خبر عاااجل: وصول اللاند كروزر الجديد للخليج

[ولـــد قطـــر]

هذه الصور أخذت من دولة الامارات الشقيقة

وهي للتويوتا لاندكروزر الجديد

http://uaesm.maktoob.com/up/uploads/6fb494bf72.jpg

http://uaesm.maktoob.com/up/uploads/ed17a760c8.jpg

http://uaesm.maktoob.com/up/uploads/7d970904fc.jpg


وللأمانة؟؟
الموضوع منقوووول

[][ الوحيد ][]

لاتعليق الصراحه

شكله مش ذااك الزوود

القديم احلى

[gxr o.z]

Agool Ya Shabab Kil Wahad Yrooh Yishtiri 2007 Ahsanleh

[ورقــة أمــل]

مب حلوووة كللللللللللللش
الشكل القبلي غيررررررررررررررررررررررر

[حر الدوحه]

نسخه من البرادوا,,,اظاهر مافي داعي للحجز

[ANONYMOUS]

هاللي مش عاجبكم.. في ناس مستعده تقط 20 الف ريال زود عن سعر الشركه عشان تاخذه..

انطرو سنتين.. ان ماختفى الشكل القديم :)

[ALRAYYAN]

شكل تعبان بصراحه وخلني على موتري ابرك لي

يسلموووو ع النقل

[QtrTrd]

كل موديل جديد ينزل يذمونه اخرتها العالم تطيح فيه

عن نفسي ماقرب هلمواتر هيع هيع

[ALRAYYAN]

هاللي مش عاجبكم.. في ناس مستعده تقط 20 الف ريال زود عن سعر الشركه عشان تاخذه..

انطرو سنتين.. ان ماختفى الشكل القديم :)

لا الشكل القديم مب مختفي ... دام ذي شكل الجديد عز الله موتر مطول عندي
واذا في ناس للحين متمسكه بـالـ 97 ... الـ 2007 بيختفي ... مافي أمل يالغالي

[أستاندر]

شنو ذيه........؟؟!؟!؟!؟!؟!؟!؟؟!!!؟


بورادوو ابرك من هاي والله


شكله تعبان كلللللللش


والي بياخذه ما عنده سالفه والله

[وحيد-الشوق]

صراحة صدمة والله شنو ذي محق شكل البرادو ابرك منه

[هاجن داز]

امحق شكل ....... صدمه والله

امسك مجنونك لايجيك اجن منه

[بوحمد1]

خوش والله بس أهم حاجة مايكون ضيق داخل

شكراً على النقل

[عضو قديم]

بل بل بل بل مب شئ كلششششششششش
وانا اقول راعي المعرض يقردني يبي يشتري موتري2007 ومتمسك في موتري لا ويقول ما راح تحصل افضل من سعري في السوق 125000

[هداف]

للاسف شكله قبيح !!!!

خصوصا على الجنب

[طويل النفس]

كل ما يتغير الشكل نسمع هالكلام بس بعد فتره بيتعودون الناس على شكله وبيشترونه

بس الشكل الحالي ماحد قال عنه شي اول ما نزل كل الناس مدحوه

بنجربه كم سنه وبنشوف:con2:

[a77md]

شكله برادو من الكبار بس حلو ومع الايام بتتعودون عليه وبيكون حلو مثل القديم قلتوا عنه في البداية ومهب شي واللحين متروس في قطر والخليج والوطن العربي والوطن العالمي ههههه وصج رضى الناس غاية لاتدرك

[الجهه مجهولة]

:app: :app: :app:

لا هنت خييوة

:app: :app: :app:

[بن كهلان]

اول ما نزل الشكل الحالي اعتقد في 97 او98قلنا باااااااااااااااااااااااااااااااال الشكل القديم احسن شوي شوي اللا انترست الشوارع من النوع الجديد قمنا وشرينا
والحين طلع لنا الموديل ونفس القصة الشكل مب لهناك وشكل الموديلا ت الحالية افضل لكن بقدرت قادر بتشوف الشوارع متروسة وشوي الا انت مشتري اشلون عاد ماادري هذا سحر ياباني!!!!!
دمتم برعاية الله

[spideralll]

