السوق غداً

[ريال سعودي]

السلام عليكم ورحمه الله وبركاته .

هل السوق غداً صعود وإلا نزول ؟

أنا اتوقع لمت أب والسوق سيواصل ارتفاعه إلى مستويات قياسيه

[Bradford]

انا اتوقع السوق بيكون متوازن او انخفاض بسيط مع ارتفاع لبعض الشركات

[Warren Buffet]

اخواني

السوق يدار باحترافية عالية و الدليل على ذلك حرص صناع السوق على الاغلاق يوم الخميس فوق 12,000 نقطة و هي نقطة نفسية مهمة تمثل دعما للايام القادمة. لو لم يتم ذلك لاصبحت هذه النقطة نقطة مقاومة للاسبوع القادم.

بالرجوع الى الاوامر المعلقة حتى الان نجد ان صناعات و التجاري و الدوحة و المصرف سيفتحون على ارتفاع اما الوطني و كيوتل سيفتحون على اسعار مقاربة لاغلاق الخميس . بمعنى ان المؤشر غدا سيشهد ارتفاعا متوازنا باذن الله خصوصا بعد ان اختبر نقطة 11,700 و تجاور التصحيح النفسي في نهاية الاسبوع الماضي.

[KhalidQ]

السلام عليكم ورحمه الله وبركاته .

هل السوق غداً صعود وإلا نزول ؟

أنا اتوقع لمت أب والسوق سيواصل ارتفاعه إلى مستويات قياسيه

مهك في الشي هذا 100% لان السيولة موجودة
700 مليون سهم وين السوق بينزل بس الاسعار مراح
تختلف عن الخميس

[ريال سعودي]

شكرا للمشاركه

اسهم الغد :

ناقلات : الانطلاقه الثانيه وكسر حاجز 50 هذا الاسبوع
المصرف : دربك أخضر وكمل مشوارك
التحويليه : الحصان الاسود من الآن إلى نهاية السنه ومبررات ارتفاعه كثيره
الاسمنت : كثرت الطلبات عليه وارتفاعه اكيد مع الطفره العقاريه
صناعات قطر : قائد السوق إلى أرقام قياسيه كما هي ارباحه القياسيه
العقاريه : كثروا عشاقها واسعارها في ارتفاع
السلام : كل ما ذموها ارتفع سعرها إلى العالمية يا سلام
قطر للوقود : مارثون ثاني لكسر 150 ريال قريباً

[qshark]

شباب السوق متوازن صح ، بس هالاسبوع بيكون فيه تسييل من الصناديق والمحافظ للدخول في دلالة !!!!!!

يعني بيكون فيه تصريف من بعض الناس ، دلالة بتسحب موب اقل من 200 مليون ريال اذا قسنا السعر بين 70 و 90 ( للعلم توقع بناء على قياس مكررات ارباح مماثلة ، 30% يعني 3 ريال للسهم ، بمكرر 20 متوسط يعني 60 ريال ، بس الأسهم شوية ووايد ناس موب باييعين لين شهر 2 و3 ، من الأخبار اللي جاتني انه مركزين عليها بشكل غير طبيعي مع انها حرام للتوقع السائد بأنها ستقارع البنوك بأسعارها ، وهذا سبب زيادة الطلب)

وفي ناس وايد بتدخل بالفلوس اللي اربحتها من دلالة مرة ثانية بالسوق ، اهني عاد اللعبة الكبيرة ، الفلوس اللي خذتوها منهم حق دلالة ، برجعونها بعد ما يبيعون عليكم الاسهم اللي بعتوها الاسبوع هذي باسعار اعلى ، وبعدين ينزلون السوق وياخذونها بنفس سعر الاسبوع اللي طاف ، يعني خطتهم من الحين المؤشر الاسبوع هذي مستقر ، وطاير بعد اسبوعيين وتصححيح قبل رمضان ، وناويين عليكم في رمضان ( أستغفر الله منهم ) وتسييل من الصغار حق العيد ، يلعبون شطرنج علينا ( على فكره أنا لاعب شطرنج سابق بالمنتخب) المهم احذروا من الارتفاع المفتعل من الكبار وخلكم مراقبين السوق عدل واصبروا وقت كافي قبل لا تشترون او تبيعون لين تتضح الرؤية لكم !!!!!!!!!!!!

[هامور السوق]

شباب السوق متوازن صح ، بس هالاسبوع بيكون فيه تسييل من الصناديق والمحافظ للدخول في دلالة !!!!!!

