لو انك خاطب من دوله ثانيه ! شتسوي علشان تشوف خطيبتك ؟!! وهل من رايك هذا النوع افضل ؟؟

[المخلب]

السلام عليكم

واحد من الربع من كم يوم خطب (( الفال لي :shy: :funny: )) ..

لكن الصراحه أدهش الكل لما قال انه خطب من دوله مجاوره ! ( يعني مو قطريه البنت , وله من قطر !! ) ..

قلنا كلن له ذوقه :) .. بس مسكين جلس وياي يسألني أساله ( والي يسمعني اجاوبه يقول متزوج !! :looking: ) ..

يقول صاحبنا : شسوي الحين أن حبيت أملج ( الملكه يعني تصير على ذمته قبل العرس ) كيف بطلع وياها ؟ ! وكيف بسولف معاها ؟

قلتله أتصل عليها اريح !! من قطع المشاوير ! ..

قال خساير ! ..

قلنا اجل سافر لها ..!!

قال والشغل !! ماقدر والله كل أسبوع اطق مشوار لهناك !! ..

قلت والله ماعندي حل !! مافي الا اسأل ربعنا بالمنتدى يجاوبونه ..

فشرايك لو انتوا بموقفه شتسوون ؟؟

وسؤال على الطاير : شرايك بهذا النوع من الزواج ! مرتك من بلد ! وانت من بلد ثاني !! ؟؟؟

[التيما]

اخوي وايد ناس وعوايل ماتخلي الريال يشوف البنت الا في يوم العرس .. يعني اريح له واايد على الاقل بيلقون شي يتكلمون فيه عقب الزواج ... ومافي حل الا النت والماسنجر والتلفون من وقت للثاني .. واذا يبي يشوفها ممكن يروح لها كل شهر مره خميس وجمعه وسبت .. مبرووك مقدما لرفيجك ..

[M O 7 A M M E D]

هذا بس يبي يشوفها وما يعرف شلون ..

اقول الله يعينه ويوفقه ..

:)

[(احمد)]

انا تصدق اني ماعمري شفت زوجتي من قبل الا بعد الزواج ولا ادري هي طويلة او قصيرة

او متينة والخ

ولا عمري كلمتها لا بتلفون ولا غيره

وحتى ما جلسنا على الكوشه مع بعض (عندنا عيب )

يعني بالعربي ((خل خويك ينطق هنا احسن له ولا يزعج بنت الناس))

[hamoor4ever]

ياريال عادي ... وايد ناس ماخذين من برع ليكون ع بالك ياخوي ان الكل متزوج من قطر اصلا قول من اللي يتزوج من قطر .. وايد ربع لنا من السعوديه ومن الامارات والبحرين والكويت ومن سوريا ومصر بعد .. كلهم عايشين .. عادي ياخوي لو يروح مره بالشهر مب كل يوم ولازم طبعا يعجل بالزواج مب يطول يتم سنه يروج ويجي لا كلها بس كم شهر ويتزوج اوفر له بكثير .. سلام

[ورقــة أمــل]

ماله الا يكلمها بالتلفون ولا الماسنجر
واذا دولة مجاورة التسعيره ارخص
ويقدر يروح لها كل اسبوعين او كل شهر
احسنله يعجل من الزواج عشان ماتزيد عليه المصاريف
وانا ما ايد هالنوع من الزواج الا المضطرر

[حورية البحر]

عادي الامر بالعكس الا حظة وكل ماقل شوفتة لها كل ما صار مشتاق لها اكثر
وبعدين الحين الحمد الله احنا بنعمة في ماسنجر
كانها جالسة معة
ومن غير تكلفة لا بمال ولا بتعب
ممكن يحدد يوم يجلس فية معها يسير عليها عن طريق الماسنجر او يكلمها عن طريقةوالشوفة يروح لها بالشهر مرة ويجلس معها وياخذ الي بخاطرها واهي تعرف الي بخاطرة وانتهينا ويعجل بالزواج

[بيانو]

اولا احيك على الموضوع الذى نراه هذه الايام
وهو موضوع صعب قوى قوى
لانه بيشغل جزء كبير جدا من فكرك بما انها فى بلد وانت فى بلد اخر
ومش هنروح بعيد الموضوع هذا متواجد معنا احنا كمغتربين عن وطنا واهلينا وعن حبايبنا
بس اقولك الموضوع يكن مريح وعادى فى حاله واحدة وهى اهم حاجة هى البنت نفسها واخلاقها وتقكرها هذا هو الشىء الوحيد الذى يهون عليك البعد


وتسلم على الموضوع اخوى

[بوخالد2]

موضوع حلو بس كنك مكثر من سوالف الزوواج ؟؟؟


لكن اخووى اول شي اعتقد ان يشوفها بين اهلها او حد معاهم محرم عاادي يالغالي

اما ان يطلع معها هاى شي غريب بعد ؟؟؟ ( كان الشيطان يلعب عليهم ) لا اخوى اعتقد عن الناس العرب والقبايل عيب ياخذها لين دخ عليهاا ابرك

