ماهو أفضل مركز رياضي في قطر - للرجال

[Chambray]

السلام عليكم
ابحث عن مركز رياضي في قطر - يشمل على ( بركة سباحة - جاكوزي - سونا - حمام بخار - بالإضافة إلى أجهزة التمارين ) ..

الماسة مضبوطه لكن مافيها لا بركة سباحة ولا جاكوزي ولا هالأمور .

رحت الشيراتون . قالولي كتاب من العمل + صورة + بطاقتك الشخصية .. والطلب بنحطه في قائمة الانتظار !! <<< بفلوس وبيذلونا
رحت رمادا .. نفس الكلام .. زحمه ،، وموقفين الاشتراكات ..
رحت الماريوت .. أقل فترة 6 شهور .. ب 6000 ريال .. وانا ابي من شهر لين 3 شهور .. أعرف نفسي .. أشتط شوي واخثر << قومه عراوي هههههههه
رحت الدانة . قالولي عائلات بس والمفرد للنساء فقط !!


قسماً بالله انبطت جبدي .. ولا ادري وين اروح ..


انصحوني في مكان زين ..
منتجع شرق الاشتراك 17 الف سنوياً :anger1: < وايد غالي

فورسيزون والله مادري كم سعره ؟؟ وهل عنده اشتراكات شهريه ؟؟ او ربع سنوية ؟


في انتظار اقتراحاتكم ..

[eXpert*]

والله انا اشوف انه الجولدز جيم فيه بعض المميزات اللي تحتاج لها من سونا وبخار والخ بس ما اعتقد فيه بركه سباحة .. والاشتراك فيه معقول مب غالي ولا شي ومكانه راقي ..

باقي اللي تكلمت عنه صدق ذبحونا متطلبات تكسر الظهر الدانة قالي سجل على اساس انك عائلة وادفع 6500 وعقب ادفع عضوية عن نفسك اشتراك 1800 انك فوق الـ 18 سنة !!

الدبلوماسيّ قالي دامك عزوبي بنحطك على الانتظار اذا حد من العزاب كنسل اشتراكه انحطك بداله بس اذا عائلة على طول تاخذ العضوية .(هاي وانا مسوين لي مقابلة ويا مديرهم ) .
شرايكم اتزوج بس علشان اشترك بالنادي ؟؟ <-- شر البلية ما يضحك

عندك الماسه اكتيف اللي صوب رمادا الناس تمدحها بس والله ماعندي اي علم عنها ..

همسة "العزوبي في الحياة مثل المتدرب في قطر للبترول " الاثنين مظلومين ..

[Chambray]

والله انا اشوف انه الجولدز جيم فيه بعض المميزات اللي تحتاج لها من سونا وبخار والخ بس ما اعتقد فيه بركه سباحة .. والاشتراك فيه معقول مب غالي ولا شي ومكانه راقي ..

باقي اللي تكلمت عنه صدق ذبحونا متطلبات تكسر الظهر الدانة قالي سجل على اساس انك عائلة وادفع 6500 وعقب ادفع عضوية عن نفسك اشتراك 1800 انك فوق الـ 18 سنة !!

الدبلوماسيّ قالي دامك عزوبي بنحطك على الانتظار اذا حد من العزاب كنسل اشتراكه انحطك بداله بس اذا عائلة على طول تاخذ العضوية .(هاي وانا مسوين لي مقابلة ويا مديرهم ) .
شرايكم اتزوج بس علشان اشترك بالنادي ؟؟ <-- شر البلية ما يضحك

عندك الماسه اكتيف اللي صوب رمادا الناس تمدحها بس والله ماعندي اي علم عنها ..

همسة "العزوبي في الحياة مثل المتدرب في قطر للبترول " الاثنين مظلومين ..

