فيني مقابل مملكة الديزني تكون حقي بعد ما راح اتنازل لانة صار غالي علي
مع اني ما اخترتة لنفسي (سياسة داخلية)
ردا على سؤالك طبعا لا الباب اللي يجي منة الريح سدة واستريح
ولأسباب خاصة فيني :looking:
تحياتي:nice: سلمي على الفناجيل وحبي لي اياهم

[دلة الرسلان]

دلة رسلان مساء الخير


عني انا اصلا محد يتوقع اني ادخل الكمبيوتر بكبره مافي الا واحد الي هو معلمني عليه بس

شكرا ع المرور اخوي

[دلة الرسلان]

هلا اختى السديم كلامج جميل

بس انا مب معا اني اتعرف على النااس برع المنتدى مثلا واكون صداقات معاهم في ناس اتعرفيهم وماتعرفين الى يخفوون لج هل هو مثل الصديق الصدوق ام مجرد لاانه يعرفني في المنتدى

ولكن انا عن نفسي عادي يعرف النيك نيم مالى بس (( اكون صداقه )) شي مااافكر فيه :deal:

يسلمو دلة الرسلان على الموضوع الجميل

ولكن اختى اتعرفين البنت الى يطلقون عليها لقب (( دله الرسلان )) اى يعني هي ؟؟مب قايلج :eek2:
:looking: ............. لا ما اعرفها اخوي .

شكرا على المرور والسموحة تاخرنا في الرد اخوي الفاضل

[فاضي عمل]

لا مانع ولا احراج ولا في اي شي يخليني انحرج<< اتكلم عن نفسي لوول

بالعكس استانس يوم حد يعرف ان هاي انا مثلا فاضي عمل

هالنك الصراحه اي حد يسمعه يقول ان ماله حل مع ان مب انا مألفه لووول

وعلى ايام الشات << شفيه الكبير ههههههه تعرفت على ناس وايد وايد وطلعت معاهم وتعرفت عليهم وصداقة وكل شي

ونتشاوف بين فتره وفتره وعادي يعني الحمدلله

يمكن عندكم انتوا يالبنات في احراج لوول

[دلة الرسلان]

ما في أي مانع
بالعكس
ممكن يكون طريقة للتواصل في ظروف معينه
ولا داعي أن أحرج أمام أحد لأنو أنا ما بفعل شي غلط
والنيك نيو فالعاده بكون عباره عن ترمين أو وصف لشخص ما لتمييزه عن غيره
وأذا بدي أنحرج من النك نيم بكون ضعيف في علاقتي وما أخترت الأسم الصحيح
وتقبلو أحترامي
:p :p :p :p :p

شكرا ع المرور اخوي

[دلة الرسلان]

احلى شي انو الناس تعرف النيك نيم الي الك :app: :app: :app: بتحسي انو انتي :dance شي مهم


ياهلا يا القاطعة وينك لازم نحط مواضيع خدامات علشان تقولين عبارتك المشهورة : اصلا الخدامات كلهم كدابات :)

ولا تزعلين اختي الغالية ترى والله امزح معاك .

[دلة الرسلان]

ما كنت بأشارك بموضوعك هذا بالذات :anger1:
وبعد نعتكي للنيك حقي الناعم المشكنم وتشبيهة باسماء:eek2: مردة الجان
يوم طلبت نصيحتكي في تغييرة اعلن عن تشبتي بة لو (والت ديزني) يترجى اعطية النيك الخاص فيني مقابل مملكة الديزني تكون حقي بعد ما راح اتنازل لانة صار غالي علي
مع اني ما اخترتة لنفسي (سياسة داخلية)
ردا على سؤالك طبعا لا الباب اللي يجي منة الريح سدة واستريح
ولأسباب خاصة فيني :looking:
تحياتي:nice: سلمي على الفناجيل وحبي لي اياهم

:eek: ااااااااااااااانا ، ما اتذكر اختي المخباط والســـــــــــــــــموحة ترى بعض الاحيـــــــــان

اتهور على حسب الضو التي تحيط بي :funny:

ومشكورة اختي كلك ذوق سألتي عن فناجيلي وحبتك العافيه الشيخة .

[المخلب]

لا عادي .. جدا ..

اسألي اي واحد في الشارع قولي له وين المخلب على طول بيدلونك على بيتنا :) ..

المخلب شبه معروف .. وغير كذا مشهور عالميا << شدخل ! :s

بس نك نيم حلو وكثير من الشباب يعرفوني بهذا النك نيم .