ولكن الله يصبره لين الزواج وليطول المده بيتعب من السفراات والجياات

وبالمبارك الفال لك يالغالي :funny:

[شهد]

كل شئ قسمه ونصيب يااخوي
يروح لها كل شهر مره ويعجل عرسه احسن

عقبالك ان شاء الله والله يوفقك

[قطري في لندن]

شكله رفيجك متزوج بحرينيه اذا ماعليه امر كليوم يقص تذكره نص ساعه وهو في البحرين يعني جنه مرته في الشمال شل المشكله اذا يبي يجوفه ولا يتصله كل يوم شل المشكله واذا مو قد الزوج من غير قطريه شلي حاده خله يتزوج اقطريه ياكثر العوانس في الدوحه وتقبل مروري اخوي الغالي وسمحلي اذا زوته

[Bo-3abed]

اما ان يطلع معها هاى شي غريب بعد ؟؟؟ ( كان الشيطان يلعب عليهم ) لا اخوى اعتقد عن الناس العرب والقبايل عيب ياخذها لين دخ عليهاا ابرك

:funny:

:nice: :nice: :nice: :nice:

يشوفها في الملكه وبعدين ينتطر العرس :dance :dance ماله داعي كثر الزيارات

وبالمبارك لخويك:app: والفال لك

[هسلان]

بنات الديرة واجد وقاعدين في البيوت ينتضرون العدل ومن الظلم إن الشباب يروحون بره وعندهم بنات ديرتهم
وليقيس كل شخص بيخطب من بره هذا الامر على أخته أو بنت عمة اللي لا حول لها ولا قوة سوى الانتضار

[المخلب]

اخوي وايد ناس وعوايل ماتخلي الريال يشوف البنت الا في يوم العرس .. يعني اريح له واايد على الاقل بيلقون شي يتكلمون فيه عقب الزواج ... ومافي حل الا النت والماسنجر والتلفون من وقت للثاني .. واذا يبي يشوفها ممكن يروح لها كل شهر مره خميس وجمعه وسبت .. مبرووك مقدما لرفيجك ..

كلام سليم على حسب العادات والتقاليد لكل عايله ! ..

هو حاب البنت !! بس تدرين يقول السوالف قبل الزواج أحلى .. :looking:

قلتله على الحل الاخير .. قال هم بعد لاء !! omen

الله يوفقه .. وشكرا لك ..

[المخلب]

هذا بس يبي يشوفها وما يعرف شلون ..

اقول الله يعينه ويوفقه ..

:)


هههههههههه .. الحب مايسوي .. :funny: :funny: :funny:

:app: :app: :app:

شكرا على مرورك حبيبي محمد :)

[المخلب]

انا تصدق اني ماعمري شفت زوجتي من قبل الا بعد الزواج ولا ادري هي طويلة او قصيرة

او متينة والخ

ولا عمري كلمتها لا بتلفون ولا غيره

وحتى ما جلسنا على الكوشه مع بعض (عندنا عيب )

يعني بالعربي ((خل خويك ينطق هنا احسن له ولا يزعج بنت الناس))

في عائلتين في قطر عندهم عيب ان الواحد يجلس جنب مرته ! شكلك واحد منهم

يارجال العادات تختلف من عايله لعايله ولقبيله لقبيله ..

هم متفاهمين (( حسب مايقول ! )) ويقول دام اني بملك عليها مافيها شئ حسبت زوجتي ! :) ..


شكرا على الإضافه .

[المخلب]

ياريال عادي ... وايد ناس ماخذين من برع ليكون ع بالك ياخوي ان الكل متزوج من قطر اصلا قول من اللي يتزوج من قطر .. وايد ربع لنا من السعوديه ومن الامارات والبحرين والكويت ومن سوريا ومصر بعد .. كلهم عايشين .. عادي ياخوي لو يروح مره بالشهر مب كل يوم ولازم طبعا يعجل بالزواج مب يطول يتم سنه يروج ويجي لا كلها بس كم شهر ويتزوج اوفر له بكثير .. سلام

:looking: :looking: اص لا يسمعونك البنات يشبون عليك .. :funny: ..

لا بالعكس في كثير متزوجين من قطر ومن برع قطر ..

والدنيا قسمه ونصيب :) ..

قلتله بعد ماتملك تزوجها بعد شهر ! سكت ولا رد علي !! مادري وش يخطط ذا .. :looking:

[المخلب]

ماله الا يكلمها بالتلفون ولا الماسنجر
واذا دولة مجاورة التسعيره ارخص
ويقدر يروح لها كل اسبوعين او كل شهر
احسنله يعجل من الزواج عشان ماتزيد عليه المصاريف
وانا ما ايد هالنوع من الزواج الا المضطرر


لا والله .. من ناحيه التسعيره كلام فاضي ! كيوتل تقولك ! لو انت هندي وله آسيوي وتبي تدق على بلادك بسعر رمزي !! بس لو انت قطري وله خليجي وتبي تدق على دوله مجاوره خليجيه !! تصير التسعيره أكثر !! ..

وتقدر تشوف اللسته بالتسعيرات عندهم بالمعرض ..