تسلم يالغالي
فعلاً القولدن جيم ممتاز . لكن انا ابحث عن بركة سباحة :) وهذا الاهم
والمسألة مو مسألة متزوج او عزوبي .. يعني لو متزوج هل بتودي زوجتك تتمرن معاك مثلاً في النادي .. نادي ماتحصل قطري يسويها ، هاذي للأجانب تنفع الاشتراكات العائلية !!


لكن ماتخبر مكان فيه بركة سباحه وفي صالة وجاكوزي ومكان محترم يعني الواحد يدخله يرتاح نفسياً .. مو يكره نفسه والاجهزه قديمه وكحيانه نفس مركز ساس ومركز قطر وهالمراكز !

تحياتي لك

[ابن ادم]

أنا أحب الماسة الي في الفنادق غاليين بصراحة

[Chambray]

أنا أحب الماسة الي في الفنادق غاليين بصراحة
كلامك صحيح
انا معاهم مشترك .. لكن انا ابحث عن كماليات اكثر من الماسه اكتف .. الي ماعندهم سوى اجهزة تمارين فقط ..

العاب سويديه ماعندهم نفس قبل مادري ليش بعد !؟

[تيتانيوم]

مااعتقد في مكان يوفرلك هذا الخدمات كلها بسعر معقول الى مكان واحد بس مافي غير



































































































جامعة قطر

[Chambray]

مااعتقد في مكان يوفرلك هذا الخدمات كلها بسعر معقول الى مكان واحد بس مافي غير

جامعة قطر

مايهمني السعر اخوي
انا الي يهمني 3 شهور .. أو شهر ..
مابي 6 شهور أو سنه ..

[الزاجل]

الدبلوماسي
خد د من ده وحط ده على ده ..


اقسم ايام الأسبوع على نوعين
مرة بركة سباحة وجاكوزي

ومرة تمارين

واشترك في مكانين :looking:

[M O 7 A M M E D]

جرب فندق الواحة ..

يمكن عندهم اللي تبي ..

:)

[Chambray]

الدبلوماسي
خد د من ده وحط ده على ده ..


اقسم ايام الأسبوع على نوعين
مرة بركة سباحة وجاكوزي

ومرة تمارين

واشترك في مكانين :looking:

والله اقتراحك معقول جداً :)
لكن وين اشترك بخصوص بركة السباحة ،، غير بركه الجامعه .. زحمه من قلب


محمد ،، شكراً لك .. بس فندق الواحه كئيب ويجيب المرض :anger2:

[اّل ثاني 77]

اخوي الدبلوماسي جرب فندق الأنتر مع ان الجم عندهم صغير لاكن بركة السباحه ممتازه وعندهم اشتراك 3 شهور وسامحني عل القصور..................

[الدستور]

فندق الواحـــه . . .صاله التمرين صغيره والألعاب قديمه . .


وساس . .اجهزته حديثه على حسب علمــي

[eXpert*]

الواحة ماراح يطول على حد علمي لانه جاه امر اما تجديد الفندق والنادي او التنازل عنه لاحدى شركات ادارة الفندقة العالمية مقابل تعويض ماديّ .

بخصوص الصالات في صالتين جديد قريب الافتتاح الاولى في الخريطيات والثانية ورى مجمع المثنى عند رمادا وشكلها بتكون شي راقي وفخم وعلى مستوى عالي بس ما ادري هل بتكون رجالية او نسائية .

[Chambray]

والثانية ورى مجمع المثنى عند رمادا وشكلها بتكون شي راقي وفخم وعلى مستوى عالي بس ما ادري هل بتكون رجالية او نسائية .

وين مجمع المثنى ؟؟
قريب بيتنا ، يمكن اروح كل يوم مشي ؟؟
فتتحوهم ولا لسه !؟

[eXpert*]

لسه الشيخ يبيله شوي

[simsim1963]

عندك نادي الغرافه ونادي السد واذا ما خاب ظني نادي الريان بسعر رمزي :app:

[ذيب البورصة]

شوف فندق الريتز