الي عنده يوكن 2007 يدخل

[أحمد المالكي]

السلام عليكم

يا جماعة أنا توني اشتريت يوكن ، بعد سرعة 80 اسمع صوت هواء ، هل هذي المشكلة عند الجميع ام فقط عندي

مع اني رحت الوكالة وشيكوا على الربلات قالوا لي ما عنك مشكلة

على ما أظن انه صوت الهواء عادي ، لكن غريب مع انه في موديل جديد

أرجوا منكم ان تفيدوني في هذا الموضوع

[*بوحمد]

اخوي احمد انا نفسك عندي كدلك اسكاليدا 2007 وبعد توني شاريه
وفي صوت هوا اتصلت فيهم قالولي شغلت ربلات بس للحين ما وديت السياره لهم

بس اوصيك ارجع لهم وشرشحهم زين مازين وخلهم يصلحون عدل
ولا قول له بشتكي عليكم عند شركة الام اهم يشوفون شغلهم معاكم

[أحمد المالكي]

بوحمد ، انت تدري انا رحت لمدير الصيانة وهو الي طلع معاي ، وخلاني أسوق سيارته عنده
اسكاليدا 2003 نفس الشئ بعد صوت هوا ، قالي انت ما عندك مشكلة ، تدري بعد رشوا أطراف الباب بماي ضغطه قوي ،، بس ما في تسريب

تلظاهر انه عيب في المواتر الجديدة

[*بوحمد]

بس اتصدق اخوي احمد الصراحه سياره عجيبه ما عليها كلام كلش ملش

[هداف]

انا نفسك شريت تاهو الجديد وفيه تنسيم في باب السواق ورحت الوكاله اتصدق جاني مسؤول الكراج الفلبيني وهو يضحك ومسك باب من فوق من فوق الفريم الحديد وحددت له مكان التنسيم تقريبا على زاويه الباب من فوق تتوقع وش سوى :)

مسك الزاويه من فوق وظغط عليه بقو على تحت سمعت صوت شي تطرقع ومشيت بالسياره ولا احلى منها مافيه تنسيم :) مشكله ها لسيارات هو الفينشغ او اللمسات الاخيره خصوصا في اي موديل جديد او الدفعات الجديده من اي موديل جديد تلاقي عيوب بسيطه في الفينشينغ

[البدر 8]

حتى موديل 2006 عندي تنسيم في باب السائق
ودخول هواء

[سهم طايح]

هممممممممممممممممم كثرت مشاكل اليوكن والمصيبة الاكبر هي المكيف !

عذاااااااااااااااااااااااااااااااااااااااااااااااا اااااااااااااااب

[سعادة الوزير]

انا عندي ال 2007 وصوت الهوا موجود بس خفيف جدا واعتقد انه موجود باغلب السيارات. بصراحه انا ماشوف انه شي يضايق لهالدرجه اشوفه عادي.

سهم طايح : انت من صجك تقول ان المكيف عذاب؟؟؟ يا ريال انا في عز الحر اخليه على 22 درجه وبعد يذبحني من البرد!

[السني 73]

هذي اصلا مشكلة اليوكن .... انا عندي 2005 ونفس الطريقة ينسم هوا من الباب بس صوت يعني مب ان بيدخل عليك اغبار ولا شي ..... بس اقولك انشاء الله بعد فترة بتعود على السيارة وان شاء الله بتستمتع فيها وخذ الكلام مني وصوت الهوا بيصير عندك شي عادي .... وبعدين لاتنسى ان اليوكن ترى رفيع وهو ارفع من الكروزر والشي ذيه يأثر ... شوف الكروزر إذا ركبت عليه تواير بالون تبدا تسمع صوت الهوا لأنه ارتفع عن مستوى الارض شوي .

[Qt.1]

ياجماعه صوت الهوى لاازم ينسمع انت تمشي 80 لاازم في بيطلع صوت هوى لكن لو هوى قوي معناتها تنسيم واضح انا عندي تاهو بعد توني شاريه ومافيه تنسيم وماشي معاي زي العسل ..

صورة الموتر ..::deal: :deal:

http://www.dotnokia.com/upp/uploads/f77e4c4143.jpg

ها اشرايكم ..:confused: :confused:

[السني 73]

ياجماعه صوت الهوى لاازم ينسمع انت تمشي 80 لاازم في بيطلع صوت هوى لكن لو هوى قوي معناتها تنسيم واضح انا عندي تاهو بعد توني شاريه ومافيه تنسيم وماشي معاي زي العسل ..

