قصيدة لا تحتاج الى تعليق....

[متسبب]

ابد .. ماجيت ابارك لك ولكن جيت بوصيك .... على اللي ناوي تدخل بها الليله ..معذبتي؟

ترى لولا الظروف اللي عطتك وحدت محاكيك .... قسم بالله ماتدخل عليها لوعلى رقبتي.!

ولكن النصيب اقوى ولا ادري ويش اسوي فيك ....نعم صارت معزبتك ولا صارت معزبتي.

كذا شاءت بنا الاقدار تحرمنــا لاجل تعطيك .... كذا لازم عشان اتفوز واخسر بتجربتي..

تراها غاليه جـــدا .. وتكفى .. والله يخليك .... تدللها .! تدلعها.! تنسيها مصاحبتي..

انا من كثر مااغليها احس اني بديت اغليك .... ولا تسأل باي حق ولا وش مناسبتي..!

لانك لو بتسأل بتسمع شي مايرضيك.! ..... لذا ياخوي لاتسأل ولاتسمع لاجوبتي..

ابيك تحطها داخل عيوونك وبين ايديك .... وهي دلوعه واعتادت على كثرة مداعبتي..

فداعبها شوي شوي حتى تشتهي طاريك ..! ... وشاغبها لين تقول بطل مشاغبتي..

واذا هي مالها خلق ولاتضحك ولا تسليك .... تحملهــاواسألها :ياعمري ليه عصبتي..؟

وبالك اسمع انك يوم تضربها وهي تشكيك.! ... مايحتاج اوري لك بفن الضرب موهبتي؟؟

صحيح انك بتملكها ومعك العقد بالتمليك ... وانا عارف حدود الله ومن حقك معاقبني..

ولكن قل لها: المجنون وصاني وهو يعنيك .... يقول انه بينتظرك ولوشيب وشيبتي..!

انا مجنونها اللي مانساها وانت مايمديك .... تغطي ذكرياتي في هواها ..وربع تجربتي..

احس اني تماديت بكلامي والغصب حاديك .... لو انك في مكاني ماتفكر في محاسبتي..

كفاك اني تركت اشغالي الليله عشان اجيك .... دخلت القاعه برجلي ولا ادري ويش عاقبتي..

وانا ماجيت اخرب عرسك الليله ولااذيك .... انا جيتك عشان اخاطبك واسمع مخاطبتي..

توصى.. وانتبه.. واحرص عليها الله يهنيك .... ترى كل الكلاام اللي طلع من ضيقي وكبتي..

ولكن ماقدرت اني اقوله وانت مايخفيك .... اخاف اني اذا قلته تقوم تقطع رقبتي .. !!

منقول

[التيما]

وااااااااااااااااو صج روووعه وتعور القلب يعطيك العافيه على هالنقل

[متسبب]

مرورج الاروع
شكرا اختي :)

[سارونه]

توصى.. وانتبه.. واحرص عليها الله يهنيك .... ترى كل الكلاام اللي طلع من ضيقي وكبتي..

ولكن ماقدرت اني اقوله وانت مايخفيك .... اخاف اني اذا قلته تقوم تقطع رقبتي .. !!

:) روووووووعة

اختكم : سارونه

[الوهاااااج]

صح السااااااااااااان الشااااااااااااعر

[متسبب]

مشكورين على مروركم ويعطيكم العافيه :)

[مغروور قطر]

تسلم ايدك وصح لسان الشاعر والقصيدة رائعه في معانيها

[عبد الناصر]

تسلم يدك اخوي على هذه القصيده
مع اني ماحب الشعر النبطي لكنها جميله