انصحوووني يا جماعه الخيرررررر

[رموز]

عندي مبلغ بسيط من المال وابغي استثمر هذا المبلغ :o

ايش تنصحوني اشتري ردو على بسرعه :confused:

قبل لا تطلع الاسهم اكثرررررررر

وجزاكم الله ألف خير مقدماً

[رموز]

وييييييييييييييينكم ردوا على
السوق فتح والاسعار طايرررررررره فوق وكل تأخير خساره لي

[بيـــزات]

هلا والله رموز

والله السوق هاليومين انا ما احبذ تاخذ فيه

بس ممكن اوصيك على السلام والصناعات اذا قدر تاخذ

((مع اني ما احبذ))

وبالتوفيق

[boabdullah]

رموز,,,,,,,,,,,,,,,,,,, عليك بالمخازن والسلام,,,,,,وعلى ظمانتي,,,,,,,,,,,,وبالتوفيق

[رموز]

والله انك اسنافي

تسلم على النصيحه

انت الوحيد اللي عبرتني ورديت على

يالبيزات >>> من اسمك شكلك راهي :)

وش رايك تسلفني 50,000 ألف بس >>>>> مب طماعه:)

بس انت رديت بعد ما طلبت شراء اسهم الوقود صحيح ماراح يطلع لي عدد كبير بس راح يعوضني ارتفاعه

والله يستر

لاتنسى تدعي كل يوم يرتفع سهم الوقود 500 ريال

[رموز]

اي والله الصبر مفتاح الفرج
الله يصبرنا لين ترتفع الاسهم وتنعنشنا

ادعوا معاي يالله يرتفع سهم الوقود 500 ريال

انتوا ردوتوا على متأخر الله يستر ويجيب العواقب سليمه

[بيـــزات]

رموز اذا انتي استثمارج

طويل الامد.. ان شاء الله ما به خوف

وان شاء الله يوصل 1000 مو 500 :D


------------------------------------

ترى السلف تلف :p

تحياتي

[رموز]

الله يسمع منك انشاءالله يصير 1000 >>> بغني في وقتها طاير من الفرحه طاير


(ترى السلف تلف ) >>>>>>>>> خبرك عتيق هذا قبل الاسهم

بس بعد الاسهم <<<<<<<<<<<(ترى السلف خير ) :)

شهر وارجع الفلوس بدال ماتكون فلوس مجمده مايستثمره صاحبها يفيد غيره ويابخت من نفع واستنفع

نفع<<<<<< اللي هي انا
واستنفع <<<<< ترجع اللي مسلفني راح ترجع عليه المنفعه دعاء بصحه والعافيه وطول العمر

شفت الاسهم وش اسوي حتى الامثال بدلتها

ولكم فائق الاحترام والتقدير

[رموز]

فلوس مجمده( مايستثمره) صاحبها = مايستثمرها
شفت الاسهم وش (اسوي )حتى الامثال بدلتها = وش سوت

مو مني من الاسهم
واستروا على ماوجهتوا

[بيـــزات]

رموز :p


في حد الحين ما يستثمر


يقولج البنوك متوهقه العالم اسحبوا الودائع .. خلاص


راحت ايام حساب التوفير :rolleyes:


وبعدين اذا ما شروا لج لين الحين تراني في الخدمه

ممكن الخمسين تصير ميه بس اهم شي الصبر

يعني لين 2006 تقريبا حولها وحواليها :D

[رموز]

وبعدين اذا ما شروا لج لين الحين تراني في الخدمه

ممكن الخمسين تصير ميه بس اهم شي الصبر

اذا السالفه فيها ميه اجل ماشريت ;)

انتظر الميه ووعد الحر دين >>>>>>>>> وهقته :d

[بيـــزات]

لا عادي ما اتوهق انا :cool:


بس انتي من النوع الحنّانه :D وانا احب اشتغل على رواقه

على العموم المشروع قائم حددي كم عندج علشان اخصم منها عمولتي :D

وبعدين بنتفاهم..؟

[رموز]

شكلك تشتغل على طمع مب بس رواقه

على الاقل او تعامل خله مجانا اكسب زبون وبعدها خذ عموله في الصفقات الجايه

>>> مب هينه تقول صفقات اخاف صفقات فوق الراس مب ماليه :d

المهم خلنا ندخل بالجد >>> يعني العمل مب العيله :) <<<< فيلسوفه زمانها

المهم غير الميه اللي من عندك خمسين من عندي

[بيـــزات]

عيل تبين تترسين بطنج بدون

ما تقرقشين مخباتج :cool:



على العموم اسعاري غير قابله للنقاش

بس علشان انج زبونه جديده((حنانه)) :p

كل ربح اخذ 49.9% علشانج بس

[رموز]

] (( تترسين بطنج بدون )) >>>>> شترس بطني فيه ياحسرهماتشوف وقود نزل اليوم امس شريت السهم 145 واليوم هو 137

كله من عيونك صكتني عين ونزلت سعر السهم اللي شريته

>>>>>> تقرا على نفسها المعوذات من عيون ناس

آآآآآآآآآآآآآآآآآآآآآآآآآآآه يالقهر

شكلي بعد اسبوع بترقد بلنعاش بيجي لي الضغط والسكر والقلب من الاسهم

تكفى اذكر الله وخلنا نسترزق بالريالات اللي عندنا

بعيدين انت قلتها (( ما تقرقشين مخباتج )) >>>>> يعني دليل مافي مخباتي الا دراهم نصوص وربع

[/SIZE]

[المسكين]

هلا رموز


اسمعي الكلام اللي بقوله لج نصيحه ترى

اذا عندج شي خاشته تحت البلاطه من لفلوس عليج بأسهم المتحده لاتفوتج تراهي بتولع وبتقولين المسكين صج كلامه

[بيـــزات]

رموز اشكري الله.. واحمديه

المسكين الله يهداك الحين اللي في مخباها مو راضيه اطلعه

تبيها تطلع اللي تحت البلاطه .....خخخخخخخخخ... آه يا بطني

لا بس ما عليج رموز اهم شي لا تبيعين بخساره الحين

كلها الاسبوع الجاي ان شاء الله ونرجع حق البطولات :D


تحياتي

[رموز]

اصبحنا واصبح الملك لله

وش هالخساره ليش الاسهم نازله اليوم

مسكين انا قشعت البلاط كله مالقيت تحته الا كم ريال وناس وعدوني ميه ألف >>>>> بس كلام ماشفنا شي

بس وش رايك انت تسوي خير لختك في الله وتشتري لي اسهم في المتحده ماابقي واجد انا قنوعه بس ألف سهم

وانا اوعدك راح اعطيك مليون دعوه :)

بيزات اذكر الله شكلك صكيت البورصه كلها عين مو بس وقود

>>>>>>> دايم بيزات يتهمها انها عندها فلوس وخاشتها كل هذا علشان يتهرب من الميه ألف <<<< مب حولك

انا وراك والزمن طويل وحط في بالك كل شهر تتأخر عن الدفع يضاعف السعر .

لاتقول بعدين ماقلتي لي

قد اعذر من انذر