طلب إستشاره عن الناقلات

[فارس العنزي]

السلام عليكم جميعاً

أنا ولله الحمد أملك بسهم الناقلات وللحين محقق ربح ولله الحمد ولكن إستثماري طويل وللحين ما حان موعد البيع بالنسبة لي ، وإستفساري سألني صديق لي من كثر ما أمدح السهم وأطلعهم على آخر الأسعار من خلال أحاديثنا اليومية بأنه يود أن يشتري بمبلغ كبير ( ما خذه قرض ) سهم الناقلات وكما تعلمون سعره حالياً بين 47 ريال ، لم أعرف أن أجاوبه ، ما هو رأيكم هل سعره بالوقت الحالي مجزي أم ينتظر و من الممكن نزوله لمستويات أقل ، هل يتوكل على الله ويشتري ؟ ويحط تحويشه عمره وما يحاتي ( يقلق ) ؟

[خالد علي علي]

والله ياخووي اذ استثمارك طوويل انا انصحك لاتبيع ولا تطالع المنتدس ولا البورصه ولا شي ا

[فارس العنزي]

والله ياخووي اذ استثمارك طوويل انا انصحك لاتبيع ولا تطالع المنتدس ولا البورصه ولا شي ا
أخوي خالد مشكور على الرد ، بس بوضحلك شغله أنا بسأل عن سؤال صاحبي إللي يبغي يشتري السهم والحين سعره 47 ريال ويبغي يحط تحويشه عمره هل تنصحة بالشراء ولا يمكن ينزل السهم ، وهل سيصل لمستوى أعلى خلال الفتره القادمة ، ولك كل الشكر وأبغي رايكم يا أهل الخبره ، هل يتوكل على الله صاحبي ويشتري السهم ولا لأ ؟

[خالد علي علي]

حبيبي الناقلات كل شهر راح اتطوور يعني مثل شراء الناقلات وكل شهر تقريبا راح تسمع عن عقوودها الي بشتغل فيها يعني احتمال احتمال كل خبر يبي يوصلها اكثر ونا الي اشووفها ان سعرها وايد مغري واله واعلم يافارس بس حبيبت اسئلك فارس انتي من وين؟

[فارس العنزي]

حبيبي الناقلات كل شهر راح اتطوور يعني مثل شراء الناقلات وكل شهر تقريبا راح تسمع عن عقوودها الي بشتغل فيها يعني احتمال احتمال كل خبر يبي يوصلها اكثر ونا الي اشووفها ان سعرها وايد مغري واله واعلم يافارس بس حبيبت اسئلك فارس انتي من وين؟

يا خالد سؤالك عجيب فارس إنتي :eek2: ، شلون تركب أنا إسمي فارس وكويتي الجنسية وعنزي حبلاني .

[البدر]

مازال سؤال فارس قائم انا كذلك ناوي الاحد بااذن واحد احد ادخل سوق قطر كمستثمر هل تنصحونني بالناقلات ام الصناعات ام 50% ناقلات والباقي صناعات ارجو افادة الاخ فارس وافادتي

[حمد]

انا والله كنت حاس ان فارس كويتيه

ههههههههههههه
--------------------

بس نصيحتي ياخوك .... حاس انها بتنزل اليومين الجايين

لو اتلاحظ ان السوق قاعد ينزل يوميا نزول تدريجي

مجرد توقع .... وانت بكيفك

[البدر]

:anger2:
انا والله كنت حاس ان فارس كويتيه

ههههههههههههه
--------------------

بس نصيحتي ياخوك .... حاس انها بتنزل اليومين الجايين

لو اتلاحظ ان السوق قاعد ينزل يوميا نزول تدريجي

مجرد توقع .... وانت بكيفك
يعني ننتظر اسبوع وش الدبره عطونا الراي السنع يااهل قطر :anger2:

[بنت العرب]

أخي البدر .. يا مرحبا بك إ
إذا أمكنك الانتظار قليلا حتى تتضح رؤية التداول نحو انخفاض أو ارتفاع فانتظر ...وإلا فاشتر بالسعر الحالي .... ففي كل حالة بعد أشهر قليلة لن تجد أي سهم في سوق الدوحة بهذه الأسعار ... والصناعات من أفضل الأسهم الحالية سعرا ومستقبلا ....أما ناقلات فهي للاستثمار بعيد المدى ... وتنفع مضاربة .
والله يوفقك

[البدر]

أخي البدر .. يا مرحبا بك إ
إذا أمكنك الانتظار قليلا حتى تتضح رؤية التداول نحو انخفاض أو ارتفاع فانتظر ...وإلا فاشتر بالسعر الحالي .... ففي كل حالة بعد أشهر قليلة لن تجد أي سهم في سوق الدوحة بهذه الأسعار ... والصناعات من أفضل الأسهم الحالية سعرا ومستقبلا ....أما ناقلات فهي للاستثمار بعيد المدى ... وتنفع مضاربة .
والله يوفقك
جزاك الله خير على الايضاح سؤال صعب التنبؤ له ولكن ليطمئن قلبي عند شراء الناقلات وصناعات كاستثمار متوسط الاجل 6 شهور مثلا مالعائد المتوقع عند البيع بعد 6 شهور وسؤال اخر هل صحيح بان هناك صناديق استثماريه ستدخل على السوق قريبا مما يزيد حجم التداول وارتفاع الاسعار كما حصل في سوق دبي والسعوديه اسئله لااحد يستطيع الاجابه عليها ولكن نبحث عن توقعات من واقع المعطيات الحاليه فماذا تتوقعين ويتوقعون الاخوان في المستقبل القريب

[بنت العرب]

[quote=البدر]جزاك الله خير على الايضاح سؤال صعب التنبؤ له ولكن ليطمئن قلبي عند شراء الناقلات وصناعات كاستثمار متوسط الاجل 6 شهور مثلا مالعائد المتوقع عند البيع بعد 6 شهور وسؤال اخر هل صحيح بان هناك صناديق استثماريه ستدخل على السوق قريبا مما يزيد حجم التداول وارتفاع الاسعار كما حصل في سوق دبي والسعوديه اسئله لااحد يستطيع الاجابه عليها ولكن نبحث عن توقعات من واقع المعطيات الحاليه فماذا تتوقعين ويتوقعون الاخوان في المستقبل القريب[/ Quote]

أخي البدر ...
- أولا : ليطمئن قلبك ... أنصحك بصلاة الاستخارة قبل البيع والشراء .
- ثانيا : بالنسبة للعائد على الصناعات والناقلات فأنا لست محللة ، لكن توجد موضوعات ممتازة للشركتين في قسم التحليل الفني بالمنتدى ...
- ثالثا : الصناديق الاستثمارية موجودة فعلا من خلال الشركات المحلية والهيئات والمؤسسات الحكومية والخاصة ، وصرح المركزي منذ فترة لصندوق بوابة قطر وصناديق أخرى ، وحجم التداول زاد فعلا عن السنة الماضية ومرشح لزيادة أكبر.. والسوق يبشر بخير لكل مستثمر ... وسوق الدوحة حسب آخر تقرير لجلوبل من أفضل أسواق الخليج نموا ... يعني هو مستقبل الخليج .. وشركاته هي الأكثر نموا .

[نورس الخليج]

لو لاحظنا تحرك سهم ناقلات وحجم التداول عليه خلال اخر شهر
لادركنا بان هذا السهم قد بدئ بالتحرك والصعودوبقوة غير متوقعة
حيث كان سعره في 32 -35
اما اليوم فهو على باب الخمسين
واتوقع غدا او اول الاسبوع القادم ان يخترق الخمسين وبقوة
اذ ان حجم التداول عليه وتجميعه من قبل المحافظ والمستثمرين سيرفعه وبقوه خلال الفترة القادمة
والله اعلم

[حمد]

اي والله هذا الي صاير الحين

مع اني الصراحه كنت متوقع الهبوط التدريجي الي مايقارب الاربعين

لكن في النهاية السهم اثبت انه سهم قوي ومرغوب من المستثمرين

المهم

بالنسبة للاخ السائل

اذا كنت خايف انك تشتري والسهم ينزل ..... خذ بالتقطيع كل مره اشوي .....

وان وطريقتك .... والله ايوفقك

اخوك
حمد

[طالع بن نازل]

راي المتواضع لك ياخوي انه الافضل انه تشتري الشركات الي سوف توزع ارباح لان اسعار اسهمها سوف ترتفع بشكل كبير قبل توزيع الرباح وهذا الامر الطبيعي اما ناقلات فهي تخوف في الفترة الحالية ........

[حمد]

اقولك شي يا اخ نورس

ترى بكره الناقلات بتوصل الخمسين .... لتقول ليش .... ادري ان الي اقوله ضد قوانين المنتدى .... لكن هاي

الي اعرفه ... وقبل لتسوي اي شي .... انتظرالساعه 8.30 وشوف الطلبات بتكون على كم .....

اعتذر لمسؤولي المنتدى لاني اول مره استخدم هالاسلوب لكن هذا الي بيصير ....

وموعدنا الساعه 8.30

[h2004]

والله انك صادق يابوشهاب

[Alfa_Romuo]

اقولك شي يا اخ نورس

ترى بكره الناقلات بتوصل الخمسين .... لتقول ليش .... ادري ان الي اقوله ضد قوانين المنتدى .... لكن هاي

الي اعرفه ... وقبل لتسوي اي شي .... انتظرالساعه 8.30 وشوف الطلبات بتكون على كم .....

اعتذر لمسؤولي المنتدى لاني اول مره استخدم هالاسلوب لكن هذا الي بيصير ....

وموعدنا الساعه 8.30

بالفعل وصلت اليوم إلى الـ 50 ريال، ونتمنى في القريب العاجل أن تتخطاها وتصبح نقطة دعم قوية لهذا السهم.

[القبقب]

لو لاحظنا تحرك سهم ناقلات وحجم التداول عليه خلال اخر شهر
لادركنا بان هذا السهم قد بدئ بالتحرك والصعودوبقوة غير متوقعة
حيث كان سعره في 32 -35
اما اليوم فهو على باب الخمسين
واتوقع غدا او اول الاسبوع القادم ان يخترق الخمسين وبقوة
اذ ان حجم التداول عليه وتجميعه من قبل المحافظ والمستثمرين سيرفعه وبقوه خلال الفترة القادمة
والله اعلم
كلام سليم جدا

واذا مستثمر طويل الاجل ياخذ وهو مرتاح

[حمد]

طبعا بتسالون شلون عرفت ..... والله ان اول مره اعرف هالطريقه ... وتبون الصج انها احسن من التحليل الفني

واحد من الربع عنده اجنبي يشتغل عنده وهالواحد يعرف واحد في شركة وساطه .... قاله ان الناس

تطلب الناقلات حق بكره على خمسين

بس هاي الي صار

واعتذر لادارة المنتدى مره ثانيه

حمد