البروكر
14-06-2007, 01:44 PM
انا بصراحه اول مره اشارك في هالمنتدى الاكثر من رائع ... وجاء في بالي اشارك بقصة شعريه هزلية ..تدور وتلف حول سوقنا
وعلى فكره ترا كاتبها بدون تحضير مسبق وانشالله تكون خفيفه عليكم
في يوم من الايام وانا جالس في مكتبي بالشغل ( حركااااات اعلمكم اني اشتغل خخخخ ) كنت فاتح شاشه البورصة .. جعل ابرك بورصه ... وبصراحه ماكنت مندمج لان الاسعار كلها مدحدرة ( يعني نازله ) والشاشه كأنك راش عليها كاتشب ...يعني كل شي لونه احمر ... كنه سوق طماط ... المهم ماعلينا ... سرح تفكيري بعيد وفجاءة انتبهت للشاشه ... الا الشركات المساهمه صاروا بشر مثلنا ... وكأني اشوف قدامي مسرحيه حيه ... وقمت اتابع اللي يدور بينهم وانا مذهول وفاتح فمي .. وكان فيه بينهم محاوره شعرية عجيبة .. وانا الحين بسرد لكم التفاصيل ...
اول واحد طاحت عيني عليه كان بنك المصرف ... وكان متين وبطنه كبير ... وشنبه كثيف ... وعيونه صغار ولابس ثوب قصير ...وكان في يدة مسباح وسمعته يقول :
سلام الله على روحي ..........بالمسباح وبلا مسباح
واذ ان الدولي يوحي .......... تعال بنكشف الارباح
ونقز له بنك الدولي ... وكان صغير وضعيف وعيونه مدوره والغترة راجعها على ورا وطالعه جبهته وكان معاه خيزران عمانيه توها شاريه بعد توزيع الارباح
وقال :
سلام الله على المصرف
واذا انه صدق مستضرف
ترى علومه بعديها
على اللي للسهم يعرف
وكانوا ناوين يكملون بس سهم المواشي نقز عليهم وطب في نص الملعب وهو يردح ... وكان معاه عنز رفض يخليها خارج نطاق الحفل ... وكان اخونا مواشي ... مربرب باينه عليه النعمة ... ياكل ويشرب ولا يشتغل ... ماله الا الجاهز .... بس شكله كان مبهذل ... مايهمه الشكل الخارجي .. المهم مادري ويش خلاه يمسك في رقبة المخازن وهو يقول :
قربوا لي كم تيس وكم عنز
ناوي اهديها قبل فقد التوازن .
المواشي من قديم العهد كنز
والمأسي والتحفظ بالمخازن
لكن اخونا مخازن ماكان موجود ... كان عند درام الماي .. شكله كان يغسل يده عقب العشاء ... واول مارجع مره ثانيه ... علمه ولد عمة بروه الراهي وقال له ترى مواشي طايحن فيك سب وانت مثل الاطرش بالزفه اما ترد عليه وتسكته ... ولا ترى باضطر اشتري اكبر حصه ممكنه في شركه المواشي ووزعها على الفقراء والمساكين في دارفور .. وانت تعرفني ماتهمني مصاريف مشاريعي تارسة العالم
هنا ثارت الحميه عند مخازن ودش المعلب وهو يتشقلب .... واول مواقف على رجوله قاله :
بين عنز وبين تيس وبين حاشي
كيف اجاوب ولا كيف اغازله
يامواشي كيف حالك يامواشي
.صار لك شهور وانتي نازله
وتعجب بروه من سرعه الرد ... وكان بروه لابس رسمي .... يعني بنطلون وقميص كاروهات وبدله ....وكان يدخن سيجار شاروتا ( خخخخخخ ماقلنا راهي ) ونوا يشارك .....
ونكمل لكم البقية بعد الردود
وعلى فكره ترا كاتبها بدون تحضير مسبق وانشالله تكون خفيفه عليكم
في يوم من الايام وانا جالس في مكتبي بالشغل ( حركااااات اعلمكم اني اشتغل خخخخ ) كنت فاتح شاشه البورصة .. جعل ابرك بورصه ... وبصراحه ماكنت مندمج لان الاسعار كلها مدحدرة ( يعني نازله ) والشاشه كأنك راش عليها كاتشب ...يعني كل شي لونه احمر ... كنه سوق طماط ... المهم ماعلينا ... سرح تفكيري بعيد وفجاءة انتبهت للشاشه ... الا الشركات المساهمه صاروا بشر مثلنا ... وكأني اشوف قدامي مسرحيه حيه ... وقمت اتابع اللي يدور بينهم وانا مذهول وفاتح فمي .. وكان فيه بينهم محاوره شعرية عجيبة .. وانا الحين بسرد لكم التفاصيل ...
اول واحد طاحت عيني عليه كان بنك المصرف ... وكان متين وبطنه كبير ... وشنبه كثيف ... وعيونه صغار ولابس ثوب قصير ...وكان في يدة مسباح وسمعته يقول :
سلام الله على روحي ..........بالمسباح وبلا مسباح
واذ ان الدولي يوحي .......... تعال بنكشف الارباح
ونقز له بنك الدولي ... وكان صغير وضعيف وعيونه مدوره والغترة راجعها على ورا وطالعه جبهته وكان معاه خيزران عمانيه توها شاريه بعد توزيع الارباح
وقال :
سلام الله على المصرف
واذا انه صدق مستضرف
ترى علومه بعديها
على اللي للسهم يعرف
وكانوا ناوين يكملون بس سهم المواشي نقز عليهم وطب في نص الملعب وهو يردح ... وكان معاه عنز رفض يخليها خارج نطاق الحفل ... وكان اخونا مواشي ... مربرب باينه عليه النعمة ... ياكل ويشرب ولا يشتغل ... ماله الا الجاهز .... بس شكله كان مبهذل ... مايهمه الشكل الخارجي .. المهم مادري ويش خلاه يمسك في رقبة المخازن وهو يقول :
قربوا لي كم تيس وكم عنز
ناوي اهديها قبل فقد التوازن .
المواشي من قديم العهد كنز
والمأسي والتحفظ بالمخازن
لكن اخونا مخازن ماكان موجود ... كان عند درام الماي .. شكله كان يغسل يده عقب العشاء ... واول مارجع مره ثانيه ... علمه ولد عمة بروه الراهي وقال له ترى مواشي طايحن فيك سب وانت مثل الاطرش بالزفه اما ترد عليه وتسكته ... ولا ترى باضطر اشتري اكبر حصه ممكنه في شركه المواشي ووزعها على الفقراء والمساكين في دارفور .. وانت تعرفني ماتهمني مصاريف مشاريعي تارسة العالم
هنا ثارت الحميه عند مخازن ودش المعلب وهو يتشقلب .... واول مواقف على رجوله قاله :
بين عنز وبين تيس وبين حاشي
كيف اجاوب ولا كيف اغازله
يامواشي كيف حالك يامواشي
.صار لك شهور وانتي نازله
وتعجب بروه من سرعه الرد ... وكان بروه لابس رسمي .... يعني بنطلون وقميص كاروهات وبدله ....وكان يدخن سيجار شاروتا ( خخخخخخ ماقلنا راهي ) ونوا يشارك .....
ونكمل لكم البقية بعد الردود