المساعد الشخصي الرقمي

مشاهدة النسخة كاملة : استفسااار ...ارجو المساعده


][ الوحيد ][
13-06-2007, 11:07 PM
السلام عليكم

شباب حبيت استفسر عن السيارات المعروضه في شركه الفاخرة للسيارات

هم يحطون اعلانات في الوسيط

شنو الفرق فالمواتر اللي يعرضونها ومواتر شركه عبدالله عبدالغني ؟؟

لان في فرق كبير فالاسعار
][ الوحيد ][
13-06-2007, 11:34 PM
شدعوه محد يعرف؟؟؟؟؟؟
][ الوحيد ][
14-06-2007, 12:05 AM
للرفع............................................. ..........للرفع
وحيد-الشوق
14-06-2007, 12:06 AM
تدري اخوي الوحيد حتى انا ودي اعرف لانه الاسعار فرق كبير عن الوكالة
][ الوحيد ][
14-06-2007, 12:07 AM
انشاءالله في حد يجاوب لنا على السؤال
ضدالتيار
14-06-2007, 12:16 AM
اي والله
S 350
14-06-2007, 12:24 AM
تبون تعرفون الفرق

المواتر المعروضه في السوق وارد الامارات هاي اولا .. وثاني شي .. مب دفع رباعي .. يعني مثلها مثل ال 2003 التواير كلها ماتشبك مع بعض بروحها الى بالدبل .. وثالث شي تكون بدون ضمان .. الوكاله هاي الفرق ياحلوين
ضدالتيار
14-06-2007, 01:20 AM
ممكن اخوي توضحلي اشلون 2003مايشبك
][ الوحيد ][
14-06-2007, 02:13 AM
تبون تعرفون الفرق

المواتر المعروضه في السوق وارد الامارات هاي اولا .. وثاني شي .. مب دفع رباعي .. يعني مثلها مثل ال 2003 التواير كلها ماتشبك مع بعض بروحها الى بالدبل .. وثالث شي تكون بدون ضمان .. الوكاله هاي الفرق ياحلوين


تسلم اخوي
قطر501
14-06-2007, 10:04 AM
والله كنت بقولك هالكلام اخوي الوحيد لكن اخوي s350 ماقصر
فاضي عمل
14-06-2007, 10:33 AM
ممكن اخوي توضحلي اشلون 2003مايشبك

:confused: :confused:

يعني اخوي مب نفس من 98 لين 2005 مب دفع رباعي :confused:

2006 والـ 2007 دفع رباعي التواير مشبوكه :confused:

ان شاءالله افدتك اخوي؟ :confused:
ضدالتيار
14-06-2007, 03:31 PM
مشكور اخوي ما قصرت الله يرحم والديك ان شاء الله
][ الوحيد ][
14-06-2007, 04:13 PM
يعني الموتر اذا بدون ضمان + التواير مب شبك مع بعض بينزل من السعر هالكثر

انا كلمتهم اليووم

وقالوا لي انه بيعطوني ضمان فالتيسير !!!!
bo sltan
14-06-2007, 09:14 PM
السلام عليكم ياشباب.....أعرف اربع اشخاص ماخذين من معرض الفاخره ومرتاحين وحسب كلامهم الgx مواصفاته احسن من عبدالغني ويسجلون لك في الملكيهgxr فيه سنسر ورا وكدام و6سيدي ودف لوك وريموت وونش واضاءه تحت الباب ورنجات17 وعندهم دفع رباعي مشبوك او دفع خلفي...بس الفرق عبد الغني ضمانه 5سنوات ولازم اتجيك عندهم كل 10الاف كيلو علشان يتم تحت الضمان.وانا اشوف الي يبي ياخذ موتر ياخذ من معرض الفاخره ارخص وتويوتا مايحتاج ضمان لانه عبدالغني له شروط حتى يتم عليه ضمان...
هداف
14-06-2007, 09:53 PM
على فكره دفع خلفي يعتبر ميزه وافضل من الدفلع الرباعي المستمر وعلى فكره الدفع الخلفي في السوق مرغوب واغلا من الدفع الرباعي ,, وسيارات الفاخره او بصوره اوضح وارد الامارات وعمان فيها مواصفات افضل من وارد عبدالغني فقط ماعليها ضمان الوكيل في قطر عليها ضمان الوكيل في عمان او الامارات واذا حبيت تفتح لها ضمان في قطر تدفع 5000 ريال ويضمنها لك عبدالغني حالها حال سياراته
الجهه مجهولة
14-06-2007, 10:18 PM
اذا كان على المواصفات بالراحه شركة الفاخرة مافيها كلام ولافي مقارنه اصلا بعبد الغني او البريمي

لكن يالربع عندي سؤال ليش التجار السعوديين يفظلون سيارات عبدالغني ؟؟

عشان الظمان !!!! ماظنتي لان مجرد تصديرة مب قاعد السعودي كل 10000 كم مدخل الموتر تشيك في الشركه

وفي فرق واظح عند البيعه اي وارد غير عبدالغني طايح سعره

الي انا متأكد منه ان واحد من الربع اتصل في شركة سعود البهوان (( البريمي ))

وسأل واحد هناك في قسم المبيعات وقاله مواصفات الفخرة الي هو gx هل هي وارد البريمي؟؟؟

رد عليه الي في المبيعات وقاله هالمواصفات مش وارد البريمي !!!

