بورش كيان تيربو او S بمواصفات تيربو؟ أيش رايكم؟

[~¤ العنود ¤~]

السلام عليكم

انا افكر اخذ الكيان التيربو .. بس محد نصحني فيه !

يقولون اخذي S بمواصفات تيربو .. بس انا مو مقتنعه

يعني يا تيربو .. يا ولا شي !

واللي عنده ومجرب الكيان يعطيني فكره عنه من حيث الراحه والصيانه وقطع الغيار

بليز افيدوني بخبراتكم واكون شاكره لكم

[مستثمر-قطر]

اذا تبينه لاستخدام يومى وكرف اخذى لج كيان اس بمواصفات تيربو

انا عندى 2 الان موديل 2006 الشكل الى قبل ذى وعندى 2008 وال2

بمواصفات تيربو وبصراحه اختى ولا اروع 000

واتمنى افدتج

[X 4 X]

التيربو خراباتها وايد....و أول شي بيخترب الهوزينق مال التيربو...هاااي لازم يخترب مدري ليش!!!

كيان S احسن لج أختي

نفس التيربو هو..ما يفرق...اللهم المكينه بس

كيان S مواصفات تيربو والله معاج:)

وبالتوفيق انشاءالله

[خالي مشاعر]

الي اعرفه ان مشكلة الكيان التيربو انه يحرق زيت
يعني لازم كل اسبوعين او ثلاث الواحد يزيد لتر زيت
هذا اللي اعرفه بالنسبة للقديم بس الكيان الجديد ماعرف اذا هالشي فيه ولا لا

[~¤ العنود ¤~]

اذا تبينه لاستخدام يومى وكرف اخذى لج كيان اس بمواصفات تيربو

انا عندى 2 الان موديل 2006 الشكل الى قبل ذى وعندى 2008 وال2

بمواصفات تيربو وبصراحه اختى ولا اروع 000

واتمنى افدتج

مشكور اخوي على الرد والافاده

يعني نصيحتك الs بمواصفات التيربو ؟

انا خاطري في اسبير ورا .. هذا موجود او لازم اطلب وانتظر ؟

ومشكور مره ثانيه

[~¤ العنود ¤~]

التيربو خراباتها وايد....و أول شي بيخترب الهوزينق مال التيربو...هاااي لازم يخترب مدري ليش!!!

كيان S احسن لج أختي

نفس التيربو هو..ما يفرق...اللهم المكينه بس

كيان S مواصفات تيربو والله معاج:)

وبالتوفيق انشاءالله

مشكور اخوي عالنصيحه

الناس يقولون لي ليش تبين تيربو !! تبين تدشين سباق يعني :confused: وانا مدري ليش ابيه ومابي غيره

بس شورتك وهدايه الله ..

سؤال واحد .. الS بمواصفات تيربو .. ينكتب عليه من ورا تيربو او لاء ؟

اتمنى احد يفيدني

[~¤ العنود ¤~]

الي اعرفه ان مشكلة الكيان التيربو انه يحرق زيت
يعني لازم كل اسبوعين او ثلاث الواحد يزيد لتر زيت
هذا اللي اعرفه بالنسبة للقديم بس الكيان الجديد ماعرف اذا هالشي فيه ولا لا

مشكور اخوي على افادتك

جزاك الله خير

[ALRAYYAN]

والله عشنا وشفنا البنات ... اللي تبي تيربو واللي تسأل اخذ يوكن ولا دينالي
واللي تقول اخذه البنوراما ولا العادي

والله بطرتوا يابنات قطر .... قبل الوحده تستانس لين قالولها بنطلع لج ليسن وبناخذ لج كورولا جديده

شوي وتنزل الخبر في الجريده .... الحين تمر عليك وحده في استاندر سبير علاق طبعا وفلتر صوت بعد :funny:

ترى وجهة نظر ولحد يزعل اخذوها بغشمره .. ثرى احنا بمنتدى

موفقه اختي وخلي عنج التيربو ترى مشاكله وايد على حسب كلام الربع
عليج بالـ s لأنها عمليه وايد

والله يبارك لج بالموتر اللي بتاخذينه ويهنيج به مقدما

[مستثمر-قطر]

مشكور اخوي عالنصيحه

الناس يقولون لي ليش تبين تيربو !! تبين تدشين سباق يعني :confused: وانا مدري ليش ابيه ومابي غيره

بس شورتك وهدايه الله ..