أنا بدي أعرف كل سنه تيجي عربيات جديده وين بيروح القديم وخصوصا إن الدوحه مدينه صغيره ولها طاقه معينه في عدد السيارات

فهل فيه خطه معينه للتخلص مثلا من السيارات القديمه بتصديرها أو بأي شكل أخر
لان أكيد بعد كم سنه البلد ما بتستحمل كل هي السيارات

أرجو التعليق من ذووووووي الخبره

[الوهاااااج]

برادووووووووووووووووووووووووووووووو صراحة مو حلو

[سهم طايح]

لا تستعجلون يمكن زاوية التصوير غلط

[القارمن]

هذا شيبه البرادو ..الله يسامح هاليابانين كانو استشاروني قبل لا يصنعون
وهالمصور كان كمل جميله وصور لنا وجه شيبه البرادو يمكن انغير راينا
مع اني ما اظن
يالله ماتدرون يمكن هالشي يخلينا انقوم مصنع في قطر ونطلع فوريل قطري على ذوقنا

[الأختصاصي]

الف شكر اخوي ولد قطر على الصور

[القارمن]

http://uaesm.maktoob.com/up/uploads/6fb494bf72.jpg

ههههههههههههههههههههههههههه وين مكان القلص ياشباب
اذا غرز شبيسوي

[متسبب]

هذا Vxr وجذي شكله
الله يعين شلون بيكون الجي اكس ولا الجي
بصراحه كلللش مو شي :/

[نيساني]

قلت من قبل النيسان صديق الانسان!
على العموم مشكور اخوي على الصور
والله يصبر محبينه هه هه هه هه هه

[مزيون الدوحه]

قلت من قبل النيسان صديق الانسان!
على العموم مشكور اخوي على الصور
والله يصبر محبينه هه هه هه هه هه

ليش ماشفت شكل النيسان الجديد الي يقولون بينزل ؟؟ :con2:
جنه كبت يمشي والله :eek2:
ومشكور اخوي على النقل

[راجع ندم]

تسلم ياولد قطر

[وحيد-الشوق]

ليش ماشفت شكل النيسان الجديد الي يقولون بينزل ؟؟ :con2:
جنه كبت يمشي والله :eek2:
ومشكور اخوي على النقل

:funny: :funny: :funny: :funny: :funny:

[ذوق]

حمدالله والشكر......البرادو أستعدلت والكروزر خقت

[AL_MUTAEM]

صراحه موديل 2008 للادنكروزر واللكزس من ناحية المواصفات الميكانكيه لايعلى عليه بس يعيب هالنوع من الموديل المظهر الخارجي ..

بس اكيد بتطلع فيه عيوب بأول دفعه .. بس اللي يعر ف قيمته بما انه نزل بالامارات يقول لنا ..

[وحيد-الشوق]

مافي صور من قدام الواجهة الامامية :court:

لانه الخلفية ومن عالجنب كلش مب شيء :eek3:

[حمد الكعبي]

باجيروا هذا من جي

يسلموو

[مستثمر طموح]

قاعد يستعبط هالمصمم

[nyzk]

بالبداية جذي وعقب كالعادة بيشترونة

[الفـ@ــــد]

الصراحه شكله مب لهناك

[بوخالد2]

بل الصراحه كلش مب شي كنه باجيرووو لا من داخل ولا برع مب شي

بس تدري يمكن مواصفات قطر غير من داخل

[البندر]

أمحق موتر مافي فرق بينه وبين البرادو او المتشوبيشي الباجيرو

[قناص قطر]

نعم مافي فرق وكأنه وكأنه ؟ !

بس غصب طيب بناخذه

هذا الياباني ؟ !

اطلع من عالم التويوتا يا بابا

[محمد بن أحمد]

النيسااان على كل لساااان

وخل التويوتا لكم ... .. وخذوا نصيحتي .. اشتروا برادوا أو باجيروا ارخص لكم .. وعدلوها وضبطوها وخلوها في اكس ار 2008 هع

يعطيك العافيه الشيخ ع الصور.. ربي يحفظك

[alwahesh]

اعتقد مع احترامي للكل ان كل الي قالو عنه مب شي اكيد حاجزين لهم 10 سيارات واول ما توصل الدفعه الاولى يطلبون 10000 على كل سياره


قديمه يا شباب السياره روعه وياما قلنا عن الشبح 92 والحوت الجديد واليوكن الجديد وغيرها وغيرها


Vxr والمكينه 5700 ما شاء الله طياره ...