غير كذا الرجال لين اتصل فيها ما بدق 5 دقايق ويسكر ! :looking: .. هذا شكله مطول بالموضوع .. crazy crazy crazy ..

شكرا لك ..

[المخلب]

عادي الامر بالعكس الا حظة وكل ماقل شوفتة لها كل ما صار مشتاق لها اكثر
وبعدين الحين الحمد الله احنا بنعمة في ماسنجر
كانها جالسة معة
ومن غير تكلفة لا بمال ولا بتعب
ممكن يحدد يوم يجلس فية معها يسير عليها عن طريق الماسنجر او يكلمها عن طريقةوالشوفة يروح لها بالشهر مرة ويجلس معها وياخذ الي بخاطرها واهي تعرف الي بخاطرة وانتهينا ويعجل بالزواج

اووه اوووه وينه يسمع الكلام ذا :funny: .. على طول بيقول : المخلب خلاني رومنسي غصب :looking: :app: :funny: ..

هو مشكلته مايحب النت !! انسان قديم .. متحضر بس مو متقدم ! :looking: ..

مادري فهمتي قصدي ولالا .. crazy

شكرا لك ..

[المخلب]

اولا احيك على الموضوع الذى نراه هذه الايام
وهو موضوع صعب قوى قوى
لانه بيشغل جزء كبير جدا من فكرك بما انها فى بلد وانت فى بلد اخر
ومش هنروح بعيد الموضوع هذا متواجد معنا احنا كمغتربين عن وطنا واهلينا وعن حبايبنا
بس اقولك الموضوع يكن مريح وعادى فى حاله واحدة وهى اهم حاجة هى البنت نفسها واخلاقها وتقكرها هذا هو الشىء الوحيد الذى يهون عليك البعد


وتسلم على الموضوع اخوى


شكرا لك يا بيانو على المرور الرائع هذا ..

وياريت تشرح لنا تجربتك ..

[المخلب]

موضوع حلو بس كنك مكثر من سوالف الزوواج ؟؟؟


لكن اخووى اول شي اعتقد ان يشوفها بين اهلها او حد معاهم محرم عاادي يالغالي

اما ان يطلع معها هاى شي غريب بعد ؟؟؟ ( كان الشيطان يلعب عليهم ) لا اخوى اعتقد عن الناس العرب والقبايل عيب ياخذها لين دخ عليهاا ابرك

ولكن الله يصبره لين الزواج وليطول المده بيتعب من السفراات والجياات

وبالمبارك الفال لك يالغالي :funny:


حي الله بوخالد ..

انا الي اعرفه ان ماهو بغريب ان ملك ( ملج ) عليها ! :con2: ان يطلع وياها لانها حسبت مرته ! .. بس بدون عرس :) ..

هو بيتعب في السفر !! قلتله .. قال مو مشكله يفداها التعب :app: ..

الله يهني .. :funny:

[المخلب]

كل شئ قسمه ونصيب يااخوي
يروح لها كل شهر مره ويعجل عرسه احسن

عقبالك ان شاء الله والله يوفقك


مو هذا حل طرحناه على الطاوله .. لكن مادري شبيكون رايه فيه ..

شكرا لك ..

[ANONYMOUS]

ذبحك الحب ياقلبي

[المخلب]

شكله رفيجك متزوج بحرينيه اذا ماعليه امر كليوم يقص تذكره نص ساعه وهو في البحرين يعني جنه مرته في الشمال شل المشكله اذا يبي يجوفه ولا يتصله كل يوم شل المشكله واذا مو قد الزوج من غير قطريه شلي حاده خله يتزوج اقطريه ياكثر العوانس في الدوحه وتقبل مروري اخوي الغالي وسمحلي اذا زوته


:looking: :looking: :looking:

مع احترامي وتقديري لبنات البحرين .. لكن مو بحرينه :) ..

خليجيه بس مو بحرينه :) ..

هههه هي لو مسألة تذكره كان يقصها مو مشكله .. لكن هو يبي يحسبها على فتره طويله ! ..

وغير العمل الي عنده وغير وغير .. يعني صعبه شوي .. :looking:

[المخلب]

:nice: :nice: :nice: :nice:

يشوفها في الملكه وبعدين ينتطر العرس :dance :dance ماله داعي كثر الزيارات

وبالمبارك لخويك:app: والفال لك


هههههههه .. الحب اعمى .. شدخل :funny:

شكرا لك ..

[المخلب]

بنات الديرة واجد وقاعدين في البيوت ينتضرون العدل ومن الظلم إن الشباب يروحون بره وعندهم بنات ديرتهم
وليقيس كل شخص بيخطب من بره هذا الامر على أخته أو بنت عمة اللي لا حول لها ولا قوة سوى الانتضار


يارجال قلب ومايهوى .. شسوي الرجال ان ماحب بنت من قطر !! ..

يمكن بعد هو خطب ورفضوه الي هنا .. الله اعلم ..

لكن دام انه مستانس الله يوفقه omen

[المخلب]

ذبحك الحب ياقلبي


:eek2: :eek2: :eek2: :eek2:

اي والله .. :funny: