مساعده يا اهل السعوديه وقطر

[أم نوره]

هلااااااا فيكم

بدخل بالموضوع على طول :D

أنا عندي مشروع صغير وحابه اجيب بضاعه من الاحساء بالسعوديه

مثل شنط اكسسوارات وما اقدر اجيبهم من الصين وغيره ظروفي ما تسمح

فممكن حد يقترح على اماكن رخيصه هناك واسماء بعض المحلات

ارجووووووووكم ساعدوني

أختكم أم نوره

[(الفيصل)]

الله يوفق لك لما يحب ويرضى ... اعتقد التجربة خير برهان ... اذهبي إلى هناك وشاهدي بعينك وقارني الاسعار بعضها ببعض ... اتعبي قليلا لتري النتائج في صالحك........ تحياتي لك

[أم نوره]

شكراً اخوي الفيصل
وأنا رايحه هناك بس ما ادل اكثير هناك وجزاه كل الخير الي بساعدني

[الجمارك]

السلام عليكم

اموفقه انشاء الله

ليش ما ترووحين الدمام والخبر اهناك بضايع اكثر من الاحساء وارخص

[غريب احساس]

اختي عسى الله يوفقك ويرزقك من واسع فضله


والله الاحساء ما اقدر افيدك لني ما اعرف احد هناك بس سألت واحد عنده محلات وصف لي في الدمام با سوق الحب عند مسجد الملك فهد الله يرحمه محلات تبيع بالجمله بسعر رخيص

[أم نوره]

السلام عليكم

اموفقه انشاء الله

ليش ما ترووحين الدمام والخبر اهناك بضايع اكثر من الاحساء وارخص

والله اخووووووووي الدمام بعيده وظروفي ما تسمح
وتشكر على الرد بس لو تعرف حد هناك يخبرك تسوي خير

[أم نوره]

اختي عسى الله يوفقك ويرزقك من واسع فضله


والله الاحساء ما اقدر افيدك لني ما اعرف احد هناك بس سألت واحد عنده محلات وصف لي في الدمام با سوق الحب عند مسجد الملك فهد الله يرحمه محلات تبيع بالجمله بسعر رخيص

تسلم اخوي

[super]

السلام عليك اختي ام نوره انصحك بسوق الدمام قرب عماره سيكو يوجد بضائع جمله باسعار
رخيصه و غالبيه اصحاب المحلات ياخذون منهم والله يوفقك ..

[أمل _ قطر]

مرحبا أم نورة ضيفني عندك على الماسنجر a_mal_doha@hot

[QatarRose]

اختي تقدرين تيبني من مكان ثاني غير السعوديه
ممكن تتعامل مع اي مصنع باي مكان يعني مصر سوريا وهو بيوصلون لج البضاعه لي البيت
وبيطرشون لج الكتالوج تشوفينه تختارين
ان شاء الله اكون افدتج
واي استفسار انا حاضره

[lolo touch]

حبيبتي انا من الخبر

ممكن اساعدك لوبغيتي شي

واذا تبين من الصين انا رايحه بشهر 7 وناويه اجيب تقليد الماركات

موفقه انشالله

[ولـد ابوي]

الشيــــخه عندج سوق القيصــــريه وغيرها من الاسواق مثل حياة بلازا يمكن تلقين ارخص
انتي يمكن لو تاخذين بلجملع يكون ارخص واحسن حاولي تاخذين بلجمــله

(( واللله الله في ابو ريالين ترا المحلات هناك وايــــد خخخخخ ))

الله يوفقج يارب
تحيـــــــاتي

[البطرانة]

ربي يوفقج يالغالية...

وانا ماعندي خبره ... بس لو تروحين البحرين .. بضاعتهم حلوة ورخيصة..

[بنت العالي]

اختى الغاليه انا ممكن افيدج اكثير باسواق السعوديه
واذا كنتى جاده ارسليلي ايميلج

[نجود]

ربي يسهل امرك ياام نورة

[أم نوره]

مشكوووووووووووووووورين حبايبي على تواصلكم معاااااي

خلاااااص قررت اروح الدمام مع زوجي وأن شاء الله تتيسر لي الامور واتوفق

ومحلي بالخور والي بيجي حياه الله ترى المحل في مجمع مركز الاغذيه

تحياتي لكل من تجاوب معاي

[HADi]

اختي ام نوره اول شي الله يوفقك انشالله في تجارتك

بنسبه للحساء

فاكثر مكان اشوف فيه اهل قطر يتسوقون فيه

اهو شارع الماجد شارع تجاري وفيه محل للمكياج زحمه عليه يقلون بنصف السعر بنسبه لقطر

بنسبه لدمام ..

مثل ما قلوا سوق الحب سوق شعبي واسعاره رخيصه

ومدام انتي رايحه الدمام جربي مجمع في الخبر اسمه الجمعه سنتر

دايما اشوف فيه اهل قطر ومعروف ببضاعته الحلوه


وبتوفيق انشالله