سؤال واحد .. الS بمواصفات تيربو .. ينكتب عليه من ورا تيربو او لاء ؟

اتمنى احد يفيدني


:shy: اختى نصيحه اخويه خلى عنج سوالف التقليد

لن التيربو عن الاس يفرق 0 شكليا 0

السالفه ماهي سالفه تحطين تيربو ولا اس

لنى الى عنده بورش ويستخدم البورش راح يعرف ويبين علاطول

من الوجه والطبلون طبلون التيربو يجى غير عن ال0 s

واتمنى افدتج omen

[~¤ العنود ¤~]

والله عشنا وشفنا البنات ... اللي تبي تيربو واللي تسأل اخذ يوكن ولا دينالي
واللي تقول اخذه البنوراما ولا العادي

والله بطرتوا يابنات قطر .... قبل الوحده تستانس لين قالولها بنطلع لج ليسن وبناخذ لج كورولا جديده

شوي وتنزل الخبر في الجريده .... الحين تمر عليك وحده في استاندر سبير علاق طبعا وفلتر صوت بعد :funny:

ترى وجهة نظر ولحد يزعل اخذوها بغشمره .. ثرى احنا بمنتدى

موفقه اختي وخلي عنج التيربو ترى مشاكله وايد على حسب كلام الربع
عليج بالـ s لأنها عمليه وايد

والله يبارك لج بالموتر اللي بتاخذينه ويهنيج به مقدما

عادي اخوي خذ راحتك وان شاء الله مافي زعل :)

بس ترا البنات لهم رب بعد .. ولا بس الشباب يعني :con2:

المهم .. مشكور على نصيحتك .. وان شاء الله تكون في البال وانا في الوكاله :p

[~¤ العنود ¤~]

:shy: اختى نصيحه اخويه خلى عنج سوالف التقليد

لن التيربو عن الاس يفرق 0 شكليا 0

السالفه ماهي سالفه تحطين تيربو ولا اس

لنى الى عنده بورش ويستخدم البورش راح يعرف ويبين علاطول

من الوجه والطبلون طبلون التيربو يجى غير عن ال0 s

واتمنى افدتج omen

مو مسأله تقليد اخوي .. لا والله

السالفه ان اللي انقالي ان الS والتيربو نفس الشكل والمواصفات كلها .. بس التيربو الاختلاف بينه وين الS هو السرعه .. هذا الانطباع اللي عندي من كلام الناس

ولا السالفه مو سالفه تقليد .. كلن يمد ريوله على قد لحافه :)

[بوخالد2]

هلا اختى العنوود

انا عندي كيان اس مواصفات تيربو ولا اروع في الاستخدااام وعمليه

جربت 6 سلندر الصرااحه مادرى ليش ينزلونها تعبانه ومافيها عزم

وجربت التيربو مثل ماقالوا الاخوان خربات يعني مب عمليه مثل الاس

بس قطع الغياار ترى غاليه شوي اختى يعني الى برع الضماان تدفعين عليه ترى ( يبيله جيب) :deal:

وتبين الصج مااحس انها مناسبه السياره للبنت ؟؟ مب حريميه اسبورت للرجال يعين يرياضيه اكثر للرجاال مادرى ماتقبل شكل بنت ماره في بورش الله يهنيه لكن مب نسائيه كلش البورش


افضل انج تاخذي الاكس فايف الجديد رووعه في ذمتي سوده او رصاصيه ماعليها كلام


والله يهنيج اختى

[~¤ العنود ¤~]

هلا اختى العنوود

انا عندي كيان اس مواصفات تيربو ولا اروع في الاستخدااام وعمليه

جربت 6 سلندر الصرااحه مادرى ليش ينزلونها تعبانه ومافيها عزم

وجربت التيربو مثل ماقالوا الاخوان خربات يعني مب عمليه مثل الاس

بس قطع الغياار ترى غاليه شوي اختى يعني الى برع الضماان تدفعين عليه ترى ( يبيله جيب) :deal:

وتبين الصج مااحس انها مناسبه السياره للبنت ؟؟ مب حريميه اسبورت للرجال يعين يرياضيه اكثر للرجاال مادرى ماتقبل شكل بنت ماره في بورش الله يهنيه لكن مب نسائيه كلش البورش