صورة الموتر ..::deal: :deal:

http://www.dotnokia.com/upp/uploads/f77e4c4143.jpg

ها اشرايكم ..:confused: :confused:
الله يباركلك فيه

[Qt.1]

الله يباركلك فيه

وفي عمرك يالغالي وارحم الله والديك

[الدستور]

1/ نـــعـــم . .. لدي تنسيم خفيف من جهه السائــــق . .

2 / ترى المكيف اوقات يدف بدون بروده في اوقات الظهــــــــــــــــــــــــــــــــــــــــــــــ ــر

[رويتر]

كل السيارات فيها تنسيم حتى Bmw والمرسيدس 2007

والسيارة الوحيدة اللي ما فيها تنسيم اللكزس الصالون

والتجربة خير برهان

[أحمد المالكي]

السلام عليكم
أشكركم اخواني على هاذي الردود
انا امس طلعت رحت الصناعية مرة ثانية ، وقالي مدير الصيانة هذا شئ عادي ، لأن الموتر رفيع ، وحجمه كبير وقالي لا تنسى الشد الي فوق السقف من بره ( البلاستيك الأسود ) قالي بعد يطلع صوت ، الصراحة اقتنعت في كلامه ، وخلاني اسوق الدينالي ، نفس الشئ بعد في صوت ، بس الصراحة موتر ما عليه كلام مريح جدا ، ويعطيكم العافية

[السني 73]

السلام عليكم
أشكركم اخواني على هاذي الردود
انا امس طلعت رحت الصناعية مرة ثانية ، وقالي مدير الصيانة هذا شئ عادي ، لأن الموتر رفيع ، وحجمه كبير وقالي لا تنسى الشد الي فوق السقف من بره ( البلاستيك الأسود ) قالي بعد يطلع صوت ، الصراحة اقتنعت في كلامه ، وخلاني اسوق الدينالي ، نفس الشئ بعد في صوت ، بس الصراحة موتر ما عليه كلام مريح جدا ، ويعطيكم العافية

اقولك الشيخ هذا شي عادي في الجمس .... وأنا اعتقد بعد ان من رفعه .... بس خذ الكلام مني انشاء الله بعد فترة بتحس انك تعودت على هالشي وانشاء الله بتستمتع في الموتر لأنه ماشاء الله عليه صج مريح في السواقه .... وبالنسبة للمكيف والي يقول عنه انه حار .... بالفعل إذا وقفت في زحمه تحس ان مع الوقفه يحتر المكيف شوي ...... والسبب واضح جداً ان اليوكن مافيه نفس سستم الكروزر ان الريس يرتفع بروحة وانت واقف علشان يساعد في عملية التبريد وتلاحظ انك إذا دعست ريس شوي يبرد المكيف ..... واعتقد هذا مب من جهل في الصناعة ولا عن قلة تقنية والموتر ماشاء الله مليان تقنيه بس اكيد فيه سبب خلا شركة الجمس انها ماتضع هذه التقنية .... بس على فكرة ترى كمية الهوى البارد الي يدفعها اليوكن افضل من كمية الهوى البارد للكروزر .... وهذا عند مشي السيارة طبعاً وفي الخطوط

[السهم الجارح]

الأمريكي طول عمره مكيفه جذي يدف الهوا البارد مع دعسة الريس

[بوحارب]

للأسف نفس المشكلة في الكوامري والكروزرات

[Qt.1]

للأسف نفس المشكلة في الكوامري والكروزرات

بصراحه اخالفك الراي انا عندي كامري 2007 توها ماشيه 5000 وشي ومكيفها بارد والله اقصر على البروده حزات...مادري عن 2006 ونازل لكن 2007 مكيفهم ماعليه كلاام...

[قناص قطر]

كل السيارات فيها تنسيم حتى Bmw والمرسيدس 2007

والسيارة الوحيدة اللي ما فيها تنسيم اللكزس الصالون

والتجربة خير برهان


سلامتك الشيخ ما في اي مشلكه

الظاهر عندك مشكله بالسيارة ودها ناصر بن خالد يرتبونها لك ان شاء الله

الشغله الوحيده اللي مب عاجبتني

الفتحه بطيئه يقول لانها بنوراما عشان جذي الفتحه بطيئه

[بطران]

الامريكي بشكل عاااام ينسم هوااا او تسمع صووت الهوا من صوب الباب ... عند اخوي الاسكاليد يسمع على خفيف بس الوكاله يقولون له موترك زي الورد ولا فيه شي ...وعندي الهمر نفس الشي الهوا يضرب بكاب كشاف السقف وعلى المناظر على الجمب .. مزعج في حالة حطيت بالك حق الاصوات هههههههههه