[السني 73]

برادو:app: برادو :funny: برادوا :con2:

بس صدقوني مارده يصير بالحجز اصبرو بس خل يجربونه .... وبتقولون قال السني :deal:

[مرحوم قطر]

لا صراحه شكله مب شي

انا كنت ناوي ابيع موتري و اخذلي الجديد

بس الظاهر اجدد ستاندري 2007 ابركلي

[المخلب]

شفت الموتر هذا اسود بالضبط في الدفنه ! من قبل يومين ..

الف مبروك ..

[ابوعزوز6]

أنا بدي أعرف كل سنه تيجي عربيات جديده وين بيروح القديم وخصوصا إن الدوحه مدينه صغيره ولها طاقه معينه في عدد السيارات

فهل فيه خطه معينه للتخلص مثلا من السيارات القديمه بتصديرها أو بأي شكل أخر
لان أكيد بعد كم سنه البلد ما بتستحمل كل هي السيارات

أرجو التعليق من ذووووووي الخبره
اخوي حسب معوماتي انه اغلبيه السيارات القطرية هيه الافضل بالنسبه للمواصفات وان اغلبيه اخوانا الخليجيين والعرب وحتى الاجانب يفضلونها و يقومون بتصدير هذه السيارات والمعارض تشهد بذالك ، والسيارات التي تذهب بسبب الحوادث حدث ولا حرج:)

[زعيم البورصة]

بل بل ما يسوى على الواحد ياخذ طشله مب شي كلش ولا شاف الحلاه

[ALRAYYAN]

النيسااان على كل لساااان

وخل التويوتا لكم ... .. وخذوا نصيحتي .. اشتروا برادوا أو باجيروا ارخص لكم .. وعدلوها وضبطوها وخلوها في اكس ار 2008 هع

يعطيك العافيه الشيخ ع الصور.. ربي يحفظك

والله ياخوي اذا الـ vxr توه صاير شكله مب شي ومثل لبرادو او الباجيرو
ثرى النيسان من استوى شكله مصخره :funny:

احنا الحين في 2007 وللحين قبضات بيبانه نفس قبضات العراوي ويمكن العرواي قبضاتها احلى
وتعال لغطاء تانكي البترول وشوفه شلون مقصوص تقول نجار مسويه
ولا الهرن ولا طبلونه اللي يضحك

موتر مافي ريحة الفخامه خير شر

لكن التويوتا غير غير والله ... استخدم vxr لمدة يومين او ثلاث بس وتشوف ان ماعفت هالشي اللي اسمه نيسان
والدليل على كلامي شوف الجيات والجي اكسآرات والفي اكسآرات في قطر شكثر
رغم ان الـ vxr الفل ابشن سعره وصل 210 الآف .... والنيسان الفل ابشن سعره 165 الف او 160 الف بعد

مع لسطاب اللي ورا تقول اشاره مرور ضوئية :funny:

[ALRAYYAN]

اعتقد مع احترامي للكل ان كل الي قالو عنه مب شي اكيد حاجزين لهم 10 سيارات واول ما توصل الدفعه الاولى يطلبون 10000 على كل سياره
قديمه يا شباب السياره روعه وياما قلنا عن الشبح 92 والحوت الجديد واليوكن الجديد وغيرها وغيرها

Vxr والمكينه 5700 ما شاء الله طياره ...