افضل انج تاخذي الاكس فايف الجديد رووعه في ذمتي سوده او رصاصيه ماعليها كلام


والله يهنيج اختى

اخوي الS مواصفات تيربو اللي عندك مكتوب عليها تيربو من ورا او لاء ؟ في اختلاف بينه وبين التيربو الاصلي في الشكل ؟

وبخصوص ان الكيان سياره سبورت ومب للبنات بالعكس اخوي .. انا اشوفها سياره ناعمه ومب للشباب لانها فور ويل بس صغيره وناعمه .. يعني مو مثل الجي او الكزس فورويل .. مادري هذا رايي

والبي ام مب داشه بالي .. والاكس 5 ما احبها خير شر .. شكلها مب حلو

وبخصوص قطع الغيار .. ترا كل شي غالي هالايام .. واللي يبي الغالي لازم يدفع ويتحمل

ومشكور على نصيحتك

[بوخالد2]

اخوي الS مواصفات تيربو اللي عندك مكتوب عليها تيربو من ورا او لاء ؟ في اختلاف بينه وبين التيربو الاصلي في الشكل ؟

وبخصوص ان الكيان سياره سبورت ومب للبنات بالعكس اخوي .. انا اشوفها سياره ناعمه ومب للشباب لانها فور ويل بس صغيره وناعمه .. يعني مو مثل الجي او الكزس فورويل .. مادري هذا رايي

والبي ام مب داشه بالي .. والاكس 5 ما احبها خير شر .. شكلها مب حلو

وبخصوص قطع الغيار .. ترا كل شي غالي هالايام .. واللي يبي الغالي لازم يدفع ويتحمل

ومشكور على نصيحتك

اكيد اختى يبي الزين يدفع وانا اخوج

صحيح اختى مكتوب عليها تيربو ولا انتي اتركين من عندهم في الشركه
بالنسبه للشكل الجديد في اختلاف وااضح ام 2003 لين 2007 مافي فرق اختى

2008 هى الى شكلهاا غير

والله يوفقج ان شاءالله

[~¤ العنود ¤~]

اكيد اختى يبي الزين يدفع وانا اخوج

صحيح اختى مكتوب عليها تيربو ولا انتي اتركين من عندهم في الشركه
بالنسبه للشكل الجديد في اختلاف وااضح ام 2003 لين 2007 مافي فرق اختى

2008 هى الى شكلهاا غير

والله يوفقج ان شاءالله

مشكور اخوي على ردك

يعني فيه فرق (واضح) في الجديد بين التيربو والS :court:

صدق الأخو اللي قال التقليد ما ينفع :p

ومشكورين :)

[lonely]

http://stadium.weblogsinc.com/autoblog/hirezpics/08_cayenne_07.jpg

hay alfarg
bas ana an97ech cayenneS
ana jarbt alqadeem o aljedeed tra eafrg wajed

o tgdreen tglbeen al S 3ala shakel turbo bas men da5l matgdreen
al turbo men da5el ejy shamwah o al6abloon ejy xenon

lakn men bara tgdreen tshofeen alfarg

alshabk o albanah o men warah al Exhaust system

o alah ewfgech

[مستثمر 999]

اختي العنود انا بحكم خبلرتي مع السيارات احس ان معلوماتج عن السياره الي تبينها كلها ؟؟؟؟؟؟؟

اول شي ابتعدي عن التيربو ؟؟؟؟ والدليل على كلامي ان التيربو اغلى من ال S ب تقريبا 150 الف ولكن في سوق المستعمل قصدي اذا فكر الواحد يبيع التيربو تكون الاسعار اقل من ال S ب 100 الف .

وعلى فكره مو بس الشكل الجديد الي فيه اختلاف بين الاس والتيربو من اول ما صنعو السياره من 2003 .
والفرق بسيط ويمكن تغيره في الوكاله قبل استلام السياره والفرق ان التيربو لها فتحه التهويه اكبر من الاس للتبريد لان المكينه تحتر وبشكل غير طبيعي والطبلون مب مشكله .