اوكيه وارد وين ؟؟

رد عليه والله ما ادري ؟؟ (( انتهت المكالمه ))

وقمت انا واتصلت في معرض في بني ياس شغلته سيارات البريمي وقلتله نفس السوال رد علي بنفس الايجابه انها مب وارد البريمي .

السؤال هنا ليش الفاخرة تقول ان السيارات وارد البريمي ؟؟؟؟

ونفرض انها وارد اليحيى او وارد الكويت ليش تقول انها وارد البريمي فيها شي


واذا طلبت الدفتر بيان السيارة الي دشت به قطر عن طريق الجمارك ,, يقولك السوداني الاوراق مع المدير وابشر اول مايجي باوريك وووووو الخ.

وماكو شي

ويمكن يعطونك بيان حق اي سيارة عندهم ,, شيك على رقم الشاسي عدل حتى لو حرف وبتدري انها مالت البريمي او اليحيى

والسؤال الي لازم نطرحه

ليش هالرخص كله ؟؟؟؟

ملاحظه : انا ماقلل من روعة السيارات عندهم لكن كلام الناس انها تكون وارد اليحيى او الكويت ,, وعدم ايظاح شركة الفاخرة بالمورد الحقيقي للسيارة وتترك مجال للشك
وحيد-الشوق
15-06-2007, 01:07 AM
السلام عليكم ياشباب.....أعرف اربع اشخاص ماخذين من معرض الفاخره ومرتاحين وحسب كلامهم الgx مواصفاته احسن من عبدالغني ويسجلون لك في الملكيهgxr فيه سنسر ورا وكدام و6سيدي ودف لوك وريموت وونش واضاءه تحت الباب ورنجات17 وعندهم دفع رباعي مشبوك او دفع خلفي...بس الفرق عبد الغني ضمانه 5سنوات ولازم اتجيك عندهم كل 10الاف كيلو علشان يتم تحت الضمان.وانا اشوف الي يبي ياخذ موتر ياخذ من معرض الفاخره ارخص وتويوتا مايحتاج ضمان لانه عبدالغني له شروط حتى يتم عليه ضمان...

انا اول مره صراحة ادري انه يطيح الضمان واحد من ربعي عنده موتر ماشيكه في الوكاله

الا عند 1500 كيلو:funny: والحين ماشي موتره 55 الف كيلو وماشيك عليه في الوكاله :funny: وهل انت واثق من هالكلام؟
محمد بن أحمد
15-06-2007, 04:49 AM
اول شيء بدون ضمان.؛!

ثاني شيء.. المواتر جايه من الامارات ومصديه على ماسمعت.؛!

الدفع خلفي وممشاه مب نفس ممشى الوكالة ..؛! .. وفيه اشياء مب موجوده مثل بعض الفيكسارات بدون فتحه

وبعد اللكزس عندهم بدون دي في دي .. وفيه اشياء مايعلمها الا ربك.؛!

وبعدين محد راح يغامر بفلوسه مايدري والله يوديها ..؛! حلاتها الوكاله اضمن واريح من عوار الراس؛!
][ الوحيد ][
15-06-2007, 05:38 AM
يعني ماتنصحوني فيه ؟؟

يعني لو بغيت اخذ لي موتر من هناك؟؟

شرايكم

اخذ ولا لا؟؟
qatar $an
16-06-2007, 08:28 PM
اخوي الوحيد انت أول شي تأكد ان هالمواتر وارد وين وبعدين قرر علشان لاتوهق وقت البيعة والله يوفقك
][ الوحيد ][
16-06-2007, 10:03 PM
اخوي الوحيد انت أول شي تأكد ان هالمواتر وارد وين وبعدين قرر علشان لاتوهق وقت البيعة والله يوفقك


اخوي هم يقولون انها وارد البريمي

بس الشباب هني يقولوون انهم كلموا البريمي في دبي وقالهم هالمواصفااات مش بريمي

فأنا تخربطت الصراحه

اللي يقووولي خذ المواصفاات اوكي

واللي يقوول انه هالمواتر مش زينه

ومصديه
aljaber1
17-06-2007, 12:02 AM
انا اعتقد وارد البريمي والفطيم لايقل عن سعر الدوحه كثير
][ الوحيد ][
17-06-2007, 12:04 AM
انا اعتقد وارد البريمي والفطيم لايقل عن سعر الدوحه كثير


اخوي اللكزس 2007 فوول ابشن عندهم بــ229.000 قابل للخصم

في فرق بينهم وبين قطر

بس انا للحين ماحصلت حد يقووولي

ليش الاسعاار عندهم رخيصه؟؟