مشروع كراج سيارات [الأرشيف] - منتديات شبكة الأسهم القطرية

العنابي

27-08-2005, 12:10 PM

يا شباب ودي أسوي كراج سيارات على مستوى قول رأس المال مليون ريال بدون الارض . كثير ولا شوي ؟ بس يكون هنجر مغطى وشي مرتب ( تصليح-صبغ-كهرباء-زيت-غسيل-بنشر)
مين يفيدني وله الجزاء . :)

Le7dan-Qatar

27-08-2005, 04:03 PM

بالتوفيق اخوي

بس انا ماقدر افيدك وان شاء الله الربع مايقصروون معاك

والله يوفقك يالغالي

فقط قطر

06-09-2005, 02:52 AM

والكراج من وين بتجيبه...من المليون....
اذا كان عندك مليون...اشتر لك كراج جاهز...وعلى كيف كيفك...مع عماله...احسن لك

حمد1977

06-09-2005, 01:46 PM

الكراج الي كان اجاره 2000 سار 12000

الوضع في الصناعية تغير وصار متعب

الكراج شيء مربح ولكن من خلال تجربتي صار غير مربح مقارنة في البورصة

اسال مجرب

شمسة

13-09-2005, 11:53 AM

بالتوفيق للجميع

بحار

13-09-2005, 12:06 PM

اخوي العنابي
كراجات وايد والشغل تعبان اذا انك تعتمد على العمالة
غير الاجار والرواتب ومشاكل مع الزباين كله وجع راس
والله مابي احطمك بس والله انا سويت مشروع وهلكت مع الناس

ايش حلاتك مقابل البورصة على النت ارتفع ريال بيع , نزل ريال اشتر

وبالتوفيق لك وللجميع .؟

Pro

14-09-2005, 05:08 PM

بالعكس خلك مع استثمار أفضلك
البورصة لها ناسها
إذا انت فاهم في شغله معينه أفضلك من البورصه ومدخولها
صدقني خلك في تخصص معين

ولكن مثل ماقالوا الأخوان الإجارات مرتفعه الرواتب إرتفعت
يعني تكلفة شهريه لكراج فيه 3 عمال مضبوطين و مديرهم بالإيجار حوالي 12000 او اقل
أما اللحين تكلفتك مع نفس العمال والكراج 23000 و يمكن أكثر

إذا تملك أرض في الصناعيه فأنا أقولك مشروع ممتاز

بس اتحصل ميكانيكي و يمكري ممتاز

أبو خالد

06-11-2005, 12:28 AM

اذا بتحصل موقع جيد و باجار منخفض مشروع ممتاز
و بالتوفيق أخوي