عطيني 500 ريال واقولك زوجك متزوج عليك والا لا

[رياني1212]

كما وصلني والعهدة على الراوي

منقوووووووول



هذي قصة سمعتها ويقول ناقلها انها حقيقية .
تدور القصة حول مديرة مدرسة عزباء غابت عن المدرسة يومين ولما عادت لمدرستها قابلنها المدرسات سلامات وينك يامديرة ؟
قالت لهن باركولي تزوجت .
قالن مبروك بس منهو زوجك ؟
قالت لهن بصراحة زوجي هو زوج وحدة منكن !!
المدرسات بذهول : تكفين علمينا أي وحدة فينا ؟
قالت المديرة والله ما أعلمكن .
المهم لزمن عليها .. فقالت لهن أنا منيب متكلمة اللي تبي تعرف هو زوجها وإلا لا تجيب بكرا معها خمسمية ريال وإذا جت توقع تحط الخمسمية على الطاوله واللي آخذ خمسميتها فهي مهوب زوجها واللي أخلي خمسميتها على الطاولة ولا آخذها فهو زوجها
عيب علي اتزوج زوجها وآخذ بعد منها خمسمية ريال ...
وافقن المدرسات على الطريقة .
ويوم جاء بكرا وكل وحدة مزهبه معها الدراهم ..
جت الأوله والثانية والثالثة والرابعة حتى العاشرة والمديرة تاخذ الدراهم ..
يوم جت المدرسة ال 11 وبدت المديره تأفف المهم حطت الدراهم على الطاولة وقالت لها تكفين خذيها يالمديرة قالت المديرة اعذريني قالت المدرسة كانها قليلة حطيت ألف بدال الخمسمية قالت المديرة أووووووووووووه معليش أثرك جواهر والله اني آسفه غلطت..
يوم تنفست المدرسة وقالت الحمد لله يعني بتاخذين الفلوس المهم اخذتها المديرة .
ودخلن بقية المدرسات حتى ال 23 والمديرة تلعب باعصاب كل وحده وفي النهاية تاخذ الخمسمية ..
المهم بقي مدرسة وحدة فقط ماجت يوم اتصلن عليها المدرسات هاه وينك يا استاذه قالت والله اني تعبانه ومنيب جايه الا على فكرة من صار زوجها اللي متزوج المديرة ؟
قالن لين الحين مابين شي والمديرة عيت تاخذ الفلوس لين نحضر كل المدرسات ( يلعبن عليها بس يبونها تجي عشان يتطمنون إنها هي لأنه مابقى إلا هي ) وقالن المدرسات لازم تجين تكفين .
المهم جت تسحب رجليها بالقوة ويوم جت تدخل المدرسات كل وحده مبسوطة انها مهيب هي وبدن يسمن عليها عشان ماتنصدم ...
دخلت المدرسة الأخيرة غرفة المديرة وحطن باقي المدرسات ايديهن على قلوبهن وحطت المدرسة الخمسمية على الطاولة وضفتها المديرة .
يوم طلعت لقنها عايدية وماصار شي وفلوسها أخذتها المديرة ..
قالن يابنات فيه وحده منكن ماخذت المديرة دراهمها ؟
قالن لا والله كلنا اخذت دراهمنا .
ودخلن المدرسات على المديرة وقالن اخذتي الفلوس من كل المدرسات تلعبين علينا !! منهو زوجك ؟
قالت المديرة المهم الدراهم ( 12000 ريال ) ماراح ترجع وأنا والله لا تزوجت ولا شي لين الحين عزوبية ووالله كنت مريضة هاليومين.. بس اني اطلبكن لي أكثر من شهر تدفعن على مية ريال نصلح المصلى ولا وحدة منكن دفعت..
قلت والله لأدفعكن 500 ريال نصلح المصلى ونشتري مصاحف وقف للمسجد ...
قالن المدرسات بردها الله بالعافيه فداك الدراهم ولو تبين زود عطيناك هو صدق بس رجالنا ماتزوجوا علينا ...

طبعن تم سرقته من احد المنتديات

[قطر501]

اخوي رياني تسلم على القصه الحلوه بصراحة فيها عبر كثيره

[سارونه]

الله عليها من مدرسة والله عجبتني

والنعم فيها حيلة قوية وانجحت فيها

:) شكرا على الموضوع الشيق

ودمتم لي : سارونه

[alwahesh]

يعطيك العافيه يالرياني

هذا طبع الحريم ............هات وبس

[shrook]

يعطيك العافيه يالرياني

هذا طبع الحريم ............هات وبس


لا اخوي حرام عليك بنحكي (( خـــــــد )) خد لعيال على المدرسه و .................. الخ

على كل حال مشكور اخوي الرياني على الموضوع واااااااااااايد حلو عرفت كيف اتصيدهم

[شموخ قطر]

يعطيك العافيه يا الرياني .. قصه حلوه

ومن كانت له حيله فليحتال

[ذوق]

ههههههههههههههههههههههههههههههههههههههههههههه حلللللللللللوووووووووووه وربي

[الـقـنـاص]

يعطيك العافيه يا الرياني .. قصه فيها العبر

[badr_vip55]

با11111111111111111ل المدرسات طلعوا مقصه


تحياتي لك الرياني الف تحيه على مشاركتك الحلوه

يعطيك العافية

[التيما]

هههههههههههههههههه حركه حلووه

[AL_MUTAEM]

صراحه يعطيك العافيه اخوووي ..

صراحه تستاهل تصير مديره

[AL_MUTAEM]

صراحه يعطيك العافيه اخوووي ..

صراحه تستاهل تصير مديره

[الرحال]

قصة مليئة بالعبر
تسلم على النقل

[Some body]

عجيبه الحركه هههههههههه

يسلمووو