يعني بيكون فيه تصريف من بعض الناس ، دلالة بتسحب موب اقل من 200 مليون ريال اذا قسنا السعر بين 70 و 90 ( للعلم توقع بناء على قياس مكررات ارباح مماثلة ، 30% يعني 3 ريال للسهم ، بمكرر 20 متوسط يعني 60 ريال ، بس الأسهم شوية ووايد ناس موب باييعين لين شهر 2 و3 ، من الأخبار اللي جاتني انه مركزين عليها بشكل غير طبيعي مع انها حرام للتوقع السائد بأنها ستقارع البنوك بأسعارها ، وهذا سبب زيادة الطلب)

وفي ناس وايد بتدخل بالفلوس اللي اربحتها من دلالة مرة ثانية بالسوق ، اهني عاد اللعبة الكبيرة ، الفلوس اللي خذتوها منهم حق دلالة ، برجعونها بعد ما يبيعون عليكم الاسهم اللي بعتوها الاسبوع هذي باسعار اعلى ، وبعدين ينزلون السوق وياخذونها بنفس سعر الاسبوع اللي طاف ، يعني خطتهم من الحين المؤشر الاسبوع هذي مستقر ، وطاير بعد اسبوعيين وتصححيح قبل رمضان ، وناويين عليكم في رمضان ( أستغفر الله منهم ) وتسييل من الصغار حق العيد ، يلعبون شطرنج علينا ( على فكره أنا لاعب شطرنج سابق بالمنتخب) المهم احذروا من الارتفاع المفتعل من الكبار وخلكم مراقبين السوق عدل واصبروا وقت كافي قبل لا تشترون او تبيعون لين تتضح الرؤية لكم !!!!!!!!!!!!
مرحبا اخوي
ماتلاحظ انك بالغت شوي بسعر دلالة؟

[KhalidQ]

شكرا للمشاركه

اسهم الغد :

ناقلات : الانطلاقه الثانيه وكسر حاجز 50 هذا الاسبوع
المصرف : دربك أخضر وكمل مشوارك
التحويليه : الحصان الاسود من الآن إلى نهاية السنه ومبررات ارتفاعه كثيره
الاسمنت : كثرت الطلبات عليه وارتفاعه اكيد مع الطفره العقاريه
صناعات قطر : قائد السوق إلى أرقام قياسيه كما هي ارباحه القياسيه
العقاريه : كثروا عشاقها واسعارها في ارتفاع
السلام : كل ما ذموها ارتفع سعرها إلى العالمية يا سلام
قطر للوقود : مارثون ثاني لكسر 150 ريال قريباً

ارتفاع الاحد ونزول طول الاسبوع
الرجو التريث الى ما تنزل دلالة

[qshark]

اكيد بالنسبة لهامور غالي ، ههههههههه ، محد يعرف الغيب والمتعارف انه مكرر الارباح يحدد سعر السهم ، وناس وايد يعرفون ان 30% تقييم اولي ، يعني ما يبون يعلنون بشكل فاضح اشياء ممكن ما تستوي ، وشوف في السعودية سامبا وصلت العام ارباح صندوق من صناديقها 70% والصندوق الاسلامي 35% على ما اعتقد موب متذكر عدل .

عالعموم ممكن تعطيني توقعك انت يالطيب ؟؟؟

[فارس نجد]

السلام عليكم ورحمه الله وبركاته .

هل السوق غداً صعود وإلا نزول ؟

أنا اتوقع لمت أب والسوق سيواصل ارتفاعه إلى مستويات قياسيه
الاخ الكريم ريال سعودي
توقعي الشخصي ارتفاع 100-150 نقطة تقريبا عند الافتتاح
وبعدها ما اقدر افتي الا حسب الكميات
شكرا لك

[بورصة نت]

السلام عليكم ورحمه الله وبركاته .

هل السوق غداً صعود وإلا نزول ؟

أنا اتوقع لمت أب والسوق سيواصل ارتفاعه إلى مستويات قياسيه
اعتقد والله اعلم ارتفاع في بداية التداول ونزول بعدها

[الشراكة]

أتوقع أن السوق في أرتفاع تقريباً 100 ولغاية 200 أو أرتفاع قوي فقط غداً ...

[سراب الامل]

باعتقادي والعلم عند الله بان السوق الاسبوع الجاي راح يفتتح على ارتفاع المؤشر وذلك لاعطاء المستثمرين الثقه التامة بان وقت التصحيح وجني الارباح انتهى وحان وقت الدخول الى السوق وراح يكون الهبوط التصحيحي الثاني والعلم عند الله بمنتصف الاسبوع واللي على اثره ممكن يرتد المؤشر الى اسفل عند 11500

وممكن يكون اعتقادي على صواب وممكن يكون على خطأ لكن راح تتضح جميع الامور بكره وبعده ونعرف اذا المؤشر والسوق بيكون طالع او بتكون فيه موجه تصحيحيه ثانيه

[كأس2022العالم]

باعتقادي والعلم عند الله بان السوق الاسبوع الجاي راح يفتتح على ارتفاع المؤشر وذلك لاعطاء المستثمرين الثقه التامة بان وقت التصحيح وجني الارباح انتهى وحان وقت الدخول الى السوق وراح يكون الهبوط التصحيحي الثاني والعلم عند الله بمنتصف الاسبوع واللي على اثره ممكن يرتد المؤشر الى اسفل عند 11500

وممكن يكون اعتقادي على صواب وممكن يكون على خطأ لكن راح تتضح جميع الامور بكره وبعده ونعرف اذا المؤشر والسوق بيكون طالع او بتكون فيه موجه تصحيحيه ثانيه


:app: :app: :app: :app: :app: :app: :app: :app: :app: :app: :app: :app: :app:

[راعي البورصه]

انا اتوقع السوق بيكون متوازن او انخفاض بسيط