واذا عندج اي استفسار احنا في الخدمه

[ابوعزوز6]

السلام للجميع اخواني انا اشوف ان الs من واقع تجربه شخصيه لل2006 ممتازه كستخدام يومي حتي صيانتها في الشركه ماطول وعارفين لها حتي في السفر على الخط الصراحه مافي بعدها 0 وشوف ان الموديل الجديد شكله بايخ لان البورش مميزه بهيه الضفدعه وهاذي الميزه مب موجوده تقريبا في الجديده

[_QTR_]

مشكور اخوي على الرد والافاده

يعني نصيحتك الs بمواصفات التيربو ؟

انا خاطري في اسبير ورا .. هذا موجود او لازم اطلب وانتظر ؟

ومشكور مره ثانيه



سبحان الله

والله كثروا الشباب اللي يسجلون بنكات بنات
هل هذا يعتبر نقص ؟؟


الله كريم والله يوفقك يالشيخ

[ALRAYYAN]

سبحان الله

والله كثروا الشباب اللي يسجلون بنكات بنات
هل هذا يعتبر نقص ؟؟


الله كريم والله يوفقك يالشيخ

تهقى يعني omen

والله مشكله اذا ظنك طلع بمحله :con2:

[lonely]

:
تهقى يعني omen

والله مشكله اذا ظنك طلع بمحله :con2:
:eek2: :eek2: :eek2: :eek2: :eek2: :eek2: :eek2: :eek2:

[_QTR_]

تهقى يعني omen

والله مشكله اذا ظنك طلع بمحله :con2:




والله عندي احساس

انت شوف الرد على بوخالد يوم قال الحبيب مب نفس الجي او اللكسز فورويل

[بوخالد2]

سبحان الله

والله كثروا الشباب اللي يسجلون بنكات بنات
هل هذا يعتبر نقص ؟؟


الله كريم والله يوفقك يالشيخ
:looking: :looking: :looking:

[_QTR_]

http://www.lakii.com/vb/smile/17_39.gif (http://www.lakii.com/vb/uploader/smilies.php)


والله غريبه

الله يستر بعد لا يتطورون البنات ويسابفون الشباب

اعتقد كل هذا من ندى زيدان خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخ

http://www.lakii.com/vb/smile/17_56.gif (http://www.lakii.com/vb/uploader/smilies.php)

[_QTR_]

:looking: :looking: :looking:



هلا ومسهلا ... هلا ترحيبتا كلها مسك وعود وعنبر هلا بالغالي






شحالك ولدك السمي .. الله يخليه لك














كأنه مالي خص في الموضوع

[مستثمر-قطر]

اختى تبين تدرين ان الفرق يبين بين الاس والتيربو شوفي البورش الوسطيه هى التيربو

والكحليه اس والثالثه الى هى الذهبيه - كيان-

بس اختى الى يعرف مايقولج الفرق بالعزم والى مجربها
وحتى لوتنظرين لمقدم التيربو راح تلاحظين الفرق في فتحات التهويه اكبر من الاس
يعطيج ادق التفاصيل

مثل الطبلون مال التيربو فيه شاشه بوسط الطبلون مثل اللكزس ls460 وs يجى طبلونه برتقالى مثل البي ام

وs مايجى سقفه شمواه من الشركه باستثناء التيربو

ووووشكرا0

[~¤ العنود ¤~]

http://stadium.weblogsinc.com/autoblog/hirezpics/08_cayenne_07.jpg

hay alfarg
bas ana an97ech cayenneS
ana jarbt alqadeem o aljedeed tra eafrg wajed

o tgdreen tglbeen al S 3ala shakel turbo bas men da5l matgdreen
al turbo men da5el ejy shamwah o al6abloon ejy xenon

lakn men bara tgdreen tshofeen alfarg

alshabk o albanah o men warah al Exhaust system

o alah ewfgech

مشكور على الصوره اخوي وعالنصيحه

الحين عرفت بالضبط الاختلاف اللي بينهم ..

تسلم وماقصرت

[~¤ العنود ¤~]

سبحان الله

والله كثروا الشباب اللي يسجلون بنكات بنات
هل هذا يعتبر نقص ؟؟


الله كريم والله يوفقك يالشيخ


سبحان الله

مادري من وين جبت هالاعتقاد ! ولا متأكد بعد !

كله لاني قلت اسبير ورا ولكزس فور ويل !!!!!!!!!!!!

لا تسوء الظن اخوي وترا اللي على راسه بطحه هو اللي يتحسس منها

ويمكن انت وحده او واحد ! كلن يقدر يقول ويكتب ويتبلى !

بس تجي في موضوع انا ماغلطت فيه وتتبلى علي بس لاني قلت خاطري في اسبير ورا ولكزس فورويل !!! يعني ان قلت تاير او اطار معلق وراء السياره بطلع بنت !!!!!!!!!