لا تقول الكل عاد ... قول البعض
لأني لاحجزت ولا بحجز يالوحش

[لاموشي]

السلام عليكم مشكور على الصور الجديدة لاكن كم تتوقعون سعرة؟

[أبو رماح]

الله يعز الددسن قمارتين مع هدرز فلتر شي والله
ددسن مزيون ولا رنج مديون

[الجهه مجهولة]

مشاركتي امس

:app: :app: :app:

لا هنت خييوة

:app: :app: :app:


واليوم رحت الشركه واذا قلت 20 واحد جايين يحجزوون الـ 2008 شوي crazy

والكل معاه فلوسه ,, لحجز 2008:deal:

قيمة الحجز

الـ vxr بــ 30000 ريال

الـ gxr ,,, والـ gx بــ 20000 ريال

لولا اختلاف الاذواق لابارة السلع

[مغروور قطر]

مشاركتي امس



واليوم رحت الشركه واذا قلت 20 واحد جايين يحجزوون الـ 2008 شوي crazy

والكل معاه فلوسه ,, لحجز 2008:deal:

قيمة الحجز

الـ vxr بــ 30000 ريال

الـ gxr ,,, والـ gx بــ 20000 ريال

لولا اختلاف الاذواق لابارة السلع

تسلم اخوي ولكن كم سعر في اكس ار فول اوبشن

[الجهه مجهولة]

تسلم اخوي ولكن كم سعر في اكس ار فول اوبشن

سألتهم نفس السؤال وقال ان راح نتصل فيك على بداية شهر ثمانيه ونعطيك السعر بالظبط

[مغروور قطر]

سألتهم نفس السؤال وقال ان راح نتصل فيك على بداية شهر ثمانيه ونعطيك السعر بالظبط
تسلم اخوي الغالي

[الجهه مجهولة]

تسلم اخوي الغالي


الله يسلمك يالغالي

[عبد الناصر]

انا عموما مااحب الكروزر
والقديم كان شكله خاااااااااااااايس
فما بالك بالجديد

[أستاندر]

الله يعز الكرسيدا والله

انا اخذ لي لي كرولا ولا اخذ هذا الفي اكس ار 2008

بصراحه مصخره بمعنى

والي رايحين يحجزون كلهم شياااااااااب

بس شلون بيكون شكل الجي استاندر ليكون نفي البجيرووو هههههههههههههههه

العالم شكلها بتكوع على النيسان ابرك لها من الجي اليديد

[Banshee Shop]

مسيره يحلووووو في عيون الناس نفس ال 98 اول مانزل كان غير مرغوب ..

[jassim_9]

................(حلو).....................

[فـــــواز]

خلنا نشوف قدام عيونا بعيدين نحكم

ترى لا شوفه يمكن تغير رايك بعدين
اهم شي المكينه 5700

والله كريم بعد طول انتظار يصير كذا

[انسان حساسي]

ههههههه هاي اللي يقولون عنه على ميتين الف ؟؟؟؟!!! والا يتروالي !!!!

مادري والله ولو اني من محبين لكروزر بس من داخل احس بشعور الكامري ومن برع احس بحكه اسمها البرادو .....

مادري والله لو ان سعره فوق ال220 وهاي المتوقع مايسوا يالربع تر ....

[أبو رماح]

http://uaesm.maktoob.com/up/uploads/6fb494bf72.jpg

ههههههههههههههههههههههههههه وين مكان القلص ياشباب
اذا غرز شبيسوي
اتركه وشوفلك ددسن ابرك خخخخخخخخخ:funny:

[eXpert*]

:
والله ياخوي اذا الـ vxr توه صاير شكله مب شي ومثل لبرادو او الباجيرو
ثرى النيسان من استوى شكله مصخره

احنا الحين في 2007 وللحين قبضات بيبانه نفس قبضات العراوي ويمكن العرواي قبضاتها احلى
وتعال لغطاء تانكي البترول وشوفه شلون مقصوص تقول نجار مسويه
ولا الهرن ولا طبلونه اللي يضحك

موتر مافي ريحة الفخامه خير شر

لكن التويوتا غير غير والله ... استخدم vxr لمدة يومين او ثلاث بس وتشوف ان ماعفت هالشي اللي اسمه نيسان
والدليل على كلامي شوف الجيات والجي اكسآرات والفي اكسآرات في قطر شكثر
رغم ان الـ vxr الفل ابشن سعره وصل 210 الآف .... والنيسان الفل ابشن سعره 165 الف او 160 الف بعد

مع لسطاب اللي ورا تقول اشاره مرور ضوئية :funny:

هههههههههههههههههههههههه
:app: :app: :app: :app:

[ساحر برشلونة]

شنو ذيه

crazy crazy crazy crazy

[ANONYMOUS]

اقول

الوعد في وكالة التويوتا..