صدقت يوم قلت (سبحان الله)

[~¤ العنود ¤~]

:looking: :looking: :looking:

ماعتقد انك مصدقه اخوي !

واذا مصدقه صج الدنيا مافيها خير

شوفوا من متى مسجله وهذا أول موضوع لي .. وهذي النتيجه !

صج ما يسوا علي طلبت نصيحتكم !

[~¤ العنود ¤~]

تهقى يعني omen

والله مشكله اذا ظنك طلع بمحله :con2:

تهقى ظنه بمحله !!

امس شكرتك على نصيحتك .. واليوم اقولك الله يسامحك على سوء ظنك

[~¤ العنود ¤~]

اختى تبين تدرين ان الفرق يبين بين الاس والتيربو شوفي البورش الوسطيه هى التيربو

والكحليه اس والثالثه الى هى الذهبيه - كيان-

بس اختى الى يعرف مايقولج الفرق بالعزم والى مجربها
وحتى لوتنظرين لمقدم التيربو راح تلاحظين الفرق في فتحات التهويه اكبر من الاس
يعطيج ادق التفاصيل

مثل الطبلون مال التيربو فيه شاشه بوسط الطبلون مثل اللكزس ls460 وs يجى طبلونه برتقالى مثل البي ام

وs مايجى سقفه شمواه من الشركه باستثناء التيربو

ووووشكرا0

مشكور اخوي مستثمر قطر على نصيحتك

وربي ماقصرت ..

الاختلاف الحين واضح بالنسبه لي .. وربي يوفق ان شاء الله

[~¤ العنود ¤~]

السلام للجميع اخواني انا اشوف ان الs من واقع تجربه شخصيه لل2006 ممتازه كستخدام يومي حتي صيانتها في الشركه ماطول وعارفين لها حتي في السفر على الخط الصراحه مافي بعدها 0 وشوف ان الموديل الجديد شكله بايخ لان البورش مميزه بهيه الضفدعه وهاذي الميزه مب موجوده تقريبا في الجديده

جزاك الله اخوي على ردك

والله يوفق الجميع ان شاء الله

[~¤ العنود ¤~]

اختي العنود انا بحكم خبلرتي مع السيارات احس ان معلوماتج عن السياره الي تبينها كلها ؟؟؟؟؟؟؟

اول شي ابتعدي عن التيربو ؟؟؟؟ والدليل على كلامي ان التيربو اغلى من ال S ب تقريبا 150 الف ولكن في سوق المستعمل قصدي اذا فكر الواحد يبيع التيربو تكون الاسعار اقل من ال S ب 100 الف .

وعلى فكره مو بس الشكل الجديد الي فيه اختلاف بين الاس والتيربو من اول ما صنعو السياره من 2003 .
والفرق بسيط ويمكن تغيره في الوكاله قبل استلام السياره والفرق ان التيربو لها فتحه التهويه اكبر من الاس للتبريد لان المكينه تحتر وبشكل غير طبيعي والطبلون مب مشكله .


واذا عندج اي استفسار احنا في الخدمه

مشكور اخوي وماقصرت وربي .. والله يكثر من امثالك

خلاص ان شاء الله اتوكل على الله واخذ كيان S .. مو لان الكل نصحني بالs بس لان الجميع بين لي مساوىء التيربو اللي كنت اجهلها ..

ناس يقولون لي اخذي مستعمل وجربي.. بس انا ابي جديد من الوكاله ..

وربي يوفق الجميع ويجزيك الله خير على ردك

[_QTR_]

السلام عليكم اختي/اخووووووووي


اولا العذر والسموحة
واتمنى ان المنتدى ينول على اعجابكم وتكونون من الاعضاء المميزين فيه
وللعلم يالشيخه/الشيخ (بغض النظر عن اذا انك واحد او وحده) بس كثروا الناس اللي يسجلون بنكات بنات


واعتذر مره ثانيه على سوء الظن بس الطلب كان شوي غريب بخصوص السبير العلاق


http://www.lakii.com/vb/smile/19_57.gif (http://www.lakii.com/vb/uploader/smilies.php)

[lonely]

السلام عليكم اختي/اخووووووووي


اولا العذر والسموحة
واتمنى ان المنتدى ينول على اعجابكم وتكونون من الاعضاء المميزين فيه
وللعلم يالشيخه/الشيخ (بغض النظر عن اذا انك واحد او وحده) بس كثروا الناس اللي يسجلون بنكات بنات


واعتذر مره ثانيه على سوء الظن بس الطلب كان شوي غريب بخصوص السبير العلاق


http://www.lakii.com/vb/smile/19_57.gif (http://www.lakii.com/vb/uploader/smilies.php)

:con2: :con2: :con2: :con2:
:con2: :con2: :con2:
:con2::con2:
:con2:

[ABM]

اذا تبينه لاستخدام يومى وكرف اخذى لج كيان اس بمواصفات تيربو

انا عندى 2 الان موديل 2006 الشكل الى قبل ذى وعندى 2008 وال2

بمواصفات تيربو وبصراحه اختى ولا اروع 000

واتمنى افدتج

ماعرفتك والله يابوغنيم:eek:

[ALRAYYAN]

تهقى ظنه بمحله !!

امس شكرتك على نصيحتك .. واليوم اقولك الله يسامحك على سوء ظنك

اسمحيلي اختي العنود ... وانا اعتذر عن ردي على اخونا قطر الله يغربل بليسه crazy

بس هو قال شي صاير وايد بالمنتدى ... واسمحيلنا على سوء الظن واخت عزيز وهلا فيج بينا

وان شاء الله تهنين بالسياره الجديده وسبير علاق بعد ... ولا يهمج :p

[مستثمر-قطر]

ماعرفتك والله يابوغنيم:eek:


:eek2:

[_QTR_]

اسمحيلي اختي العنود ... وانا اعتذر عن ردي على اخونا قطر الله يغربل بليسه crazy

بس هو قال شي صاير وايد بالمنتدى ... واسمحيلنا على سوء الظن واخت عزيز وهلا فيج بينا

وان شاء الله تهنين بالسياره الجديده وسبير علاق بعد ... ولا يهمج :p







http://www.lakii.com/vb/smile/19_13.gif (http://www.lakii.com/vb/uploader/smilies.php)

أخخخخخخخخخخ عليك يالسمي

شكلك على طول تعترف لوووووووووووووووووووووووووول

يعطيك العافية يالغالي

والعذر والسموحة للاخت الغالية العنود

[ALRAYYAN]

http://www.lakii.com/vb/smile/19_13.gif (http://www.lakii.com/vb/uploader/smilies.php)

أخخخخخخخخخخ عليك يالسمي

شكلك على طول تعترف لوووووووووووووووووووووووووول

يعطيك العافية يالغالي

والعذر والسموحة للاخت الغالية العنود

بصراحه انا من النوع اللي يعترف قبل الكف وفي ثواني :shy:

لا والله مالنا حق نظن فيها ظن سوء

مع ان مره من المرات اتفقت مع واحد على رقم وقالي خلاص انا شراي
ودز لي رقمك ع الخاص ... وفعلا اتصل بي واحد الا يقولي بخصوص الرقم اللي كلمتك عنه اختي في المنتدى

الغبي فضح اخته قدامي مع ان نكها نك رجال ... وللحين موجوده بينا بس هي ماتدري ان اخوها كشفها وانا بعد ماقلتلها ... مشيتها وللحين ارد عليها على اساس انها واحد من الشباب

شنسوي ... بس عشان العنود ماتلومنا

[_QTR_]

بصراحه انا من النوع اللي يعترف قبل الكف وفي ثواني :shy:

لا والله مالنا حق نظن فيها ظن سوء

مع ان مره من المرات اتفقت مع واحد على رقم وقالي خلاص انا شراي
ودز لي رقمك ع الخاص ... وفعلا اتصل بي واحد الا يقولي بخصوص الرقم اللي كلمتك عنه اختي في المنتدى

الغبي فضح اخته قدامي مع ان نكها نك رجال ... وللحين موجوده بينا بس هي ماتدري ان اخوها كشفها وانا بعد ماقلتلها ... مشيتها وللحين ارد عليها على اساس انها واحد من الشباب

شنسوي ... بس عشان العنود ماتلومنا



الله يسامحك شكلك يالسمي اول ما تشوف الكف من بعيد تغرد الكلام كله

http://www.lakii.com/vb/smile/19_8.gif (http://www.lakii.com/vb/uploader/smilies.php)


وان شاء الله ما بتلومنا العنود

ويعطيكم العافية بس الظاهر قلبنا الموضوع شات

[ahn]