كل واحد يجهز ال 30.. ولا ال 20 ملوت الحجز

:)

[The Blade]

مادري ياجماعه احس انه السالفه فيها شئ مستحيل هذا موتر فرويل ولافيه مواصفات موتر فرويل...

[الـخـور]

صراحة شكله عجيييييييييييييب

والناس الي تعيب هالشكل مردها بتاخذه .. والسيارة صراحة صارت رياضيه وسبورت نوعا ما
خصوصا من خلال تصميها الخارجي الي يخلي مقدمة السيارة نازله حتى يتناسب مع انسيابية الهواء

السيارة وان كانت تشبه البورادو بالصور .. لكنها بالواقع اعرض وشكلها افضل
وحتى لو كانت تشبه البورادو .. ليش يعني .. هل البرادو ماله رب او ان شكله قبيح ؟!!

بالعكس البروادو شكله طيب وجميل

القصه بس ان كل منا تعود على الشكل القديم وفي نفس الوقت كثير منا عنده الشكل القديم
وعشان ماينزل من سعره لابد ان يصير نوع من الانتقاد

لكن بصراحه .. مافي وجه مقارنه .. والنجاح للكروزر الجديد مستمر وبقوه بعد

[اتعبني غروري]

شباب اشفيكم على الباجيرو ... تراه موتري

[ابوعزوز6]

http://uaesm.maktoob.com/up/uploads/6fb494bf72.jpg

ههههههههههههههههههههههههههه وين مكان القلص ياشباب
اذا غرز شبيسوي
لتستعجل اخو يمكن داخل الشنطه ههههههههههههههههههههههههههههههه:)

[ابوعزوز6]

بس اشراكم لما انركب عليه رقم اقطري ثلاثي طويل اشبيطلع في رايكم مب بيخليه اغطي

[A.L.I]

شكل تعبان بصراحه وخلني على العراوي

[متفائلة خير]

إلي مايطول العنب حامضن عنه يقول اكشخ وأحلى سيارة في قطر ال كروزر اوبنشوفة في الشوارع وبكثرة الموديل الجديد 2008

[ابوعزوز6]

إلي مايطول العنب حامضن عنه يقول اكشخ وأحلى سيارة في قطر ال كروزر اوبنشوفة في الشوارع وبكثرة الموديل الجديد 2008
اشدخل

[كشخه]

القديم احلى

[Rayyan]

هذه الصور أخذت من دولة الامارات الشقيقة

وهي للتويوتا لاندكروزر الجديد


http://uaesm.maktoob.com/up/uploads/7d970904fc.jpg


وللأمانة؟؟
الموضوع منقوووول


:eek2: ووووووووين ما ينشاهد , ياربع وقفوه وقفو 2007 حذاه وشوفو شنظر
عزالله 2007 يشيخ عليه بواجد وبدون مقارنه لابرا ولاداخل

[فلان]

هذه الصور أخذت من دولة الامارات الشقيقة

وهي للتويوتا لاندكروزر الجديد

http://uaesm.maktoob.com/up/uploads/6fb494bf72.jpg

http://uaesm.maktoob.com/up/uploads/ed17a760c8.jpg

http://uaesm.maktoob.com/up/uploads/7d970904fc.jpg


وللأمانة؟؟
الموضوع منقوووول


شكل الموتر ملعوب فيه وما اعتقد هالصور حقيقيه والله أعلم

[العـوا]

مع احترامي للناقل الموضوع بس لي راي فية هذا برادوووو
ماتلاحظون مب مصورين وجه السيارة

عموما اليابانين اذكى من كذى بكثير

[alranan]

ياشباب الناس اذواق وكل واحد وذوقه

وفيه ناس بيشترون السياره علشان سمعتها انها يابانيه وتويوتا بس مب على شان الشكل

وكل موتر جديد لازم يقولون الناس هالكلام بس بعدين كل شيء يتغير

والله كريم .. خليه يوصل وبعدين نقرر لأن الصوره ماتنقل الحقيقه