اذا تحبين السرعه خذي التيربو واذا الامور عاديه خليكي على الاس واذا تبين نصيحه بعد تجربه عليكي Bmw-x5الجديده وبتشوفين الفرق في السرعه والاستخدام والرفاهيه...لكن مع الاسف في الدوحه ما راح تشعرين بالفرق في السياقه بسبب الشوارع الصغير والمنبسطه يعني لو نتي في المانيا او بيروت وبين الجبال او في الثلج تقدرين تكتشفين قوة ومتانة السياره وللعمل اناء حاليا استخدم الا س مثل استخدام سياره صالون وبالتوفيق

[فاضي عمل]

اذا تحبين السرعه خذي التيربو واذا الامور عاديه خليكي على الاس واذا تبين نصيحه بعد تجربه عليكي Bmw-x5الجديده وبتشوفين الفرق في السرعه والاستخدام والرفاهيه...لكن مع الاسف في الدوحه ما راح تشعرين بالفرق في السياقه بسبب الشوارع الصغير والمنبسطه يعني لو نتي في المانيا او بيروت وبين الجبال او في الثلج تقدرين تكتشفين قوة ومتانة السياره وللعمل اناء حاليا استخدم الا س مثل استخدام سياره صالون وبالتوفيق
:con2:

[~¤ العنود ¤~]

السلام عليكم اختي/اخووووووووي


اولا العذر والسموحة
واتمنى ان المنتدى ينول على اعجابكم وتكونون من الاعضاء المميزين فيه
وللعلم يالشيخه/الشيخ (بغض النظر عن اذا انك واحد او وحده) بس كثروا الناس اللي يسجلون بنكات بنات


واعتذر مره ثانيه على سوء الظن بس الطلب كان شوي غريب بخصوص السبير العلاق


http://www.lakii.com/vb/smile/19_57.gif (http://www.lakii.com/vb/uploader/smilies.php)

سبير علاق او غيره .. لا تسوء الظن وتخلي الجميع يسوء الظن معاك .. مو لأني جديده بالمنتدى تقول شي انت مو متأكد منه وتقعدون كلكم تقطون نغزات مالها داعي على اني قلت "خاطري في اسبير ورا" !

وعلى فكره يالشيخ/ الشيخه انا مالي خص باللي يسجلون بنكات بنات وهم شباب وبالعكس .. انا لي بنفسي ومالي بغيري

على العموم حصل خير .. ومايحتاي تعتذر ..

[~¤ العنود ¤~]

اسمحيلي اختي العنود ... وانا اعتذر عن ردي على اخونا قطر الله يغربل بليسه crazy

بس هو قال شي صاير وايد بالمنتدى ... واسمحيلنا على سوء الظن واخت عزيز وهلا فيج بينا

وان شاء الله تهنين بالسياره الجديده وسبير علاق بعد ... ولا يهمج :p

مايحتاي تعتذر اخوي .. شي خلاص صار وحصل

ان شاء الله آخذ السياره .. وبسبير علاق بعد .. بس علشان أحر بعض الناس

يعطيك العافيه

[~¤ العنود ¤~]

اذا تحبين السرعه خذي التيربو واذا الامور عاديه خليكي على الاس واذا تبين نصيحه بعد تجربه عليكي Bmw-x5الجديده وبتشوفين الفرق في السرعه والاستخدام والرفاهيه...لكن مع الاسف في الدوحه ما راح تشعرين بالفرق في السياقه بسبب الشوارع الصغير والمنبسطه يعني لو نتي في المانيا او بيروت وبين الجبال او في الثلج تقدرين تكتشفين قوة ومتانة السياره وللعمل اناء حاليا استخدم الا س مثل استخدام سياره صالون وبالتوفيق

أخاف اقول احب السرعه يقولون هذا واحد !

على العموم .. مشكور اخوي .. انا ماحب الاكس5 ..

يعطيك العافيه

[راعى Sl]

احسن شى الكيان العادى

خلك من التيربو

واذا بغيتى خذى الاس

ترى والله ولااااااااااااااااااشى

اخص من شى ما فى

[~¤ العنود ¤~]

احسن شى الكيان العادى

خلك من التيربو

واذا بغيتى خذى الاس

ترى والله ولااااااااااااااااااشى

اخص من شى ما فى

مشكور اخوي راعي الكيان عالنصيحه

محد مدح التيربو .. مشاكله كثيره ..

تسلم عالمرور

[كويتى جديد]

ترا مايمدحونه للقنص
خابرك تحب القنص
عفوا تحبين القنص
زله لسان لا تزعلين